MASIFAFFAN NAMIJI..!

034

*MASIFAFFAN NAMIJI..!*

*Wattpad:JamilaUmar351*
*Mallakar:Janafty💞*

*Dedicated To:My Habibaty💞 Aisha Idris Abdullahi..*!

_Wannan shafin Zai Tafi ne kai Tsaye zuwa ga Tauraruwata Cikin Taurari Wato Sisinah *AISHA ALTO..* Hakika ke din ta Dabamce Kin Gama Sangartani kin gama Gatantani,Na yarda Labarin Masifaffan Namiji nawa ne, kuma Ni nake Rubutashi Da Hannuna ammh kuma Ina so kowa ya sani kuma ya Shaida Ba Domin ita ba da bazai Taba kai muku Inda kuke ba har ku karanta Ta Dauki Nauyin Yimin posting aduk Lokacin dana Gama Typing,Tace Sisinah ki kwanta ki Huta zan Miki posting baki Da Damuwa,Hakika Kirkinta gareni Ya wuce mai karatu ya kwatatanta bani da bakin da zan mata Godiya ko na Biyata ga alherinta gareni Sai dai Na Cigaba da Rokon Allah a Duk inda Take ya Tsareta ya Jibanci lamarinta Allah ya bata Miji nagari mai sonta mai kaunarta In Ta Tara Zuru"a Allah ya Tsare mata su,Allah ya bata aljannah Firdausi Allah ya Shayar da ita Ruwansa na *ALKHAUSAR*..! Alherin Allah da Fadadarsa tare da Rahamarsa ya Cigaba da Bibiyarta har Karshen Numfashinta Zuciyata Tana Girmama Alherinta gareni Ina kuma Fata Da Rokon Duk wanda ya karanta Page din nan Zai Cike Tagging Dinsa da *AMEEN* Da Capital Letter..._

*034*

"Hafsah na Ciki Tana Jinsu Duk Mganar da sukayi da Subai Tana Jinsa yana Tambayanta da amsan da Subai ta bashi Dama Tana Zaune Gefen gado ne, da Katon Cikinta agaba kwata kwata bata da karfin gwiwan kallon Abdullahi cikin kayan Angwanci Kuma wai da sunan zai mata Sallama zuwa Dakin Amarya Zuciyarta bazata Dauka ba,Tana Jin Tahowarsa zuwa Cikin Bedroom din Tayi Zumbur ta kwanta ta lumshe ido kamar mai Barci nan kuwa Zuciyarta ne da Kirjinta ke wani Lugude wanda wannan Abun Shi ake Kira Kishi kumallon Mata.

Yana Shigowa Cikin Bedroom Din da Sallama ya Hangeta kwance Tunda Akwai Wutar Nepa Lokacin,Mamaki ya kamashi Ganinta kwance acikin yanayi na kamar bata Shirya kwanciyar ba Har gabanta ya karisa yana kallonta,Dukawa yayi a Gabanta yana Kiran Sunanta Cikin Rada Rada Ammh Hafsah Taki Ko Motsi Kura mata Ido Yayi sai ya Fahimci gashin Idanuwanta na Motsi Sai lokacin ya Fahimci ba Barci take ba kawai Shine bata san gani ko kuma Haduwa Dashi,Dama ko na Kiran Waya Jikinsa ya bashi Tana ganin Kiran Nashi Ra"ayin Dauka ne batayi ba kuma Tsakani ga Allah Ranshi ya baci kawai ya Danne ne ganin Halin da ake Ciki yanzu yana Mgana sai ta Fassarashi ta wata Hanyar,Na Biyu kuma Tana da Lalura Ko bakomai Tana Bukatar a Daga mata kafa Ta samu Allah ya Sauketa lafiya.

Mikewa yayi Lokaci Daya yana Sakin Ajiyar Zuciya Zaman Babban Rigansa ya gyara Lokaci Daya ya Saka Hannunsa Guda Daya ya gyara mata zaman kanta Saman Filo da bata kwanta Daidai ba Yaja Blanket Dake Gefenta ya Rufe mata kafarta,Kana ya Shafi Fuskarta yana Fadin"Wai Hafsatun Abdullahi Da kanta Take gudun ganin Mijinta Abdullahi..? Ina Fatan Kiyi Barci Cikin kwanciyar Hankali mai Cike da mafarkina Matata.."!

Sanda ya Fadi haka sai da Bakinta ya Tura Hawaye suka kara Cika mata Ido Wato Tayi mafarkinsa Gata yar iska Shi yana chan yana Holewa da amaryansa,juyawa yayi ya kama Hanyar Fita kafin ya Fita sai da ya Rage mata Gudun Fanka kana ya Fice Daga Bedroom din Idanuwanta ta Ware tana Bin Bayansa da kallo kafin Hawayen Datake ta Dannewa su Zubo Wani kuka Taji yana Kokarin Fitowa Daga kasan Ranta yasa ta Danne Bakinta Jin Har yanzu bata ji Ficewarsa Daga Dakin nata ba.

Yana Fitowa Falo ya Shiga kwalama Subai Kira Waya Take da Mahmud ta yanke da Sauri ta Fito Tana Saka Dankwalin kanta,Dayar ledan Dake Hannunsa ya mika mata yana Fadin"Ki Diba kici in kina Bukata Sauran kuma ki sakama Hafsah da yara a Fridge Zuwa gobe kar ya Lalace.."Subai bata ja wata mgana tace toh Ta karba Ya juya yana Cema ta sai da Safe tace Allah tashesu lafiya sai da ya Fice kana ta Bude ledan kaji ne guda Biyu sai Madaran Hollandian masu Sanyi manyan guda Biyu baki Tatabe kawai batare da Tayi mgana Ba Fita Tayi Waje Lokaci Daya tana kai Duba zuwa ga Dakin Barkat din Taji Abdullahi Bayan ya Shiga yana saka ma Kofar key,Baki ta Rike aranta tana Fadin Shagali,Kafin ta wuce Kitchen ledan gabadaya ta Saka Cikin Fridge,Ta Rufe tana kara Bin Kitchen din da Kallo Tana Tabe baki ganin yadda yan"uwan Barkat sukayi Ta salo Wajen Danka kayan Kitchen din kamar sun Samu wani Falo..