الحلقة 65أعمل جام قبل ما تبدا ... مودي (محمودي ) ...مودي .... أوووووه ... موووووودي- ....محمود راقد في سابع نومة ... ميت بالتعب ... عدا لليلة كاملة يخدم .. و كمل مشا حضر لإجتماع مع الثمنية متع الصباح ... كملو و رجع طول للقصر باش يرتح شويا ... ... راقد و يحس كان في يدين صغيرين على وجهو ... هههه صويبعات داخلين في وسط عينو و يحاولو يحلوهم بالسيف ... تجبدلو في شعرو و مصرة باش تفيقو ..محمود تبسم و طفاها ... و لجين تحمصت ... نزلت على خشمو و ڨدمتو بالقوييييي... ..يحس كان في عضة قوية يبستو مش لعب ...و وقتها محمود حل عيونو بالسيف ... يلقا قدامو لجين لابسة و محضرة روحها و كيف العادة شادة صباطها في يدها ... تبسم... هزها بكلها و حطها فوق كرشو ... هز شاف الوقت يلقاها 14h . .- شنية للا ... علاش جاية تفيق فيا إنت توا .. وتعض من فوق كيفك كيف الفار بالضبط...آش حاشتك عندي ... يحكي معاها و مركز في كل تصرفاتها ... ههههه ... هالطفلة تصلح تكون ممثلة بارعة ... غرست وجها بين يديها و عملت روحها تبكي باش حالها يسخفو ... تعرف محمود ما يسخاش بيها ... وين تحب تعمل حكاية تمشي تتمسكنلو و هو ينفذ بالوقت .. يعرفها لفعة .ههههه ... أما ياخذ بخاطرها ... - خلاوني مودي ... خلاوني و مساو (مشاو ) ... هههه محمود مسكين شد روحو باش ما يضحكش ... عرفها تمثل أما حس الموضوع جدي شويا ... بالنسبة للجين أقتلها .. أضربها .. أما ما تفصعش عليها هنههه... والله تقيم الدنيا و تقعدها و تحل فيهم فارعة .. ضيق عيونو و عمل روحو مركز معاها ... - شكون هاذم لي مشاو !!! ... - بتلهم (بكلهم ) ... شدتو الضحكة عالأخر و بدا يدكك عليها .. - يا بنتي صلي على نبي قالو بتلهم ... ملا أنا شنعمل هوني ههه - تي لا نكصد (نقصد ).. الملاوات بتلهم (النساء بكلهم) هز حواجبو الإثنين - سمحني و إنت حاسبة روحك تابعة المراوات !!! هههه قحرتلو و عيونها تعباو بالدموع .. أما المرة هذي دموع حقيقية .. -( ملا (مرا ) حتى أنا ... حتى أنا حب امسي (نحب نمشي .. قلبت شفايفها و جات باش تبكي ... و محمود طول نقض الموقف و تكلم .. - من غير بكا عادا ... خلينا صحاب و فهمني الحكاية من الأول .. عيونها لمعت لمعة إنتصار .. تلفتت تحكي معاه و تحاول تشرحلو موقفها ..بيديها الصغرونين - ديما إكزبو (يكذبو ) عليا .. سمعتهم إحكيو
