မှတ်ချက်။ ။ဤဇာတ်လမ်းထဲတွင်ပါဝင်သောအကြောင်းအရာများသည်တစ်ခုခုနှင့်တူညီနေပါကတိုက်ဆိုင်မှုသာဖြစ်သည်။
(၁၅)
"ဟာ အမေအမေပန်းတွေကိုမခူးနဲ့လေ"
အိမ်ပေါ်ထပ်မှဝရုန်းသုန်းကားဖြင့် ပြေးဆင်းလာသောတောရိုင်းတစ်ယောက် စံပယ်ပန်းခူးနေသောအရီးခင်စိန်းအား လှမ်းအော်၍ပြောလိုက်သည်။
"အမလေးတော် ဒီစံပယ်ပန်းခူးတာပဲဘာဖြစ်တုန်း"
"ဟာအမေကလည်း ပန်းကဒီတိုင်းသူ့အပင်နဲ့သူရှိနေတာသွားမဖျက်ဆီးပါနဲ့ထားလိုက်ပါဗျာ"
"သြော် ငါပန်ချင်လို့ငါခူးတာလေ နင့်အမေ့ကိုတောင်မသဒ္ဒါဘူးလားတောရိုင်းရဲ့"
တောရိုင်းတစ်ယောက်လည်းခေါင်းကိုကုတ်ကာ..
"မသဒ္ဒါတာမဟုတ်ပါဘူးအမေရ ကျုပ်ကပန်းတွေကိုချစ်လို့ပါ ပြီးတော့ကျုပ်ရဲ့ပန်းတွေကိုကျုပ်တောင်မထိရက်လို့ဒီတိုင်းထားထားတာပါဗျာ အမေပန်ချင်တယ်ဆိုအရှေ့အိမ်ကကိုချက်ကြီးတို့အိမ်မှာကျုပ်ကိုယ်တိုင်သွားခူးပေးပါ့မယ်"
"တော်စမ်းပါအေ ရော့ရော့နင့်ပန်းတွေပြန်ယူ အမေခူးတာပဲသေသွားမှကြလို့"
အရီးခင်စိန်လည်း တောရိုင်း၏လက်ကိုဆွဲကိုင်ကာ လက်ဖဝါးထဲသို့ စံပယ်ပန်း၃ပွင့်ထည့်ပေးလိုပ်သည်။
"ဟယ် သားကိုယ်တွေပူနေတာလား"
တောရိုင်း၏နဖူးသို့အရီးခင်စိန်၏လက်ဖဝါးဖြင့်သေချာစမ်းကြည့်လိုက်သည်။
"ဟုတ်ပါ့တော် ကိုယ်တွေပူနေတာပဲ ဆေးရောသောက်ပြီးပြီလား"
"ပါရာတစ်လုံးသောက်ထားပါတယ်ဗျချွေးထွက်ရင်သက်သာသွားမှာပါ"
"လေစိမ်းတွေတိုက်မခံနဲ့အိပ်ခန်းထဲစောင်ခြုံပြီးနေ ညနေထိမကောင်းသေးရင်တော့ဟိုဘက်ရွာကဆရာဝန်ဆီသွားပြရမယ်"
"ဟုတ်ကဲ့ပါဗျာ ကျုပ်ကိုစိတ်မပူပါနဲ့အမေရ"
အရီးခင်စိန်လည်း အိမ်ပေါ်ထပ်ရှိသူဇာအားလှမ်းခေါ်တော့သည်။
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...
