ضاد و عين
💯
•••• ••••Adzzon
بنفس النظره للسكف تمشي بيه الساعات ..
احس كأني صرت محبوسه بأمر الطائفيه .أيام عشتها بالقلق من المجهول ..
عزلوني عن كلشي ..
كل الأمور بيدهم .. وبلحظه الي سيطرو ..
فتحولي الباب . .مرت ابويه هي اجتي اخذتني للهول لان يريدوني هناك ..
لكيت ابويه و مصعب و عمي أبو علي واثنين من ولده كاعدين هنا ..
ابويه اشرلي حتى اجي اكعد يمه ..
كعدت وهو بنبره صوت هادئه كالي ..- الحمدلله مشاكلنا ويه السنه فضيناهه اليوم ..
بعد لا نذكرهم و لايذكروناباوعت لمصعب ونظرته ماطمنتني .. باوعت لمرت ابويه تضحك متشمته ..
عمي أبو علي نافخ صدره ويفر بسبحته وبالايد الثانيه جكارته ..
رجعت باوعت لابويه
وهو كالي ..- عمر طلكج
لحظة صمت مرت على عقلي من سمعته ..
ابويه رفع صوته وكالي ..- نيشانج حضري حتى ولد عمج يوصلوه الهم و نسد بابهم بعد
اني هنا ضحكت وكلتله ( ايي )
ماصدكت بكلامه ولا ناقشته ..
ابويه كالي .- كومي يلا جيبي الذهب حتى نخلص منه بنفس اليوم
هم ضحكت وكلتله
..
- يا ذهب ماعندي ذهب انيمرت ابويه بعلو صوتها كالت
..
- ولج مو صرة ذهب مشدشده هالكبرهه عندجكلتلهه ..
- يلا لعد امشي جيبيها مدامج شايفتهه وتندلين مكانهههي بعصبيه اجتي عليه وتكولي ..
- انتي تبقين شي كله عبيتي بجنطتج وطلعتي مدري وين تضمضمين بيابويه سالني بعصبيه عن نيشاني وكلتله
..
- كلشي ماعندي لا ذهب و لا فلوس نيشان
اثنينهم نكلبو اعصااب عليه .. واني بقيت هادئه ..
اخر شي عمي أبو علي كال ..- خلهه خلهه , تاليها اهل الولد يجون يدكون بابكم يردون نيشانهم وهي تنطي الهم
اني ابتسمتله وتجتفت .. كلتله
..
- أي ان شااءاللهابويه بعصبيه كالي ..
- امشي لمي غراضج يلا ترحين تكعدين بيت امجببرود كلتله
..
- و بيت ابويه المن اعوفه !
هو بقى ساكت .. ومرته تكولي
- ابوج بزع منج انتي شبيج لاطشه نفسج بيته !
BINABASA MO ANG
ضاد و عين
Romance💯🤍 لمن يَـنظر وصفاً .. انا ' adzzon' هنا عندي جناحين و امل .. عندك سماء ؟ ♾✍🏽