ضاد و عين

٤١

Adzzon

صار وكت العرس
..
اتفقنا على ان العرس يكون بسيط وبيناتنا
حنه مشتركه النه بالشقه .. والزفه للفندق وثاني
يوم نطلع لاربيل

اني جانت عندي حساسيه  بهالايام ..
جلال مشتري  لامي ماعون كشري بالعدس المحمر
ومخلين عليه صلصه اني عبالي مثل مركه شويه
راشين عليه
واجيت اكلت ويه امي .. طلعت هاي  ' شطه  '
اول خاشوكتين اكلتها زينه يعني بيها حروره بس طيبه
بعدين صارت تجووي

عفته وكمت غسلت ..
وره دقايق شفايفي نفخت من الحراره ..
وكم ساعه صارت ايدي طكع حمره  وركبتي
وعلى خدودي طكع حمر وتحكني ..

ضليت ابردها بالثلج  عبالي تهدا وماكو ..
تحملتها اول يوم بعد ثاني يوم مكدرت ...
خابرت عمر وهو كالي راح اجيبلج عصارات من الصيدلية..
وجابهن العصر وياهه شريط حبوب حساسيه ..
اخذتهن والله شويه هدات الحكه ..
بس بقت ايدي مطكعه وشفايفي مورمه
..
امي عدها دوام ودتتاخر يلا ترجع
وصت عمر ياخذني للدكتور ..
..
هو اول مره كال ' اي باجر اخذج '
ثاني يوم من خابرته كالي ...

- خلي نأجلهه روحه الدكتور اليوم
مالحك اجيج
وتصير طلعتنه المغربيه منلحك على العياده
باجر اتفرغلج

كلتله ' ماشي براحتك  ' بس اني جنت متخوفه من حساسيتي هيج.
وموعد العرس مبقى كم يوم
فخابرت امي كلتلها انتظرج تاخذيني ؟
كالت لا اتاخر ..
خابري جلال ياخذج هو ماعنده شي
خابرته وهو كالي  ' بس مسافه الطريق واني يمج ' 

بدلت ودزيت رساله لعمر انطيته خبر راح اطلع
لان هو ميجاوب اتصالي ..

رحت للدكتور وهو  انطاني ابره وسوالي مرهم
رجعت للشقه .. منعسه فدمره منتهيه عيوني قافله
نمت بملابسي ..

كعدني عمر بالليل يسالني شلون صرت وطمنته زينه
كالي لازم اروح اشوفج باجر ..
وطلع بسرعه ..

ثاني يوم اخابر اخابر ميجاوب ..
خابرت مصطفى كالي احنه بالمحل وتلفون مسمعناه يدك ..

انتظرت لما خابرني عمر ..
وهنا كالي ..
- للاي شتكولين   نأجل العرس شويه ؟

تفاجات وكبل كلتله ..
-ليش نأجل. !

هو صار يحجيلي..
-  حبيبتي فلوس ماكو هسه
صار عدنا ضغط بالشغل هنا والي جوه ايدي صرفتهن مسواك محل
اصبريلي شغله اسبوعين مو اكثر
اجمع فلوسي ان شاء الله و احسن عرس اسويلج

تنرفزت كوولش ... كلتله..
- عمر يعني مو مثبتين موعد
انته ليش تصرف فلوسك
هسه المحل طاير !
مسواك المحل ميطلع الا من فلوس العرس !