ضــاد و عيــن
••• •••💯💯
Adzzon
طلعنا نركض ونشوفهم نزلو كلهم من السيارات ..
و مصطفى اولهم ..عمر شمر سلاحه بالكاع وركض لمصطفى تحاضنو الا ماصارو متلفلفين واحد على الثاني ..
رسلان راحت عليهم حضنتهم اثنينهم وصوت بجيها كلنه نسمعه .
ادور على ام مصطفى وينها شو عايفه ابنها ! جان اشوف عمو شامخ حاضنها يم السياره ..اني واكفه يم امي ونضحك جان يجيني جلال يكمز على ظهري ويعيط باذني ..
- ولج ناسيتني ولج بذااااتحضنت راسه بفرحه واصيحله .
- جلااااله
- باااع الصوووت خررب بعممميمن فرحتي بي كل شويه احضنه واكرص بوجهه وهو يخرب ضحك ويضربني على ظهري ويجر بشعري يخلي على خشمه يصيح ..
- افييييش ريحه نظافه- ههه انته هم ريحتتتك تجنن مبين ساابح اليوم
- من الصبببح سبحت من الصبببح المع المممع اليوم
- شنوو الجماال شنو الريحه اووف اووف جلاله
شطاالع عيني شطاالع تجننهو ضل يحرك بحواجبه ويعدل بشعره واني رفعت رجليه شويه وشاورته ..
- شسويت شسوويت ؟لزم ايدي وخلاهه وره ركبته وكالي..
- امشي احجيلج شسوويت لعبت فلك بيهموخرت منه وكلتله ..
- دوكف خلي اسلم على مصطفىرحت لحكت امي جانت يم مصطفى وعمر ..
اول ماشافني مصطفى واني متجهه اله داسلم عليه هو عافهم كلهم واجاني فاتح ايده ويصيحلي ...- يولي يولي كبرانه يولي
وكفت كولش قريب منه ومبتسمه وأريد امد ايدي اسلم عليه واتردد ارجعهه .. هو هم يرفع ايده يمسح وجهه ويرجع يريد يسلم ويضل يضحك ..
كلتله بضحكه ..
- طولان هوايهو رجع راسه ليوره وضحك بعلو صوته واني ضحكت واباوع لجلال واكف بس يتثاوب .. تحمدتله بالسلامه بعدين
مصطفى دنك شاورني ..- جايبلج هديه هنا بجيب الدشداشه هسه مو ابدل انتي اخذيهه وحدج لاتكولين لاحد هاي مني زين
اشرتله ' أي ' بحماس وابتسامه .. بعدين رحت اتمشى لجلال وعفتهم كلهم مخبوصين ويه مصطفى ..
كرصت وجهه واحنه نمشي لجوه ..
كلتله ..
- نعوووسهو عافني وراح ذب نفسه بالكاع يم شباك المطبخ وكالي ..
- باجر باجر اسولفلج خلي انااام
YOU ARE READING
ضاد و عين
Romance💯🤍 لمن يَـنظر وصفاً .. انا ' adzzon' هنا عندي جناحين و امل .. عندك سماء ؟ ♾✍🏽