قصة فراق ( روايات ليبية )

حلقة 24 🔥

#قصـة_فراقـ💔
.
.
.
الحلقة 24 🔖
.
.
.
.
نادر ضربها كف
مياس حطت يدها على مكان الكف شبحتله بخيبة..😨انننت تضررربني
نادر كان يشبح لي يده وهو مصدوم في روحه كيف يضرب مرته وام صغاره وحبه كيف يخونها مع وحدة ماتسواش ضفرها
مياس خشت للدار تجري حطت حوايجها في الشنطة وحوايج صغارها ولبست عبايتها ووشاحها وهي ولا دمعة نزلت منها لانها قاعدة مصدومة وطلعتله
مياس..ارفعني لي حوشنا توووا😠
نادر..طلعة من الحوش مافيش
مياس..مانقدرش نقعد معاك اني مستحييل نقعد معاك في حوش واحد😠😠
نادر..اني ناخد حوايجي ونطلع انتِ تقعدي في حوشك اهنيييي وتطلعي من الحوش يصير شي مايعجبكش😠
ومشي خدي حجاته وطلع
قعمزت مياس ونحت عبايتها ووشاحها وكانو الصغار مزال في المدرسة حمدت ربها ان الصغار ماحضروش شي قعدت شوية تستوعب في اللي صار حركات نادر تصرفاته معاها تغيره عليها كل شي كان سببه بنت تبي تخربلها حياتها من هيا هدي البنت منن اللي لفتت نظره وخلاته يخون مرته ام صغاره حبيبته من وهم في الثانوي مكانتش متوقعة ان نادر يخونها بكل 💔😭
.
.
.
نادر..معااااد تتصلي اللي بيننا انتهي اني لا نحبك ولا نبيك
شموخ..انت شن تقول والحب اللي بيننا وكل كلامك
نادر..اني لا نبيك ولا شي اني نبي مرتي وصغاري
شموخ انصدمت..مرررتك وصغااارك😳😳 شن تقول انت باش مش متزوج😰
نادر..لا يا ستي اني كدبت عليك اني متزوج وعندي صغار عندي 4 يخي ومتزوج ليا اكتر من سنة والا اتنين ليا هلبا سنوات وكلمتك كانت نزوة وبس واني اليوم مرتي عرفت وخليني نحل مشكلتي وفوتيني فاهمة والا والله تشوفي
شموخ..امس صوري😭😭
نادر..اني مش عيل باش ننشر صورك ممسوحات قداش ليهم  هي تشاو😏
سكر منها وقعد يفكر كيف يدير مع مياس عارف مياس مستحيل تسامحه
نادر..غبببي غببببي اني حماار كيف ندير هكي كككيف وين كان عقلي ووين ياربي تسامحني يااارب
مشي نادر روح بي صغاره من المدرسة
شهد..بابا تبيش تنزل؟
محمد..بابا هيا اكيد ماما تستنى فينا على الغدي
شدى..بابي هيا نبي نوريك كراساتي جبت درجات عالية😍
ادم..هيا يا بابااا
نزل نادر بالسيف من صغاره كان يبيش يحسسهم بي شي خش هوا وياهم لقو مياس مقعمزة تستنى فيهم ع الغدي
مياس..حبيباتي كبف حالكم
الكل..الحمدلله يا ماما
مياس..برو غيرو حوايجكم هي بسرعة قبل مايبرد الغدي
وشبحت لي نادر
مياس..اني باش قتلك معاد نبي نشوفك صح😠
نادر..الصغار غصبوني ومابيتش نبينلهم شي
مياس..توا قوللهم صارلك شغل ولازم تطلع
ومشت مياس للمطبخ وحطت الغدي ع الطاولة
محمد..يما خيرك مش حاطة لي بوي صونية
نادر..ء
مياس..بوك قال عنده شغل ولازم يطلع صح يا نادر☺
نادر..ايه صح
الصغار كلهم زعلو وناضو شبح نادر لي مياس ويترجا فيها بعيونه
مياس..تعالو خيركم
شهد ..انلا بابا عنداشي شي
محمد..بوي هيا تعالى فوتهم كلهم تعالى تغدا معانا احني متعودين بيك
شدى..هي بابا
ادم..بابااا😭
مياس..شبحتلهم وخنقتها العبرة كيف بيتعودو ع غيابه هكي
جي ادم وحطتله مياس ياكل وقعدو ياكلو بس نادر و مياس قعدو يلعبو بالماكلة وبس
شدى..بابا سكرت درجاتي كلهم الابلة قتلي خلي بوك يوقعلك 😍
نادر..باهي حاضر😊شطورة بنيتي
محمد..بوي بنقولك😁
نادر..شن في من عملة
محمد..بوي صاحبي بكري عزمني عندهم
نادر..تي انت قاعد صف رابع شن عزمني ما عزمني هدي
محمد..يابوي الاولاد كلهم ماشيين عرس اخته هو قالي تعالو تعشو عندنا
نادر..امتى؟؟
محمد. ماه قتلك بنتعشو
نادر..تو نشوف وكان ماجيتكش معناها طلعة مافييش فاهم وبعدين انت توا اول سنة امتحانات مفروض تلهى بقرايتك
مياس..اي صح
محمد..مزال الامتحانات
نادر..نرفعك بس اخرلك مرة تقعمز وتلهى بقرايتك فااهم
محمد..باهي😄
جابت شدى كراساتها ووقعهم نادر
شهد جابت كراستها
شهد..😔
نادر..شن خيرها بنيتي زعلانة
وباسها ع خدها
شهد..ماسكرتهاش😔بنت عمي سكرتها واني لا
مياس..فالحة تو قداش مرة قريتك اني
شهد..😢نسيته اني
مياس..مافيش نسيته😠اصلا مستواك نزل ع قبل
نادر..حق يا بابا معاد تسكري فيهم؟؟
شهد..امس في الرياضيات و اليوم في القراءة ماسكرتهمش بسس😔
نادر..وعلاش
شهد..اني وقت الابلة تعيط ع وحدة في الفصل ننسى ونبدا خاايفة اهئ اهئ😭😭
نادر..خلاص اس حبيبتي تو نمشيلها غدوا اني ابلتك هدي باهي
شهد هزت راسها
نادر..ونقوللها تعاودلك هيا والرياضيات ونهارك كان ماتسكريهاش
شهد..والله نسكرها يا بابا 😍
نادر..عارفك شطورة اني😚زي مامتك😉
مياس..محمد
محمد كان يتهرب
مياس..محمممد
محمد جي طول
محمد..ءء نعمم
مياس..شن صار اليوم في تطبيقك التاريخ
محمد..باهي
مياس..شن باهي هدي ماجاوبتش وله
محمد..جاوبت يام غر ماعطتناش الكراسة😅
مياس..تو نشوفو😉
شدى..بابا اني بببث سكرتها عطيني فلوس😁
مياس..ششدى شن عطيني فلوس هدي
شدى..ني نتلم في بابا😒
ناضت مياس بتجيب الفواكه
نادر..كم تبي حبوبتي
شدى.. حتى عسرة كويسة
مياس جت..بلكي تبي اكتر منها😱
شدى..بابا كريم😜
نادر..هههههههههه😂 حاضر ها بنوتتي خودي العشرة بس وين نحطووها
شدى..في الشقاقة
نادر..شطوورة
مشت تجري شدى وحطتها في شقاقتها
وشهد تشوفله
نادر..تسكريها بعد تعاودهولك نعطيك 20
شهد..وحق ربي لما نسكرها😍😍
محمد..وشن حني يا بوي 😁
نادر..انت لا
محمد..علااش
نادر..ماجبتلي شي
محمد..ماعطوناش احني 😁
نادر..اي ماعطوكمش اي ترا جيبلي شنطك
محمد..لا وراسك يابوي لا
نادر..ماه عارفك اني صلح مستواك قبل
محمد..ان شاءالله
نادر..النتيجة هدي نبيها ترتيب الاول ممتاز تحصلو سفرة
محمد..😍😍ووين
نادر..وين ماتبو انتم
محمد..خلاص خلاص مانيش ماشي اليوم نبي نقعمز نقرا هي خلوني مايكلمني حد نبي نكتب واجباتي وعندي تطبيق غدوا 😍
مشي محمد خش لي داره وشهد وشدى خشو باش يرقدو
وقعدو مياس و نادر قرب نادر من مياس وشدلها يديها
نادر..ميوستي
مياس..😨
نادر..اسف
مياس..نادر ماتستغلش الصغار مداما الصغار يديرو هكي انت ماتقدرش تقعد برا الحوش
نادر..يعني😍
مياس..يعني انت تبدا ترقد في الصالون ولني في الدار ورد بالك تقرب مني او من جيهتي 😠 اني بس تعاملت معاك عادي ع خاطر الصغار ولكن اول مايختفو الصغار حتشوف معاملتي 😠
خشت مياس للدار ودارت روحها بترقد بس قعدت تبكي تبكي بحرقة على اللي خانها😭💔
سمعها نادر وقبض يديه وقعد 5دقائق وبعدها خدي مفاتيحه وطلع قربع الباب 
سمعاته مياس زادت في البكي
.
.
.
.
فاتو ايام وليالي مياس ونادر معاد يتكلمو نادر كل مايحاول يقرب منها تصده مياس وقعدو ع الحالة هدي قريب شهرين وهما هكي و مها ومحمد رجعو قعدو بروحهم وتيم روح لي امه مها وعزوزتها قاعدين واحرف من قبل في العراكات ومها تتحمل تتحمل وتتكلم
.
.
.
مشو مها ومحمد عاينو وكانت مها تستنى في النتيجة وبعدها خشت للدكتورة💔 هيا ومحمد
مها..طمنيني
الدكتورة.. قداش ليكم متزوجين
محمد..سنة
الدكتورة..انتِ حملتي قبل
مها..اي بس اجهضت
الدكتورة..انسة مها اسفة بس انتِ من الاجهاض صارتلك مشكلة و ومعاد تقدري تجيبي💔
مها كان الخبر عليها زي الصاعقة تقول من صب عليها اميا مصقعة
مها..هههه دكتورة اني حملت قبل
الدكتورة..اي وماقلنا شي بس بعد الاجهاض صارولك مشاكل ومعاد تقدري تجيبي😔
محمد..ءءء مها حبيبتي خلاص تعالي
ناضو ومشو نزلو للسيارة
مها قعدت تبكي وتخبط وتعيط وكان محمد يشوفلها بس وبعدين حضنها
مها..😭😭😭محممد معاد نقدر نجييب اني علااش😭😭
محمد..خلاص حبيبتي اشش الله غالب هكي ربي كاتب
مها قعدت تضرب فيه..كله كله منننك لو مادفيتنيش راهو البيبي توا عندنا وحامل تاني كله منك ومن عصبيتك الزايدة😭😭😭
محمد..مهو حبيبتي اسف والله اسف مش قصدي يومها انتِ عارفة مهو
مها..روح بيا رووح بيا واسكت 😭😭
روحو مها ومحمد للحوش وخشت مها تجري سكرت الدار بالمفتاح وطاح ع السرير وقعدت تبكي 💔خلاص هي مش حتصير ام مش هي عقيمة توا خلاص محمد مش حيتحمل الوضع وحيتزوج وهي منو بيها خلاص
محمد..مها حبيبتي افتحي ياروحي افتحيلي
مها..اممشي خليني😭😭😭
محمد..والله نكسره الباب افتتحي
مها..خليني خلليني
محمد..اني قتلك لو جنب الباب حولي لاني بنكسره
مها..😭😭
كسر محمد الباب وخش لقاها رامية روحها وحاصرة المخدة وتبكي💔 قلبه تقطع عليها
جي جنبها وقامها وحطها في حضنه
مها..😭😭محمد معاد بنولي ام اني خلاص
محمد..خلاص حبيبتي حنسافرو وتتعالجي وحنجيبو 10 بيبيااات
مها ابتسمت..محمد
محمد..عيون وقلب محمد
مها..محمد طلقني يامحمد وانت تزوج وجيب صغار من حقك انت
محمد..شن تقولي انتِ تي يحرم عليا مرا غيرك
مها..لا محمد
محمد..تعرفي مزال تجيبي سيرة هدي نقتلك
مها..هيييي مجرم
محمد..نقتلك ونقتل روحي
مها..يا مجرم اسكت معاد تجيب سيرة هدي
محمد..امالا خلاص حتى انتِ معاد تذكريلي السيرة هدي
مها..شن بنقولو لي امك
محمد..تو نعرف شن نقوللها
مها..قول قبل
محمد..بنقوللها اني مانقدرش نجيب
مها..ماه حملت اني
محمد..نسيت شن بنقولولها
مها..والله يا محمد تقوللها مني اني معاد مكلماتك😭😭
محمد..مش حنقوللها والله تو نعرف اني قتلك خلاص
مها..هي اليوم دايرة غدي
محمد..اي
مها..عادي نمشوش
محمد..حبيبتي بري غيري جوك مع خواتي ونساوين خوتي والا حتى هما
مها..ههههه لالا
محمد..باه هي نوضي حبوبتي 😘 واني تو بعد نوصلك نجيب من يصلح الباب
مها..كيف قدرته
محمد..فيش حاجة تصعب عليا وبعدين اني مانشوفش في شي قدامي وقتها خايف انك اديري حاجة
مها..☺نحبك
محمد..نموت فيك هي نوضي احسن 😂
مها..ههههههه
ناضت مها بدلت حوايجها ولبست عبايتها ودارت وشاحها وطلعو وصلو لي الحوش خدو نفس عميق وخشو
سلمت مها عليهم ودارت روحها عادية
محمد..يما بوي مزال ماروحش
غالية..لا مزال مشي لي تولين ماروحش هني وقال تاخد تولين عطلة نروح اني وياها وبعدها تولي☺
محمد..باهي كويس هي اني ماشي
غالية..اقعد تغدا
محمد..لالا متغدي مع الاولاد هي ماشي
قعدت مها مع حماواتها وتتجنب في عزوزتها ولكن للأسف ماقدرتش تهرب منها
غالية..😕😕
مها..😳😨😨
#يتبع
.
.
.
.
ان شاءالله تكون نالت اعجابكم ياربي وسبب اختفاء سناء ووليد من الحلقة هدي لانة الحلقات الجاية حلقة 27 حتكون نصها عليهم😁😁😉#حنو❤