မှတ်ချက်။ ။ဤဇာတ်လမ်းထဲတွင်ပါဝင်သောအကြောင်းအရာများသည်တစ်ခုခုနှင့်တူညီနေပါကတိုက်ဆိုက်မှုသာဖြစ်သည်။
(၄)
တောရိုင်းလည်းသစ်စိုင်းတို့သီချင်းဆိုနေသည်ကိုမြင်သွားပြီးထိုနေရာတွင်ထိုင်ချလိုက်တော့သည်။ဂျုံပင်ကိုအကွယ်ပြုကာဂျုံပင်ကြားထဲမှဖြဲပြီးသစ်စိုင်းတို့ကိုကြည့်နေသည်။မလုံမှန်းသိသော်လည်းသစ်စိုင်းတို့ကက်ိုယ့်အာရုံနဲ့မို့တောရိုင်းကိုမမြင်ကြချေ။ထိုအချိန်တောရိုင်း၏ကျောကုန်းသို့လာပုတ်သောလက်တစ်ဖက်ကြောင့်သူလည်းအနောက်ကိုလှည့်ကြည့်မိလိုက်သည်။ထိုလူကတော့မည်သူမျှမဟုတ်မှတ်ကြီးနဲ့နွားကြီးပင်ဖြစ်၏။
"ဟျောင့်..တောရိုင်းဒီမှာကုန်းကုန်းကွကွနဲ့ဘာတွေချောင်းနေတာတုန်း"
မှတ်ကြီး၏ကျယ်လောင်သောအသံကြောင့်တောရိုင်းတစ်ယောက်..
"ရှူးးးတိုးတိုးနေစမ်းပါကွာ..ဟိုမှာတွေ့လားသစ်စိုင်းတို့အဖွဲ့"
တောရိုင်းလက်ညှိုးထိုးပြလိုက်တော့မှတ်ကြီးရောနွားကြီးပါသူ့ဘေးသို့ဝင်ထိုင်ချလိုက်သည်။
"ဒါနဲ့မင်းတို့နှစ်ကောင်ဘာလာလုပ်တာလဲ"
"ငါတို့နှစ်ယောက်ကအရှေ့ပိုင်းမှာဖဲသွားရိုက်တာ..အပြန်မင်းကိုဒီမှာတွေ့လို့လှမ်းခေါ်လိုက်တာလေ"
တောရိုင်းလည်းခေါင်းညိတ်ပြပြီးသီချင်းဆိုတာကိုဆက်ကြည့်နေတော့သည်။ပြီးနောက်သူတို့နှစ်ယောက်ပါချောင်းကြည့်ကာ..
"ဟျောင့်..တောရိုင်း မင်းညီမသူဇာကတော်တော်လှတယ်နော် အသံလေးကလည်းချိုနေတာပဲ"
နွားကြီးစကားကြောင့်တောရိုင်းမျက်ခုံးစုကျုံ့သွားကာသူ့ခေါင်းသို့အားပါပါနှင့်ခေါက်ပစ်လိုက်၏။
"ဒီမှာ..မင်းတို့နှစ်ကောင်လုံးငါ့ညီမကိုရမယ်မကြံနဲ့ကိုယ့်ရုပ်တွေကိုလည်းကိုယ်ပြန်ကြည့်ကြအုံး"
"အမယ်..ငါတို့ရုပ်ကဘာဖြစ်နေလို့တုန်း..ဒီလောက်ချောတဲ့မျက်နှာတွေကို"
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...
