မှတ်ချက်။ ။ဤဇာတ်လမ်းထဲတွင်ပါဝင်သောအကြောင်းအရာများသည်တစ်ခုခုနှင့်တူညီနေပါကတိုက်ဆိုင်မှုသာဖြစ်သည်။
(၁၈)
"မောင့်ကိုဘာပြောမလို့လဲစိုင်း အဖြေပြန်ပေးမလို့လား"
"မဟုတ်ပါဘူး "
သူတို့နှစ်ယောက်ရောက်ရှိနေသည့် နေရာကတော့လယ်ကွင်းထဲက ကုက္ကိုလ်ပင်အောက်တွင်ဖြစ်သည်။မနက်စောစောချမ်းစိမ့်မှုကြောင့် နှစ်ယောက်သားပုဆိုးရှည်ရှည်နှင့် အင်္ကျီလက်ရှည်ကိုဝတ်ထားကြသည်။ပတ်ဝန်းကျင်ကလည်း တိတ်ဆိတ်နေပြီးငှက်ကလေးများ၏ တေးဆိုနေသည့်အသံကလည်း လေနှင့်အတူနားစည်ဝသို့လာရိုက်ခတ်၏။အဝေးကပင်လှမ်းမြင်နေရသော စိမ်းစိမ်းအုပ်အုပ်တောကြီးသည်လည်း ပန်းချီကားအလှပမာတည်ရှိနေသည်။ရာသီဥတုချမ်းစိမ့်မှုနှင့်အတူ ထိုနှစ်ယောက်ကြားအေးစက်မှုဟာလည်း ထပ်တူကျနေသည်။ထိုအချိန်သစ်စိုင်းဘက်မှစကားစဖွင့်လာ၏။
"မင်းငါ့ကိုဒီလိုတွေဘာလို့လုပ်နေရတာလဲ ငါ့ဆီကအနိုင်လိုချင်လို့လား ဒါမှမဟုတ် သိက္ခာချနေတာလား"
တောရိုင်းခပ်ရေးရေးလည်းပြုံးလိုက်သည်။ပြီးနောက်သစ်စိုင်းကိုကျောပေးကာ အဝေးရှိ တောအုပ်ကြီးသို့လှမ်းကြည့်လိုက်တော့သည်။
"မောင်တစ်ခါတည်းပြောလိုက်မယ် မောင်စိုင်းကိုသိက္ခာချတာလည်းမဟုတ်သလိုအနိုင်လိုချင်တာလည်းမဟုတ်ဘူး ပြီးတော့စိုင်းကိုဘယ်လိုချစ်မိသွားမှန်းလဲမသိဘူး"
"အဲ့ဒါများဘာလို့ချစ်နေသေးလဲ မချစ်ဘဲနဲ့ဒီတိုင်းနေလိုက်ပါလားကွာ"
"စိုင်း မောင့်ရဲ့အချစ်ကိုဥပေက္ခာပြုလို့ရတယ် ဒါပေမယ့်မထိန်းချုပ်ပါနဲ့ (love is blind အချစ်ကမျက်စိကန်းစေတယ်)တဲ့ မောင့်နှလုံးသားကမင်းကိုရွေးချယ်လိုက်တာတော့ မောင်လည်းမတတ်နိုင်ဘူး"
စကားအပိုတွေပြောနေတဲ့ တောရိုင်းအားသူ၏ကျောကုန်းကိုခပ်နာနာထုပစ်ချင်ပါသည်။တောရိုင်းလည်းကျောပေးထားရာမှ သစ်စိုင်းဘက်သို့ပြန်လှည့်ကြည့်လာသည်။
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...
