Love In The Clouds | ✔

EPILOUGE

"Oh Carley bumaba ka riyan! Cairo malalaglag ka! Cymon anak sabi ko namang bantayan mo ang mga kapatid mo!" Sigaw ko pagkapasok na pagkapasok ko pa lang ng bahay.

"Mama! Gutom na po ako!" Sigaw ni Carley sabay talon at nagtatakbo palapit sa akin.

"Mama, alam mo po ba, si Cairo sinakal na naman 'yung chicken na inaalagaan ko! He killed my chick again!" Sumbong ng panganay ko at namamartsang lumapit at yumakap sa binti ko.

"No! I didn't kill your chick! Tinuka nya ako! I'm the victim here Mama!" Singhal ni Cairo.

"I saw Kuya Cymon ate Kuya Cairo's fried chicken." Bulong nitong bunso ko na buhat-buhat ko.

"Hays, kayo talagang magkakapatid. Hindi na kayo nagkasundo-sundo." Ibinaba ko na si Carley at isa-isa ko namang pinunasan ang pawis nilang tatlo.

"Nandito ka na pala! Salamat naman! Jusko, malapit na akong magbigti dahil sa kakulitan ng triplets mo!" Agad na reklamo ng pinsan ko na baby sitter nila, si Jillian. "Oo nga pala, may isang manok na naman akong nilibing dahil sinakal ng magaling mong anak. Gusto daw nya ng fried chicken kaya sinikap nyang huliin ang sisiw ng Kuya Cymon nya, ayan, napatay nya eh hindi ko naman pwedeng iluto dahil maliit pa."

Napalingon ako kay Cairo na mukhang guilty at hindi makatingin ng diretso sa akin.

"Totoo ba 'yon anak?" Mahinahong tanong ko para hindi sya matakot.

"But I didn't mean it Mama. Kuya ate my fried chicken so I get mad, I want another fried chicken but we run put of chickens so I tried to steal one of Kuya's pet but I killed the chicken accidentally. Believe me Mama, I didn't mean it..." Maluha-luhang paliwanag nya.

Ito naman palang panganay ko ang may kasalanan eh.

"Osya, magsorry ka na lang sa Kuya mo for accidentally killing his chicken. Ikaw din Cymon, magsorry ka sa kapatid mo dahil kinain mo ang fried chicken nya." pareho kong hinawi ang buhok nila. "And you baby girl, huwag ka na ulit aakyat doon ah, baka malaglag mo ang ashes ni Ate Ayah at Papa mo." Marahan kong pinisil ang pisngi nya.

"Sorry Kuya. Ikaw kasi you ate my chicken, pwede naman tayo share eh kaso inubos mo." Natawa ako bigla sa sinabi ni Cairo.

"Sorry din, hindi ko naman alam na sa'yo 'yon eh. Please don't choke my chickens again, promise?" Sagot ni Cymon na ikinangiti ko.

"Promise!" Pagkatapos noon ay pinagshake hands ko sila. Mabuti na lang talaga at madali silang magkasundo.

"Mama, can I sleep with you?" Paglalambing ni Carley.

"Of course anak, you can sleep with Mama." Ngumiti ako. Sumingit naman bigla ang dalawa kong anak na lalaki.

"Me too!" Sigaw ni Cairo.

"Of course me too!" Sigaw ni Cymon.

"Oo na, mabuti pa kumain na tayo para makapag-shower na kayo at makatulog na, okay?" Sabay-sabay silang tumango at nagkanya-kanya nang akyat sa mga upuan nila.

Ako naman ay ibinaba na lang ang bag ko sa may couch at pinaghanda na sila ng pagkain, nagpaalam na si Jillian na uuwi na sya dahil 6AM to 6PM lang naman sya magbabantay sa triplets ko. Magbubukas ako ng shop 5 ng umaga at uuwi ako ay 5 ng hapon, nakakarating ako sa bahay ng 5:30 kung walang traffic pero kapag meron ay minsan alas sais na akong nakakauwi.

"Mama, we have a family program sa school po. Pupunta ka po ba?" Panimula ni Cymon. Oo nga pala, may pa-program na ganon ang mga grade two.