—Hayley’s Point of View—
“Kumpleto na ba tayong lahat?” tanong ni Dean.
“’Yung mga instruments, nakahanda na ba?” tanong naman ni James.
“’Eh, yung mga wires at iba pang gagamitin para mamaya, okay na?” paninigurado naman ni Kevin.
“Ready na lahat, teka tatawagan ko lang si Hayley. Tatanungin ko kung nasaan na siya. Hindi ‘yun pwedeng ma-late ngayon.” Sabi ni Harry.
“Nandito na ako.” Matamlay kong sabi.
Natigilan silang lahat nang magsalita ako at napatingin silang lahat sa akin na may halong pagtataka.
“Hayley? Ikaw ba talaga ‘yan?” tanong ni Kevin at saka lumapit sa akin. “Anong nangyari sa’yo?”
“Ako? Ah, wala. Bad-hair day lang.” sagot ko naman.
“Anong bad-hair day ka dyan? Hindi naman buhok mo yung tinutukoy namin, eh. ‘Yung buong ikaw!” sabi ni Dean.
“B-Bakit? Anong meron sa akin?”
“Anong nangyari dyan sa mata mo? Bakit namamaga? Umiyak ka ba?” tanong naman ni James.
Iniwas ko sa kanila ang tingin ko. “Wala, wala. Nalagyan lang ‘to ng sabon kanina habang naliligo ako.” Paliwanag ko. “Sige, mauna na ako. Malelate pa ako sa klase ko, eh. Bye!”
Akmang aalis na sana ako papalayo sa kanila nang bigla nila akong pinigilan.
“Hoy, Hayley! Sandali lang!” sabay-sabay nilang sigaw.
“Oh, bakit?”
“Aalis ka kaagad, eh kakarating mo pa lang?” tanong ni James.
“Tsaka anong klase ‘yung pinagsasabi mo? Wala kaya tayong klase ngayon kasi nga Battle of the Bands, eh di’ba?” sabi ni Harry.
“H-Ha? Ngayon na pala ‘yun?” sabi ko.
“Anong ngayon na pala yun ka dyan? Eh kahapon nga, excited na excited ka pa kasi diba last practice na natin ‘yun. Paanong nakalimutan mo kaagad?”
“E-Ewan ko…”
BINABASA MO ANG
When She Courted Him
Teen Fiction❝Dear Crush, kung ayaw mo akong ligawan, pwes. Ako ang manliligaw sayo.❞
