Be For You and Me (Friends Series #2)

Chapter 24

Hindi ko alam ang sasabihin ko sakanya dahil sa mga sinaad niya. Si Allen? Si Kuya Allen ang sinasabi niya diba. As far as I know kilala niya sa Kuya Allen simula palang nung una. Dahil nandun naman siya nung una kong nakilala si Kuya. 

"Wala ka nang pakialam doon." Umalis na ako dahil wala namang siyang pakialam kung sino ang tatay ng anak ko. Hindi naman niya concern ang tatay ng anak ko. 

Dire-diresto naman ako sa table namin at nakita kong halos malasing na sina Rei. Tuloy-tuloy ba naman ang mga inom nito at akala mo mga nasa college parin kami. 

"Ano na yan? Lasing na agad si Rei at Kit? Ilang baso palang yun ah." Tanong ko sa mga kaklase nang naupo ako. Tulog na kasi ang magkasintahan. 

"Hindi ko rin alam kung ano na ang nangyari diyan sa dalawa na yan. Dati naman hanggang madaling-araw na inuman kayang-kaya niyang dalawa na yan." Sagot naman saakin ni Patrick. Tumawa naman ako dahil sa sagot nito saakin. Kasi totoo naman na nung nasa college palang kami ay kung uminom ang dalawa akala mo huling araw na nila mundo at mauubusan sila ng alak. Himala nga rin na maayos pa ang mga atay nito. 

Mga ilang minuto nang maka-upo ako ay bumalik na din si Theo. 

"Theo, san ka nanggaling? Kanina ka pa tumayo a'" Pansin naman ni Patrick.

Tinuro naman ni Theo ang pintuan bilang sagot at umupo naman muli ito sa upuan niya. 

Tawa lang kami ng tawa ng bigla nalang kasing bumagsak si Patrick mula inuupuan nito dahil sa sobrang pag-tawa nito. 

Madaling araw na nang mag-aya na silang mag-uwian. Napaisip din ako kung paano na akong uuwi ngayon ng sobrang madaling araw na. 

"Girl, susunduin ka ba ng driver niyo ngayon?" Bulong ko kay Chi habang nag-aayos kami ng gamit. 

Umiling naman ito saakin. Kaya naman napaisip ako kung anong gagawin ko na. Lalo na't kakarating lang ng asawa ni Kuya at hindi ko sila pwedeng abalahin. 

"Pat, pauwi ka ngayon sa Kamuning?" Tanong nito kay Patrick kasi ayun lang ang pwedeng mag-hatid saakin. Umiling naman ito saamin. "Kung gsto mo sa bahay ka nalang muna rin. Nandun rin naman na si Poppy para hindi mo na siya sunduin pa mamaya." 

Pumayag na ako at hinintay nalang kung sino ang mag-hahatid saamin. Nagulat ako nang makita kong tumigil ang ibang sasakyan nang binaba nung driver ang bintana nito ay nakita kong nasa loob ay si Theo.

Napatingin ako kaagad kay Chione pero binigyan nalang niya ako ng kibit-balikat. Sumakay nalang kaming dalawa sa likuran dahil ayaw ko namang sumakay sa harapan. Wala naman akong karapatan.

"Theo, thank you talaga ha. Hindi kasi kami mahahatid ni Ethan ngayon. May biglaang lakad kasi ito kasama ang mga pinsan nito." Pasalamat ni Chi. Kaya naman pala hindi kami kay Ethan sumakay ngayon. 

"It's okay. Saan ko kayo ihahatid?" Tanong nito. Pinabayaan ko ng sumagot si Chi. Sianbi naman niya na sa bahay nila kami sa Makati ihahatid.

Mabilis naman niya kamingnahatid sa bahay nina Chione dahil narin sa madaling araw at walang traffic sa daan. Bago pa man ako maka-baba ay narinig ko itong biglang nag-salita.

"Macie, let's have coffee later." Tumango naman ako sakanya bilang pag-payag. Na-realize ko na walang mawawala saakin kung kakausapin ko siya. Mabilis naman akong umalis at sumunod sa pag-pasok sa loob. Nang makapasok na ako sa guest room kung saan natutulog si Poppy ay doon ko nalang naalala na wala nga pala niya akong numero. Hindi ko alam kung paano niya ako makoko-contact. 

Nag-palit naman ako agad ng damit ko, nag-dala rin kasi ng extrang damit dito saakin na pwede kong gamitin. Hindi ko rin kasi inexpect na dito ako kala Chi matutulog. Nang pahiga na ako ay biglang may nagtext saaking unknown number.