تنهيدة قلب ... الجزء الثاني من أسطورتي ..

البارت الرابع

و َليعلم المُبتلي أنه لم يُبتلى لهوانه على الله ، بلّ لِمَعزّته💚

___________________________________

في اليوم التالي ..

نزلت رحمة درجات السلم بوجه جامد وملابس رسمية سوداء .. ألقت عليهم نظرة جامدة والجميع حول مائدة الإفطار لتتجاهلهم واضعة نظاراتها الشمسية وخرجت من الفيلا بخطوات تطرق الأرضية بكعبها بحدۃ ..

نكز حيدر هارون الجالس قربه ليتحمحم هارون ويردّ له نكزة أقوى .. جز حيدر على أسنانه بغيظ كاتماً تأوه ومد يده يقرصه من خاصرته لتتوسع عيني هارون ويرفع قدمه لينزل بها بكل قوة على قدم حيدر الذي صرخ فجأة لافتاً أنظار الجميع: أاااه يا هارون يابن..

صمت فجأة مُحدقاً بهم ليمسح فوق خصلاته بغيظ وينكز هارون هذه المرة أمام الجميع ليضربه هارون بقبضته بغضب ..

ترك أدهم طعامه بحدة هاتفاً: خلصتوا شغل العيال ده ولّا لسا ؟

زين: هههههه ..

أدهم: زين ..

زين: في إيه دي حاجة تضحّك مش كده ياسيفو ..

سيف: لا بقا مش كده هما بيلعبوا من غيري ..

حيدر بحنق: نلعب إيه ياعمو إيه الكلام ده ..

سيف: يبقى بتتفقوا على حاجة من غيري يا خونة ..

زين: نعمم من غيرنا أنا وسيفووو يا أندال ..

حيدر: م تحترم نفسك يالا ..

هارون: حيدر قولنا إييه ..

حيدر: ما تلمه الأول ..

تأفف هارون وتحمحم معدلاً من بدلته الرسمية العسكرية ونظر لأدهم الذي مازال يرمقهم بحدة ليهتف: إحم عمو كنا عايزينك في موضوع كده ..

رمقهم أدهم بجمود ونهض هاتفاً: وكل ده علشان الموضوع اتفضلوا ..

نهض سيف بسرعة ليهتف أدهم: على فين ..

سيف: جاي أتفضل ..

حيدر: معلش يا سيفو ده موضوع خاص ..

سيف: واد يا دردر يا خاين مش أنا بقولك أسراري ومواضيعي الخاصة ؟

هارون: خلاص ياسيفو هقولك أنا اللي هيحصل متقلقش ..

سبقهم أدهم نحو المكتب ليهتف هارون بفخر: قوم يا بيه ولّا عايز كمان حد يقوّمك ؟

حيدر بغيظ: بقولك إيه مش هنسهالك كسرت رجلي يا حمار ..

هارون: طب أمشي قدامي يلا أنت اللي هتبدأ ..

اتجه حيدر برفقته نحو غرفة المكتب ليدخلوها ناظرين لأدهم الذي جلس فوق كرسيه خلف الطاولة ..

أشار لهم بالجلوس ليتجها جالسين على المقاعد الجلدية أمام الطاولة .. ليهتف أدهم بهدوء: ها عايزين إيه ؟