تنهيدة قلب ... الجزء الثاني من أسطورتي ..

البارت الخامس والعشرون

اللهم صل على محمد وآل محمد ..❤

❤❤❤❤❤❤❤❤❤

من الناس مَن لا تراهم بعينيك، لكن ترى بهم عيناك💚
________________________

نقل الطبيب نظره من الأوراق أمامه إلى وجوه العائلة الشاحبة ودموعهم التي مازالت تملأ عينيهم ليزفر هاتفاً: زي ما قولنا قبل كده العملية ناجحة مية بالمية ..

هتف حمزة: أومال مشافش ليييه المشكلة فييين طيب ؟

هتف الدكتور بعملية: أنا ليا بنتائج الفحص والتحاليل ونتائج العملية وقدامي أهو دي كلها بتقول أن نسبة النجاح مية بالمية ومفيش أي سبب عضوي بالعين أو حتى بالدماغ يمنع عودة البصر .. أنت دكتور يا حمزة وعارف الحاجات دي ..

زفر حمزة بقوة ليهتف هارون بقلق: يعني إيه أنا مش فاهم زين مشافش ليييه وهنعمل إيه دلوقتي ..؟

الطبيب: الإحتمال الأكبر أنها حالة نفسية سبب فقدان الرؤية حالياً هو سبب نفسي مش عضوي ..

زفر هارون بضيق وكأنه لم يُعجبه الكلام ليهتف أدهم بحذر: طيب وإحنا هنعمل إيه حالياً في علاج يقدر يتابعه علشان بصره يرجع ..؟

الدكتور: اعذرني أدهم بيه بس أنا عرفت أنكم حالياً بوضع صعب وممكن ده مأثر عليه ..

سيف: مأثر علينا كلنا بس كمان هو كان متشوق يرجعله بصره وكان عنده أمل ..

الدكتو: وأمله ده وازى خوفه من عدم رجوع بصره وقلقه والضغط اللي هو عايش بيه بالفترة دي وممكن هو ده السبب ..

تنهد متابعاً: عموماً لو تقدروا جيبوه المستشفى هنرجع نعمل تحاليل تاني ونتأكد أكتر .. العلاج مش هيختلف هو نفسه مع قطرة في العين لازم ياخدها بعد ما الشاش اتفك .. وزي ماقولت حالته النفسية مش كويسة يعني الأهم نلعب ع الجانب النفسي عنده وده هيحفّز خلايا مخه وعينيه يرجعلها النور تاني ..

نظر الجميع لبعضهم بقلق ويأس ليهتف الدكتور ناهضاً: حمزة ياريت تجيبه المستشفى بأسرع وقت علشان نتطمن .. الحالات دي بتحصل يا جماعة متقلقوش إن شاء الله هيرجعله بصره لوحده ..

نهض خارجاً من الصالة برفقة حمزة الذي أوصلة لخارج الفيلا ليعود ويجدهم على حالهم وكأنّ اليأس تمكّن منهم بعد كل ما حدث ..

هتف تليد قاطعاً الصمت والبكاء بينهم: معلش هو الوقت مش مناسب بس خربانة وخربانة نخربها أكتر وماله ..

التفت الجميع نحوه باستغراب وهارون بحذر ليهتف تليد: في حاجة لازم تعرفوها ..

التفت نحو مهرة التي شحُب وجهها قبل أن تستطيع الهرب نحو غرفتها ليُتابع تليد: مهرة وملك عارفينها كان لازم يقولوها من مبارح بس سيبتهم يتكلّموا بنفسهم علشان تدوهم فرصة وشكلهم مستغلّوهاش ..