မှတ်ချက်။ ။ဤဇာတ်လမ်းထဲတွင်ပါဝင်သောအကြောင့်အရာများသည်တစ်ခုခုနှင့်တူညီနေပါကတိုက်ဆိုင်မှုသာဖြစ်၏။
(၁)
ဒီနှစ်အညာမိုးကတော့ တော်တော့်ကိုသွန်းဖြိုးလို့ရွာတယ်ဗျ။အဲ့တော့နှမ်းစကြဲတဲ့အချိန်ဆိုလွှတ်ကောင်းတာပေါ့ဗျာ။မနေ့ညကမိုးကောင်းထားလို့ကျုပ်ဝိုင်း(ခြံ)ထဲကမြေဆီလွှာတွေဆို စိုစွတ်"ဖြစ်နေပြီးရွှံတွေလည်းထလို့နေတာပေါ့။မိုးရေရဲ့အေးစက်မှုကြောင့်အိပ်ချင်နေတဲ့စိတ်တောင်လန်းဆန်းသွားသပါ့ဗျာ။ကျုပ်တို့တောသူ၊တောင်သားတွေကစောစောအိပ်စောစောထပြီးကိုယ်လုပ်စရာရှိတာလုပ်ကြရတယ်ဗျ။အခုလည်းကျုပ်ပန်းခြံထဲရေလောင်းပေါင်းသတ်ရအုံးမယ်ဗျို့။
"ဟဲ့ တောရိုင်း... အိမ်အပေါက်ဝမှာငုတ်တုတ်ထိုင်မနေနဲ့လေ..လုပ်စရာရှိတာလုပ်မှပေါ့"
"ဟုတ်ကဲ့ပါအမေရ"
တောရိုင်းတစ်ယောက် သူ၏အမေကိုကျောပေးပြီးထိုင်နေရာမှ အနောက်သို့လှည့်ကြည့်လိုက်သည်။ထိုအခါမှာတော့တောရိုင်းအမေသည် ပန်းစည်းများကိုစီစီရီရီဖြင့်ဗန်းပေါ်သို့တင်လိုက်၏။
"ငါပန်းသွားရောင်းမလို့ထမင်းအိုးကိုနင့်ညီမကိုတည်ခိုင်းထား..မိုးရွာရင်အနောက်ကအဝတ်တွေရုတ်ဖို့မမေ့နဲ့"
"ကောင်းပါပြီဗျာ..ကျုပ်အားလုံးလုပ်ထားပေးမယ်"
"အေးပါတော်...ဒါဆိုလည်းငါသွားပြီဟေ့"
တောရိုင်း၏အမေလည်း ပန်းစည်းတင်ထားတဲ့ဗန်းကိုခေါင်းပေါ်သို့ပင့်တင်လိုက်ပြီး တောရိုင်းဘေးနားမှဖြတ်သွားသည်။
"ဟင်းစားကိုတော့အမေပြန်လာမှပဲစီစဥ်ပေးတော့မယ်အေ"
"အမေကလည်းဗျာမှာတာမပြီးတော့ဘူးကျုပ်သိပါတယ်အမေသာစိတ်ချလက်ချသွား"
"အေးပါတော်"
ဗန်းလေးကိုခေါင်းပေါ်သို့ရွက်ကာ အိမ်ရှေ့မှတဖြည်းဖြည်းလမ်းလျှောက်သွားတာကို တောရိုင်းထိုင်ကြည့်နေမိသည်။ပြီးမှထိုနေရာမှထကာ တောရိုင်းတစ်ယောက်သူ၏ညီမအားလှမ်းသတိပေးတော့သည်။
YOU ARE READING
"စိန်လိုက်လေ"(Complete)
Humor"ဟျောင့် မင်းအဲ့လောက်တောင်ငါ့အိမ်ကဟင်းတွေကြိုက်နေရင်ငါ့ကိုလင်တော်လိုက်ပါလား" "အဟွတ်အဟွတ် ဘာပြောတယ်မင်းကိုလင်တော်မဲ့အစားဟိုဘက်ရွာကအခြောက်နှစ်ယောက်ကိုပဲလင်တော်ပစ်လိုက်မယ်မှတ်ထား"... "ေဟ်ာင့္ မင္းအဲ့ေလာက္ေတာင္ငါ့အိမ္ကဟင္းေတြႀကိဳက္ေနရင္ငါ့ကိုလင္ေတာ္လိုက...
