Deal Breaker (Published under Pop Fiction, Summit Publishing)

Chapter 13: Love Sick

Nakauwi ako ng tuyo. Salamat sa coffee shop at sa walang katapusang kwento at love advices ni Cheska. Na hindi ko naman hiningi.

Siguro dahil na rin sa kadaldalan at energy ni Cheska, napagod ako ngayong araw. Kaya naman diretso na ako sa kwarto ko, naligo at nagpalit nang damit. Nagpatuyo lang ako sandal ng buhok sabay nahiga na ko sa kama ko. Walang ibang tao sa bahay bukod sa’kin at sa mga kasambahay. Kaya naman nahanap ko ang kanina ko pa hinahanap. Katahimikan.

Tahimik ang paligid, pero maingay sa loob ng utak ko. 

"Ano na ngayon Nick?" tanong ko sa sarili ko habang nakatulala sa kisame ng aking kwarto.

Dapat ko ba siyang puntahan sa bahay nila? O hintayin kong tumawag siya?

Pero pa’no ko naman hihintayin yung tawag niya eh nasa’kin cellphone niya. Pero may landline naman. Tama. Maghihintay ako sa tawag niya. Tapos makikipagkita ako. Tapos magso-sorry ako?

HINDI.

Aamin ako sa mali ko, pero hindi ako magso-sorry.

TAMA.

Hintay ka lang Nick.

"Princess?" Narinig kong tawag sa’kin kasunod nang tatlong katok sa pinto sa kwarto ko.

Minulat ko yung mga mata ko at nakita ko ulit yung ceiling. Nakatulog na pala ako kakahinitay.

 

Dominic.

"Princess? You in there?"

Bumangon ako at naglakad papunta sa pinto ng kwarto ko and set my thought of him aside. 

"Namiss kita Princess." Bungad sa’kin ng mabait kong kapatid pagbukas ko ng pinto kasabay nang mahigpit niyang yakap.

"Ano ba? Hindi ako makahinga!" saway ko sa kanya. Humiwalay siya sa ‘kin then hinawakan ako sa balikat ko.

"Kwentuhan mo ko. Ano bang ginawa mo kaninang umaga ha?" Nagbago na yung mood niiya, tunog kuya ko na ulit siya.

"Jacob. Una. Pa’no mo ko mami-miss eh nagkita naman tayo kaninang umaga. Pangalawa. Bakit kita kukwentuhan? Ayoko nga."

"Princess. I want to understand everything. So we will talk. Sino gusto mo kausap, ako o si mom?”

"Sige na, pumasok ka na." Sabay hinatak ko siya papasok ng kwarto ko. Umupo ako sa kama habang si Jacob kinuha yung upuan ko malapit sa salamin at binuhat niya sa tabi ng kama ko.

"Anong gusto mo na?” 

“Why?" tinignan niya ko ng diretso sa mata.

"Anong why ka diyan?” tanong ko pabalik.

"Why did you do what you did this morning." He asked again, mas seryoso this time.

"Hindi ko alam, it was a mistake." pag-confess ko sa kapatid ko.

 "Mistake?" he looks puzzled.

"Oo. Hindi si Erick yung dapat hahatakin ko. Si Dominic dapat. And all along akala ko si Dominic yung hinatak ko, but it turns out I'm wrong. At ang layo ko na para itama lahat ng yun.” My voice low as I finished my explanation. Hinawakan niya yung ulo ko na para akong aso. Tapos narinig ko siyang nagbuntong hininga.

"Anong ibig sabihin nang buntong-hininga mo ha?!” demand ko. 

"Wala naman. Poor guy." Tumayo siya pagkasabi niya nun at naglakad na papalabas nang kwarto ko.