قصة فراق ( روايات ليبية )

حلقة 1 🔥

الحلقة الأولى✨
من رواية #قصة_فراقـ💔
👇
👇
👇
#لاااااااااااااااايگ
&
#كووووووووومنت
👇
👇
👇🏻
ميسم..صباحووو فل وورد وياسمين وكككل شي ع مامتي😍😍امممممووووااه😚😚
هنادي..صباحك انتِ حبوبتي هي تعالي أفطري خوتك كلهم ناضو هيا وروحي بكري اليوم خميس ابنمشو حوش جدك خالاتك كلهم ملتمين غادي
ميسم..حاضر كان قدرت
ونزلت ميسم جري فطرت وركبت سيارتها لحقتها مها
مها..استني ميييسم
ميسم..نعم
مها..وصليني سيارتي خداها أمجد البارد 😠سيارته واقفة😕
ميسم..هههههـ باهي هي اركبي
مها.. هي طلعي سيارتك مابين ماجبت شنطي وشيتاتي وجيت😍😍😘😘
ميسم..اوك تعطليش👌
مشت مها تجري خدت حجاتها..سلامات ماما بابا
أنس..واني مزهرية والا شنو
مها..مش فاضية لاكن باه سلامات😏
أنس..هدا كله يالاه مارفعتهاش اني😂
محمد..حراجة هلبا البنت هدي😄
أنس..ايه
هنادي..دلوعتي مايتكلم عليها حد😜
أنس..ها سكتت 😶
هنادي..اسمع ياولد اني اليوم ابنمشو حوش جدك واكيد حنتلاقا مع خالتك شن امتى العرس نقوللها
أنس..شوفو اللي بديروه ماشي اني حوشي كملته وواتي مزالو حجات بسيطة
هنادي..خلاص معناها نديروهولك مع أختك
محمد..لالا كل واحد بروحه خير😌
هنادي..باهي 😌 معناها بعد عرس ميار
كانت ميار نازلة من فوق وتحك في عيونها كيف ناضت من النوم..خيرها ميار سمعت اسمي😪
هنادي..مشاءالله هدي اللي عرسها بعد شهرين نايضتلي الظهر
ميار شافت الساعة لقتها ساهة 9..ماما حرام عليك ساعة 9
محمد..عندكش خدمة اليوم
ميار..اااه لالا اليوم عنديش 😌
محمد..باهي كويس 😊
ميار..ماما درتي نسكافيه والا قهوة
هنادي..قهوة😊
ميار..به
*
*
*
ميسم..وقت تكملي كلمي أمجد يجيك اني معطلة شوية واسمعي لما تروحي تستنونيش تو نجيكم غادي ارفعيلي لبسة من لبساتي غادي باهي😌
مها..باهي 👍
حطتها ميسم ومشت لي كليتها ونزلت وطبعا ميسم عندها صاحبات😁 صحباتها خواتها بس
والباقي رسميات
نادرة..اهلا ميسم شن الاخبار
ميسم..الحمدلله😊 وانتِ
نادرة..الحمدلله شن صار في مشروعك😊
ميسم..قاعدة نحضر فيه
نادرة..باهي ان شاءالله خير وخلاص حتى اني قاعدة حاصلة فيه قوليلي شن لقبك انتِ
ميسم..عفوا😕 سؤالك غريب
نادرة..لا شي بس سؤال
ميسم..لقبي الـ....
نادرة..اها بالجودة خيتي
ميسم..بيك اكتر😉 عن اذنك
نادرة..اوك
ميسم..سلام☺
نادرة..سلامات
ناضت ميسم ومشت للمكتبة
اما نادرة ..مش عارفة شن عجبه فيها هدا تيم
ايوا
تيم..ها شن صار
نادرة..لقبها الـ... وقتلك ان اسمها مَيْسِمْ وهي نديدتي اي وشن تاني تبي تعرف
تيم..الحاجة المهمة ماجبتيهاش ماجبتيش رقمها
نادرة..تي هي لقبها وقتلي شن تبي فيه بالنقوللها رقمك 😒
تيم..دبري راسك😏
نادرة..هونا في 100 بنت غيري خلاص فوتني
تيم..ومن 100 انتِ هي تشاو توا وكان ماتجيبيشي تعرفي شن يصير
نادرة..انت شن تبي فيها البنت وسكر تيم وماردش ع كلام نادرة😟
نادرة..ياربي شن يبي فيها البنت ساد اني😟 كيف ندير بس😔لو قلتلها حنتبهدل اني ولو سكتت حتتبهدل هيا اوووف 😔
(وطبعا حتعرفو كل شي يدور في القصة بس مع مرور الحلقات كل شي حيتوضح😉)
كملت ميسم وروحت امخر مشت لي حوش جدها سلمت ع الكل وخدت حوايجها دوشت ولبست وطلعت
ميسم..ااااه ع الراحة😌كان تخلوني نرقد
هنادي..ترقدي عينك نوضي مع بنات خالاتك في المطبخ
مياس..تبي تقعمزي وماديري شي وخيتي حبيبتي ؟
ميسم..ايه😍😍
مياس..شديلي آدم😁
ميسم..احساسي ان اني مربية ومانندريش
حطت مياس ولدها ومشت وفاتتها
ميسم..تي تي تعالي هني يامرا قاعدة ماقلتش لا اي لا لا😳😩😣
مياس..😏
هنادي..😂😂محلاها فيك
خالتها حميدة..ميسم كيف حالك
ميسم وهي تعاند في آدم..الحمدلله يا خويلة
حميدة..شن مزال مافيش حويجة
هنادي..هي ماتبيش😠اعطوها ع راسها بلكي تفهم
ميسم..مزااااال😌😌
حميدة..😂 خودي راحتك مزال بكري ع الشقا يابنيتي
حنان..اي والله مزال بكري ارتاحي توا 😉
هنادي..شنن تقولو انتم 😱
ميسم..احسن خالات والله زدتو اقنعتوني ان نقعد في حوشنا😂😌😌
جمانة..اي اي حق والله الزواج صعب مسؤليته كبيرة وهي مزال صغيرة خليها تعيش حياتي لاحقة عليه بنيتي لاحقة 😩😩
ميسم..والله يا خالتي شكلك تحكي من صمصوم قلبك😂😂😂
جمانة..اااه ياقلبي💔
ميسم..لا شكلها القصة كبيرة😂
جمانة..الله غالب الواحد يساير وقته 😊
حميدة..اي والله
هنادي..لا والله عطيتوها ع كبدها نشهد بالله احسن خوات بارك الله فيكم تعبتو روحكم اقنعتوها والله مشكورين ماقصرتوش 😠😠
حنان..احني بالخدمة وخيتي امتى ماتبي😂
ميسم..منورة خالتي😂😂
حنان..بوجودك بنت اختي😉😂
ميسم..مايحشمك شي خالتي😉😂
حنان..قدر والله 😂😂
حميدة..حسيت روحي مقعمزة مع ولادي نوضي انتِ وياها خزي
حنان وميسم..😂😂😂😂هههههههههـ
ميسم..عادي خويلة😉مشي مشي 😂
هنادي..الولد واسي رقبته رقد
ميسم..حاضر تو نحطه في سريره
هنادي..وتعالي اكنسي الجنان 😕
ميسم..باه 😘
مشت ميسم حطت آدم وطلعت للجنان تكنس فيه
هنادي..حميدة
حميدة..ها يا هنودة
هنادي..شن رايك العرس بعد عرس ميار؟ 😉
حميدة..زي ماتشوفو احني عادي واتيين كل شي وتيناه☺
هنادي..خلاص معناها على بركة الله خليهم هيا وياه يحددو التاريخ امتى ويقولولنا😊
حميدة..خلاص معناها😍
حنان..روروروروروروري😍💃💃
طلعو البنات من المطبخ
هناء..شن في 😳😳
ميار..شن صار 😳
مها..امتى وكيف وعلاش وشنووو😳😳
مياس..من اتزوج 😍
هويدة..شنو في 😱
ميسم..روروروروري مانعرفش علاش لاكن بالنزغرط شكلا في حاجة حلوة😍😍
الكل..هههههههههههـ😂😂
هنادي..عرس أنس وهنو بعد عرس ميار😊
البنات..روروروورورووروروري
هناء..😍😍😍
حميدة..حددو انتِ وهوا التاريخ بس
هناء وهي متحشمة..باه😊😍
هنادي..هي برو كملو الغدي خوتكم قريب يجو وخالك هيا 😊
مشو كلهم كملو كل شي وحطو الغدي كسكسي مسقي داراته مياس والبنات وحدة دارت بيزا والتانية دارت امبطن😍😍 وقعمزو ياكلو العيلة كلها..وبعدين ناضت مها دارت تشيز كيك وقعمزو في الجنان البنات كلهم ومعاهم الاولاد☕🍰
وطق الباب وفتحت ميسم
وطلعت بنت خالتها حميدة
ميسم..طيب فيك حتى كملنا 😒😒
مروة..الحمدلله كيف حالك انتِ😂
ميسم ضربتها ع كتفها👋 ..باردة مش عارفة حازم كيف متحملك😒😒 خير حازم كيف حالك 😊
حازم في السيارة..الحمدلله وانتِ 😊
ميسم..الحمدلله 😊
حازم..هي ماشي توا ✋
ميسم..مع السلامة ✋
وكيف بالتسكر الباب تشده ميسون بنت خالتها حنان وحتى هي متزوجة
ميسم..باين عليك كيف نايضة 😳
ميسون..ااااه😪 اي والله حولي بالنخش نكمل نومي😴
ميسم..من يومك خميرة نوم😳😏
سكرت ميسم الباب وخشت قعمزت معاهم
أحمد..شن يا ميسم كملتِ مشروعك؟ ☺
ميسم..لالا قريب😊
أحمد..باهي بالتوفيق ان شاءالله مذيعتنا😉
*
أحمد يكون ولد خالت ميسم مواليد 88 يحبها هلبا لاكن كاتم حبه في قلبه وهو من النوع الكتوم ومايعرفش يعبر عن مشاعره 😕 شبوب حليوة😉وطول عمره في قلبه ميسم وبس😍
*
ميسم كانت مش ملاحظة احمد وتصرفاته معاها كانت معتبراته زيه زي ولاد خالتها التانيين وعادي يعني
مياس..ميسم وين آدم ☺
ميسم..هييييي نسيته 😱😨
مياس..اللي يعبا عليك وينه 😰
ميسم..في الدار راقد من بكري 😊
مياس..يا حمارة ماشفتيشي بكل 😱
ميسم..ولدك هو والا ولدي 😒😒
مشت مياس تجري لي ولدها
أمجد..تو تخلي الولد ماتشوفيشي بكل
ميسم..تعبا بولدها هيا شن هدا هو تقول ولدي😑
أحمد قعد يشبحلها ويفكر ويتخايل ان هو وياها وولدهم ومشي بخياله بعيييييد 😂😂
أنس لاحظ انه يشبح لي ميسم هلبا..احم احمد وين مشيت
احمد..اااه شنو لا نفكر في الخدمة😅
أنس..اممم خدمة😈
احمد..ايه
هناء تهدرز مع هويدة يهدرزو بالشوية وانس جنبهم..ااهااا اي اي نعرفه يقرا معاي خيره
هويدة..جي تقدم لي صاحبتي
هناء..ياحظها مشاءالله هوا قراية وطرف😉😍
أنس سمعهم تعفلق وقعد شاد روحه
ميسم..شن تقولو 😁
هناء..تحكيلي ع صاحبتها في ولد معاي في الدفعة خطبها قتلي هي لا لون لا عون😂😂😂 وهو يا ميسم جمال واااو😍😍
ميسم..الله تفو قتيله بنت خالتي فكك منها هدي 😒😒
هويدة..حيوانات والله عادية البنت هو قنين لاكن هي عادية يعني😂
ميسم..بري بري مامنك فايدة😒
هناء..اني مخطوبة الله غالب 😂
ميسم..هييييي نهارك احرف انس جنبك تو كان سمعك 😱
هناء..نسيييت انه جنبي😰😰يا والله غبارة سوووودة😭😭اليوم جنازتي ياهو😱😱
جت مياس وجايبة معاها ولدها
مياس..آدم لقيته في عيطة وحدة يا حيوانة 😠
ميسم..😂😂عادي عادي يسرح قراجيطه
مياس..تفو 💦
أمجد..ياسر تقول ع روس بعض😠
أنس وشوش لي هناء وهو يحكي من بين سنونه..تعالي وراء الحوش توا😡
هناء شرقت..كح كح 😥
ميسم..اعطيها اميا يا انس جنبك 😂
انس..هاك مشاءالله زي الجن فيك شي 😠😠
مياس وهي تفنص..خيرك ع البنت 👀
انس..😒😒
مشي انس وراء الحوش
قعدت هناء شوية وتسحبت وراء الحوش وقعمزو ع المعشب
أنس..شن اللي سمعته توا تعرفي شاد روحي بالسيف😡😡
هناء..ءءءء وانت علاش تتسمع علينا دوة بنات هيا
انس..طرف صار ااه طرف وزيادة تبي تقو ليلها جبتيه ليا لاكن غر مخطوبة انتِ الله غالب😠اي يناري
هناء واقفة متجمدة ومش قادرة تحكي ولا كلمة ومش قادرة تبرر شي..😨😨
انس😡..تكلمي برري كلامك علاش الدوة اللي دويتيها منقص عليك حاجة اني؟؟ قوولي ماتسكتيش تكلمي جمال هوا ااه جمال طرف وله
هناء..😭😭اسكت تعليش صووتك عليا
انس واقف حط يديه ع وجهه..استغفر الله ياربي 😠
هناء..انت علاش هكي علاش علاش ديمة تعيط وتخبط ديمة تتعصب عليا ديمة واني ساكتة ومتحملة كل شي ساااكتة💔😣 ومتحملة كل يوم بعركة كل يوم تهزب مافيش يوم مشي ع خير 😠اوك اني اليوم نعترف ان اني غلطت😧 بس كانت دوت بنات وبصارة وبسس😠 وكانت حتى اختك مشاركة معانا ودوينا عادي😣 ديمة نتسهوكو ومانقولوش حق كله تسهويك وبصارة واني خلاص يا انس لا هني وستوووب😡👐 لاهني وبس معاد نقدر نتحمل اكتر من هكي يا انس😠😠 خلاص عييت اي عييت صح نحبك ونعشقك وكل شي😭 بس الحب اللي مافيه احترام و تفاهم مايكملش الحب 💔الحب اللي مافيه تفاهم وحنية مش حب💔 يا انس مش حب💔
قدم انس وحضنها وباسها ع راسها..اسف💔 حقك عليا😔 مسحلها دموعها وقعد يشوفلها..اني اسف💔سامحيني ع كل شي ماكنتش نندري ان هدا كله كاتمتيه في قلبك ماكنتش نعرف انك شايلة مني لهدرجة هدي سامحيني ياروحي💔
هناء..اني متحملة هدا كله لاني بس نحبك ومانبيش نخسرك بس خلاص يا انس معاد نقدر نتحمل اكتر من هكي طول الوقت عايشة في رعب وخوف منك😢
انس زاد حضنها..خلاص اسس معاد تقولي شي حقك عليا😣 خلاص معاد تبكي يا مهبولة ونوعدك من اليوم معاد ندير ولا حاجة تزعلك😣
قامت هناء راسها وشبحتله..امتى نحددو عرسنا؟ 😊
أنس..ههههههههههـ مهبولة وحق ربي امتى تبيه انتِ
قعمزت هناء ع العشب وقعمز هو جنبها..عيد ميلاد منو قرب😉
أنس..عيد ميلادي😍
هناء..هههههههـ خلاص معناها يوم عيد ميلادك 😘😍
أنس..اياح كبرنا ع الجو هدا احني ههههههه😂
هناء..حسستني انك شايب😒
أنس..تحبيه وله😉
هناء..ااااه نموت فيه 😍
أنس..علاش التنهيدة هدي؟ 😟
هناء..ماك انت بالطلعلي الشيب جديات 😂😒
أنس..😂😂عادي حبيبتي
هناء..نعم
أنس..ابنمشي للأولاد من بكري يستنو فيا😁
هناء..اسمع من توا وقت نتزوجو مانبيش نشوف حتى وجوهم😩😩 شن هدا
أنس..وراس امك؟ 😑
هناء..اي 😉😁
انس..حتى اني مانبيش نشوف صحباتك 😉
هناء..ههههههه حبيبي كنت نبصر خيرك عاد درتها جديات😁
أنس..حافظك يابنت ره 😉😉
هناء..هههههههه 😂😂
أنس..أصلا اني وقت نبدا مع حبيبتي يمشو يملحو هما شن مزال بالندير بيهم 😉😍😍
هناء..خزي يابارد خديت راحتك هلبا برا امشي😒
أنس..هكي التيشرت خليتيه😑
هناء..ههههههههه ايه😂😂
أنس..بري هي اني ابنطلع من الباب هدا 😊
هناء..تمام😊
طلع أنس وهناء خشت للبنات داخل قعم
✨✨✨✨✨✨
هدرزو شوية
ميسم..تبو الحق الجو كساد هي نطلعو ساعة 4 قاعدة 😊
البنات ماعطوهاش حتى جواب اللي تلبس في كندرتها واللي تلبس في وشاحها واللي مشت تبدل شغلو الطوارئ كلهم😂😂
ميسم..بسم الله الرحمن الرحيم😂😂 لا حول ولا قوة الا بالله😂معقولة محبوسين لهدرجة 😂😂
لبست ميسم كندرتها ووشاحها وطلعت في السيارة ولحقوها البنات مها وميار وهناء وهويدة والباقي متزوجات ماطلعوش
طلعو مشو لي مطعم خدو شاورما وبعدين طلعو مشو قعمزو ع البحر😍😍
وابدو ياكلو
ميسم..محلاها نسمة البحر 😍😍
هناء..خوك يندريش عليا النهار المبارك كيف تصالحنا توا😂😂 وابنتعاركو كان عرف
ميسم..تي فوتي امه المتعقد هدا عيشي حياتك توا بعدين وقت تولي حلاله ليه الحق يتحكم اما توا ف انتي تحت حكم بوك😉☺ وبسس
مها..اني بالنوض نبل حتى رجليا مش قادرة نقاومه البحر 😍😍
ميسم..بري😁
هناء..واني معاك
ميار..اني خلوني مع ميسم
ميسم..احكي هي
ميار..خيرك مش ع بعضك نحس فيك تضحكي وجوك مليح كله كله اللي ديري فيه كذب وتمتلي ع روحك
ميسم..اااااااه💔
مها.. #يتبع
.
.
ان شاءالله تكون نالت اعجابكم❤ #حنو