قصة فراق ( روايات ليبية )

حلقة 25 🔥

#قـصـة_فـراقـ💔
.
.
.
.
.
الحلقة 25🔖
.
.
.
.
قعدت مها مع حماواتها وتتجنب في عزوزتها ولكن للأسف ماقدرتش تهرب منها
غالية..شن يا مها مزال مافيش صغار😕
مها..اليوم مشينا للدكتورة وقتلنا مافيكم شي ربي قاعد مارزقش☝
غالية..كانا هكي باهي😒 اسمعي كان طلعتي عقيمة بنزوجه ولدي نبي نشوف صغاره هدا ولدي الصغير😁
اماني..يماااا😠شن هدا خلاص
ناضت مها وركبت تجري خشت في دار محمد وقعدت تبكي
لحقتها سلفتها مرت الهادي 💔
شهد..مها حبيبتي خلاص اس
مها..اهئ اهئ اهئ
شهد..خلاص اسكتي معاد تبكي عادي تحمليها
مها..شن درتلها اني بسس 😭😭💔
شهد..الله غالب عزوزتنا هدا وجهها الحقيقي في الاول ادلعك واديرلك ماتبي وبعدين تنقلب عليك كلنا هكي وكلنا مطلعتلنا علة😞
مها..حرام عليها😭
شهد..مها قوليلي علاش انتِ وقت جابت السيرة اضايقتي😕
مها..مش هكي بس مانحبش من يجيبهالي حتى اني نبي نولي ام بس مش بيدي 😔
شهد..عادي الله غالب قاعدين صغيرين😌 اني والله مطيبيلي كبيدتي الصغار ومادوريهاش مرا كبيرة وتبي تشوف صغار ولدها الصغير💁 بس ره وعادي كل شي بيد ربي معاد تبكي خلاص عاد😣😞
حضنتها مها وارتاحت لي كلامها😌
جتها اماني
اماني..مها حبيبتي اسفة ع كلام ماما عادي مادوريهاش 😔
مها هزت بي راسها ونزلت معاهم لقتها مهناش
اماني..امي مشت لي حوش جيرانة خودي راحتك😉
امل..مهو حبيبتي والله بنركب معاهم بس تشوفي في بطني مش قادرة نوقف من الحمل
مها انقهرت منها وقعدت تشوفلها مش حتصير ام ولو بـ اي شكل من الاشكال بس راضية هي بقضاء ربي وكل شي ليه حكمة
مها..ياسرك عندك هلبا صغار هدا نبيه اني ناخده نربيه❤
امل..ومن زيه يربيه خويله ومرت خويله 😘
اماني..ماصدقتي انتِ خلي البنت تعيش حياتها 😂😂 مزال بكري ع الهم والغم
مها كانت تساير فيهم وتضحك وغيرولها جوها وروح بيها محمد وماحكتش اللي صار لي محمد باش ماتصيرش مشكلة
محمد..عندي ليك مفاجأة
مها..شنو😍
محمد طلع التذاكر..😉
مها..😍😍👏👏وين وين
محمد..عند خوك امجد بإن الله مش حتروحي الا  وانتِ حامل وهدا وعد مني😉😍
مها حضناته وقعدت تبوس فيه ع كتفه
محمد..لا هكي حيصير كلام تاني 😁
مها..ههههههه
(خلونا منهم 😒)
.
.
.
.
.
نادر..حبيبتي خلاص عاد ليك شهرين وانتِ ع نفس الحالة
مياس..اللي نكسر معاد يتجبر يا نادر
نادر..شن قصدك 💔
مياس..اللي نقصده اني مستحيل نسامحك وقعدتي معاك هدي مش على خاطرك بس على خاطر الصغار 💔
ناض نادر طلع وقربع الباب قعدت مياس تقري في الصغار وتحاول تشغل روحها باش ماتفكرش في مشكلتها مع نادر ✨
اتصل فون ميسم وكان المتصل نادر
احمد..حبيبتي من نادر؟؟
ميسم..ترا اه هدا راجل اختي مياس
احمد..اياح شن يبي فوتي 😒
ميسم..شن فوتي بلكي مياس فيها حاجة خلي نرد 😁
ميسم..الو السلام عليكم
نادر..وعليكم السلام كيف حالك ميسم؟
ميسم..الحمدلله كيف حالك انت والصغار واختي ؟ فيهم حاجة؟
نادر..الحمدلله ميسم الصغار مافيهم شي وحتى مياس مافيها شي العلة كلها مني اني
ميسم..علاش شن في😳
نادر..اني يا ميسم نبي نحكيلك بس ماتحكميش عليا لعند مانكمل
ميسم..تفضل
نادر..بصراحة اني من قبل شهرين كشفتني اختك اني نخون فيها
ميسم..😳😱
نادر..والله يا ميسم كانت غلطة💔 مني في فترة اختك هملتني وهملت روحها واهتمت بالصغار وبس اني مانقولش شي بس حتى اني راجل ومن حقي وفي ليلة بنتصل بي صاحبي غلطت في الرقم واتصلت وجي رقم بنت اني سكرت منها وقتلها غالط بس قعدت نفكر فيها وعاودتلها ومنها معاد سيبنا وبعد شهر كشفتني مياس وعرفت بس مابتش تسمعلي بكل ارجوك ساعديني اختك ليها شهرين مش معبرتني ولا مدايرتلي قيمة او اعتبار لعند توا قتلي اني قاعدة معاك ع خاطر الصغار بسس يا ميسم بنموت اني والله نادم ندمت ان خنتها وشفت لي غيرها انتِ عارفة الحب اللي بيننا اني ومياس صح ميسم كلميها بالله عليك كلميها وقوليلها تحنن قلبها عليا ع الاقل تعاملني كويس والله نشد في روحي بس ع خاطر الصغار مانبيش ندير دوشة قدامهم 😕
ميسم..انت اصلا غالط يا نادر 😕وانت عارف مياس مستحيل تسامح لعند ما يحن قلبها بس توا والقصة هدي ماليهاش هلبا تحلم انها تسامحك ع غلطك التافهة انت شنو اصلا علاش هكي درت فيها مياس تطلب عيونها تعطيهملك شن ع خاطر هملت روحها هديكا الفترة اني بروحي تشكيلي تقولي الصغار خدو كل وقتي كلهم امتحانات مافضيتش نهتم بروحي او بي نادر والمشكلة ماتعاونش فيها في ترباية الصغار بكل كيف تبيها يا نادر
نادر..تو اللي صار صار والله لو تقبل تسامحني الله اللي تبيه نديرهولها بس تسامحني💔
ميسم..اني تو نشوفها ونقولك بس مش عارفة تو غدوا نتلاقا اني وياها
نادر..صحيتي ميسم لانك سمعتيني وبارك الله فيك
ميسم..ولو فيك بارك الله
سكرو من بعض وشبحت قدامها لقت احمد مقعمز قدامها ويهز في رجله وعاقد حواجبه😠 ويشبحلها
ميسم..المصايب قد ماتتباعد عليها تجيك تجيك 😠
احمد..شن يبي هدا😡
ميسم..هدا يا سيدي
ويرن الفون تاني وكان رقم
ميسم..اييي علينا مش حنبطلو
احمد..منوو😡
ميسم..رقم
احمد..هاتي
عطاته ميسم الفون
احمد..الو
انس..السلام عليكم احمد!
احمد..ايه احمد منو؟
انس..تي معقولة ماعرفتنيش ؟؟ اني انس
احمد..اوووو انس تي شن الجو
انس..الحمدلله بخير كيف حالكم انتم
احمد..الحمدلله كيف حال هناء؟ روحتو
انس..ايه روحنا اليوم كيف وصلنا للحوش
ميسم..حييي انس عطيني عطيني😭
احمد..تي بشوية يا مهبولة تو نعطيك
انس..المطرشقة جنبك
احمد..ايه تبيك
انس..قوللها اهو جايكم غادي 😂خليها تعطيهاش الفون
احمد..من بيجيبك
انس..في حوشي اني واهو تو نجي سيارتي عندي
احمد..اوك نستنو فيكم
ميسم..تي عطيييني
انس..ماشي
احمد..ماشي
ميسم..مبرددك قتلك عطيني وله 😭
احمد..هههههه اهو جايك هوا
ميسم..هييي خلي انوض انت برا جيب حلو واني نمشي ندير العشي بسرعة
احمد..باهي يا مهبولة مزال قاعدة ساعة 5
ميسم..اي خلي يوتا بكري هيا برا
احمد..باهي ومزال حسابك بعدين 😉
وفتح الباب وطلع✨
ميسم..ياربي شن ندير العشي ؟
وقعدت تفكر بعدين بدت اطيب فاصوليا ورز ابيض و دجاجة محمرة هدا اللي قدرت تلحق عليه ومشت دوشت وبدلت ونزلت لي عزوزتها
حميدة..روروروروروروروري بنيتي 😍😍
هناء جرت طول تغمرت امها وقعدت تبكي..ماما😭😭استاحشتك يا ماما اهئ اهئ
ثمارة..بابا حيلا ماما تبكي
انس..ماما مهبولة ههههه
نزلت ميسم تجري من زغاريط ولقت انس وفي يده ثمارة تغمراته طوول
ميسم..انس حبيبي استاحشتك
انس نزل بنته وخلاها واقفة ووقف وفتحلها حضنه طول حضناته..استاحشتك😭😭
انس..بشوية السورية عبيتيها دموع يا مهبولة
ميسم..هكي ادير تقعد هدا كله برا استاحشناك وفقدناك😭😭
انس..اهو جيتكم توا هي ههههه خيرا يديك فيهم خباش
ميسم..قصدك ماتندريش
انس..شنو
ميسم..درت حادت وقريب متت
انس..بالله عليك؟
ميسم..وحق ربي
انس..غر خشي تو نحكو فيه الموضوع هدا
ميسم..حبيبت عميمة😍
شدتها في غمرها وقعدت تبوس فيها💋
ثمارة..منو اتي (منو انتِ)
ميسم..اني عميمة يا طشة
ونزلتها ولقت هناء تشوفلها ودموعها يصبو تغمرتها طول
ميسم..هكي ياقردة يا حيوانة هكي معاد تسئلي وادوري😭
هناء..والله تعب وخوك حارقلي دمي طبعه صعب والله قريب نهبل عليكم اني 😭
ميسم..تي باهي باه
خشو وقعمزو نزلت ميسم العصير والقهوة اللي موتيتهم وفرقت عليهم
انس..اي كيف صار الحادت
ميسم..(وحكتله)
هناء..يارووحي والله مانندرو ولا قاللنا واحد
ميسم..عادي مايبوش يشغلوكم
انس..شن جو امجد
ميسم..لين نسيناه هداكا😒
انس..خيره
ميسم..يكلمك مرة بعد وين ووقت نقوله خيرك لادور لا شي يقولي القراية واخدة كل وقتي حقا مرته قريب تجيب ياخويلة
حميدة..بالله باهي مشاءالله هههههه امجد بيولي بابا
ميسم..ايه☺
هناء..تعرفو والله بلادك بلادك
ميسم..ايه
انس..وين احمد
ميسم..اهو قريب يجي بكري قتله جيب حلو تو نتصل بيه
ميسم..ايوا وينك
احمد..اهو جاي غير العجلة انتاع السيارة انطبقت
ميسم..باه وين انت
احمد..قريب من الحوش جي انس؟
ميسم..ايه جو
احمد..ابعتيهولي
ميسم..باه
سكرت منه
ميسم..انس قالك احمد تعالالي نطبقت بيا العجلة
انس..باهي هي تو نمشي نجيبه
مشي انس وجاب احمد وجابو السيارة
خشو وهما فرحانين
هناء..حميدااا😍
تغمراته ومعاد بت تطلقه
ركبت ميسم باش بتجيب العشي
نزلاته وتعشو مع بعض 🍴🍔🍗🍖🍕🍚🍱
وبعدين
انس..هي اي ميسم وين الصغار
ميسم..من الصبح بابا جي خداهم
انس..باهي تو نخطمو عليهم حتى هما مايندروش 😉
ميسم..اوك
مشو لي حوش بو ميسم وركبت ميسم لي حوشها بعد ضمت كل شي✨
.
.
.
محمد..تيم هاتلي نقالي
تيم مشي يجري وجاب فون جده وعطاهوله
محمد..ولد منو انت
تيم..ولد زدوو☺
محمد..شااطر هههههه
صوت أرين تعيط
تيم..نونو ايط (نونو تعيط) ☝
محمد..اياطة هيا
تيم..اي ايااطة😁
محمد..صوت الباب تعالى نمشو نفتحو هي
تيم..هي هي 😄
شد محمد تيم بيده ومشي فتحو الباب
محمد..لا 😳 انس والله مامصدق
انس..ههههه صدق يا بوي😍
تغمره وباس ع راسه وبعدين سلمت عليه هناء وخدي ثمارة
انس..تييم حبيب خالك
تيم..منو اتَ؟
انس..اني خالك يا حمار
تيم..مس حمال اني
انس..هههههههه وين اختك
تيم..ايط فوق عند نينة (تعيط فوق عند حنينة)
انس..نادي نينة قوللها خالو انس جي برا اجري
مشي تيم لي حناه
تيم..نينة نينة حالو زي حالو زي
هنادي..تي برا ياولد مش وقت بصارتك خلي نلبس لي اختك
تيم..يا نينة تعالي واللهي حالو زي
هنادي قعدت تساير فيه..من خالك
تيم..حالي انس
فتح انس الباب لقي امه تهدرز مع تيم وتقوله من خالك وهي كيف كملت لبس لي ارين وعطتها شيشتها
انس..يما😢
هنادي حطت ارين وشافتله..انننس😳
تيم..دتلك ني دتلك حالي انس(قتلك اني قتلك خالي انس)
مشت هنادي طول وتغمراته وقعدت تبكي دموع الفرح
انس كب ع راسها..سامحيني بعدت عليك
هنادي..مسامحة يا وليدي وين مرتك
انس..لوطة مع بوي شاد بنتي ثمارة☺
هنادي..حي خلي ننزل هي نشوفها نزل معاك ارين
تيم يشبح
انس..اختك؟
تيم..اي احتي سوفها حلوة وله ☺
انس..ههههه ايه تشبه لي امك 😍
قامها انس ونزل بيها وقعد تيم يلعب ع ثمارة و اخته ارين
وقعدو العيلة يهدرزو
.
.
.
.
امجد..حبيبتي
اميرة..😱😨😰😣
امجد..😱😱😨
.
.
.
ان شاءالله تكون نالت اعجابكم ياربي😍😍 #حنو