الحلقة السادسة
من رواية
.
.
.
#قصة_فراقـ💔
.
.
.
#لااااااااااايك
.
.
.
#كووووووومنت
.
.
.
#منــــشن
.
.
.
روحو لي الفندق
مها..ماما احني جينا خيرك اتلمي في الحوايج
ميسم..وين ابنمشو 😳😳
هنادي..غر بالشوية عليا بوك حصل حوش قنين واجرناه
ميسم..واخيرا عييت منه الفندق اني
مها..سكري فمك لقيتيه في قرارك تاكلي وتشربي ويظمولك هما ويغسلولك حوايجك هما
ميسم..اي حق فكرتش فيها هدي 😂😂
مها..خلي نمشي ندير حوايجي
ميسم..حتى اني ماشية لي غرفتي
مشت ميسم لمت حوايجها هما اصلا ماطلعتهمش كلهم في الشنطة بس حجات كانو برا قامتهم وقعمزت فتحت الفايبر بالتكسد ع البنات خطر ع بالها تشوف فايبر تيم لقاته نشط منذ دقيقتين
ميسم..اووف لحقتش عليه
مها طق طق طق
ميسم. .هيا
مها..كملتي؟؟
ميسم..ايه
مها..نستنو في بابا وخوتك
ميسم..اي حتى اني اهو مكسدة
مها..شن اديري
ميسم..لقيت تيم نشط منذ دقائق
مها..كيف صار باش انخطفتو وفونه اكيد مشي عندهم وراهو حتى تفترش
ميسم..عنده اكتر من رقم
مها..قولي هكي وانتي ارقامه عندك؟
ميسم..ايه 😁😂
مها..تي باهي باه
ميسم..نبي نبعتله كيف حالك
مها..ابعتي
ميسم..بعتتله
(اهلا تيم كيف حالك شن اخبارك كيف حال رجلك كويسة؟؟ قال احمد انـك درت العملية ونجحت بعدها معاد سمعت شي وين انت قاعد في ليبيا؟؟ المهم حمدلله ع سلامتك اول ماتشوف رسالتي كلمني بايات)
مها..هدي كيف حالك؟؟؟
ميسم..صكفمك 😒
مها..لا الباين طايحة بوجهك فيه
ميسم..ااااه مش عارفة يا مها خيرني مش عارفة كيف وامتى مش عارفة 💔
مها..طبعا مايطقش ع الباب الحب هوا 😂😉
ميسم..ترا بري شوفيهم خير من بسالتك
مشت مها شافتهم ولقت امجد كيف جايهم
مها..هيا ميسم
ميسم..هي
خدت شنطتها كرتها وطلعت
وصل ميسم مسج بس قدرتش تفتحه لانه كان امجد من اليمين وانس من اليسار
ميسم..حقا انس خيرك ماتردش ع هناء
انس..خليها تعرف روحها علاش
مها..اكيد قصة غيرة😂😂 تي بكري قريب تطلع من الفون
ميسم..حتى احني ماقصرناش😂😂😂😂
امجد..شن درتولها
ميسم..هبلناها تركيات وجو وقالت وين انس قلنالها يهيج😂😂 تو يكلمك
انس..زدتوها ع مابيها
ميسم..😂😂والله هبلناها
مها..تو ترضى تو ترضى
ميسم..هي توا عند ميار ممكن
انس..نعم؟ وخيرها مقالتش
مها..والله اتصلت بيك وماتردش عليها شن تبيها اديرلك
انس..مانردش عليها تقعمز في الحوش
ميسم..وراس امك انت تهيج في تركيا اهني وهيا ع مشية لي بنت خالتها تبيهاش تمشي وين صار هدا في اين قرن تره المشكلة وين ماشية ماشية لي حوش حتى هوا مش ماشية لي مكان تاني😠😒😒
انس..باهي وانتي علقتي
مها..اي والله ياسر معاد تضغط عليها البنت تراه خليها براحتها حرام عليك
انس..باه باه
ميسم..المهم وين هدا الحوش طول
انس..قريب نوصلو
وقعدو في الطريق ساكتين فتحت ميسم المسج وكان من تيم
تيم..الحمدلله بخير رجلي كويسة اهو توا اني في تونس درت كشف عليها وقالو ان العملية كويسة تبي شوية راحة بس
بعتتله ميسم..باهي الحمدلله طمنتني 😌
وتنهدت ميسم تنهيدة فيها راحة😌
مها شبحتلها 😉
ميسم..😉☺
مها..يسس
امجد تلفتلهم شن في
ميسم..ولا شي اختك تخرط
مها..ربحت في اللعبة هههه😁😁
ميسم..😒
تيم..كنتي مشغولة عليا ؟
ميسم..ايه
تيم..شكرا ليك انتي وعيلتك ماقصرتوش معاي😊
ميسم..ولو هذا واجبنا
تيم..بارك الله فيكم
ميسم..فيك بارك الله
تيم..ميسم
ميسم..نعم
تيم..سامحيني بالله عليك
ميسم..معاد تقول هكي سامحتك اني
تيم..ميسم اني نحبك
ميسم عيونها ولو قلوب قلوب
تيم..الووو لو ماعجبكش الموضوع فوتيه وكأني ماقلتش شي
ميسم..تيم اني نستأذنك توا بعدين نهدرزو لانة وصلنا للحوش توا كيف حولنا
تيم..اوك تمام 💕
ميسم..❤❤
نزلت ميسم ونزلو الشناطي وحجاتهم وخشو للحوش
ميسم..هدي داري اني 😍😍مالياش علاقة
امجد قعد يصفقلهم..👏👏هيا هيا داركم هديكا شفتوها؟؟ هدي داري اني وانس
ميسم..عيييينك
مها..لاااا
انس حط شناطيه فيها..هيا المفرخ يطلعو مانبوش ازعاج 😏
اتكى انس ع السرير..هيا هيا اطلعو
ميسم..😦عينك عينك
امجد يدف فيهم هما الزوز وسكر عليهم الباب
ميسم..مبرددكم
مها..نبوها احني😢
فتح امجد الباب يحسابوهم حنو عليهم
ميسم..😍😍
امجد..شدي شنطك تشاوات😂😂 منظركم يضحك
ميسم..مبررردك😠
مها..حيوان😠
خدت ميسم شنطتها ومشو لي الدار
هنادي..هي يا بنات حطو حجاتكم وتعالو انظمو الحوش
ميسم.ماماا اني كنت مخطوفة مفروض ماتعاملونيش هكي 😒
مها..كنتي مش توا كنتتي يعني توا مافيك شي تي نوووضي
ميسم..حتى الخاطفين ماعاملونيش هكي 😒😏
مها..هاهاها هيا معانا
ابدو ينظفو ويظمو في الحوش
ميسم..خوتك راقدين وله
مها..ايه😣 سعدودهم
ميسم وين الشفاطة هاتيها وانتي خودي ملمع وحاجة تمسحي بيها هيا وراي
مشو فتحو الدار وولعو الشفاطة ومها فتحت الروشن وسكرت المكيف وتنفظ في الغبرة وميسم تكنس
انس..تي ها ها شنوووو هداا الهم الواحد ابيرقدد
امجدد..وااااااك ع الحسد تي اطلعوو
ميسم..بالنظفو😑 مش عاجبكم اطلعو مالياش علاقة
انس حط المخدة ع راسه ميسم ابدت تكنس فوقه
انس..تي حولي يا دراه
ميسم..ماه كان في غبرة😂😂
مها ركبت فوق سرير امجد وبدت تمسح وتهز في السرير وتغني
مها..ديماااا نا وياااك خاااطري لا حرب ولا سلااااح خاطري يا العزيززز عليييي 💃💃
ميسم..في جنننبكك نرتاااح خاااطري مايبعدنااا شيييي روروروري 💃
انس ناض..يا حمارة انتي وياها قلنا ياسر نبي نرقد
ميسم..وني نبي انظف راقدين ع الخمر
امجد..واااك دراهات حسد حسد مش حنعطوها الدار
ميسم..نوض بالك شادهالنا حسد حسد من بكري😒 ميتين عليها حني 😏
مها..يا يماااا يهبللل حبيبي يا يمااا يهبل حبيبي يا يمااا بالننموت في خفة دممه يهبل حبيبي يايما يهبل حبيبييي
ناضلها امجد وابدي يجري في جرتها
هنادي..حي حي حي حشمتوني قدام الاتراك حي حشم حالكم ان شاءالله😱😱
امجدد..تو نوريهولك حبيبك شن شكله ياحيوانة
مها..😂😂😂😂 خشت تجري للدار وسكرتها بالمفتاح
اما ميسم لقت انس يشبحلها وقريب ينوض ياكلها
ميسم..اظن هكي انظافت الدار وله اي خلي نقيمها😅😁 المكينة ونرفعها ماتبي شي انووس😅
انس قام فونه وبيلوحه عليها
ميسم سكرت الباب وطلعت تجري 😂😂😂
ميسم..وين مها؟
هنادي..شن درتولهم
ميسم..شييي😁😄 شن طيبتي
هنادي..مافظيتش كلمي واحد منهم ينوض يجيبلنا مناكلو
ميسم..كلميهم انتي والله لما يهيجو فيا
هنادي..ماه عارفتكم اني اشبح شن درتولهم
ميسم..مادرنا شي ديما هما اللي معاهم الحق واحني الباطل😒
هنادي..اي ماني عارفتكم اني
ميسم..باه
مها..وينه
ميسم..منو
مها..امجد
وجي من وراها شدلها وذنها
امجد..صار يهبل حبيبك اااه
مها..والله هيا اغنية بالله
هنادي..حي حي حشمتوني والله الا حشمتوني
امجد..اقلبي وجهك امشي
مها..😜
امجد..ريتيها يا يما ريتيها
هنادي نحت شبشبها..واللهي واللهي كان ماتسكت انت وياها الا نهاركم اللي ادورو فيه
سكتو وقعمزو
ميسم..😂😂😂
هنادي..مجوودة
امجد..ها😑
هنادي..هي وليدي باش نخطبلك 😉 هديكا😉 تنوض تجيبلنا شوية ماكلة من المطعم هي😉
امجد..ليا سنة نسمع فيها الكلمة هدي
هنادي..توا وين ابنخطبها منا لين نروحو ويصير خير 😉
امجد..باه باه
هنادي..بعدين انت قلت مزال هيا تبي تكمل خلاص من لين تكمل نكونو حتى خاطبينها احني😁
امجد..باهي شن تبو 😍😍
ميسم..شاورماا😍😍😍
مها..زيها
هنادي..خلاص جيبلنا كلنا شاورما😘
امجد..باهي
مشي امجد يجيبلهم وميسم خشت للدار
مها..وين بابا
هنادي..من بكري راقد نوضيه يصلي المغرب
مها..حاضر
هنادي..خلي نصلي حتى اني
.
.
طيعا ميسم خشت باش تكلم تيم ع الفايبر بتسجيل الصوت
ميسم..اهلا
تيم..اهلين
ميسم..كيف حالك
تيم..الحمدلله قتلك
ميسم..نعم
تيم..اني حجزت باش نمشي لي تركيا اسطنبول انتم وله
ميسم..حيي جديااات😍😍
تيم..ايه هههه
ميسم..اي اسطنبول في ...
تيم..تمام
ميسم..شن جوك
تيم.. الحمدلله تمام وانتِ
ميسم..كويسة
تيم..ميسم مجاوبتينيش ع بكري
ميسم..ايه
تيم..شن ايه
ميسم..اللي تحس بيه☺
تيم..اللي نحس بيه اني ان نحبك ومانعرفش كيف حبيتك بس نحبك
ميسم..اذا تحبني تعرف بابا وتعرف خوتي 😉
تيم..بإذنـ الله تكوني ليا وتكوني حلالي 😍
ميسم..تمام معناها
تيم..اول مانوصل لي تركيا نكلمك اعطيني رقمك
ميسم.. رقمي ******
تيم..تمام اهو توو نسجله
ميسم..اوك معناها
تيم..مع السلامة ☺
ميسم..سلامات 😉😄
حطت ميسم الفون ورقدت وتاني يوم تالت يوم رابع يوم اتصل بيها تيم
تيم..السلام عليكم
ميسم.. وعليكم السلام شرفت اراضي تركيا😍😍
تيم..ههههههه
ميسم..حمدلله ع السلامة😘😍
تيم..الله يسلمك ☺
ميسم..شن وين انت توا
تيم..ندهور هههههه
ميسم..باهي كويس
تيم..مشاءالله التركيات 😍😍😂
ميسم..هاهاها 😒😒
تيم..هههههههه غيورة
ميسم..منين بالنغار😒
تيم..تي باه باه
ميسم..وين انت
تيم..توا في شارع ###
ميسم..قول والله
تيم..والله علاش
ميسم..اصبر شوية
فتحت ميسم الروشن انتاعها
ميسم..وين بالزبط
تيم..ع يميني حوش و
ميسم شافاته😍😍.. ههههههه اشبح لي يمينك
تيم شبح ويدور لقي ميسم طالعتله من الروشن
تيم..😍😍هههههههه
ميسم..😍😍 هههههههههه صدفة حلوة
تيم..احلى صدفة
ميسم..😂😂هيا بااااي
تيم..استني
ميسم..وقت نكون حلالك😉😉
تيم..هبلتيني يا بنت حتكوني حلالي 😉😉
ميسم..تمام هيا بايات
تيم..باي ههههه
قعمزت ميسم وهي فرحانة وتقرا في كتاب رواية ✨
مشي تيم خدي حجات باش يجي يكلم بو ميسم وفرحان كان رتب كل شي واجر حوش رتبه ع ذوقه
ابدي يخدم ليل ونهار وفرحان هدا كله باش ياخد ميسم
مها..خيرك مادة شواربك ميترو انتي ومن متعاركة
ميسم..تيم
مها..خيره
ميسم..باش قتلك قال حيجي ويخطبني
مها..اي باه
ميسم..توا ليه قريب يسكر شهر ماكلمنيش وماجاش معقولة اللي في بالي ؟؟!! 😔
مها..لا ان شاءالله لا تفائلي خير
ميسم..ان شاءالله 😕
.
.
عند تيم..اوووه توا هكي تمام استقريت في خدمتي وتكفي مصروفي والحوش وواتي و شن تاني ناقص توا نمشي نجيب حجات باش نمشي بيهم غدوا
مشي تيم وجاب شيكولاتة ناض تاني يوم مبدل وطارح وجوه مليح طلع من الحوش لقي وحدة تبيع في الورد وقف عليها خدي منها باقة ورد احمر ومشي لي حوش ميسم
طق الباب المرة الاولى التانية التالتة فتح انس
انس..تيييم😳😵
تيم..اي تيم خيرك انصدمت
انس..ااه لا شي تفضل
محمد..انس منو؟؟
انس خش لي الحوش داخل بعد ماخشش تيم للصالون
انس يتكلم ويشبح لي ميسم..تيم يابوي 😕
محمد..تيييم 😳؟
انس..اي تيم هوينا دخلته
محمد..باهي ديرو قهوة
ميسم كانت متجمدة من شبحات انس
انس بعد مامشي بوه..صار قاعدة تكلمي فيه ماسدكش من اللي صارلك في جرته😠
ميسم..مانكلمش فيه😠
انس..امالا كيف عرف حوشنا
ميسم..كله كله يومها كلمني ع الفايبر وقعد يهدرز بسسس وحوشنا كيف عرفه صدفة شافني يوم اني في الروشن وهوا خاطم بس بس والباقي هاك ها شوف حتى الفون قال انه يبيني قتله بوي وخوتي قدامك شن مزال تبي تعرف تاني سيد انس😁
انس..تي باهي باهي حسابك بعدين
ميسم.اللي بالديره ديره😒
.
.
ناضت ميسم ادير في القهوة وفرحانة
مها..فرحانة😉
ميسم..هلباااا 😍😍
هنادي..شن تونونو
ميسم..ءء شي
هنادي..باهي باه 😉
.
تيم..كيف حالك ياعمي ☺
محمد..الحمدلله 😁
تيم..باهي الحمدلله
محمد..كيف حال رجلك😕
تيم..الحمدلله كويسة وهدا كله بفضل ربي وبفضلكم انتم😃
محمد..هدا واجبنا😌
تيم..واني جايكم نبي نرد الدين اللي ع رقبتي 😊☺
محمد..سامحنا بس احني مانقبلوش اي فلوس 😁
تيم..عارفكم ف جاي اني نبي
محمد..قول شن تبي
تيم..بالله عليك ياعمي ماترفضني والله انتم عيلتي التانية
محمد..ان شاءالله شن في
تيم..اني نبي نطلب بنتك ميسم على سنة الله ورسوله
محمد..😳😳كيييف
تيم..عمي اني والله نبيها ونحبها يشهد عليا ربي ان من يوم عرفتها تبت ووابديت نحبها والله ابديت ع خاطرها لا نرقد لا ليل ولا نهار جيت اهني ليا شهر اجرت حوش وفرشته كيف مانبي خدمت خدمتين صبح وليل الليل مانرقد فيه ع خاطر ماترفضونيش صح اني قد ماندير مش حنكون في المستوى اللي انتم فيه بس اني حنحاول نعيش بنتك احسن عيشة وماتخافش عليها بإذن الله حنصونها بس بالله عليك ماترفضوني
محمد..خليني نفكر بعدين ساهل اعطيني رقمك
تيم..تمام
جابله امجد القهوة وقعمزو معاه حلفوله ع الغدي تغدا معاهم وروح وكان نص فرحان ونص مضايق ان محمد مايقبلاش
محمد..بنتي اظن تعرفي ان تيم علاش جانا صح؟؟
ميسم..ايه
محمد..باه اني نبي منك توا تصلي صلاة الاستخارة وتتوكلي ع ربك وتفكري في الموضوع زيييين وخلينا من انك تبيه والكلام هدا فكري كويس وقوليلي رأيك تمام :)
ميسم..حاضر ☺
انس..شن يعني لو وافقت ابتعطيهاله تي هدا كان حيضيع حياتها
محمد..اسسس ولا كلمة في الموضوع هدا قرار زواج وماهوش لعبة وهيا اللي تبيه ماشي
انس..يا بوي انت قلتها قرار زواااج مش لعبة وتيم خطر عليها انت تعرف لو يشدوه حيقتلوه وبنتك تترمل في عز شبابها
ميسم..😔💔
محمد..لو هيا تبيه تتحمل نتيجة اختيارها
انس ماتحملش خش لي داره لقي فونه يشرين لقاها هناء
انس..ايوا 😠
هناء..حبيبي وينك من بكري نتصل
انس..قاعد يا هناء شن تبي
هناء..شن نبي؟؟
انس..بالله عليك مش ناقصك وحق ربي اللي فيا مكفيني خليني نرقد خير لانة مانبيش نتكها معاك حتى انتي
هناء..ومزال شن بالتقول تاني بعد اللي قلته توا
انس..قلنا سككري
هناء..ماشي ماشي
لوح الفون
انس..استغففر الله ياربي
ناض انس صلى ورقد اما هناء فقعدت تبكي ع حظها لين خداها النوم 💔
ناض انس الصبح ادكر هناء دور الفون لقاه طايح قامه فتحه مالقاهاش متصلة او باعتة مسج استغرب مش من عوايدها ناض غسل وصلى وقعمز اتصل بيها
هناء كانت راقدة ومش فايقة ردت طول من دون ماتعرف الصوت
انس ناعمم وحلوو..حبيبتي☺صباح الفل
هناء..اممم شن تبي 😒
انس..هكي تقولي لي حبيبك شن تبي
هناء..اها يعني اني عادي تقولهالي اما انت لا مانقولهاش وله
انس..اسف والله اسف كنت متعفلق وانتي اتصلتي
هناء..واني اتصلت وفشيت غلك فيا اي وشن تاني توا بالتكمل عليا والا كيف
انس..قتلك اسف اني والله ماقصدي
هناء..اننس انت تقولي حنتغير بس ماتغيرتش لو ماتتغيرش وتقعد كويس معاي واسلوبك معاي يتحسن وتهتم بيا ومعاد تهملني بكل الاحسن ان كل واحد يمشي في حاله💔لانة احني هكي ومش متفاهمين امالا بعدين كيف والله تعبت يا انس امس طول الوقت واني نبكي مليت من الوضع هدا كل ليلة واني مقعمزة نبكي من لما سافرت واني عايشة في دوامة معاد فهمتك بكل حياتي ولت اخي بكل كل ليلة مانرقدش الما نبكي علاش هكي باهي 😭
انس..يعني هدا قرارك ؟؟
هناء..مش قراري بس اني والله تعبت يا انس دير حل
انس..عندك من اهني لعند الاسبوع الجاي باش توتي فيه حاجتك
هناء..شن قصدك
انس..ديري العرس وكل شي واني حنحجز يوم العرس للمطار وحنستقبلك في المطار ونمشو مع بعض
هناء ناضت فتحت عيونها ع وسعهم 😳😳..نعممممم
انس..اللي قلته توا يتنفد وبلاش كلامك اللي قلتيه بكري والخرابيط الزايدة انتي تعرفي ضروفي مش كانا في تركيا معناها جو مليح هيا سكري يادوبك تلحقي تشري حاجتك وتحجزي وتوتي
هناء..ءءء😳😳
انس..الخميس تكوني عندي يالله سلامات ☺
طلع انس ولقاهم يفطرو في الجنان
انس..بالنقوللكم موضوع اني معاد نقدر خلاص حنتجوز
الكل شبحله 😳😳
انس..اي خيركم تشبحولي كل يوم اني وياها بمشكلة شكل ف احسن حل ان نتزوجو بأسرع وقت لانة لو قعدنا هكي مش حيصير مننا ☺
هنادي..تي شن تخرف انت مش موتين شي وتعرف الحال كيف 😱😨😳
انس..مش ظروري
هنادي..معقولة ولدي الكبير يتزوج لا عرس ولا شي 😰لالا مش موافقة اني
انس..العرس الاسبوع الجاي الخميس هناء حتكون اهني وتم الموضوع مش ظروري بي الرورو هوا 😑
ميسم لين شرقت من كلمته ومها انفلقت بالضحك عليه..😂😂😂😂
هنادي..اااه ياكبدي منكم وخلاص😕
محمد..خير مادرت
امجد..اقل مصاريف 😂😂
انس..هي اني طالع
محمد..وين ماشي ماعندك وين تمشي
انس..نبي نبدا نخدم حندور ع خدمة مش معقولة نقعد هكي
محمد..باهي كويس
محمد..مها و امجد حولتلكم وراقيكم اهني وابتبدو من غدوا تقرو
مها..علاش يابابا مدامنا مش قاعدين هلبا اهني
محمد..ووين تندري انتي شن تبي سنة اضيع منك والا غر تبي تطلعي وتخشي وخلاص
مها..باهي حاضر
محمد..وانت يا سي امجد بالك عندك اعتراض
امجد..لالا
محمد..كويس هي نوضو وتو روحكم لي غدوا
امجد ومها ناضو طلعو يشرو في حجات لانهم مش جايبين معاهم شي
محمد..وانتِ يا ميسو
ميسم..😳ءءنعم بابا
محمد..شن صار
ميسم..قاعدة نفكر☺
محمد..فاهمك يا بنتي انتِ تبيه صح
ميسم نزلت راسها لوطة..ايه
محمد..انتِ واتقة من قرارك يا بنتي راهو لا شهادة لا شي ولاشي ره
ميسم..هو يا بابا واخد الثانوي ومبطل يقدر يكمل في الجامعة
محمد..اني قتلك وانتِ ادرا بقرارك ماتجيش تقوليلي يا بابا راهو العز هدا كله مش حتشوفيه عنده ره
ميسم..اهم شي الراحة يا بابا الباقي يندار مع الوقت
محمد اعجب بتفكير بنته..كويس ومش حتجيني يوم وتقوليلي بابا اني تعبت من هالعيشة ؟؟
ميسم..لالا هدا قراري واني نتحمل مسؤليته
محمد..تمام معناها حنرد عليه ونقوله موافقين
ميسم..تمام☺
هنادي..بالسرعة هدي وبعدين ابتتزوج اهني؟؟
محمد..اهني والا غادي شن تبينا نروحو باش بدال من عرس نكد؟
هنادي..لا عندك الحق
محمد..خلاص بري اطلعو انتِ وامك عرسك مع خوك
ميسم..شنوووو
محمد..زي ماقتلك علاش بالنعطلو بيه بما ان مافيش عرس
ميسم..ت ت تمااام 😍😍
مشت ميسم هي وامها وشرو كل شي يبوه
ميسم..ماما خواتي مش حيحضرو عرسي😢
هنادي..لالا اكيد حيجو تو يبعتلهم بوك ماتخافيش
ميسم..ان شاءالله
وخدو كل شي هما يبوه وكانو فرحانين بس نص فرحة مش كاملة الفرحة
جي اسبوع العرس
ميسم..ماما الباب يطق منو زعمك
هنادي..قعمزي انتِ تو نفتح اني
فتحت هنادي وتلقاهم .. #يتبع
.
.
انـ شاءالله تكون نالت اعجباكم ياربي😍😍 وهيا نبي التفاعل وكومنتات طويلة مانبيش تم وخلاص💔😍😍😘😘 #حنو