“Magkano Rap?” tanong ni Theo.
“Ah wala. Sige ako na ang bahala dito,” sabi n’ya.
Patagong inabot ni Raprap ang bayad sa waiter. Hindi ako tiyak kung magkano ang inabot n’ya pero nakita ko na tig-isang libo lahat ang mga ‘yon.
“Keep the change,” sabi ni Raprap sa waiter.
“Thank you very much sir.”
Nagpahinga lang kami ng konti bago kami bumalik sa sasakyan.
“Saan tayo n’yan?” tanong ni Jade.
“Sa mall,” sabi ni Raprap.
“Okay. Gusto ko yan,” sabi ni Jade sabay tawa.
Habang papunta kami sa mall, biglang napapreno ng malakas ang aming sasakyan.
“Aray. Ano ‘yon?” ani Jade.
“Mukhang may nasagasaan ako,” sabi ni James. “D’yan lang kayo. Bababa ako.”
Kinakabahan kaming lahat habang nasa loob ng sasakyan. Bumalik ulit si James.
“Ano ‘yon ‘san?” tanong ni Raprap.
“Aso.”
“Ouch. Namatay ba?” tanong ko.
“Oo eh kawawa nga. Ano’ng gagawin natin n’yan Rap?”
“Hindi ko alam eh.”
Samantala, nilapitan kami ng isang lalaki. Medyo may edad na.
“Ano’ng nangyari dito?” sabi ng mama.
“Pasensya na po kuya, nasagasaan po kasi namin ‘yung aso. Hindi naman po namin sinasadya,” sabi ni James.
“Ah ganun ba? Sige ako ng bahala dito. Sa susunod mag-ingat na lang kayo ah.”
“Opo sige po. Pero sigurado po ba kayo?” sabi ni Raprap.
“Oo sige na. Mukhang may lakad pa kayo.”
“Sige po salamat kuya.”
Nakahinga na kami ulit. ‘Di naman namin ‘yon maiiwasan ‘di ba? Ilang saglit lang, nandito na kami sa isang napakalaking mall.
“Ang laki naman nitong mall na ‘to. Parang ‘yung sa San Fernando lang,” sabi ni Theo. Marahil ay tinutukoy n’ya ‘yung pinakamalaking mall sa Pampanga. Pero higit na mas malaki pa ‘yon kaysa dito.
YOU ARE READING
Dream Vacation: Ang Kwento ng Pag-ibig, Pagkakaibigan, at Kababalaghan
AdventureSa isang hindi pamilyar na lugar ang tungo ko para magbakasyon kasama ang aking mga matatalik na kaibigan. Ano kaya ang naghihintay sa amin dun? May mga natuklasan ako tungkol sa amin habang kami ay naririto. Sana nga lang ay hindi ito makaapekto sa...
