تنهيدة قلب ... الجزء الثاني من أسطورتي ..

البارت الثاني عشر

اللهم صل على محمد وآل محمد ..❤

❤❤❤❤❤❤❤❤❤❤❤❤❤❤

لعل معروفاً صنعتهُ ثُم نسيتهُ مازال يحرُسك مِن ريب الدهرِ "

__________________________

اتكأ عمار على حافة سريره مُجيباً على هاتفه: أيوه ياروما ..

استمع لتنهيدة راحة وصوتها يهتف: الحمدلله كنت فاكراك حيدر حتى لما بعتلي المسج مكنتش مطمّنة .. قولي حصل إيه ؟

عمار: أنا عايز أعرف حصل إيه هو كلّمك ؟

روما: أه كنت برنلك بس لقيته رد عليا وهددني مقربش منك ..

عمار بقلق: بس كده ؟

روما: أه هو قالك إيه ؟

عمار بضيق: مفيش فاكرني لسا بكلّمك ..

همست بأسف: أنا آسفة مكنتش عارفة ..

عمار: كنت ناسي أغيّر أسمك حتى محادثاتنا نسيت أحذفها ..

هتفت بسرعة: أوعى يكون شافها ..

عمار: معرفش بس ممكن لو شافها مكانش سكت وكان عرف كل حاجة ..

روما: خلاص أحذف كل حاجة عندك وأنت لما تعوز تكلمني ابعتلي مسج لازم نتفق على كلمة سر بينا ..

ضحك هاتفاً: باين كده فعلاً .. خلاص أنا هقفل دلوقتي خلي بالك من نفسك وبجد شكرا ..

ضحكت روما هاتفة: يابني أنت هتفضل تشركني لحد إيمتى أهم حاجة أنكم خلاص تصالحتوا ومتسبهوش دلوقتي زعلان علشان ميضيعش تعبنا ع الفاضي ..

عمار: ماشي .. سلام ..

أغلق الهاتف وألقاه فوق سريره متنهداً بقلق وخوف ليعود ويجذب هاتفه يمسح كل شيء يخصّ روما ..

في غرفة جانبية ..

تمدّدت ملك فوق سريرها تنظر لمهرة الجالسة بجانبها بابتسامة واسعة ..

التفتت مهرة نحوه لتهتف بحنان: مالك ..؟

تنهدت ملك هاتفة: فرحانة أووي عشان شوفتك كنتي واحشاني أووي ..

ابتسمت مهرة ومدّت يدها تعبث بخصلات ملك بحنان هامسة: الحمدلله أنك كويسة ..

ملك: مقولتليش عرفتي حمزة إزاي ؟

مهرة: مش أنا قولت كل حاجة قدامهم ..

نفت ملك واعتدلت بجلستها بفضول: بس برضه خليتيني أحكيلك كل حاجة أنا برضه عايزة أعرف عرفتيه إزاي ..

تنهّدت مهرة بشرود هاتفة: ربنا بعته ليا باللحظة المناسبة .. كنت قاعدة ع البار خايفة ومرعوبة بس خوفي عليكي كان أكبر كنت مجبورة .. فجأة شوفته .. قومت من على كرستي وروحتله سمعته بيطلب كوباية ماية ضحكت في نفسي استغربت إزاي حد جاي مكان زي ده بيطلب ماية سمعته بعدها فجأة بيزعق وعايز خمرة ولما أداله الخمرة زقها من قدامه ورجع طلب ماية ..