ضاد و عين

✏️💬📢

مررتم حباً .. واهلاً لنجوم كان جمعهم ليس بسهلاً ...

♥️♥️
هذا البارت للتواصل والنقاش ..

♥️♥️

اني احس بشي متغير هاي المره بنشر القصه
يعني .. احس اكو فد فقره مفتقديها ..
ماعرف شنو اوصفه بالضبط بس هو مو مثل الي كلنا تعودنا عليه ..

يمكن برود عمر اثر علينا 😄 وخلانا نبعث لبعضنا نفس الشعور البارد ..

اني اجيت اصارحكم بكم شغله ..
يجوز تضحكون عليها بس يلا عادي
وانتو هم اكتبولي هنا الي يجي بالكم ..

' اني ناسيه عندي قصه انشرها '
لان ماكو احد يضغط عليه واشوفه لاحكني بكل البرامج 😂
فمااااخذه راااحتي ...

اني من طبعي انام هواي .. جنت هذيج الفتره الي قبل ماانزل القصه ماخذه ريست
كارثي ..
حتى فشله احجي شلونه 😄
بس المهم ..
جنت اكتب براحتي واسهر والتلفون عايفته
كل وكتي بالابتوب..
شصار هسه اني تعودت ...
بعدني بطريقتي الكارثيه اكتب بارتات
واخزنهن واروح انااام واني ناسيه ورايه نشر
لان من افتح تلفوني مالكى احد باله عليهن
ولا ذاك الاهتمام بالموضوع فاني هم صرت انسى مره ..ومره اكول بس هاي السطرين
ومره تطلعلي عطلات تنشف دمي ..
وهكذا مشت الايام ..

صح هو اعتراف تافه بس حتى ماجذب عليكم واطلع اعذار من جوه الكاع ..

الشغله الثانيه ...
اني مفتقدتكم والله...
بالاخص اكو كم بنيه شكد دورتهن اليوم بالتعليقات ومالكيتهن ..
كم وحده هنه يعرفن نفسهن متونسين
كلش قبل والكاهن بكل برنامج
صدقا حيل مشتاقه لسوالفهن ..

الشغله الثالثه ..
اعترفلكم اني بموقف محرج
كدام ' الجبوريه '
تعاتبني ليش ' ريري بالج جان كله وياهه واني مسويتني جفيان شر '

صراحه اني منطيه كل فكري الها
ومتأثره بيها حيل بس شنو الي تغير يمها
مادري !!
ماعرف يعني وين غلطت وياها
واتمنى لو توضحون انتو الخلل وين
لان احنه مدنتفاهم حالياً ..

لهنا خلصت الاعترافات..
بس احجيلكم غير شغلات ممتناقشين عليها ..

' القصه.. بعدها مثل ماكالت فد وحده
' مقبلات '

حجيتلكم بالبدايه .. الاحداث بشكل نوافذ
كل شي ياخذ كفايته من نافذته يلا يعبر للثاني
..
فالصدك الصدك راح يبدي من هسه ..
هذا كله حتى تتكونلكم صوره واضحه
عن زوايا الموضوع...

'

اما اذا تسألون شنو موضوع القصه !
اجاوبكم ...
القشره شي واللبه شي ثاني ...
( لبه الموضوع انتو راح تحجوها بالاخير من كل شي يصير واضح راح تكتبون كذا وكذا بعد ميصير )

وللعلم القصه مو طويله يعني ماتوصل
٥٠او ٦٠بارت لاا .. اني دا اخلي البارت اطول حد ممكن واكثر احداث حتى ميصير ملل بالتأخير للختام ..

والنشر بنات كالو نريده عصر او بالليل
لذلك يكونلهم مثل مارادو ..
ويبقى بين يوم ويوم ..

اتمنى نتناقش هنا كل فتره على اي تفصيل يصير بي استفسار ..

💜🌿
Zoka