Unicode
~~~ လူကြီးမင်းရှဲ့က အရမ်းချောတာပဲ.. မတွေ့တာတောင် ကြာပြီ.. သူ့မှာ ရည်းစားများရှိလားမသိဘူး~~~
ရုတ်တရက် ချီချင်းနားထဲ အသံများ ပြည့်နှက်လာခဲ့သည်။ စကားပြောသံများက ဆေးခန်းတစ်ခုလုံးဆီမှ ပျံ့နှံ့လာခဲ့သည်။ ဝန်ထမ်းများ.. လူနာများ.. လူနာရှင်များ အားလုံး၏ အတွေးပေါင်းစုံက စုပြုံ၍ ချီချင်းနားထဲ တိုးဝင်လာခဲ့လေတော့သည်။
~~~ လူကြီးမင်းရှဲ့ကို ငါ ဘယ်လောက်ကြိုက်ကြိုက်... သူနဲ့ငါ့ကြားမှာ အကွာအဝေးတွေ ခြားလွန်းတယ်~~~
~~~ လူကြီးမင်းရှဲ့ကလေ ~~~
လူကြီးမင်းရှဲ့အပြင် တခြားအကြောင်းအရာများလဲ ပါသေးသည်။
~~~ မနေ့က ငါတို့ဆေးခန်းကိုလာတဲ့ နေကာမျက်မှန်နဲ့ အမျိုးသမီးကို မြင်ဖူးပါတယ်ဆိုတာ.. အခုမှ weibo ကြည့်ရင်းသိတယ်.. ယင်ဝမ်ရူနဲ့ မတူဘူးလား.. အခုနောက်ပိုင်း အနုပညာရှင်ဆိုတာလဲ တော်တော်အန္တရာယ်များတဲ့အလုပ်ပဲနော်.. ရှိုးပွဲတွေမှာဆိုရင် မျက်နှာလေးလန်းပြီး ပျော်နေတဲ့ပုံပေါ်ပေမဲ့ သူလဲ စိတ်နဲ့ ပတ်သက်တဲ့ ရောဂါတစ်မျိုးမျိုး ရှိနေတဲ့ပုံပဲ.. အဲ့လိုပြောမှ ငါတို့ဆေးခန်းမှာ အနုပညာရှင်တွေ အများကြီး~~~အသံများ တဖြည်းဖြည်း များပြားလာသည်နှင့်အမျှ သူတို့ပြောနေသည့်စကားများကို ချီချင်းသေသေချာချာ မကြားနိုင်တော့။ အသံများ ပေါင်းနေသည်က ကြောက်ခမန်းလိလိပင်။
ချောကလက် စားပြီး ချီချင်းအသံတိတ်သွားသည်ကို ရှဲ့လင် သတိထားမိလိုက်သည်။ နဖူးပေါ် ဝဲကျနေသော ဆံပင်ကြားမှ မျက်ဝန်းနက်များ တဖြည်းဖြည်း မှုန်ကုပ်နေသည်ကို မြင်လိုက်ရသည်။
" ဘာဖြစ်လို့လဲ.. ချောကလက်မကြိုက်ဘူးလား"ချီချင်း ဘာမှ ပြန်မဖြေသေး။
ထိုအခြေအနေမျိုးကို ရှဲ့လင် တစ်ခါမြင်ခဲ့ဖူးသည်။ ထိုအကြိမ်က ဘားတွင် သူတို့ခွက်ချင်း ရောသွားခဲ့သည့်အချိန်က ဖြစ်သည်။
ရှဲ့လင်လဲ ချီချင်းမျက်လုံးရှေ့ လက်ရမ်းပြလိုက်သည်။
" မင်း ဘာမှမပြောရင် ကိုယ် မင်းလက်ကို ကိုင်လိုက်မှာနော်"
YOU ARE READING
အန္တရာယ်ရှိသော စရိုက် - ဘာသာပြန်
Mystery / ThrillerTitle - Dangerous Personality Author - Mu Gua Huang MC- Xie Lin x Chi Qing Chapter 161 + 2 extras ထူးဆန်းသည့် ပြန်ပေးဆွဲမှုတစ်ခုအပြီးတွင် ချီချင်းတစ်ယောက် မမျှော်လင့်ပဲ တစ်ပါးသူစိတ်ကို ဖတ်နိုင်သည့် စွမ်းရည်တစ်ခုကို ရရှိခဲ့သည်။ ထိုအချိန်မှစ၍ သူ့ပုံစံ...