ضاد و عين

٤

ضـاد و عــيـن
💯
•••• ••••

Adzzon
​
طلعت بساع وركعت الباب .. ودمي يفور فور .. بس كلت والله مااعديهه الك ياعمر ..

رحت صعدت للبيتونه وخابرت عمي ... من جاوبني صرت احجيله بحركة كلب وبجي ...
- ترضااهه عمي ترضاهه ابنك يطردني من البيت ويسب باهلي ترضاهه !!

- عمي صلي على النبي و تفاهمو تفاهمو

- مااااتفاهم وياه ولا اضل هنا بيتكم بعد .. هسه يوصلون اهلي واكعد احجليهم كلشي سوااه ابنكم بيه وارجع وياهم لبيتي يم اخوتي هناك يداروني ويحترموني ومحد منهم يرررفع صوووته عليه مو عبالكم ماخذيني من الشارع لابيت يلمني ولا ورايه ظهر وابنكم يعيل بيه بكيفه ويسب ويفشر عليه

ماانطيته مجال يحجي وهو يكلي ..
- مشيها يابه مشيها واني بس يطلعون العالم اطيحلج حظه

- والله ولااا اسكت وامشيها هيج شنو شجابرني عليه .. ابنكم ميريدني كوه هي ! ارجع ويه اهلي وهسه اروح انزع ثوبي والبس دشداشتي وبطرك عباتي اطلع وياهم كشااايه مااخذ من الجبتوه ... اني هيج يسوي بيه بعدلي سبع أيام وياااه وضيم وضلايم شوفني هاي لو ابقى وياه فد شهر شهرين النوب شيسوي بيه !!!

- عمي لخاطري واني بحسبة ابوج ولخاطر شيبتي ستريها ومشيهه اليوم وباجر بيج خير وتدللين

- خاطرك على راسي عمي بس اني مااسكت على اليسويه بيه .. كلتو رجال عنودي ويحب نفسه ويريد دلال وعيني وكلبي وماقصرت وياه يجي هسه علمود جماااااعته وطلعتهم يسب بيه ويطردني وينزل عليه دك فشار وصياح !

- شبيهم جماعته ! شسوو شسامعه عليهم !

- عمييي حركوو لتلفونه حرك ويريدوه يطلع وياهم هسه .. ترضاهه عمي اني بيوم سبعتي ومتمكيجه ولابسه واهلي على جيه والكرابه كلها ملتمه وهو يعوفني ويطلع لجماعته ! صايره دايره هاي بس فهمني عمي بحظك وبختك ترضاهه على بنتك هيج رجلهه يسوي بيهه كدام العالم

- استغفر الله استغفر الله ... عمي روحي تلكي اهلج و السالفه هاي ماااااتطلع واذا تريدين خاطري وتحفظين ماي وجهي كدام العالم تسكتين وتخلينهه منسيه

- عمي وعمر شلون بي ! يضل هيج عايفني وحاير بجماعته

- عوفيه عليه اااني هسه اخابره واتفاهم ويااه بس انتي عمي مثل ماوصيتج حجااايه ماتطلع من السمعته

- هاااي لخاطرك عمي لخااطرك راح اسكت واكف الشر الا اني كلت بس اتلكى امي احجيلهه وحتى كعده ماخليهم يكعدون
- كولي يالله كولي يالله