Dream Vacation: Ang Kwento ng Pag-ibig, Pagkakaibigan, at Kababalaghan

Chapter 9 (part 2)

Kinarga na ni Raprap si Jade.

            “Ikaw Trish, dito ka na,” sabi ni Theo.

            “Ayoko,” sabi ni Trish.

            “Ay. Sige na Trish, katuwaan lang,” sabi ni Jade.

            “Ayoko eh,” sabi ni Trish.

            Mapipilit kaya nila si Trish? Nagtinginan sina Theo at Raprap at nagsenyasan. Mukhang alam ko na ang binabalak ng mga ito ah. Pumunta palapit si Theo kay Trish.

            “Ganun ba Trish? Oh sige hindi ka namin pipilitin,” ani Theo ng biglang sumisid at pagkaahon n’ya ay pasan na n’ya si Trish.

Napasigaw tuloy si Trish. Sila naman, nagtawanan lang. D’yan magaling si Theo. Sa kaalaskahan. Hindi na makaalis si Trish sa higpit ng hawak ni Theo sa kanya habang pasan-pasan s’ya nito sa kanyang mga balikat.

“Game!”

Nang biglang…

“Rap!” tawag ni James sa kanya.

Napalingon kaming lahat sa kanya.

“Ano iyon ‘san?”

Mukhang Biyernes Santo si James.

“Ano daw gusto n’yong kainin mamaya pinapatanong ni mama.”

“Ah yun ba? Pakisabi kayo na lang bahala.”

“Okay sige.”

“Salamat. Ayaw mo kaming samahan?”

“Huwag na sige.”

“Ano kayang meron bakit ang suplado ni James ngayon?” bulong ko na narinig pala ni Raprap.

“Hindi mo ba alam na may lahing shapeshifter ‘yan? Full moon siguro mamaya kaya ganyan ‘yan,” sabi ni Raprap.

“Seryoso?” tanong ko.

“Joke lang ‘yun s’yempre. Pinsan ko ‘yan eh di may lahi din akong aswang kung aswang din ‘yan,” sabi ni Raprap.

“Eh bakit nga s’ya ganun ngayon?” tanong ni Theo.

“Siguro nagsasawa sa utos ni tita,” ani Raprap.

“Ah.”

Kung sabagay. Minsan ganun nga din ako ‘pag sunud-sunod mga utos ni mama sa akin.

“Tara na, tuloy na natin ‘yung laro natin,” sabi ni Theo.

“Oh sige.”

“Guys, mag-C-CR lang ako saglit ah,” sabi ni Gab.

“Oo sige,” sabi ni Theo.

“Hindi ka sasama Mark?” tanong ni Gab.

“Mag-C-CR ka lang isasama mo pa si Mark? Magbestfriend na yata kayo ah,” sabi ni Jade.

“Hindi sige guys. Napapa-CR na din naman ako,” sabi ko sa kanila.

“Tara,” sabi ni Gab.

“Wait!” sabi ni Trish.

“Oh bakit?” tanong ni Gab.

“Ah wala pala,” sabi ulit ni Trish na masama ang tingin kay Gab.

Hala. Ano kayang meron? Bakit ganun? Bakit ako tinawag nito? Bakit ganun reaction ni Trish. Naglakad na nga kami papunta sa isang CR dun. Nasa likod ako ni Gab ng bigla s’yang humarap sa akin at humawak sa magkabilang balikat ko. Biglang tumulo ang kanyang mga luha. Bakit kaya? Ang dami ko namang naranasang kakaiba sa bakasyong ito.