—Hayley’s Point of View—
Maya-maya pa, bumaba na kami ni Dylan sa babaan namin pero tahimik pa rin ako at hindi umiimik, at wala pa rin naman siyang pakialam. Hindi man lang ako pinapansin.
“Anong problema mo?” tanong sa akin ni Dylan na parang naiirita. OMG may pake siya sa akin! Sa wakaaaaas! Kinikilig ako!
“Ikaw!” sabi ko. “Pwede ba sa sususnod wag kang tatabi sa ibang babae! Katulad kanina, ako lang mag-isa ang nakikipaglaban sa sa ating dalawa! Halata namang gusto kang landiin nung babae kasi kahit na alam niyang magkatabi tayo, sumisingit pa rin siya!”
“Psh, yun lang pala.” Bulong niya, pero rinig ko pa rin.
“Anong “lang” ka dyan?! Hoy, masakit kaya! Sa tabi ko pa kayo mismo naglalandian!”
“Naglalandian?”
“Oo! Nakikita ko nag-uusap kayo kanina! Wag mo na i-deny!”
Napansin kong parang biglang nagulat si Dylan sa sinabi ko. “T-teka, narinig mo ba kung anong pinag-uusapan namin nun?”
“Hindi! Sayang nga eh! Tsaka ikaw naman, bakit mo kinakausap yun?! Masakit kaya yun sa part ko!”
Pansin kong medyo parang lumuwag naman yung pakiramdam ni Dylan sa sinagot ko.
“Eh ano ngayon? Maganda naman siya ah.” Ngumisi si Dylan tsaka naglakad. Tumakbo ako at sinabayan siya kahit hindi ko alam kung saan kami pupunta.
“Maganda? Maganda ba ‘yun? Eh puro make-up lang naman yung nasa mukha niya ah!” pagkontra ko.
Pero totoo naman kasi! Maganda lang siya kasi may makeup siya. Siguro—siguro lang—mas gaganda siya kapag walang makeup. Sexy rin naman siya, maputi. OMG nakaka-insecure nga siya!
“So? Maganda pa rin.” Sagot naman ni Dylan.
“Hindi mo nga siya kilala eh!” sabi ko.
“Eh kaya nga nag-uusap kami kanina eh, para mas makilala ko pa siya.”
Naglakad ako ng mabilis at tumigil sa harapan niya. “Teka, may gusto ka ba sa kanya?”
YOU ARE READING
When She Courted Him
Teen Fiction❝Dear Crush, kung ayaw mo akong ligawan, pwes. Ako ang manliligaw sayo.❞
