မှတ်ချက်။ ။ဤဇာတ်လမ်းထဲတွင်ပါဝင်သောအကြောင်းအရာများသည်တစ်ခုခုနှင့်တူညီနေပါကတိုက်ဆိုင်မှုသာဖြစ်သည်။
(၂၄)
သစ်စိုင်းနှင့်မှတ်ကြီးတို့နှစ်ယောက်သည် တောရိုင်း၏ခန္ဓာကိုယ်လေးအားတွဲထူကာ တောရိုင်းတို့ဝိုင်းထဲသို့ဝင်လာသည်။ဒါကိုမြင်သောအရီးခင်စိန်နှင့်သူဇာလည်း အိမ်ပေါ်ထပ်မှအလျင်အမြန်ပြေးဆင်းကာ တောရိုင်းဘေးသို့ရောက်လာကြသည်။
"အမလေးသားလေးရယ် ဘယ်လိုဖြစ်လာတာလဲလက်မှာလည်း ပတ်တီးတွေနဲ့ပါလား အင်္ကျီမှာလည်းသွေးတွေနဲ့ အမေ့ကိုမြန်မြန်ပြောစမ်း ရင်တွေပူလိုက်တာကွယ်"
အရီးခင်စိန်၏မေးခွန်းများကို တောရိုင်းတစ်ယောက်ပြုံးပြုံးကလေးပြန်ဖြေလာသည်။
"သားဘာမှမဖြစ်ပါဘူးအမေရ စိတ်မပူနဲ့တော့နော် ဆေးရုံကိုလည်းပြပြီးပြီဆေးလည်းထည့်ပြီးပြီပတ်တီးလည်းစည်းပေးလိုက်တယ် သောက်ဆေးတွေလည်းပေးလိုက်တယ်ဗျ"
"ဒဏ်ရာကပြင်းလား ဒီလိုပုံဆိုဆိုင်ကယ်မှောက်လာတာပဲဖြစ်ရမယ် ဟုတ်တယ်မလား"
"ဟုတ်ဆိုင်ကယ်နည်းနည်းလေးမှောက်သွားရုံပါဗျာ စိတ်မပူနဲ့တော့နော် ကျုပ်လည်းပင်ပန်းလာလို့နားချင်ပြီအမေ"
"အေးပါကွယ် လာလာအိမ်ပေါ်သွားကြမယ်"
သူတို့အားလုံးလည်း တောရိုင်းကိုအိမ်ပေါ်ရှိ သူ၏အခန်းထဲသို့တွဲထူကာ ခေါ်သွားပေးတော့သည်။တောရိုင်းသည်ဖျာပေါ်တွင် ပက်လက်ကလေးလှဲအိပ်နေပြီး ဘေးပတ်ပတ်တွင်အရီးခင်စိန်၊သစ်စိုင်း၊သူဇာ၊မှတ်ကြီးနှင့်နွားကြီးတို့ရှိကြသည်။ထိုအချိန်မှတ်ကြီးတစ်ယောက် ဖြစ်ကြောင်းကုန်စင်ကိုအရီးခင်စိန်အားရှင်းပြနေတော့သည်။
"အရီးသားဗျာ သူ့ကိုယ်သူဂျိမ်းစ်ဘွန်းများထင်နေသလားအောက်မေ့ရတယ် ဆိုင်ကယ်ကမြေကြီးနဲ့ဂျစ်ဂျစ်"ဆိုပြီးတရွတ်တိုက်ဆွဲသွားတာဗျာ"
"အမလေးမသေကောင်းမပျောက်ကောင်းပါတော်"
"ဟျောင့် မင်းအမေ့ကိုဘာလို့လျှောက်ပြောပြနေတာလဲအမေသွေးတိုးပြီးတစ်ခုခုဖြစ်ရင်မင်းတို့နှစ်ကောင်အသေပဲ"
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...