Bisaya Stories

BISAYA 026

Naa diay mi karon sa terminal sa mga v-hire or van, ganahan man daw silang Mama og ing-ani kay dali raw daw maabot sa among kapadulnganan.

Naa mi sa mga lingkuranan gapungko while ga hulat.

Nganong wala may v-hire nga naa diri sa terminal?

Mag yawyaw na unta ko pero naay naabot nga v-hire nga na jaw drop ko. Ka lig-ona og ka nindot sa van ba.

Dali-dali dayun mi nilang Mama og sakay, kasabay ang 10 ka tawo. So dapit mi sa pultahan sa van ni sakay, og hastang inita sa sulod. Way aircon? Peke man ata ni ba.

Hangtod napuno ang Van, nagkainit gyud ang sulod. Nilarga na sab, og mura og gibarina ang kadalanan aning van nga among gisakyan.

Kay ngano? Ga untol-untol mi bisan hapsay kaayo ang dalan ba kay semento. Kagubaon man ata ni, niya mura sab og ulod ang pagdagan.

Nakadungog kog naay nanawag sa luyo, naminaw sab ko.

“Ah, oo. Nindot kaayo ang Van nga among gisakyan. Oo, tugnaw kaayo. Ga kurog-kurog kos katugnaw maong murag ga untol-untol akong tingog.” Nagpugong-pugong rakos akong katawa og nilingi dapit sa driver nga hastang isuga nas nawong. Gingisihan ra siya sa baye nga naay katawag.

Ni ring sab akong cellphone og maong ako sab gitubag. Si ate raba ang kabalo, di sab ko palupig.

“Oh?” Tubag nako, sa pikas linya.

“Unsa man na, murag ga untol-untol man nang imong tingog?” Pangutana sa akong ig-agaw sa pikas linya.

“Ah, kuan. Gibarina sa among van nga gisakyang ang hapsay nga dalan.”

Tungod sa akong gisulti ganiha gipanaog mis driver isog kaayo siya. Pero wakoy labot if panaugon mi niya kay naa namis amo.

“Naog mo, sige lang mog panaway!” Isog kaayo niya nga sulti og ako gakatawa kay pagkanaog namo.

Nahulog ang pultahan sa van.

Unsa man na uy, kabungkagon.

“Kabungkagon imong Van kol!” Syagit pa nako og nidagan na padulong sa amo.

Magkatawa man ko atong van-a ba, HAHAHA.