Deal Breaker (Published under Pop Fiction, Summit Publishing)

Chapter 31: Nasaan Na Ako?!

It's been almost a week at wala pa ding nagbago sa sitwasyon ko. Isa pa rin akong 18 anyos na batang babae na nakakulong sa piling ng mga lalaking bulong ng bulong. Kahit saan ako magpunta, nakasunod sila. Badtrip di ba??

Kahit sa school. Si Ed lang ang palaging nasa tabi ko. Pero the rest, nakakalat sa buong campus. Ang original nilang plano eh ilipat ako ng school. Tss. Hindi ako pumayag.

Bakit?

Kasi DISASTER YUN!! Ewan ko ba sa mga to. Parang ewan, kung ano na lang pumasok sa utak. Bigla na lang gagawin. Nasa canteen kami ngayon.

"Ampogi naman niya."

"Oo nga eh... Yummy teh."

"Mmmm. Ambango!! Amoy lalaki!"

"Gaga! May amoy bakla ba?!"

"Oo. Ikaw!"

"Hahahahaha!!"

May mga magkakabarkada sa tabi namin ni Ed. Ed ang tawag ko sa kanya, hirap tandaan ng pangalan niya eh. At si Ed ang topic nila. Hindi pa din kami nag-uusap at wala akong balak kausapin ang lalaking to. Hindi ko alam kung pano nangyari, pero classmate ko yata siya. Nasa room siya kasama ko palagi. Badtrip diba?

Ngayon, iniisip mo ba kung bakit ang napakamiserable ng buhay mo? ISIPIN MO NA LANG KUNG ANONG ITATAWAG KO SA BUHAY KO.

DOMINIC!!!

 

May panyo bigla sa harap ko, tinignan ko siya ng masama. Lumapit siya at bumulong sa kin.

"Tumutulo na po ang luha niyo miss." pinunasan ko yun gamit ang sarili kong kamay at tinignan ko siya ng masama.

  

"Ay. Sayang magjowa yata sila."

"Hindi mo ba nakita teh? Umiiyak si girlalooo! Nag-aaway yan. Moment na natin to."

"Ayeah!! kaya pa agawin."

Lumingon ako sa kanila, tapos bigla silang tumahimik at umalis.

"Nick!! Teh!!" tapos may biglang dalawang bakla ang yumakap sa kin.

"Hay! Miss ka na namin day!!" tapos humiwalay silang dalawa. At halos lumuwa ang mata ko sa nakita ko.

"Nate?! Arturo?!" Tanong ko.

"Nate? Nate ka diyan! Ako si Tanya! Ano ka ba teh!" sabi sabay hampas nang malumanay sa braso ko.

"Arturo?! Wit ako si Arturo day!! Arti! Arti ang name-sung ko." dugtong niya sabay flip ng wig niya.

"Anong nangyari sa inyo?"

"Kilala niyo ba siya miss?"

"Ay... sino to? Mmmm. Amoy papa." Sabi ng gay na si Arti, tapos inamoy niya si Ed. Ako? Nakatingin pa din sa kanila ng naguguluhan.

"Ay day! Di ka type niyan ni pogi. Di ba?!" tanong naman ni Tanya. Sumingit siya kay ed at artiii tapos nagpacute siya kay Ed.

"HAHAHAHAHA!" Hindi ko na napigilan yung tawa ko. Halatang awkward para kay Ed ang lahat. At natutuwa ako na hindi siya komportable.

"Miss, kilala niyo ba sila?" pag-uulit ni Ed sa kin.

Tumango ako.

"Sino siya Nick? Jowaers mo? Pwede matikman? Kahit konti lang day!" tanong ni Arti.

"Tss! Tumigil ka. Ako kahit hindi konti lang, kahit isang buo kaya ko yan teh!" singit ni Tanya.

Hindi ko alam kung saan nila nakukuha ang mga pinagsasasabi nila, pero magaling sila ah. Baka naman bakla talaga sila. "Hahaha! Sige! Gusto ko kainin niyo ng buo para mawala na sa tabi ko!" Tapos tumingin ako ng masama kay Ed.