تفاااااعلـووو💔
.
.
الحلقة ماقبل #الأخير😍❤
.
.
.
#قصة_فراقـ💔
.
.
.
الحلقة 35
.
.
.
طاحت منها الشنطة وحطت يديها ع فمها
عماد..قتلك اقلبي وجهك
هبة..غر اسمعني😭
عماد..تي شن نسمع هدي شننن كل شي شفته بعيوني كنت حاسس شن عمالي عيوني ذن خلاني نخرب حوشي مانيش عارف يا#$٪&+$#@
بييب بييب
ميار..ستوب شوية اني ماشية لحوشنا والصغار عندك هي تشااو😉☺
عماد..تي تي وين من بيرفعك
ميار..بوي ونعاود نقولك اني بنت محمد الـ.. عمري ماندير العيبة ولا نطيح سمعت البابا اللي تعب عليا طول عمره وحياته
طلعت ميار وخلاته واقف ركبت السيارة وقعدت تبكي
محمد..خيرك شن في
ميار..😭ارفعني يا بابا لي حوشنا
رفعها بوها للحوش وهو خايف عليها نزلها وخششها للحوش لقت امها تغمرتها بكت في حضنها لين رقدت وخلوها وطلعو فعمزو وحايرين ع بنتهم
انس..بوي
محمد..ها
انس..ريتك بكري جايب ميار شن في
محمد..مش عارف يا ولدي بلكي تقدر تتكلم معاها ليها من بكري هكي ولما نخش نكلمها تقعد تبكي
انس..خلوها ترتاح وبعدين نشوفو خيرها
محمد..مش عارفة خيرها البنت ماعندهاش حظ💔كانت مع امالي راجلها وتوا راجلها تزوج عليها وبرا عاد😔
انس..ان شاءالله ربي يفرحها
محمد..ان شاءالله
انس..يما وين ماشية
هنادي..مركبة لي اختك الماكلة
انس..هاتي عليك تو نركبها
هنادي..والنبي وكلها ماضاقتش حتى حاجة😢
انس..باه حاضر
ركب انس وطق ع الدار
ميار..خلوني😭
انس..وخيتي افتحيلي
ميار ناضت فتحتله وتبكي
انس حط السفرة وحضنها..خلاص اشش
ميار..ماتسئلني ع شي خليني هكي
انس..باه المهم راحتك
قعدت ميار تبكي💔😭
انس قلبه يتقطع ويغلي على عماد
ميار هدت وقعمزت
انس قعمز جنبها قاملها خصلات شعرها..احكيلي من مزعلها وردتي 😕
ميار مسحت وجهها..تعبت💔رغم ان رضيت حتى تزوج ورضيت انها تسكن معاي وكل يوم مشاكل وتفاديتها هلبا ونقوله بتجيب عليا هدا حقك والشرع محلل بس جيب المحترمة بنت العالم والناس وديما مطلعني غالطة يا انس اليوم رقدت العشية اني وصغاري في داري وسكرتها نضت ع صوت حركة في الحوش😢فتحت الباب ونلقالك مرته مع واحد تاني😭😭معقولة اني في وسط حوشي نلقا حاجة زي هدي
انس..نعم😳😨
ميار..ونزيدك فجأة ع خشت عماد مكانش من عوايده يروح الوقت هدا المهم خش ولقاه قدامه ولقاني نهزب فيها ونعيط لقي الراجل واقف وتقوله اهرب بس لما شبحت عماد😭😭
انس..لبستهالك انتِ ماهو!؟😡
ميار هزت بي راسها بمعنى ايه💔💔
انس يغلي..باااه كملي😠
ميار..😭😭وهو صدددق💔صدقها يا انس صدقها وشك فيا انييي ام صغاره شك فيا وصدق اللي امس جااية💔💔😭😭
انس..ماتخافيش حناخدلك حقك😠انتِ وراك رجالة والرجالة هدم مربيينك ع الصح وعمرك مادرتي الغلط😠يجي هوا يشكك فييييك شن تكلمي
ميار..كان مداير كاميرات في الحوش امتى كيف دارهم مش عارفة ممكن باش لما نتعاركو يعرف من الغالط او مش عارفة المهم فتحهم وشاف الحق طلقها بالـ3 بس حتى اني نبيه يطلقني معاش نبيه يا انس تعبنننني💔💔
انس طلع ونزل يجري
ميار طلعت في جرته..لااا انس تعالى انننس ماديرش شي غلط اننننننس
محمد..شننن فيي
هنادي..شن في وين مشي خوك
ميار..😭😭حي عليا براله يا بابا مشي لي عماااد وقفه بالله عليك
محمد..مش عارف امتى بنرتاح اني😠 وطلع محمد ورا ولده لي حوش عماد
وصل انس وقعد يقربع ع الحوش فتحوله الصغار ..خاااالو😍ارفعنا لي ماما😭
انس شافهم..حاضر تعالو اركبو السيارة تو نجيكم ركبهم انس
انس..وين بابا؟؟
الصغار..داخل
سكر عليهم وخش للحوش طقطق سمع عماد..خشش
انس..انت كيف تتجرأ وتشك في اختي😡😡
عماد..انس ماديرش العيبة بيننا خلينا صحاب ونتفاهمو
انس..تي خليت فيهاااا صحاب انتتتت معقولة تشك في مرررتك مررتك ام صغارك اللي ليها سنين معاك اللي ديما منكدين عيشتها عيلتك ومع هدا تقول نتحمل ع خاطره تزوجت عليها وقلنا شرع ربي بس انك تغلط فيها تشك فيها هدي لاااا لااااا يا عماد مانسكتلكش عليهاااا😡😡
وضربه بونية ع فمه..مانبيش نشوفك مرة تاااانيةةة واطلقهااااا فااااهم والصغاار حيقعدو عندها واختي تحلم انك تشوفها الا لو هي تبي هداكا شكل تاني😡😡
عماد..احترم نفسك واطلع من حوشي مابيتش نمسك ولا نتعدا عليك بسسس ع خاطر مانبيش القدر بيني وبينك يطيح رغم انك طيحته واللي بيني وبين اختك ماليكش دخل بيه
انس..لياااا دخل بيييه طالما اني خووهااا شن تحساب روحك انت باش تشك فيها اااه برا شوف من ادخل لي حوشك وميز بين المحترمة و الفاسدة (حشاكم)😡
وطلع جي بوه
محمد..شن درت😨😡
انس..مادرت شي😡 درت اللي لازم يندار😠
طلع انس وركب السيارة ومشي حط الصغار عنده مايبيهمش يشوفو امهم هكي
وولا للحوش لقي بوه كيف خاش
محمد..توا تحكولي شن اللي صاير بالحرف😡😡نقعد نجري جرتكم اننني شن صاااير تكككلم
وحكاله انس اللي صار✨
محمد..ميار تربايت رجال وعمرها ما ادير شي زي هدا خليه يتربى مش حنرجعهاله بالساهل
انس..يعني بترجعها في النهاية!!
محمد..لو اختك تبي ترجع اني وقتها مالياش علاقة وزيادة احني مانشجعوهاش ع الطلاق يا انس في صغار في الموضوع
انس ضرب ع صدره..صغارها صغاري انننني نربيهم😠
محمد..مش حتجي زي بووهم💔
انس..هدا قدرهم وبعدين اكيد هو مش حيسيب صغاره!
محمد..مهما كان مش زي يا انس😉 المهم توا برا انت ارتاح وين الصغار؟
انس..عندي مابيتش نخليهم يجو لانة امهم تعبانة وبيتعبو
محمد..احسن مادرت😁
فاتت ايام طلق عماد مرته وكل يوم يكلم في ميار ويبيها ترجع بس هي مصممة ع قرارها
جتها بنتها..ماما وين بابا ستاحشته امتى بنروحو لي حوشنا
ولدها..اي يا ماما امتى بنرجعو لي حوشنا بابا قاعد مسافر😢؟
ميار وجعوها بس في نفس الوقت مش طايب خاطرها مزال وقاعدة مصممة ع رأيها
عماد..ايوا ميار
ميار..الصغار شوية وطالعينلك
عماد..اطلعي معاهم
ميار..خلاص عماد معاد تحاول
عماد..انزلي بس مش حنكلمك ع شي💔
نزلت ميار معاهم وفتحت الباب
ميار..💔يارب قويني
عماد..استاحشتك
ميار..ماتلمسنيش
عماد طلع نزل الحجات اللي كان جايبهم خضرة وفواكه وشكاليط وشمالات وحليب وكل مايحتاجوه
ميار..شن هدا😳
عماد..طول ما انتِ مرتي وصغاري عايشين هني من حقي نصرف عليكم
ميار..بس الحمدلله في نعمة
عماد..بس مني اني غير😉مستحيل نخلي حد يدوي عليا ويقول ماجابلهم شي
ميار..ااه انت جايبهم ع خاطر الناس😕
عماد..ع خاطر صغاري من حقي نوكلهم ونشربهم اني مش حد تاني
ميار..مش حنطول معاك😒
عماد..اوك
ميار..امتى بتجيبهم
عماد..امتى مانبي😊
طلع عماد وسكر الباب✨
ركبت ميار قعمزت تبكي
ميار..😭😭علااااش بسسس علاااش هكككي💔💔
.
.
.
.
بنته..بابا ماما ديما تبكي😔
ولده..ايه ثح😔
عماد..😔💔💔
رفعهم عماد لي حوشهم سلمو ع حناهم وعماتهم وبعدين طلعهم دهور بيهم وشرالهم شن يبو وحل معاهم واجباتهم ولعبهم كمل يومه كله معاهم
عماد..بنوتتي حبيبتي هي البسي كندرتك باش تمشو لي ماما
بنته..نبي نني بابا😢نبي نني هني👈(اشرت ع صدره)
عماد..😀حاضر وانت تبي ماما
ولده..نلااا نبي نني زنبك
عماد..باه حاضر عطيني الفون نكلمو ماما نقولولها بتقعدو اهني
عطوه الفون واتصل بيها
ميار..وينهم عطلتو
عماد..خدتنا نومة ونوضتهم قالو نبو نقعدو معاك
ميار..قالو والا انت تبي تخليهم😢
عماد..لا والله حرام عليك نبي نجيبهملك هما مايبوش
بنتها..ماما حلينا مع بابا اليوم نبي نني زنبه ني😢
ميار..باه يا ماما هكي نقعد بروحي اني
عما وشوش لي بنته
بنتها..باه تعالي يا ماما معانا بابا يحبببت يبيت معانا 😊
ميار..هي تصبحو ع خير
سكرت ميار وحطت راسها ع المخدة صداع من التفكير بين انها تتطلق او تقعد بس لو قعدت هل حتعيش حياتها طبيعية!! ام حيقعدو المشاكل تزيد!!
.
.
.
يوم جديد شمس جديدة حياة جديدة ❤
.
.
.
ميسم..حبيبي
احمد..عيونه
ميسم..قصدك اني حامل بتووم😍
احمد..ايه هههه
ميسم..مش مصدقة😍امتى بيجو ونشوفهم😍😍
احمد..تو يجو وتشوفيهم وتلعبيهم وتضربيهم😂وكل شي😍
ميسم..حميدا كان صارتلي حاجة
احمد..اشش
ميسم..خليني نكمل
احمد..اااه باه💔
ميسم..زي ماقالت الدكتورة في خطر عليا واني وانت تحملنا وان شاءالله ربي ينوضني ولو ربي مش كاتب يعني هدا حد يومي الله غالب احمد نبيك تنتبه ع تيم هلبا نبيك تحسبه ولدك بالزبط انت لعند توا حاسبه كيف ولدك بالزبط بس ياريت حتى بغيابي هكي يا احمد ماتسمحش حد يجرحه خليك منتبه ليه هلبا ارجووك🙈
احمد حضنها ودمعته في عينه😢..معاد تقولي هكي حبيبتي يارب ربي يحفظك ليا ويخليك لينا يارب
ميسم..امين يارب😭نحبك وارجوك حتى لو صارلي شي ماتجيبلهمش مرت اب اللي تظلمهم😔بالله عليك احمد اختار شخص كويس
احمد..تحرم عليا بنت من بعدك😌وربي يخليك لينا💔
ومشو ايام وشهورة وكان كل يوم احمد يضايق ويفكر وطول هالايام هدي ماخلاش ميسم بروحها كان حاس ان حيصيرلها شي 💔
ميسم..اااه يا يمي تقول عليا بمبلة غاز
احمد..😂😂نحبها بمبلة الغاز هدي
ميسم..عطيني الكرسي بنصلي
احمد..ها😊
جابلها الكرسي قعمزت صلت وقعدت تدعي لي ربها🙌
احمد..كملتي ياعزوزة😊
ميسم..هههههه ايه
احمد..دبدوبتي😍
ميسم..عيونها
احمد..نحبك
ميسم..حتى اني
طق طق طق
فتح احمد الباب لقاها امه
حميدة..كيف حالكم😀
ميسم..الحمدلله😘وانتِ خويلة
حميدة..الحمدلله اتصلت مريم جارتنا تعزم
احمد كان في المطبخ
احمد..بنتها بتتزوج؟؟
ميسم..الها في روحك انت😒
حميدة..😂😂ياعازتك كان يلعب هوا وياها هدا كان ديمة محشمني معاهم يضرب فيها😂😂
ميسم..خزي😂😂
حميدة..اي المهم تعزم ع العرس الحفلة الخميس الجاي كان تقدري يابنيتي بري معاي
ميسم..حاضر ☺
جاب احمد الشاهي والعصير وقعمزو يهدرزو ويضحكو والصغار راقدين نزلت حميدة ورقدو ميسم واحمد💤
وفاتو ايام وليالي وجي الخميس لبست ميسم وتكمت وكانت طالعة زي الاميرة😍
احمد..مشاءالله عليها مرتي احلى وحدة في العالم😍😍😍😍
ميسم..ههههههه شكراا😍
احمد..هي البسي
لبست ميسم العباية وطلعت هيا وحميدة ومشو للصالة كانو كلهم يشبحولها كانت ميسم متغيرة هلبا ومحلوة😍
وفات هدا اليوم
.
.
.
.
عماد..ميار هيا عاد خيرنا
ميار..قتلك لا خلاص عاد قرفت اني
عماد..😡😡واني قرفت منها الحالة هدي ليا اشبح قداش شهر واني نقولك ارجعي ارجعي اني قاعد نبيك خيرك هكككي
ميار..شن فايدة من هدا كله وانت مش واتق فييييا انت قاعد تشككك😡
محمد خش عليهم..هي هي هي وين وين هدووو شن هدا عياطكم لأخر الشارع
ناض عماد وطلع وصلفق الباب وراه وركب السيارة وخلا غير الغبرة وراه
ميار..😭😭😭مش قادرة نرجع يا بابا
محمد..خلاص يابنتي هدي روحك تو ينحل كل شي بإذن الله💔
خشت ميار ركبت وجو خواتها للحوش ونساوين خوتها
ميسم..خلاص عاد مش هكي يا ميار
ميار..كرهت روحي اني استاحشته😭💔
مياس..💔ميار قطعتيلي قلبي خلاص عاد شوفي صغارك يشبحولك وتوا هناء و اميرة جايين ماتخليش حد يشوفك هكي نوضي اغسلي وجهك وهدي روحك وانزلي
ميار..ان شاءالله💔
نزلو خواتها وخلوها ترتاح قعمزو بس كان جوهم مش حلو هلبا هدرزو مع بعض وجو عادي
اميرة..وين ميار ماشفتهاش
ميسم..فوق تو تنزل
اميرة..كيف حالها اليوم
مياس..الحمدلله كويسة
خشت مها..خيرر ياعيلة
الصغار..خوييييلة عميييمة
مها..ياوخيييتي😍😍
هنادي..ربي يرزقك بعويل يابنيتي
مها..يااااارب😍😘
قعمزت معاهم ميسم..عزوزتك الشمطاء معاش كلماتك؟
مها..لالا اموري 100٪
هنادي..المهم متهنية ومرتاحة😘
مها..الحمدلله وين ميار💔
هنادي..فوق قالت تو ننزل
ميسم..اهيا نزلت☺
قعمزو مع بعض غيرو جو مع بعض وضحكو وفرحو❤مع بعض
.
.
.
.
مها..محمد😭
محمد..خيرك😨
مها..حلمت بي ميسم💔😭حلمة اخييي
محمد..خلاص حبيبتي اشربي اميا هي هدي روحك
مها..😭😭
محمد..خلاص مهو حبيبي
مها..مش قادرة ننسى اللي حلمته
محمد..تحكيشي خلاص انسي حلم هدا بس
مها..😭نبي نتصل بيها
محمد..امخر توا الصبح اتصلي بيها
مها..لالاااا قتلك تواا😭
محمد خدي فونه واتصل بيها
.
.
.
تررررن ترررررن
ميسم..ااه منو
احمد..هدي اختك مها
ميسم فتحت عيونها..ساعة كم😳😨
احمد..ردي
ميسم..الو😣
مها..م مميسم😢
ميسم..اااه مها خيرك😳خيرك تبككي
مها..شي بس بس مضايقة😭😩
ميسم..خلاص حبيبتي هدي روحك
مها..حالك باهي انتِ؟
ميسم..ايه الحمدلله
مها..امورك تمام
ميسم..ايه الحمدلله مها خيرك
مها..شي بس نسئل
ميسم..اكيد حالنة واضح عليك
مها..ايه فوتي نقدرش نعاودها المهم حالك باهي
ميسم..ايه الحـمـ...ااا😰 #يتبع
احمد..😱😳
.
.
.
#يتبع ان شاءالله تكون نالت اعجاااابكم يااااارب #حنو
أنت تقرأ
قصة فراق ( روايات ليبية )
Romanceقصة فراق ..... قصة حزينة بين بطلين و لكن فجاء يقلب الفراغ الي شوق و حب اخر للكاتبة : حنو لمحبي قصص حب الحزينة رواية من داخل المجتمع الليبي ؟
