မှတ်ချက်။ ။ဤဇာတ်လမ်းထဲတွင်ပါဝင်သောအကြောင်းအရာများသည်တစ်ခုခုနှင့်တူညီနေပါကတိုက်ဆိုင်မှုသာဖြစ်သည်။
(၃၂)
"ဟဲ့ သူဇာအာလူးတွေကိုသေးသေးလှီးပါတော် ညည်းဟာကလူကိုတောင်ဖိသတ်လို့ရနေပြီ"
"သြော်အမေကလည်း သေးသေးဆိုရင်အားလူးတွေပျော်ကုန်မှာပေါ့"
"ညည်းအမေလားကျုပ်အမေလားအေ သေးသေးလှီးဆိုလှီးပေါ့ သေးသေးလှီးတော့များများရတယ် တစ်ရွာလုံးက်ိုကျွေးရမှာသိရဲ့လား"
"သိပါ့တော်သိပါ့ အမေပြောသလိုလှီးလိုက်ပါ့မယ်"
"အေးအေး"
လူတွေ၏စကားတတွတ်တွတ်ပြောနေသော အသံ၊ကြက်သွန်နှင့်အသီးအရွက်များက်ို အပိုင်းပိုင်းဖြတ်နေသည့်အသံ၊ရှုးရှူးရှဲရှဲနှင့်ငံပြာရည်ကြော်သံတို့သည် ထိုဝိုင်းနှစ်ဝိုင်းထဲတွင်ဆူညံလို့နေကြ၏။တောရိုင်းတို့ဝိုင်းထဲတွင် ဝက်သားနှင့်သီးစုံပဲကုလားဟင်းကို ချက်နေကြပြီးသစ်စိုင်းတို့ဝိုင်းထဲတွင် ကြက်သားနှင့်ငံပြာရည်ကြော်များကို အားပါတရချက်နေသည်ကိုတွေ့ရသည်။ထမင်းကိုတော့ရွာဦးကျောင်းတွင် သီးသန့်ချက်ပေးသူများရှိကြသည်။အားလုံးအလုပ်ရှုပ်နေသည့်ကြားထဲမှ အရီးခင်စိန်တစ်ယောက်ဖိတ်စာများကိုကိုင်လာကာ ငံပြာရည်ကြော်အိုးမွှေနေသော သစ်စိုင်းနားသို့သွားလိုက်သည်။
"သား ဒီမှာဖိတ်စာတွေရပြီအရီးနာမည်တွေအားလုံးရေးပေးထားတယ်သွားဖိတ်လိုက်ပါဦးကွယ်"
"ဟုတ်ကဲ့အရီးကျုပ်တောရိုင်းကိုခေါ်ပြီးသွားဖိတ်လိုက်ပါ့မယ်"
"အေးအေး"
ဆိုကာဝိုင်းထဲရှိကွပ်ပျစ်ပေါ်သို့ ထိုဖိတ်စာကို
စီစီရီရီတင်ထားလိုက်၏။သစ်စိုင်းသည်ငံပြာရည်ကြော်အိုးကို တစ်ခြားသူစီလက်လွှဲပေးကာ ချွေးသုတ်ပြီးဖိတ်စာထားသောနေရာသို့လျှောက်လာသည်။ပြီးနောက်ဖိတ်စာပေါ်တွင်ရေးထားသော နာမည်များကိုတစ်ခုပြီးတစ်ခုလိုက်ဖတ်နေ၏။"ဖိတ်စာတွေရပြီလားစိုင်း"
ထင်းတွေကိုဂုတ်ပေါ်တွင်ထမ်းလာသော တောရိုင်းတစ်ယောက်ချွေးတသီးသီးကျရင်းမေးလိုက်သည်။ပြီးတာနှင့်ထိုထင်းအပုံက်ို မီးဖိုပေးသို့အသာချရင်း လက်ဖဝါး၌ဖုန်ကိုခါကာသစ်စိုင်းဘေးသို့လျှောက်လာ၏။
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...