ضاد و عين

٤٩

ضاد و عين
💯
•••• ••••

Adzzon

البيت فارغ ..
مرت ابويه رجعنا مالكيناهه .. وابويه ما اهتم ولا خابرهه
عافني وطلع لمحله ..

اني غفيت شويه وكعدتني هوسه النسوان هنا بغرفتي
..
نسوان اثنين يم جربايتي ..
وحده منهن تجر بيه حتى اكوم  وحجيها كله بمسبه ..
والثانيه لازمه بمرت ابيه وتهدي بيها تريد توخرها عني ..
اريد افتهم شكو ! .. ماينطن مجال .. بس صياح بهوسه وخبصه كلبنهه عليه ..

مرت ابويه تخابر ابويه وتريده يجي للبيت هسه بسرعه ..
وترجع تحجي عليه  و تتوعدلي ..
اني بس اتصفن بالوجوه .. كلشي مافاهمه ..
كلت خاف اخويه بي شي وذبوهه براسي ..
باوعتله من باب الغرفه وشفته
كاعد وعين الله عليه بيده جبس ودياكل ..

رجعت عليهن بس كلت ( شبيجن شكو ! )
جان مرت ابويه تهجم عليه تلزمني من ركبتي ..
وتغلط مابقت كلمه محجتها ..
اريد اخلص منها هي ضخمه وذابه كل جسمها عليه  ماكدرلها ..
وحده من النسوان كامت تجر بيها مني وهاي تصيح
( عوفيني اموتهه واخلص منهه )

لحد ما اجه ابويه وهي تزيد وتعلي بصوتها كدامه ..
اني وكفت وره ظهر ابويه واكح ..
هو صيح عليهه حتى تسكت وتحجي بهدوء شنو الصاير ..

كالت ..
( من اكلك بنتك متوب .. متكعد راحه .. تكلي عوفيهه بعدهه مراهقه )

ابويه جرني من راسي ويكولي ( شمسويه ! )
كلتله . .
- والله جنت نايمه كلشي ممسويه .. انته طلعت اني اجيت غفيتلي ساعه  يمكن وهنه كعدني بهوستهن

مرت ابويه كامت تحرك ايدهه بعصبيه .
وبدت تعد وتصف ..
ومن بين حجيها ..
( ام الزلم .. مسويه البيت مكوده .. واحد رايح واحد جاي .. وتحلف الله نايمه .. نااايمه بيا حضن  .. ولج مو طلع يركض بطرك ثوبه .. عمياان وتضمضميهه علينه ! )

ابويه سمع هيج تخبببل ..
وهي ضلت تشهد هذني النسوان وتكول
..
- انه كاعده ويه المره بيتها وسالفه جابتنا سالفه ودتنا ماحسيت بالوكت .. مرت أبو جاسم اجتي عليهم تريد تمد الصونده من بيتهم ترس سطوله الماي ماعدهم ماي ..
شافتني كالت دكيت بابكم محد طلع مادري بيج هنايه .. عاد انه كلتلهه امشي وياي للبيت امدلج  الصونده اكربلج

ولني اجيت واسمعلك الكهكهه من الباب ..
كلت هاي لبنى هاي تضحك بعلو صوتهه!! شعجب !؟
واعوفلك المره وامشي جوه ..
همه سمعو الباب نفتحت وصارولك مطافر ..
هااي هااي جنيه مو بنيه هاااي ..
حطت راسهه على مخدتهه ودثرت ..
وهذاك الاصيفر  شليع شليع للسطح  ..
وهاااي المره تشهد .. 
كدااااام عينهاااا كلشي صار ..
انه ركضت وراه للسطح و ادور ادور ماهوه  ..
والمره وياي دور وتباوع للسطوح ..
هو جنه فص ملح وذاب ..
طار طير من أيدينا 
هم كول انه اتبلى عليهه !