تنهيدة قلب ... الجزء الثاني من أسطورتي ..

البارت الثاني والثلاثون

اللهم صل على محمد وآل محمد ..❤

❤❤❤❤❤❤❤❤

رُب قدرٍ يُساق إلينا خيراً من ألفِ حُلم💛

________________________

ابتسم تليد ابتسامة واسعة وتراجع بظهره للخلف ناظراً حوله وهتف بهدوء: البيت بتاعكم حلو ذوقك عظيم يا عمو كرم ..

رفع كرم حاجبيه وابتسم هاتفاً: ده من ذوقك ..

رمقه تليد بهدوء وهتف: هي منورة فين ماتيجي تقعد معانا طيب ..

كرم بحذر: وحضرتك عايز منور.. قصدي نوار ليييه ؟!

ابتسم تليد وانحنى بجذعه للأمام هاتفاً بهدوء: بص يا عمو كرم عايزك في موضوع مصيري جداً ..

قطّب كرم جبينه بقوة وهمس: هو إيه ؟

تليد: بس خلي البت منورة تبطل تتصنت علينا ..

قطب كرم جبينه أكثر ناظراً حوله ليعود تليد ويهتف: أقولك خلاص سيبها ..

رمش كرم بعينيه بدهشة وهتف فجأة: أنا مش فاهم حاجة أنت دخلت بيتي إزاي ..؟

تليد بابتسامة: أنت دخلتني شكراً ليك بجد ..

زفر كرم وهتف: ممكن أعرف عايز مني إيه !؟

تليد: أه طبعاً ما أنا هقولك من غير ما تسأل ..

كرم: أتفضل ..

تليد: بص يا عمو أنا هتكلم دوغري كده واسمحلي أقولك يا عمو أصلك هتبقى عمي بإذن الله بعد سنة ..

كرم بحذر: نعم !؟

تليد: هو ده اللي جاييلك فيه هتسمعنى وتفهمني مش كده أنا معنديش حد يفهمني وشكلك يا عمو كده بيقول أنك راجل طيب من ضهر راجل ..

ابتسم كرم فجأة وهتف: ربنا يرحمه ..

تليد: الحاج محمود صح ؟

كرم: أه يابني كان راجل ملوش مثيل ..

تليد: ما حضرتك زيه إن شاء الله ..

اتسعت ابتسامة كرم وهتف: قولي يابني عايز مني إيه !؟

تليد بهدوء: بصراحة كده أنا عارف بنتك وبنتك عارفاني ومقولكش هي بتحبني قد إيه .. قد البحر ..

اختفت ابتسامة كرم فجأة وحلّ محلها البلاهة فيما تابع تليد ناظراً له بهدوء: أنا عايزك تحجزهالي ياعمو علشان متطيرش من إيدي سنة كده إن شاء الله وهخطبها أنت بس احجزهالي ..

ابتلع كرم ريقه ومازالت ملامح البلاهة تعتلي وجهه فيما من أحد الأركان لطمت نوار بنحيب مُستعدة لإنتهاء حياتها اليوم ونظرت لتليد تتأمّله مُودعة ..

هز كرم رأسه ولوح بيده بحذر: ع عيد تاني معلش ..

تليد: عينيا ..