قصة فراق ( روايات ليبية )

حلقة 29 🔥

#قصـة_فراقـ💔
.
.
.
الحلقة 29🔖
.
.
.
علي..ليلى تعالي نتمشو
ليلى..ءء شنوو😳
علي..خيرك تعالي نتمشو
ليلى..كان تمتيلية خليني نخش نرقد خير لانة حنختموها بعركة ومخاطريش ننفضح قدام عيلتك
علي..لا حول ولا قوة الا بالله تي نوضي خيرلك
ناضت ليلى وفي غمرها ارين
ليلى..شدها شوية خلي نلبسلها جاكيتها☺
شدها علي وهو يلعب فيها وارين تضحك وفرحانة
لبستلها ليلى ومشو مع بعض
ليلى..هاتها
علي..لا خليها في غمري هي
ليلى..اوك
علي..احكيلي عليك لينا شهر مع بعض مانعرفش غير اسمك☺
ليلى..ههههه غريب واني نعرف كل شيي
علي..الله غالب
ليلى..شن اللي غير أيك باش تتعرف يعني ماه بعد شهرين بنطلقو😕
علي..بس من قال هكي
ليلى..علي بالله عليك معاد تزيد تحببني فيك اكتر😔والله تعبت
علي..بس اني مقلتش شي وناهد سيبتها واني اسف ع كلامها اللي قالتهولك ماكنتش متوقعها هكي تقول كلام زي هدا بكلل
ليلى..صار خير
علي..هي احكيلي عاد
ليلى..احم اني ليلى مواليدي 96 صراحة غير قرايتي مانعرف شي رغم ان عيلتي فلوس وهكي بس ماعمري طلعت لي سوق او شريت حاجة ع ذوقي حتى حوايج عرسي مرت بوي هي اللي شراته وسبب زواجي مرت بوي هي اللي تنق تبيني نتزوج باش يفضالها الحوش هيا💔😔 ديما ظالمتني ماتحبنيش عندي خوات بس زي امهم وكانو مايبونيش نتزوجك لانة يعني ع فكرة بس ناهد صاحبتهم😉😁
علي..صاحبتتهم!!كيف عرفتي باه
ليلى..يومها جت لعندي وقتلي ماتتزوجيشي ولو تزوجتيه حتشوفي شن يصيرلك واني رفضت خوفاً منها وبس للأسف بابا زوجني بالسيف وهدا اللي صار تزوجتك بالمختصر من بعد ماتوفت ماما واني حياتي كارهتها لانه تزوج بعد 40 امي ع طول ومن يومها واني نخدم فيها وبوي مانعرف شن بدله الله غالب وخلاص💔 هدي اني مارتحتش الا لما تزوجتك صح ماتحبنيش ومن يوم تزوجتني تكرهني بس كافي انك تعامل فيا كويس وماتضربش فيا الحمدلله
علي..علاش قصدك هما يمدو في يدهم
ليلى..خواتي و بوي ومرته ديمة يضربو في ع ابسط غلطة 😿
علي..من اليوم مافي شخص يمد يده عليك ولو صار وداروها نقطعلهم يدهم انتِ مرتي وبحمايتي اني ومستحيل نمد يدي وولا شخص يمد يده اني سندك واي شي تحتاجيه حنكون موجود☺
ليلى..ربي يحفظك ليا باه علي يعني قصة ناهد انتهت؟
علي..ايه انتهت
ليلى..كيف قدرت تستنغى عليها
علي..الصراحة ناهد كثرو غلطاتها وبديت نشك فيها وغلطتها الاخيرة معاك انتِ خلاص فاتت حدها واحسن ليا وليها ننفصلو 💔مع الوقت حنتعود ع قلة وجودها☺
ليلى..مانبيش نكدب عليك بس فرحت لانة عندي امل ان نكون معاك ومانوليش للي كنت فيه لانة عيلتك ولت عيلتي وتعودت عليها وخصوصا امك كأنها امي😍
علي..ههههه امي كويسة وطيبة عندك نورس الشيطانة بس هههههه
ليلى..لا عادي نصتفلو مع بعض
.
.
.
محمد..مها مها
مها..ااه رقبتي شنو
محمد..نوضي هيا وقت ع الطيارة
ناضت مها دوشت وكملت وطلعت لبست ولقت محمد يستنى فيها ويشوف في الاوراق كان في حاجة ناسيينهم ولما شافها ضمهم ونزل💃
محمد..هي الحقيني😎
طلع محمد ومها جاية وراه..اااااه😡منه شن هدا ماعرفتش كيف نرضيه😣
نزلو فطرو ومشو للمطار قعمزو شوية في صالة الانتظار وبعدها نادو عليهم ومشو ركبو في الطيارة✈
.
.
.
اسراء..بنمشي معاكم راجلي قالي باهي بري
سناء مقعمزة وتفكر في موضوعها..
اسراء..الووو ياهوو انتِ سنااااء
سناء..ها ها نعم😨
اسراء..ليك يومين وانتِ مش ع بعضك قوليلي خيرك
سناء..اااا ششن خيرني فييش شي😳😳
اسراء ناضت وسكرت الباب بالمفتاح وقعمزت مقابلتها..احكككي
سناء..😭😭
حضنت اختها وقعدت تبكي💔
اسراء..اششش خلاص علاش باه شن في قوليلي
سناء وخرت ومسحت دموعها..تذكري في حادث ميسم!؟
اسراء..ايه
سناء..اني وراه 😔
اسراء شهقت💔..شششنوووو
سناء..ايه💔😖
اسراء..ككيف
سناء ..(حكتلها) ✨
اسراء واقفة وادور في مكانها..يانهارك الابيض يا نهارك الاحرف تيييي كيف هكككي ككيف قلبك حججر للدرجة هدي تخيلي مااتتت تتخيلي حتكون في رقبتك صغارها ليل نهار ح يتحسبو في اللي كان سبب مش حترتاحي في نومممتك حي علينا يا فضيحتنا حي علينا😱😱 يارب استترها ياااااارب😠حسابك معاي بعدين والمبلغ اني ندفعه وحتشوفي يا سناء حتشووفي وحندفعه مش ع خاطرك حندفعه لانة حتصيرلنا فضيحة من وراء عمايلك السووودة الحيوانة حتشوفي يا سناء 👈حتشوووفي
طلعت اسراء وصلفقت باب الدار👊 
سناء..😭😭😭يااارب حلها يااارب فرجها يارب🙌
طلعت اسراء من الدار ونزلت لوطة وقعمزت ع الدرجيحة وخدت فونها واتصلت بي راجلها
اسراء..الو أسامة
أسامة..ها سرو
اسراء..نبي نسحب مبلغ ###ممكن؟؟
أسامة..له له له علااش هدا كله
اسراء..عندي صاحبتي بتشري ابتاتها ماعندهاش بككل بككل واني قررت نساعدها😰
أسامة..متأكدة هكي يا اسراء ؟؟
اسراء..اي خيرك
أسامة..لا شي باهي تمام خودي اللي تبيه
اسراء..اوك نحبك❤
أسامة..نموت فيك هي خليني نرقد غدوا عندي نوضة بكري
اسراء..امتى مروح باه
أسامة..اسبوع ومروح
اسراء..اوك
اسامة..نوضيني مش تنسيي
اسراء..حاضر تصبح ع الف خير❤
اسامة..وانتِ من اهلي❤
ركبت اسراء لي سناء
اسراء..غدوا صبح بكري حنطلعو ونقولو ان ماشيين بنجيبو شوية حجات ناقصين وكلميه انتِ قوليله نتلاقو في مكان نعطوه الفلوس فاااهمة😠
سناء هزت راسها😢
اسراء..تمرقدي وغدوا نتفاهم معاك😏
وطلعت وخشت لي اختها حور
حور..ولدك رقد😘
اسراء..حور طفي الضي مش خاطري ندوي😠
حور..😕باهي
طفت حور الضي ورقدت
اما اسراء قعدت فايقة ومش جايها نوم جت ساعة 8 اتصلت بي أسامة نوضاته وبعدها رقدت شوية وجت نوضتها سناء ناضت اسراء غسلت وبدلت طلعو ومشو لي مكان وليد
وليد..ايوا اني نشبح فيكم هي عطوني الفلوس
اسراء كانت لابسة خمار
وليد..ايااح جايبة معاك وحدة😏
اسراء..احترم نفسك واعرف كيف تدوي
ولوحت عليه الـ5000د
اسراء..لو نشبح رقمك في الفون الله نمحيك من ع وجه الارض😡
وليد..هه😏 بري ربي الانسة اللي جنبك بعدين تعالي تكلمي معاي😒 هي تشاوو يا حلوات😉
مشي وليد واسراء تشبح لي سناء وكان تلقى تضربها ع الموقف اللي صار
سناء..معاد تشوفيلي
وقفت اسراء قدام المحل..انزلي جيبي اللي قتلك عليه😡وفمك ساكت😷
سناء..اوك اوك
مشت سناء وخدت كل شي ناقص ومشو روحو ومشو للإستراحة كلهم❤
.
.
.
.
وصلو مها و محمد للحوش خشت مها ترتب في الحوايج وبعدها بتخش ادوش✨
اما محمد فـ خدي حوايجه وخش يدوشـ🛀
مها ترتب في الحوايج وتغني🎶
مها..أنااا اناا كلي ملكك❤ انا كل حاجة حبيبي فيا بتناديك👐 أناا اناا مش بحبك الحب💓 كلمة..ويقطع عليها صوت تخبيط ع الباب وكان تخبيط بقوة هلبا💥
مها اطق ع باب الحمام..محمد محمد صوت تخبيط ع الباب قوي اططلع😰
محمد..هي هي😨
لبس محمد فيسع وطلع يجري 💃💃ولبست مها المصلية وطلعت وراه نزلو ومها قعدت قدام الباب ومحمد فتح الباب الرئيسي
محمد..هيااا هيااا منوو 😠
غالية..هكي ياللي ماتتحشم هككي😡 تروح وماتقوليييش اااه هدي اخر تربايتي فيييك😠
مها كان قلبها بيطيح💔 من الرعشة ووقت شافتها هيا خشت وقعمزت😖 وحطت راسها ع الطاولة من الرعشة🙇 لين فشلت معاد قدرت توقف💔
محمد..تي خيرك يام بالشوية كلمتيني وراهو فتحتلك علاش الرعشة اللي درتيهالنا😠
غالية..حول حوول من قدامي وينها وينهاااا مررتك ويين😡
خشت غالية ولقت مها مقعمزة
محمد استغرب..مها خيرك؟😳
مها قامت راسها..ااه لا شي راسي بس😞
وقفت مها وابتسمت ومدت يدها..اهلين عمتي☺
غالية شبحتلها وشبحت لي يدها..مانبيلك سلام نوضي ديريلي قهوة😠
مها شبحت لي محمد وهي منفعلة..😠
محمد..ديري قهوة حتى اني نبي راسي يوجع😊
مها..حاضر💔
مها اااخ ااخ يا عزوزة الشر والنكد مبرد وجهك😡 شن هدا قد مانديرلها شي شي تقول عليا مش مرت ولدها بككل 💔وين كان مدسوس هدا كله تي خيرا خواتي عزايزهم كلهم مشاءالله كلهم يحبوهم الا اني اني اللي مفروض تحبني اكتر وحدة لاني مرت ولدها الصغير 😢
ادير في القهوة ودموعها ينزلو زي المطر
غالية..اديري في قهوة والا شن انتِ😒
مها تضغط ع يديها وقريب تطربق😡😡
كملت تطييبها وحطتها وصبتلهم وحطتلهم بسكويت☕🍪 ومشت
غالية..هدي خيرها تطنفر هكي بدال ماترحب بيا😏
محمد..لا ماخيرهاش يام مريضة من الطيارة تاعبة😁
غالية..خيرنا احني ركبنا طيارات ونزلنا ومادرنا ديرها😒هه
محمد..زي قبل زي توا؟ كل جيل وجيله😁
غالية..اي اي دافع عليها زيد😠
محمد..يما هدي مرتي وبندافع عليها
غالية..قول ان اني غالطة ومرتي الصح وخلاص😠
محمد..تي يا يام مش هكي خيرنا عاد وااك يارب صبررني😣
غالية..الله معاد قاعدتلك فيه ومعاد تجيني لين مادير اللي نبيه اني😠
محمد..باه شن تبي هي😕
غالية..😊إطلقها او تتزوج عليها😎
محمد..😳😳نعممم شنو ؟؟؟ خيرك يام شن صايرلك 😳😨
غالية..هدا اللي عندي وما درت اللي نبيه لا انت ولدي ولا نعرفك😠
مها تسمع فيهم وتبكي خايفة محمد يسيبها وبذات هما متعاركين💔
طلعت امه ومشت ومحمد حط يديه ع اسه ومش قادر يتحمل شن اللي قالاته امه توا معقولة امه تبي تخرب بيته💔 باه علاش هوا علاش مش واحد من خوته التانيين علاش هو ؟؟!!💔
خش محمد ويسمع في شهقات مها معاد قدر يتحمل خش بدل حوايجه ومشي طلع وصلفق الباب💥
مها زادت في بكائها..💔😭😭😭 ااااه يا يمي اااه شن دايرة اني باش يصيرلي هكي اهئ اهئ اهئ😢😭
بكت بكت بكت لعند مارقدت وهي تبكي
روح محمد في الليل امخر لقاها في نفس مكانها وراقدة ودموعها ع خدها😢
جي قعمز جنبها بشويا وحط يده ع خدها ومسحلها دموعها وهو بروحه بيبكي من جيهة مرته اللي يحبها ومن جيهة امه 💔
محمد..نحبك والله نحبك ومانرضى نديرلك شي يزعلك مش حنطلقك وبإذن الله امي حنلقالها حل😔
بدل محمد واتكى جنب مها ويفكر
مها ناضت شافاته جنبها قربت وحطت راسها ع صدره ورقدت😴
ابتسم محمد وقعد يلعب بشعرها ويفكر كيف بيحلها💔
.
.
.
.
ميسم تتمشى وتلعب في تيم..اوووف ناقصني اني ماه ماسلكت من بنت عمته بنسلك من بنت عمه تي تقول الولد الوحيد في مية غيره شن هدا😠😕عمية ان شاءالله تعميهم خرابات البيوت😡
تيم..ماما سن قولي اتي
ميسم..لالا شي حبيبي العب العب😌
تيم..باه😊
احمد كان ورا ميسم ويضحك عليها
ميسم..الباردات هدم خطافات الرجالة مرض ان شاءالله خزي مش لاقيين من يلمهم😠
ميسم شافت ضل تلفتت لقاته احمد
ميسم..من امتى انت هني😳
احمد..من بكري😂😂
ميسم ولت قعمزت وترسم ع التراب
احمد..حبيبتي
ميسم..نعم😒
احمد..خيرك متعفلقة هكي
ميسم..ولا شي
احمد..غر قولي
ميسم..تبي الحق كنت نبي نتزردو اني وانت وامك بس😔
احمد..شن يعني خيرها عيلتي
ميسم..ماخيرها شي😏
احمد..مش عاجبينك امالا
ميسم..نص عاجبني ونص لا 😕
احمد..كويس كويس اني ماشي لي للأولاد وانتِ خشي داخل
ميسم..برا خش انت مانيش خاشة خليني
احمد..وين ارين
ميسم..عند خالتي
احمد..باه
ناض ونفض روحه ومشي وكان مش عاجبه كلام ميسم
ميسم..ريت بوك مش عاجبه كلامي😒
تيم..😊ماما حبت ني
ميسم..حتى اني نحبك قداش ما استاحشت بوك يا تيم😔 فراقه قاعد مأثر فيا😭
حضنت ميسم تيم وقعدت تبكي لعند ماهدت ولقت تيم راقد في حضنها قاماته وخشت لقتهم مقعمزين يضحكو ويهدرزو
حطت ميسم تيم وقعمزت بحدا ليلى
ليلى..وين كنتي؟
ميسم..مقعمزة برا
ليلى..خيرك شكلك باكية!
ميسم..خليها في قلبك☺
ليلى..الله غالب💔
حور..شن رايكم نغنو 😍😍
رندة..هي هي😍😍
اسراء..فكونا من جو حبيبي وابصر شنو نبو اغاني فيها حزن 😁😁
ليلى..خيرك العفو منين جاك الحزن😂😂
اسراء..كساد والله ونحبهم اني
حور..منكدية هدي😂😂 هي خلاص تصويت من يبي اغاني حزينة ومن يبي اغاني تفرح وهكي😂😍
اسراء..وووو😍😍ربحت اني هي هي من حافظ
ميسم..اني حافظة هلبا
سناء..اني بنطلع نشم هواء قلبي انغم😒
اسراء شبحتلها وفنصت سناء قعمزت وخافت
ميسم..هي
اسراء..اني  ندربك
ميسم..لالا بدون ادربيك😊
حور..شن بتغني
ميسم..اصبري وتو تسمعي احم احم
مهمووم وقلبي اذيني💔
تعبان طول عمري وسنيني💔😔
محتااار وين الى يواسيني😭
حتى الفرح ظيعت عنواني😔😔
دنيا لعبت لعب بي😔😢
محتار كل شوي احنلها😣
نفسي اشوف الناس فرحااانه😔
مليت انا مليت عذبني حالي💔😭
حس بالي مثل الناس 😔
عايش على بالي😪
مليت انا مليت عذبني حالي😖
حس بالي مثل الناس عايش على بالي💔
مهموم وقلبي اذيني💔💔
تعبان طول عمري وسنيني💔😔
محتااااار وين الى يواسيني😫
حتى الفرح ظيعت عنواني😔
تانيت الفرحه ما جاتني💔
حسيت كل شي ابتعد عني✋💔
الموت لو جاني ما اخاف💔
ليلى كانت تبكي بس بصمت سناء كانو دموعها زي المطر😭😭
اسراء..👏👏👏وحق ربي كلك ع بعضك روووعة😍😍
حور..😢قلبها ميت هدي مابكتش ولا نهزت بكل😒
اسراء..😒😒اسكتي
ميسم..😢😢💔
عايدة..هي عاد فكونا من النكد😒😒نبو جو اغاني ليبية نوضتو عليا جروحي😒😒
رندة..اني عندي اغاني جو😍😂😂
عايدة..هي👏👏
وابدو يغنو ويضحكو وفرحو هلبا مع بعض وبعدين اللي هدا دار فراشه ورقد
تاني يوم ناضو دارو الفطور وفطرو وكملو وبعدين قسمو بعض نص خش يدير في الغدي ونص يغسل المواعين انتاع الغدي
ميسم دارت بيزا هيا وليلى
رندة وعايدة يديرو في الغدي
حور و اسراء يديرو في سلايط
.
.
.
.
عند مها
مها..محمد نحط نتغدو؟
محمد..تغدي انتِ اني والله ماعندي نية😣
مها..باه نخلوه عشي حتى اني مخاطريش
وجت قعمزت جنبه
مها..حبيبي
محمد..نعم
مها..في الحياة هدي ماعندنا كان رضي والدينا وربي خلاص دير اللي قتلك عليه امك ورضيها
محمد..بس اني نبيك ومش مطلقك
مها..بس رضي امك اهم
محمد..بس يا مها اني مانبيش امي حندبرلها حل وترضى بس بدون ماننفصلو💔
مها..والله واني واعرة عليا يا محمد😭😭بس الله غالب
محمد تنهد..نوضي باهي هي
مها شبحتله ونصدمت😳
محمد..مش هدا اللي تبيه نوضي وتي حوايجك
مها..اوك 😢
ناضت مها وتت حوايجها وطلعت وهي تشوف لي حوشها اللي بيتسكر بسبب حجات تافهة 😔
سكرت الباب وطلعت نزل محمد حط الشنطة في سيارته ومشي بيها
نزلت مها وشافتله شبحلها
محمد..نحبك وتحرم عليا مرا غيرك👌
مها..حتى اني نحبك بس لازم ترضي امك💔
خشت مها وهي تبكي قعمزت ع كرسي جنانهم وحطت راسها ع الطاولة ةقعدت تبكي وتشهق
هنادي..محممد!
محمد..ها
هنادي..تسمع في البكي؟؟
محمد..تتخايلي
هنادي..لا والله الا صوت بكي زعما من؟
محمد..اي حق مش عارف خلي نطلع نشوف
نزلو هنادي ومحمد وفتحو الباب
محمد..مهااا!!
مها قامت راسها وناضت تجري لي بوها
مها..اهئ اهئ باباااا😭😭
وحضنها وغرست راسها في صدره وقعدت تبكي وتشهق
هنادي..بنيتي خلاص عاد ياسرك بكي وقوليلي خيرك شن في😰
مها..اني و محمددد اهئ اهئ😭😭
محمد..اي خيررركم
مها..ابنطلقوو 😭😭😭😭😭😭💔
هنادي..😱نهاااري شنووو
محمد..بسم الله خيركم يابنتي شن تقولي 😨
هنادي..فهمينا خيركم😱
مها مسحت دموعها وشربت اميا..امه متقلدتنا واخير شي بعد روحنا من السفر قاعدين كيف واصلين اني ندير في الحوايج ومحمد خش يدوش فجأة الباب قعد يطق طلعت امه وبدت فينا ماخلت ماقالت ومع هدا ماعدلتش وتقولي في كلام يجرح خشيت وخليتها مع ولدها فجأة تعاركو وقتله يا طلقها يا اما مش راضي عليك يعني هي غاضبة عليه لعند مايطلقني💔😭😔😔
هنادي..لا حول ولا قوة الا بالله💔علاش يابنتي شن درتي انتي
مها..والله والله مادرت حاجة والله نعامل فيها كيفك واكتر اني معاد تحملت وقلت لي محمد يطلقني وياخد رضي امه في النهاية امه اهم💔😔
هنادي..بس يابنتي كيف هكي تطلبي منه الطلاق مرات هو يبي يدير رأيي
مها..اما رأي يا ماما اما رأي امه مصممة ع الموضوع
محمد..وبوه شن قال
مها..عمي مايعرفش مسافر ماه
محمد..يصير خير يابنتي بري ارتاحي وماتخمميش حوشك هدا حتى لو صار واطلقتي لا سمح الله هدا حوشك ومفتوحلك ديما😌🙋
مها..ربي يحفظك ليا انت وماما ومايغيبكم عليا
كبت ع راسهم ومشت ركبت لي دارها وخشت تلوحت ع السرير وقعدت تبكي
مشي محمد لي امه..ارتحتي تواااا ارتحتتتي اهو خربتيلي بيتي اهووو خربتيلي حوووشي ريتي باه شن استفدتتتي قوليلييي شنوووو😡
فادي..اهدا يا محمد شن في خيركم
محمد..خلاص حول من عليا خيره هدا خيره ماقتيلاش طلق مرتك قولي؟؟ علاش اني علاش اني بس تبي تخربيلي بيتي
فادي..تي يا راجل امك هدي شن تتعلي في صوتك عليها اضربها وخلاص
محمد يبكي..حلفتلي برضاها باش نطلقها وتوا رفعتها لي اماليها والله مانبي نرفعها هيا قتلي نوض ارفعني وطلقني رضي امك اهم مني ومن كل حد فضلاتك انتِ عليها هيا اختارت انها تطلق ولا تغضبي عليا ارتحتي توا ارتتحتتتي بس اهو نقولك من توا اني وجهي معاد حتشوفيه بححح محمد بحححح معاد عندك ولد اسمه محمد ومرتي نطلقها ونمشي ومعاد تشوفيني هي سلام✋😡
طلع محمد ومش عارف روحه شن يدير كان يبكي لانة جت عليه علاش هو علاش؟؟
فادي..يام شن اللي سمعته هدا وخيرك ماتكلمتيش ولا دافعتي ع روحك
غالية..عارفاته مايديرهاش ويمشي تو غدوا تلقاه جاي ويطلب السماح😒
فادي..يا امي علاش تبي يطلقها
غالية..هكي مانحبهاش وماجابتش صغار وين تندري مرات تطلع عقيمة واحني مانندروش وهو داسها علينا ساحراته هدي😡
فادي..ربي يهديك وخلاص هدا مابنقولك
ووصل الموضوع لي خواته كلهم وخوته وكلهم معاد جو لي امهم والاب روح وماجي حد
(من كتر اسماء نسيت اسم الاب حنديره علي وخلاص)
علي..وين الصغار متعود يجو وقت نروح خيرا ماجي حد😕
غالية..وين نندري اني ليهم اسبوعين ماجاني حد
علي..😳شنو
غالية..ايه
علي..وعلااش؟؟
غالية..اسئلهم هما
وناضت خشت لي دارها
علي اتصل بمحمد لقاه مقفل لتصل بي فادي
فادي..ايوا بوي روحت؟
علي..ايه روحت ليا يومين وينكم؟
فادي..قاعدين
علي..علاش ماشفتش حد منكم وعلاش امك قالت معاد جاني حد اسبوعين وخيرا محمد ليا يومين نتصل مقفل نبيه ضروري بنبعته لي تركيا في خدمة
فادي..في الحوش انت؟
علي..ايه
فادي..جايك هي مسافة الطريق 😁
علي..تعطلش هي
سكرو وشوية وجي فادي
فادي..الحمدلله ع السلامة بوي
علي..الله يسلمك قعمز هي
قعمز فادي..والله يا بوي مش عارف شن نقولك
علي..تي قول
فادي..بوي امي قالت لي محمد يطلق مرته والا تغضب عليه
علي..نعممم😨
فادي..ايه ومحمد مرته قتله طلقني المهم ترضى عليك امك وهو توا ليهم اسبوعين
علي..طلقهااا؟؟؟
فادي..لالا لكن عند اماليها المرا ومحمد مش معروف وين قداش ليا اندور عليه
علي..تي كيف هككككي😠
فادي..بيني وبينك امي غالطة هلبا مع بنت الناس ديما نشبح فيها كيف تعامل فيها معاملة بايخة بكل واخر شي مدايرتها عقيمة😔
علي..تي كيف هكككي كييييف امك غلطت وغلططت هلبا شن اني مالياااش مالياااش كلمة؟؟؟😡كيف تقرر منها ليها بعدين البنت فاش وصلت فيها قووولي
نزلت غالية تجري وشافتهم
فادي..غر هدي روحك يابوي بالله عليك اهدا
علي..علاش درتي في ولدك هكي ؟؟ تكلمي علاااش فاش غلطت البنت علاش خربتي بيت ولدك علااش تفضلي توا جيبيه ولدك هي وينه ؟؟ ليه اسبوعين مختفي وينه تكلمي علاش ساكتة؟😡😡الله يهديك بسسسس الله يهديك مرا في عقاب عمرك بدال ماديري حاجة فيها فايدة مقعمزة تفكر كيف تخرب بيت ولدها
غالية..معاي حق اني ولدي نبي نشوف صغاره😠
علي..ومزال تلاطي صلي ع النبي خير ما ندير تصرف لا يعجبك ولا يعجبني😡
غالية خافت وسكتت
فادي..يابوي هدي روحك مش هكي تنحل
علي..حول انت التاني قولي وين قاعد خوك
فادي..مانندريش اني اسئل عبد الهادي ديما يقولي حاله باهي هوا القريب منه
علي..جيبهولي😡
كلم فادي عبد الهادي وجي طول لي بوه
علي. وينه خوك؟؟😡
عبد الهادي..مانعرفش😕
علي..قتلك قووول وينه خوووك
فادي فنص فيه
عبدالهادي..في في
علي..تكككلم
عبد الهادي..استراحتي
علي خدي مفاتيحه وطلع يجري طلعو وراه اولاده ومشو ورا بوهم
كان محمد يسقي في الغرسات وواقف جنبه صاحبه
قيس..يا محمد قول لي بوك وهو حيتصرف مش معقولة هكي ره شوف حالتك كيف ولت😠
محمد كان يسقي في الغرس ومش معبره
لعند مانفتح الباب شبحو سيارتين محمد لوح الطوبو
محمد..قوللهم مانبي نشوف حد كانا بيكلموني ع نفس الموضوع😒😠
وخش محمد وسكر الباب وراه
علي..وينه
قيس..ياعمي ولدك متهبدل مش محمد صاحبي اللي نعرفه بكل ماتكلمش معاي بكل الا توا قالي كان بيكلموني في نفس الموضوع مانبيش نشوف حد
علي..مش على كيفه هوا😠😠عبد الهادي هات المفتاح
عبد الهادي عطاه المفتاح التاني اللي عنده
علي..مايجي وراي حد خلوكم برا😠
فتح علي الباب وخش لقي محمد مقعمز وحاط راسه بين يديه😣
علي..محمد
محمد قام راسه وشبحله..نعم يا بوي كان حتى انت جاي تقول نفس كلام امي ريحوني فوتوني بالله عليكم راني مليت وعييت😠
علي..اهدا مش هكي نتكلمو واني جاي باش نبيك تمشي معاي وتاخد رضي امك وتمشي لي مرتك وتروح بيها وتنتهي المهزلة هدي اني ماعندي كنة تطلق وحدة خشت لحوشي خلاص تعتبر من بناتي واللي مانرضاشي لي بناتي مانرضاشي لي بنات الناس فاااهم
محمد..وامي😕
علي..امك حليتها معاها ومش حتوقف في طريقك مرة تانية وحترجع مرتك حترجع ماتخافش ياولدي مش اناني باش نفرقك ع مرتك ونقولك في 100 غيرها صح في 100 بس من بينهم انت تبيها هيا واني فاهم وعارف ومها والله زيها زي وحدة من خواتك نشهد بالله انها بنت ناس وعيلة وانها متربية لانها فضلت غيرها عليها فضلت انك تاخد رضي امك اهم ولدي مها بنت ناس ومستحيل نخليك تخسرها حتى ولو مادرتوش صغار عادي قاعدين صغيرين وتجيبو فاهم هي سقد روحك
محمد كب على راس بوه..ربي يحفظك لينا يا غالينا اصلا عارف مايحلها غيرك وكنت نستنى فيك تروح باش تحل الموضوع لانة امي مابتش تسمع لي حد فينا💔
علي..الله غالب سايرها امك مرا كبيرة وتبي المسايرة وخلاص😉
طلعو ومحمد مبتسم ويضحك
قيس..واخيرا كان نندري عليه الحويج بيدير هكي راه جبته من اخر الدنيا😍
محمد..☺هي نتلاقو قيس
قيس وشوشله..حلق وبدل وتكم ماتمشيش مبهدل 😉
محمد..تم😁😉
روح بيه بوه وخششه للحوش
علي..يا مراا يا غاالية
غالية..هيا جييت
جت ولقت ولدها محمد واقف قدامها..كيف حالك يام😊
غالية..مش امك اني برا من عليا😠
محمد..😨
علي..شنوو شن اتفقنا احني
غالية..اني قراري قاعدة مصممة عليه
علي..واني ماعنديش ولد يطلق او كنة تتطلق كلامي وقلته عاجبك اوك مش عاجبك الباب يفوت جمل😠
محمد..لا يابوي مش لهدرجة امي حنينة وتو ترضى عليا ونرجع مرتي وصار خير
غالية..قتلك مش راضية عليك لا دنيا ولا آخرة لين اطلقها
محمد..يا يمي اني مانبيش نطلقها هدي مرتي ونبيها افهميني معقولة بتخربي بيت ولدك
غالية..مرتك بايرة وماتنفعش وعقيمةة
محمد وقف..😨😳وكان نقولك اني السبب مني اني
غالية..ماهي حملت وطاح
محمد..باهي امالا علاش تقولي عقيمة
غالية..لانة اني سئلت وفي من حالات معاد يجيبو
علي..وضروري تكون وحدة منهم مها!!؟؟
غالية..ايه
محمد..انيقعدتي في امريكا مشينا عالجنا ومافينا شي لا اني ولا هيا بتجي انتِ تفهمي اكتر😒؟؟
غالية..اللي عندي قلته😑
محمد..وحتى اني اللي عندي قلته امي انتي على غلط واني مش حنطاوعك في الغلط واتأكدي انك خسرتيني واني ماشي وبنطلق مرتي وبعد اسبوع مسافر ونخليلك البلاد كلها ومعاد تشوفي وجهي😠
ناض محمد وعطي بظهره نزلت منه دمعة حارة سخوونة بس احسن من انه يخسر جنته
غالية تشبح فيه وقلبها يتقطع
علي يدوي بهدوء..لو خليتيه هكي ومشي دار اللي قال عليه انتِ معاد ليك قعدة في حوشي وحياتي كلها اهو قتلك ودوري عند منو تقعدي انتِ مش خسرتي ولدك وبس انتِ خسرتي عيلتك كلها يكون في علمك بس😉
وناض علي💃
محمد ماشي بالسيارة ويبكي مش قادر يتحمل اللي صايرله وقف قدام حوش مها وحط راسه ع الدومان ويبكي بعبرته مسح دموعه وشرب اميا وطق ع الباب
محمد..السلام عليكم يا عمي
محمد..وعليكم السلام تفضل
خش محمد للمربوعة
ومشي محمد لي مها
مها..نعم بابا
محمد..راجلك جي تعالي
مها..لحضة بس
حطت اللي في يدها وكان قلبها قابضها وخايفة من اللي في بالها💔
خشو مع بعض وقف محمد ومها شافتله وكانت تتمنى انها ترتمي في حضنه وتبكي ومحمد كان نفس الشي قعمزو
محمد..اني طالع نخليكم بروحكم✋
طلع بوها وقعد محمد ومها
مها..كيف حالك😢
محمد..حالي من حالك
مها..علاش يصير فينا هكي💔😢
محمد..مش عارف يا مها😔بس اني قعدت بينكم💔
مها..محمد امك ورضاها اهم مني بهلبااااا
محمد..مها اني نحبك مش قادر نسيبك
مها..ولا اني نقدر💔
محمد..يعني هدي اخر مرة نشوفك فيها😔معاش حنوض ع صوتك وع وجهك اللي من نتصبح فيك واني يومي يمشي زي مانبي بالزبط معاد في من يديرلي قهوتي كيف مانبي معاد في من يضحك ويغيرلي جوي لما نكون مضايق من الخدمة علاش هكي يبو يفرقونا؟💔
مها معاد قدرت تتحمل..😭😭ماطلقنيش يا محمد😔
محمد وقف وجي قدامها حضنها وبعدين مسحلها دموعها ووقف..سامحيني مهو حبيبتي انتِ..#يتبع
مها..😨
.
.
.
ان شاءالله يااااارب تكون نالت اعجاب الكل 😍😘✨ #حنو