[Zawgyi]
ေနာက္တေခါက္ဆိုတာ မရိွေစရဘူး!
အခု နင္မုန္႕ေခါင္းထဲတြင္ မေရမတြက္နိုင္ေသာ အေတြးတို႕ ေျပးလြွားေနေလ၏။
"ကြ်န္မနဲ႕ သုရံုျကား ဘာမွမရိွဘူး! သူ႕ကိုလည္း သေဘာမက်ပါဘူး...." အေျကာက္တရားတို႕ျဖင့္ နင္မုန္႕ေျပာလုိက္သည္။
ေဟာ္ေပ့ခ်န္၏ မ်က္နွာအမူအရာကား ေျပာင္းလဲမသြားေသးေပ။ ထို႕ေျကာင့္ပင္ ေဟာ္ေပ့ခ်န္က သူမအေျဖကို သေဘာမက်ဘူးဆိုတာ သိလိုက္ရသည္။ ထိုအရာသည္လည္း အမွန္တကယ္က လက္ခံနုိင္ေပသည္။ အရင္ ခႏၶာကိုယ္ေဟာင္းကသူမသည္ ေယာက္်ားမ်ားစြာနွင့္ ထည္လဲတြဲခဲ့သလို ေဟာ္ေပ့ခ်န္ကလည္း တခြန္းတေလေတာင္ မဆိုခဲ့ေပ။ ျပတ္သြားျပီးသား ရည္းစားေဟာင္းကို စိတ္ဆိုးေနပါက ေဟာ္ေပ့ခ်န္အတြက္ နည္းနည္းေတာ့ ထူးဆန္းသြားလိမ့္မည္ပင္။
သူမ အေတြးထဲ နစ္ျမဳပ္ေနစဥ္မွာပဲ နင္မုန္႕ေမးေစ့အား ေဟာ္ေပ့ခ်န္သည္ အားပိုထည့္၍ ညွစ္လိုက္သည္။ ထိုအရာက သူမကို ပို၍ နာက်င္ေစသည္။ ခ်က္ခ်င္းပင္ မ်က္ရည္ဝဲေနသည့္ နင္မုန္႕တြင္ သူ႕အားစိတ္ေက်နပ္ေစမည့္ အေျဖကို ရုတ္တရက္ စဥ္းစားမိသြားေလ၏။
"ကြ်န္မ ေတာင္းပန္ပါတယ္။ ဒါ မေတာ္တဆျဖစ္သြားတာ! ေနာက္တေခါက္ဆိုတာ ထပ္မရိွေစရဘူးလို႕ ကြ်န္္မကတိေပးပါတယ္!"
ေမ်ွာ္လင့္ထားသည့္အတိုင္း ေဟာ္ေပ့ခ်န္ သူမ ေမးေစ့ကို ညွစ္ထားသည့္အားတုိ႕က ေလ်ာ့က်သြားသည္။ ေနာက္ဆံုးေတာ့ နင္မုန္႕ စိတ္သက္သာရာရသည့္ ေလတုိ႕ ရွဴထုတ္လိုက္ေတာ့ေလ၏။
"လူေတြက အခ်ိန္တိုင္း အမွားလုပ္တတ္ျကတယ္။ ဒါအကုန္လံုးက ကြ်န္မ အမွားပါ။ ဒီတျကိမ္ေလာက္ေတာ့ ေက်းဇူးျပဳျပီး ကြ်န္မကို ခြင့္လြွတ္ေပးလို႕ ရမလား ဟင္? ေနာ္...."
ဘာကတိဆိုတာ အခုထိ မသိေပမယ့္လည္း အေကာင္းဆံုးလွုပ္ရွားမွုက သူ႕ကိုေတာင္းပန္လိုက္တာသာ ေကာင္းမယ္ဆိုတာ နင္မုန္႕ ရွာေတြ႕ခဲ့၏။ ေဟာ္ေပ့ခ်န္ မ်က္ဝန္းတို႕က်ံဳ႕လိုက္သည္။ ထုိပံုစံက သူမကို ယံုျကည္ရမလား မယံုျကည္ရဘူးလားဆိုတာ ဆံုးျဖတ္ေနသည့္ပံုပင္။
အေျကာက္တရားတုိ႕ကို ထားခဲ့လိုက္ျပီး နင္မုန္႕ ေနာက္တခါ ထပ္ေျပာလုိက္သည္။
"ေနာက္တခါ မရိွေစရဘူးဆိုတာ ကြ်န္မ ကတိေပးနုိင္ပါတယ္။ မစိုးရိမ္ပါနဲ႕။ အကယ္၍ ေနာက္တခါ ဆိုတာရိွလာခဲ့ရင္ ရွင္ ေဘာလံုးလို ကန္ဖို႕အတြက္ ကြ်န္မေခါင္းကို ကိုယ္တိုင္ျဖတ္ျပီးေပးမယ္!" ေဟာ္ေပ့ခ်န္၏ ျပန္ေျပာလာမည့္စကားကို ေစာင့္ေနရင္း နင္မုန္႕ ေျပာလိုက္သည္။
သူ ေနာက္ဆံုးေတာ့ သူမအား လြွတ္ေပးလုိက္သည္။ ေဟာ္ေပ့ခ်န္ သူမလက္အား ညင္သာစြာ ေဆးေျကာေပးျပီးေနာက္ အျပင္သို႕ ထြက္သြားေလေတာ့၏။
"သူေ႒း ကြ်န္ေတ့ာဘက္က လုပ္စရာရိွတာ လုပ္ျပီးသြားပါျပီ။ သူေ႒းရဲ့ဇနီးအနားကို အဲ့ကေလး ဘယ္ေတာ့မွ ကပ္ရဲမွာမဟုတ္ေတာ့ဘူး!" သူတို့ဆီေျပးလာရင္း ခ်ီရွန္ ေျပာလိုက္သည္။
သုရံု ဆ္ုိးရြားစြာ ပညာေပးခံေနရခ်ိန္တြင္ ေဟာ္ေပ့ခ်န္ သူမကိုလုပ္ခဲ့တာက လက္ကေလးပဲ ေဆးေပးတာမို႕ ဝမ္းေတာ့သာမိေလသည္။ သုရံုအား ပညာေပးျပီးေနာက္ အျဖစ္အပ်က္တစ္ခုလံုးကို သူမအား ေဟာ္ေပ့ခ်န္က ရွင္းမျပခ်က္သည့္ပံုစံရိွေလသည္။ သူလုပ္သြားသည္က ထိုေနရာမွ ထြက္သြားျခင္းသာ ျဖစ္ေလ၏။ ခ်ီရွန္သည္လည္း သူ႕သူေ႒းေနာက္ လုိက္သြားခ်င္ေပမယ့္ အခ်ိန္ခနယူုျပီးေနာက္ နင္မုန္႕အား စူးရဲစြာ ျကည့္လ်က္ ေအာ္ေငါက္ေတာ့သည္။
"ဒီလိုကိစၥမ်ိဳးကို ဘယ္လိုမ်ား လုပ္ရဲရတာလဲ? မင္းဆီကို မနက္ျဖန္ ကြာရွင္းစာခ်ဳပ္ ယူလာခဲ့မယ္!"
နင္မုန္႕ မ်က္ေမွာင္တုိ႕ျကုပ္လိုက္သည္။ ဒီက္ိစၥ ဘယ္ေတာ့မွ ျဖစ္မလာေစရ။
"ကြ်န္မ မနက္ျဖန္ မအားဘူး"
"..."
"သန္ဘက္ခါဆိုရင္လည္း ကြ်န္မ မအားဘူး! ရွင့္အတြက္ဆို တသက္လံုး မအားဘူး!"
"..."
နင္မုန္႕ရဲ့ ဟာသဆန္ေသာ ရည္ရြယ္ခ်က္က ခ်ီရွန္ကို ပို၍ ေဒါသထြက္လာေစ၏။
"ငတံုးမ! ငါ့ကိုတသက္လံုး ေရွာင္လို႕ရမယ္မ်ား ထင္ေနတာလား? ဥပေဒအရဆို ေယာက္်ားနဲ႕ မိန္းမ 2နွစ္ေလာက္ ခြဲေနတာနဲ႕ နွစ္ေယာက္ထဲက တစ္ေယာက္က ကုိယ့္တြဲဖက္ရဲ့ ခြင့္ျပဳခ်က္မလိုပဲ ကြာရွင္းလို႕ရတယ္!"
ခ်ီရွန္ သူမကိုေျပာသည့္စကား ျကားလုိက္ရသည့္အခါ နင္မုန္႕ မ်က္နွာမွာ ျဖဴေဖ်ာ့သြား၏။ သူမ လံုးဝကို ထိုအေျကာင္းေမ့ေနခဲ့တာ! ေဟာ္ေပ့ခ်န္နွင့္လက္ထပ္ခဲ့တုန္းက သူမ အသက္26နွစ္ျဖစ္သည္။ 6နွစ္ေတာင္ ျကာသြားခဲ့ျပီဆိုေတာ့ အဓိပၸာယ္က ေဟာ္ေပ့ခ်န္က သူမကို 3ျကိမ္ေတာင္ ကြာရွင္းလို႕ရတယ္ေပါ့!
အေလာတျကီး ခ်ဥ္းကပ္လာေနေသာ အာရံုကို သူမ ခံစားလို႕ရေန၏။ သူမ ေျကာက္ေနသည့္ ပံုစံုကို ျမင္လိုက္ရသည့္အခါ ခ်ီရွန္သည္ စိတ္ေက်နပ္စြာ ေဟာ္ေပ့ခ်န္ေနာက္သို႕ လိုက္သြားေလေတာ့၏။ ထို႕ေနာက္ နင္မုန္႕သည္ သုရံုအတြက္ ေဆးရံုကားေခၚေပးျပီးသည့္အခါ ထြက္လာခဲ့သည္။
အိမ္သို႕ ျပန္ေရာက္သည့္အခါ ေဆးရံုကားေပၚမွာ သုရံု သူမကို ေျပာခဲ့သည့္ စကားေတြကို ျပန္စဥ္းစားေနရင္း ရယ္ေနမိေသာ သူမ ပါးစပ္အား လက္ျဖင့္အုပ္လိုက္ေလ၏။
"မုန္႕မုန္႕ မစိုးရိမ္နဲ႕ေနာ္ ငါ နင့္ကုိ ပစ္သြားမွာ မဟုတ္ဘူး" အေရွ႕သြား နွစ္ေခ်ာင္း ေပ်ာက္ေနရင္း သုရံုေျပာလိုက္သည္။
ဒီအေတာအတြင္း ေဟာ္ေပ့ခ်န္သည္ သူမတြဲခဲ့ေသာ ေယာက္်ားေတြနွင့္ပတ္သက္၍ ဘာမွမေျပာခဲ့ေပ။ သူမရဲ့ ရည္းစားေဟာင္း နဲ႕ လက္ေလးကိုင္မိျပီးေနာက္ ေဟာ္ေပ့ခ်န္က အခုလို တံု႕ျပန္လုိက္ရသည့္အေျကာင္းအရာကို စဥ္းစားလို႕ မရနုိင္ေပ။ တခုခုေတာ့ မွားသြားရမယ္။ ကတိနဲ႕ပတ္သက္တာ တခုခုျဖစ္မယ္ဆိုေပမယ့္လည္း နင္မုန္႕တြင္ ထုိမွတ္ဥာဏ္တို႕ကလည္း ရိွမေန။ ဒါေျကာင့္ပင္ သူမ အိမ္ပတ္ပတ္လည္တြင္ သဲလြန္စရွာေနခဲ့သည္။ cloakroomသို႕ သူမ ဝင္သြားသည့္အခါတြင္ေတာ့.....
---------------------
[Unicode]
နောက်တခေါက်ဆိုတာ မရှိစေရဘူး!
အခု နင်မုန့်ခေါင်းထဲတွင် မရေမတွက်နိုင်သော အတွေးတို့ ပြေးလွှားနေလေ၏။
"ကျွန်မနဲ့ သုရုံကြား ဘာမှမရှိဘူး! သူ့ကိုလည်း သဘောမကျပါဘူး...." အကြောက်တရားတို့ဖြင့် နင်မုန့်ပြောလိုက်သည်။
ဟော်ပေ့ချန်၏ မျက်နှာအမူအရာကား ပြောင်းလဲမသွားသေးပေ။ ထို့ကြောင့်ပင် ဟော်ပေ့ချန်က သူမအဖြေကို သဘောမကျဘူးဆိုတာ သိလိုက်ရသည်။ ထိုအရာသည်လည်း အမှန်တကယ်က လက်ခံနိုင်ပေသည်။ အရင် ခန္ဓာကိုယ်ဟောင်းကသူမသည် ယောက်ျားများစွာနှင့် ထည်လဲတွဲခဲ့သလို ဟော်ပေ့ချန်ကလည်း တခွန်းတလေတောင် မဆိုခဲ့ပေ။ ပြတ်သွားပြီးသား ရည်းစားဟောင်းကို စိတ်ဆိုးနေပါက ဟော်ပေ့ချန်အတွက် နည်းနည်းတော့ ထူးဆန်းသွားလိမ့်မည်ပင်။
သူမ အတွေးထဲ နစ်မြုပ်နေစဉ်မှာပဲ နင်မုန့်မေးစေ့အား ဟော်ပေ့ချန်သည် အားပိုထည့်၍ ညှစ်လိုက်သည်။ ထိုအရာက သူမကို ပို၍ နာကျင်စေသည်။ ချက်ချင်းပင် မျက်ရည်ဝဲနေသည့် နင်မုန့်တွင် သူ့အားစိတ်ကျေနပ်စေမည့် အဖြေကို ရုတ်တရက် စဉ်းစားမိသွားလေ၏။
"ကျွန်မ တောင်းပန်ပါတယ်။ ဒါ မတော်တဆဖြစ်သွားတာ! နောက်တခေါက်ဆိုတာ ထပ်မရှိစေရဘူးလို့ ကျွန်မကတိပေးပါတယ်!"
မျှော်လင့်ထားသည့်အတိုင်း ဟော်ပေ့ချန် သူမ မေးစေ့ကို ညှစ်ထားသည့်အားတို့က လျော့ကျသွားသည်။ နောက်ဆုံးတော့ နင်မုန့် စိတ်သက်သာရာရသည့် လေတို့ ရှူထုတ်လိုက်တော့လေ၏။
"လူတွေက အချိန်တိုင်း အမှားလုပ်တတ်ကြတယ်။ ဒါအကုန်လုံးက ကျွန်မ အမှားပါ။ ဒီတကြိမ်လောက်တော့ ကျေးဇူးပြုပြီး ကျွန်မကို ခွင့်လွှတ်ပေးလို့ ရမလား ဟင်? နော်...."
ဘာကတိဆိုတာ အခုထိ မသိပေမယ့်လည်း အကောင်းဆုံးလှုပ်ရှားမှုက သူ့ကိုတောင်းပန်လိုက်တာသာ ကောင်းမယ်ဆိုတာ နင်မုန့် ရှာတွေ့ခဲ့၏။ ဟော်ပေ့ချန် မျက်ဝန်းတို့ကျုံ့လိုက်သည်။ ထိုပုံစံက သူမကို ယုံကြည်ရမလား မယုံကြည်ရဘူးလားဆိုတာ ဆုံးဖြတ်နေသည့်ပုံပင်။
အကြောက်တရားတို့ကို ထားခဲ့လိုက်ပြီး နင်မုန့် နောက်တခါ ထပ်ပြောလိုက်သည်။
"နောက်တခါ မရှိစေရဘူးဆိုတာ ကျွန်မ ကတိပေးနိုင်ပါတယ်။ မစိုးရိမ်ပါနဲ့။ အကယ်၍ နောက်တခါ ဆိုတာရှိလာခဲ့ရင် ရှင် ဘောလုံးလို ကန်ဖို့အတွက် ကျွန်မခေါင်းကို ကိုယ်တိုင်ဖြတ်ပြီးပေးမယ်!" ဟော်ပေ့ချန်၏ ပြန်ပြောလာမည့်စကားကို စောင့်နေရင်း နင်မုန့် ပြောလိုက်သည်။
သူ နောက်ဆုံးတော့ သူမအား လွှတ်ပေးလိုက်သည်။ ဟော်ပေ့ချန် သူမလက်အား ညင်သာစွာ ဆေးကြောပေးပြီးနောက် အပြင်သို့ ထွက်သွားလေတော့၏။
"သူဋ္ဌေး ကျွန်တေ့ာဘက်က လုပ်စရာရှိတာ လုပ်ပြီးသွားပါပြီ။ သူဋ္ဌေးရဲ့ဇနီးအနားကို အဲ့ကလေး ဘယ်တော့မှ ကပ်ရဲမှာမဟုတ်တော့ဘူး!" သူတို့ဆီပြေးလာရင်း ချီရှန် ပြောလိုက်သည်။
သုရုံ ဆိုးရွားစွာ ပညာပေးခံနေရချိန်တွင် ဟော်ပေ့ချန် သူမကိုလုပ်ခဲ့တာက လက်ကလေးပဲ ဆေးပေးတာမို့ ဝမ်းတော့သာမိလေသည်။ သုရုံအား ပညာပေးပြီးနောက် အဖြစ်အပျက်တစ်ခုလုံးကို သူမအား ဟော်ပေ့ချန်က ရှင်းမပြချက်သည့်ပုံစံရှိလေသည်။ သူလုပ်သွားသည်က ထိုနေရာမှ ထွက်သွားခြင်းသာ ဖြစ်လေ၏။ ချီရှန်သည်လည်း သူ့သူဋ္ဌေးနောက် လိုက်သွားချင်ပေမယ့် အချိန်ခနယူုပြီးနောက် နင်မုန့်အား စူးရဲစွာ ကြည့်လျက် အော်ငေါက်တော့သည်။
"ဒီလိုကိစ္စမျိုးကို ဘယ်လိုများ လုပ်ရဲရတာလဲ? မင်းဆီကို မနက်ဖြန် ကွာရှင်းစာချုပ် ယူလာခဲ့မယ်!"
နင်မုန့် မျက်မှောင်တို့ကြုပ်လိုက်သည်။ ဒီကိစ္စ ဘယ်တော့မှ ဖြစ်မလာစေရ။
"ကျွန်မ မနက်ဖြန် မအားဘူး"
"..."
"သန်ဘက်ခါဆိုရင်လည်း ကျွန်မ မအားဘူး! ရှင့်အတွက်ဆို တသက်လုံး မအားဘူး!"
"..."
နင်မုန့်ရဲ့ ဟာသဆန်သော ရည်ရွယ်ချက်က ချီရှန်ကို ပို၍ ဒေါသထွက်လာစေ၏။
"ငတုံးမ! ငါ့ကိုတသက်လုံး ရှောင်လို့ရမယ်များ ထင်နေတာလား? ဥပဒေအရဆို ယောက်ျားနဲ့ မိန်းမ 2နှစ်လောက် ခွဲနေတာနဲ့ နှစ်ယောက်ထဲက တစ်ယောက်က ကိုယ့်တွဲဖက်ရဲ့ ခွင့်ပြုချက်မလိုပဲ ကွာရှင်းလို့ရတယ်!"
ချီရှန် သူမကိုပြောသည့်စကား ကြားလိုက်ရသည့်အခါ နင်မုန့် မျက်နှာမှာ ဖြူဖျော့သွား၏။ သူမ လုံးဝကို ထိုအကြောင်းမေ့နေခဲ့တာ! ဟော်ပေ့ချန်နှင့်လက်ထပ်ခဲ့တုန်းက သူမ အသက်26နှစ်ဖြစ်သည်။ 6နှစ်တောင် ကြာသွားခဲ့ပြီဆိုတော့ အဓိပ္ပာယ်က ဟော်ပေ့ချန်က သူမကို 3ကြိမ်တောင် ကွာရှင်းလို့ရတယ်ပေါ့!
အလောတကြီး ချဉ်းကပ်လာနေသော အာရုံကို သူမ ခံစားလို့ရနေ၏။ သူမ ကြောက်နေသည့် ပုံစုံကို မြင်လိုက်ရသည့်အခါ ချီရှန်သည် စိတ်ကျေနပ်စွာ ဟော်ပေ့ချန်နောက်သို့ လိုက်သွားလေတော့၏။ ထို့နောက် နင်မုန့်သည် သုရုံအတွက် ဆေးရုံကားခေါ်ပေးပြီးသည့်အခါ ထွက်လာခဲ့သည်။
အိမ်သို့ ပြန်ရောက်သည့်အခါ ဆေးရုံကားပေါ်မှာ သုရုံ သူမကို ပြောခဲ့သည့် စကားတွေကို ပြန်စဉ်းစားနေရင်း ရယ်နေမိသော သူမ ပါးစပ်အား လက်ဖြင့်အုပ်လိုက်လေ၏။
"မုန့်မုန့် မစိုးရိမ်နဲ့နော် ငါ နင့်ကို ပစ်သွားမှာ မဟုတ်ဘူး" အရှေ့သွား နှစ်ချောင်း ပျောက်နေရင်း သုရုံပြောလိုက်သည်။
ဒီအတောအတွင်း ဟော်ပေ့ချန်သည် သူမတွဲခဲ့သော ယောက်ျားတွေနှင့်ပတ်သက်၍ ဘာမှမပြောခဲ့ပေ။ သူမရဲ့ ရည်းစားဟောင်း နဲ့ လက်လေးကိုင်မိပြီးနောက် ဟော်ပေ့ချန်က အခုလို တုံ့ပြန်လိုက်ရသည့်အကြောင်းအရာကို စဉ်းစားလို့ မရနိုင်ပေ။ တခုခုတော့ မှားသွားရမယ်။ ကတိနဲ့ပတ်သက်တာ တခုခုဖြစ်မယ်ဆိုပေမယ့်လည်း နင်မုန့်တွင် ထိုမှတ်ဉာဏ်တို့ကလည်း ရှိမနေ။ ဒါကြောင့်ပင် သူမ အိမ်ပတ်ပတ်လည်တွင် သဲလွန်စရှာနေခဲ့သည်။ cloakroomသို့ သူမ ဝင်သွားသည့်အခါတွင်တော့.....