#قصة_فراقـ💔
.
.
.
.
الحلقة 19🔖
.
.
.
طلعت سناء وهيا حامقة ومشت قعمزت وتهز في رجلها فرقت ميسم عليهم الحلويات ووصلت في سناء..تفضلي حبيبتي☺
سناء..😠😒
ميسم..هدي اعصابك مش هكي تنحل الامور ره😈
سناء..حولي مانبيش😠
ميسم..عفوا ياذووق😌😒
مشت ميسم قعمزت وقعدو يهدرزو وكانت لمة حلوة بينهم ميسم دارتها لانة عيد ميلاد ولدها وتاني شي العيلة ماجوهاش في حوشها بكل
قصو التورطة وكلو وبعدين تعشو وكملو وكل واحد روح لي حوشه
مها..السفرة غدوا هيا نبي ولدك😉
ميسم..الله😢بنستاحشه
مها..تي هوا اسبوعين بس تي هيااا محمد يستنا برا😊
ميسم..تو نعطي احمد يخليه يتعشا لبين ماوتيتله حاجاته😞
دخله احمد وتعشا وقعد يستنى
احمد..بتاخدوه مننا هكي بارد بريدي
محمد..ههههههههه عندكم ارين وله صبرو روحكم بيها😂
احمد..هوا ضحكة الحوش
محمد..اسبوعين بس هما
احمد..تي باهي باه
طلعت مها وشادة ولد اختها في غمرها
تيم..حويلة (خويلة)
مها..عنوني
تيم..وين نمسو؟
مها..لي مكان حلوووو😍
تيم..😍☺
محمد..هاتيه رزين عليك
مها..به
شده احمد باسه وعطاه لي محمد..ردو بالكم منه😊
مها..ولدي هدا اصلا☺
ركبو السيارة ومشو روحو للحوش رقد تيم حطاته مها في دار الصغار مجهزينها كانو وخشت مها هيا ومحمد للدار
محمد..امتى بتبدي شادة ولدنا هكي😍ياااارب
مها..زي توا هههههه
محمد..ايه هي نرقدو غدوا ورانا فيقة من الفجر الطيارة ساعة 8
مها..تمام
بدلو ورقدو وناضو الصبح مشت مها طول لي تيم لقاته مقعمز في سريره ويلعب
مها..حبيب خالته نايض😍حلاته هي هي نبدلو شن نلبسك امممم تعالى ندوشلك هي
طلعتله روب الحمام وحوايجه ودوشتله وطلعاته ولبستله حوايجه جي محمد وهو يلبس في ساعته
محمد..مهو هيا وقت
مها..خلي نكمله لبس
محمد..بري تو نكمله اني بسرعة لازم نكونو في المطار
مها..باه
مشت مها دوشت وبدلت ودارت ميك اب خفيف ولبست وشاحها وجي محمد وتيم في غمره..هي شنو واتية؟
مها..ايه واتية😍استنى نصوركم
وصورتهم مها ومشو للمطار ركبو الطيارة وكانت مها فرحاانة وتيم جوه مليح بكل
.
.
.
ميسم..خلا مكانه😢
احمد..ايه خلاص حبوبتي معاد تبكي
ميسم..باه نديرلك تفطر
احمد..ايه
فطرو مع بعض وناض احمد مشي لي خدمته وميسم اتضم في الحوش
.
.
.
مها..حمودي شووف شن لبستله هههههه طالعة عليه تهبل😍😍
محمد..بالتصيعيه الولد
مها..تي يهبل😍
محمد..تعالى هي
قامه محمد في غمره..شن اللبسة الحلوة هدي😉
تيم اشر ع خالته..هيا ☺
بمعنى ان هيا اللي لبستهاله
محمد..هههههه😃
مها..هيا نطلعو😍
محمد ومع قيمة حاجب..ابتطلعي هكي؟
مها..علاش شن في
محمد..لا بري البسي عبايتك😒
مها..بيبيي
محمد..كلمة هيا
مها..حاضر
مشت لبست عبايتها وطلعو
وبدو يدهورو ومها تصور وتبعت في القروب لي خواتها
ميسم..ضيعتيلي الولد صيعتوه
مها..ماريتي شي
ميار..خودوني معاكم😭
مياس..علاش تقهري فينا الهم😠
ميسم..بكل مبردها😒
مها..موووتوو😂😜😜
محمد..هي نحي الفون وكولي ياسر
مها..نكلم في خواتي ماه هي
وابدت تاكل مها..كيف حال عميمة
محمد..الحمدلله كلمتها امس
مها..باه
محمد..قالت تولين بتسافر
مها..امم وين
محمد..تكمل قراية في بريطانيا ومنا بوي يبي يباعدها عليا ع الاقل تهدا الاوضاع قال لي امي واني مش راضي ع الموضوع ماعندناش بنت تمشي بروحها هو صح بيبعتها لي حوش عمي بس عمي عنده اولاد واني مانطمنش عليها 😠
مها..هدي روحك حبيبي اهو سبوع ونروحو وتشوف الموضوع وتتكلم انت وبوك😊
محمد..باه حاضر ياقمر😉
ناضو بعد ماتغدو ومشو كملو ادهويرهم ومها نزلت بوستات ع الفيس من الاماكن اللي صورتهم وولد اختها وكانت ضايفة حتى تولين
علقتلها تولين..سلم من رافعك ياحنة لولاه هدا كله ماشفتيشي وقاعدة في فقرك😒😒
ردت عليها ميسم..احترمي نفسك😉احسنلك
تولين..اهي تكلمت اختها اللي والا نقعد ساكتة احسن😏
ميسم..هه مصمصي فمك بالزهر قبل ماتتكلمي علينا حبوبة وكانك انتِ ماتعرفيناش مش لازم تدوي علينا وبعدين من الفقر يا وجه الفقر بري اسئلي علينا وبعدين تكلمي هي وجهك توا👏
تولين كانت ماتعرفش شي ع حيات مها ولا حاجة ولا عمرها قصقصت عليها وكانت تحسابها انها مش من نفس طبقة وانها ذات مستوى اقل بهلبا لهدا السبب ديما تبي تسافر بس كانت غالطة😉
نزلت لي امها تجري
تولين..ماما نبي نسئلك
غالية وهي اطيب..قولي
تولين..عيلة مها شن حالتهم المادية
غالية..زينا
تولين..كيف يعني
غالية..شن كيف يعني زينا واكتر مننا
تولين انصدمت..ءء😳😳 باه
غالية..شن السؤال الغبي هدا وبعدين اهم شي الاخلاق والحالة المادية ماتهمش
تولين..لا غر سؤال بس
غالية..بري امشي وتي شنطك كلمت حوش عمك وقالت مرت عمك مرحبتين بيها وفرحت بيك
تولين..شن وراه موضوع الفرحة هدا😒
غالية..شن المخ الخبيت اللي عندك انتِ شخص يفرح بيك تقولي شن وراه😠
تولين..باه باه خيرك هجتي فيا😕
غالية..مش عارفة لمن طالعة حتى بوك مش هكي والله ماطالعة الا لي عمتك كانت ديمة تظلم فيا وديمة مخها خبيت ديمة😠
تولين..ماما هدي عمتي خلاص عاد😒
غالية..اي طبعا ماترضيش فيها لانك زيها😏 مافارقت تجري جرتك لين خلاتك زيها ونكراتك عليا😒امشي من عليا
مشت تولين ركبت وغالية كملت تطييب وروح راجلها وتغدت هيا وياه
سالم..وين تولين وتيتلها اوراقها وكل شي والاسبوع الجاي بتتسقد😌
غالية..باهي فوق هيا وبتمشي بروحها؟
سالم..كذا مرة مسافرين وتعرف الاجرائات مايصيرلها شي ولد عمها تلقاه قدامها غادي وبنت عمها حتى هيا😌
غالية نزلت راسها وكانت دمعتها حاصلة..ايه 😔
سالم حط يده ع يدها..ماتخافيش حنزوروها مرة مرة😊
غالية..باه☺
قامت الشغالة السفرة وجابتلهم الحلو وقعدو ياكلو ويدردشو وخش عليهم عبد الهادي و فادي كانو كيف مروحين من الخدمة مع بعض
غالية..اهلا اهلا بي اولادي☺
سلمو ع امهم وباسو راسهم
عبد الهادي..كيف حالك يام ان شاءالله بخير وانت يا بوي كيف حالك
غالية و سالم..الحمدلله
فادي يشم في ريحة..ريحة كسكسي 😍😍اااه قداش ليا عليه كسكسي امي
عبد الهادي..ايه والله زيك😍😍
سالم..نوض انت وياه جدري تقول مش بنساوينكم😒
عبد الهادي..مش هكي يابوي بس كسكسي الغالية مايجيش زيه😘
غالية..حاضر تو نحطلكم منه ماري يا ماري تعالي ديري صونية فيها الكسكسي زي مادرته بكري ودلعي الجو😉
ماري..حاضر مدام☺
مشت ماري اتحطلهم في السفرة وهما قعمزو يهدرزو
فادي..اي بوي شن قلت في موضوع تبينا فيه بخصوص تولين😌جايها خطاب امالا
سالم..لالا اني ابنبعت اختكم لي بريطانيا لي حوش عمكم
عبد الهادي..وعلاش😕
سالم..قلت تكمل قرايتها غادي احسن اهني الجامعة مرة تفتح وعشرة لا ف قلت تسافر تكمل وتروح كلكم قريتو برا الا هيا يعني خلي حتى هيا تكمل😌
عبدالهادي..بس يابوي قبل لما خواتي قرو برا حتى احني كلنا معاهم بس هدي توا بروحها مايصيرش هكي وبعدين انت بتتهنى عليها حوش فيه قريب 4 اولاد وبنت وحدة واختي؟ نحس فيها رزينة اني😕
سالم..هدم اولاد عممك وبعدين اختك مش حدير حاجة غلط وعمك هو بوها التاني وكأنها معانا احني😠
فادي..يابوي صح احني ماعندناش شك في اختي بس عمي وعيلته عاشو حياتهم غادي وتعودو ع العادات الاوروبية يعني صعب تعيش معاهم تولين فهمتني😕
سالم..اختكم حتمشي وحتقرا غادي واحني كل فترة ابنمشولها اني وامك وتقدرو حتى انتم تمشولها وهكي نطمنو عليها وبعدين مداما خوي غادي ف اني مطمن😌
عبد الهادي وفادي مش عاجبهم الكلام بس مابوش يدخلو وسكتو😷
تغدو وهدرزو ع امهم وروحو لي حياشهم
وفات اسبوع مشت تولين لي بريطانيا واستقبلوها حوش عمها وروح محمد و مها من السفر وحطو عند ميسم ولدها وحجاته اللي شروهاله وروحو للحوش تعبانين ورقدو ع طول
.
.
.
بعد فترة مشت حياتهم طبيعية وعادية
فاتن..سناء بنتي شن اديري
سناء..شي يا ماما مكسدة😕
فاتن..بس عيونك يقولو غير هكي
سناء..بعد نسيته رجع لي حياتنا من جديد والله نحبه😢
فاتن..الله غالب هو توا بمرته و صغاره يعني انسيه احسن وبعدين انتِ جايك خطيب مفروض توتي روحك توا مش مقعمزة تبكي😉😉
سناء..مانبيش يا ماما😮
فاتن..فيش مانبيش لي امتى هكي ندادك بصغارهم ميسم نديدتك ره وشوفي بصغارها وقريب تجيب التالت😉
سناء..لي روحها شن دخلي اني من غير احمد مانبيش😁
فاتن..اااح الصبر يابنتي هدا خلاص امحييه تزوووج افهممي 😠
سناء..واني راضية نكون زوجة تانية المهم ناخده هوا😌
خش عليهم بوهم وتقدملها وضربها كف👋
سناء حطت يدها ع وجهها💔
سراج..باش مرة تانية معاد تقللي ادبك قدام امك ياحيوانة تحشمي ع وجهك وهدا اللي جايين اماليه اليوم ابتطلعيلهم وراسك في الارض شئتي ام ابيتي عجبك والا ماعجبكش ابتاخديه فااااهمة وخلاااص احمد طلعيه من راسك احمد تزوج وبصغاره ويكون في علمك مش مفكر فيك بككل ف افهمي خلاص انسيه يابنتي انسيييه✋😡
طلع سراج وخلاها هيا وامها
فاتن جت تغمرتها..خلاص حبيبتي
سناء..حولي حولي اطلعي خلييينييي 😭😭💔
فاتن..باهي هدي روحك خلاص
سناء..خلييني
فاتن..وتي روحك هيااا وتو نبعتلك اختك ديرلك بلاش دلع ادلعتي هلللبة😠😠
طلعت فاتن ونادت بنتها اسراء جت دارتلها ميك اب وطلعتلها تلبس وساعدتها
سناء..صحيتي وتوا تقدري تخليني بروحي😒
اسراء..لا اسمعيني يا سناء انتِ لازم تبدي حياة تانية حياة مختلفة حياة جديدة انسي فيها احمد خلاص عاد
سناء..😠😠اطلعييي
طلعت اسراء..حوور عطيني نغيرله شماله
حور..غيرتله
اسراء..سلم خالته ياربي☺
حور..اصلا ولدي اني هدا مش ولدك
اسراء..اي اني نحمل ونجيب والخالة تربي وله؟
حور..امالا شنو تجيبي فيه وتخلي فيه وتقولي مش ولدي لا ولدي ني هههههههه 😂😍
اسراء..تي باهي باه 😁
ايمن..حويلة تعالي العبي معاي
حور..هي ياحويلة
اسراء..حويلة😂😂
حور..صكفمك انتِ
اسراء..😂😂
طلعت حور ركباته في الدرجيحة وتلعب فيه
لين ماسمعت الباب✨
.
.
.
#يتبع
ان شاءالله تكون نالت اعجابكم ياربي😍😍 #حنو
أنت تقرأ
قصة فراق ( روايات ليبية )
Romanceقصة فراق ..... قصة حزينة بين بطلين و لكن فجاء يقلب الفراغ الي شوق و حب اخر للكاتبة : حنو لمحبي قصص حب الحزينة رواية من داخل المجتمع الليبي ؟
