ضاد و عين

١٧

ضاد و عين
💯
••••                                    ••••

Adzzon

خفت احجي .. ضليت ساكته ورحت يم الحايط وكفت خايفه..
وهو اشوفه يتحرك بالطرمه ..
صرت امشي واتلمس بالحايط شويه شويه وصلت يم الباب
انداريت فتحتها بسرعه وهو لزمني
واني صرت ادفر بالباب ..
هو ساد حلكي و مجتفني ..

جرني جوه للبيت واني بس ابجي ورجليه بعد متشيلني ... صرت اكمبص بالكاع واجر بايده من حلكي وهو يسحبني من بطني ..

خلاني بالمطبخ وجهي على الحايط ..
اعيط وهو يشك ثوبي من الظهر بسجينه
جرحت ظهري ..

حول سجينه على ركبتي ويكولي ..
' اشش'
بس اني ماسكتت بقيت اعيط بعلو صوتي
وهو يضرب براسي بالحايط وبالسجين
جرحني بجتفي ...

اخذني ساد حلكي ومشى جوه شمرني على جربايه و راح ..

كمت واني اشوف كلشي مغوش .. مثل ضباب وصاير على عيني ..

ضليت اريد افتح باب الغرفه وهو قافله من بره ..
بقيت اصيح واضرب بالباب ..
هو ماكو صوته ..

رحت على الشباك فتحته وكمت اصيح
بلكت واحد من المنطقه يسمعني ويجيني

شويه و سمعت صوت ولد يصيح من الطرمه
' وين انتي وييين '

ضليت اصيح ' بالغرفه مقفول الباب '

ورحت دامشي للباب وانضربت بركبتي بخشبه الجربايه ...

ضليت كاعده بمكاني و هو من بره يفتح الباب
واني على الجربايه كاعده وابجي ...

فتح الباب ودخل .. يفتر كدامي وساكت
اني كلتله...
' انتتتتته منووو '

هو بسرعه كال ..
- عمر  .. عمر

اني على بجية الوحده ما سكتت
وهو مدري شلبسني ويرفع بايدي يدخلهه بالردان ..

بعدين كالي ..
- شفتي الحرامي بس كليلي من منطقتنا هو!

اني صيحت عليه ..
- مااااشوف اني ماااشوووف
عيوني مغوشه مااشوف

هو كلي ..
- مصطفى راح وراه بالسطح هسه
يلزمه و نحطه بنص الشارع نكتله

ضليت ابجي واكوله ...
- اريد امي
مامااا جيبلي امي اريد اااامي اريد اممممي

بقيت ابجي وهو جر ايدي .. عيطت ودفعته
كالي ..
- امشي اغسلج

ما قبلت اكوم .. ولا بيه حيل امشي خطوه
وحده ...
بقيت امسح بوجهي واتشاهك ..