تنهيدة قلب ... الجزء الثاني من أسطورتي ..

البارت السادس عشر

اللهم صل على محمد وآل محمد ..❤

❤❤❤❤❤❤❤❤❤❤❤

ْ‏مـنذ أن التـقينا وأنا أسـال نفسي أي عمل صـالح ذاك الـذي كان ثـوابه أنـت؟💚🍁

___________________

بعد عدة أيام ..

جلس عمار فوق كرسي حيدر يُديره يُمنة ويسرة باستمتاع وبجانبه استسلم حيدر مقرّباً كرسياً آخر ليجلس بجانبه واضعاً حاسوبه الشخصي أمامه مُنشعلاً في أعماله ..

هتف عمار بعد لحظات: حيدر ..

همهم حيدر بانشغال ليهتف عمار: إيه رأيك نعمل حاجة نرجّع هارون الفيلا ؟

حيدر: إزاي يا ناصح ؟

اعتدل عمار بجلسته: طب بصلي وركز معايا ..

حيدر: مش فاضيلك ..

عمار بتذمر: يا دردر شوية بس فكر معاياا طيب ..

التفت حيدر نحوه باستنكار: وحضرتك لسا مفكرتش ؟ بقولك إيه فكك مني أنا عندي شغل ومش فاضيلك ..

زم عمار شفتيه متراجعاً بظهره يهز كرسيه بضيق ليهتف: بقولك يا حيدر ..

حيدر بضيق: أمممم ..

عمار: إيه رأيك نعمل حاجة ترجع هارون الفيلا ؟

توقف حيدر عن عمله مقطباً جبينه والتفت نحوه باستنكار ليبتسم عمار ببلاهة: ما تسيب شغلك طيب أنا جاي أتسلا معاك زينو مش بيرضى يكلمني وربيع مع طنط عبير ووسام باباه هيتبرا منه ومسمحلوش يخرج ..

حيدر: أه يعني أنا اللي فاضل لا ياحبيبي أنا يا أكون نمبر ون لأما بلاش ..

عمار بابتسامة: حيدر أنا بحبك أوي ..

ابتسم حيدر هاتفاً: وأنا كمان ..

عمار: وأنت كمان إيه ..؟

رمفه حيدر بغيظ: أنت عايز إيه ..؟

ابتسم عمار معتدلاً بجلسته: حيدر ماتعلّمني كام كلمة حلوة أقولهم للبت روما ..

رفع حيدر حاجبه يُطالعه بصمت ليتوتر عمار هاتفاً: ف في إيه مش أنت عرفت أنها حبيبتي ؟

حيدر بسخرية: أه واللي عرفته كمان أنك مش عايز مين يعلّمك ..

تحمحم عمار يحكّ رأسه بحرج: ماهو أنا كنت بقلد اللي بشوفه في الأفلام بس كله تمثيل أنا عايز حاجة حقيقية مش أنت مجرّب علمني طيب ..

حيدر بتهكم: والله وعرفت مين تسأل ياواد يا عمورة ..

عمار: يعني إيه ؟

حيدر: قولها بحبك وخلاص ..

عمار: طب كلمة حلوة غير دي طيب ..

حيدر: قولها أنتي حلوة ..

عمار: بس كده ..؟

حيدر: قولها حيدر ..