Magique Fortress - Published under PSICOM (Diamond Series #2)

Chapter 7 - Touch

WarningSaMgaBata: Sobrang S-P-G.

Joke lang. Hahaha!

Vote, comment, love. Happy happy tayo mga ka-Fortress. (nye)
==========

Chapter Seven

Touch

Hinawakan sa braso ni Yuan, "Aalis ka agad? Sabay na tayo." Tsaka siya ngumiti sa'kin. Hindi na ako nakapagpaliwanag na nakita ko si Val. Ito talagang gwapong 'to, makangiti wagas. Haaay.

Nang nakuha na nila ang mga gamit nila sabay-sabay na kaming tumungo sa Gemlack Building.

Pagpasok doon ay nakakatindig balahibo. May kakaibang aura pala sa bawat building. Sa Gemthell Tower, namangha ako. Pero dito, kinilabutan ako. Siguro ay dahil dark ang theme dito at nakakatakot ang ambiance. Naalala kong Black wiz and guardians nga pala ang Gemlacks. Halos lahat ay puro black, gray, at iba-ibang shades ng black. Black diamonds, very elegant naman ang dating kahit papaano.

Umakyat na kami sa first floor dahil doon ang Rooms A to E. Ang first and second floor ay para sa Nix levels. Ang third floor na rooms K to O at fourth floor rooms P to T naman ay para sa mga Cryst levels. And as for Walt levels, wala pang nagiging Walt level student dito sa university sabi sa amin. Mga professor at batikang salamangkero pa lang ang Walt levels.

Pagpasok namin sa Room C, may karamihan rin pala ang mga upuan. Estima ko ay nasa mga 25 to 30 siguro kami.

Nakita ko agad si Val na nakaupo sa dulong row at kumakain. Nilapitan agad ito ni Yuan at tinapik. "Andito ka na pala, ang bilis nauna ka pa sa'kin. At aba, pahingi naman niyan!" kinuha niya ang fries ni Val at inalok kami. Langya, ako ang nahihiya sa ginawa niya eh. Si Val naman ay napailing na nangiti na lang sa ginawa ni Yuan na nilalantakan na 'yung fries. Uminom pa si Val ng sa tingin ko'y kape.

"Bumili ka pa sa Circle? Buti 'di ka nalate."

"Oo, nagutom ako eh. Ah, sumakay ako ng broom."

Siniko naman ako nina Ellie at Sage na nasa magkabilang gilid ko. Bumulong pa si Ellie, "Huy, baka matunaw si Val sa paninitig mo. Rule number one ng girls, 'wag magpahalata. Be natural."

"May ganun ka pa talagang nalalaman, Ellie." Tugon ni Sage.

"Ah lover boy! May ipapakilala nga pala ako sa'yo. This is Ellie, this is Sage. And..." tumabi sa akin si Yuan at nagulat ako sa pag-akbay na ginawa niya, "This is Tine, ang babaeng patay na patay sa'kin." Siniko ko agad siya sa tiyan.

"Utut mo!" sabi ko sa kanya at nagtawa kami. Nakita ko ring nagtawa si Val. Nakaramdam ako ng kung ano sa pisngi ko.

"Sus, eh nag-blush ka nga oh. Ayan oh." Sabi ni Yuan kaya agad kong tinakpan ang mga pisngi ko.

"Uhm, Val, thank you nga pala. Maraming salamat sa pagligtas sa'kin nung nakaraan." Natigil lang ang biruan namin nang kausapin ko bigla si Val. Nagbago ang masaya niyang ekspresyon sa seryosong tingin. Ito 'yung tingin na una kong nasilayan sa kanya nong nasa Golden Pavilion kami. 'Yung gabing nakilala namin siya.

Tumingin pa siya sa'kin nang ilang saglit at halos mapaso na ako sa tinging 'yon pero ngumiti din naman nang bahagya. "Wala 'yon. I hope you're okay."

Napakagat ako ng labi, "I hope you're okay too." nangatal ako sa pagkakasabi. Bakit ako nautal? Wala naman akong problema sa pagsasalita.

"Ayan na yata 'yung prof! Pwesto na dali." Sabi ni Ellie. Nagmadali sila paghahanap ng seat.

"Tine, dyan ka na lang umupo, tabi tayo," aniya. Tutal halos puno na rin naman ay umupo na nga lang ako dito. Nasa pinakalikod kami. Nasa kanan ko si Ellie, nasa harap ko si Yuan, at nasa kaliwa ko si Val.