When She Courted Him

Forty Second

— Dylan's Point of View —

"A-attend ka?" tanong sakin ni Vince.

"Saan?"

"Sa prom."

Napatingin na lang ako sa kanya. "Tagal pa 'non, ah."

Binatukan niya lang ako. Loko 'to ah. "Anong matagal pa? Next, next week na kaya!"

Halos maibuga ko na ang tubig na iniinom ko dahil sa sinabi niya. "NEXT, NEXT WEEK?!"

"Oo, hindi ka ba nakikinig kay ma'am..." sabi niya. "Kanina ka pa tulala. Lagi ka na lang tulala. Parang may sarili kang mundo. Lalim ng iniisip."

Hindi ko na lang siya pinansin at ipinagpatuloy 'tong ginagawa ko.

"AH! ALAM KO NA." Masaya niyang sambit. "Inlababo ka noh? Yieeeee!"

Medyo malakas ang pagkakasabi 'non ni Vince kaya naman narinig 'yon ng mga kaklase ko. Nagsimula na ang bulungbulungan at asaran.

"Si Dylan? Inlove? Kanino?"

"Wow, for the first time. Naka-crush na rin siya sa wakas."

"Selos ako. Huhuhu."

"Baka sa'kin siya inlove? Hehe."

"YIEEEE! AKALA NAMIN PUSONG-BATO KA TOL!"

"Hindi, akala namin bakla ka! HAHAHAHA!"

Napatahimik ang buong klase dahil sa huli niyang sinabi. Nakaramdam ako ng konting hiya dahil sino ba naman ang hindi mahihiya kapag tinawag kang—

"Uy, si Hayley."

SINO BA NAMAN ANG HINDI MAHIHIYA KAPAG TINAWAG KANG BAKLA TAPOS NAGKATAON PA NARINIG 'YON NI HAYLEY PAGKAPASOK NIYA NG ROOM?!

Teka, ano bang pake ko dun? Edi marinig niya.

Joke lang.

"HINDI AKO BAKLA!!!!!!!!" sabi ko. "Uy, Hayley! Hindi ako bakla, ha?"

Hala. Bakit ko ba sinabi 'yon? Bakit ko ba siya kinausap? Bakit?! Eh ano naman ngayon kung ma-turn off siya sa pagkabading ko?!

"Relax, wag ka masyadong defensive para hindi ka napaghahalataan." Sabi niya at saka ngumiti.

Bye.

Bye.

Bye.

Ngumiti siya. Nginitian niya ako.

Ang ganda ng ngiti niya.

Mamamatay na yata ako.