قصة فراق ( روايات ليبية )

حلقة 7 🔥

الحلقة السابعة✨
.
.
.
من رواية✨ #قصة_فراقـ💔
.
.
.
#لااااااااااااااايككك
.
.
.
#كووووووومنت
.
.
.
#منشن
.
.
.

ميسم..ماما الباب يطق منو زعمك
هنادي..قعمزي انتِ تو نفتح اني
فتحت هنادي وتلقاهم بناتهم
هنادي..😍😍ميااار ميااااس بنااااتي
ميسم..مياااار😍😍😍ميااااس ههههههه
فرحو وتغمرو بعض وكانت دموع الفرحة مالية عيونهم
ميسم..امتى وكيف عرفتو الحوش
ميار..انس وامجد استقبلونا هوينا طلعو
ميسم..حي عليكم التركيات تو ياخدو عقل رجالتكم😂😂
مياس..صكفمك خير مانوض نروح توا 😕
ميسم..غر بالشوية 😂😂
ميار..تي شنو ابنقعدو مقعمزين احني😍😍تي احني في تركيا بلاد اللبس😍😍تي نووضو ندهورو
ميسم..اهي بدت بهبالها😂😂راك متزوجة راك
مياس..حلو الحوش 😍😍
ميسم..ايه تعرفي
مياس..امالا وين مها
ميسم..في الجامعة تو تجي ماتندريش هيا وله
ميار..ايه ماتندريش هههههه تي هي نوضي
ميسم..خلي تجي مها ع مرواحتها
مياس..اوك ندير قهوة والا في
ميسم..لي اول مرة بالنضيفكم😂😂 وين مفرخك خليتيهم وجيتي😱😱
مياس..لالا شن نخليهم هدي مع بوهم مابوش يخشو حتى الخشان وقت لقو انس وامجد بذات آدم ههههههه معاد بي يطلقه امجد
ميسم..يحبه ☺
وحطو القهوة
ميسم..تقبل الله ماما هي تعالي قعمزي
هنادي..هي هي
جت قعمزو مع بعض وخشت عليهم مها
مها..واااك راسي صداع شن هدا مبهاك يا ليب 😠 وصلفقت الباب وتتلفت من الصدمة لين طاحو كتاباتها
مها..اوووووو مش مصدقة اني هههههههههه ميار مياس لالالا نحلم ضربتني الشمس كلها😂😍😍 ماضو تغمرتهم الاثنين وفرحو ببعض هلبا
ميار..اهي مها وروحت تي هيا نوضو مش شارية شي اني
ميسم..ع اساس يعني بالنديرو طبل
مياس..مالياش علاقة ابنطلع وابنشري وابنلبسو تي عرس ميسم وانس يا هو اعزمو الاتراك مادخليش
هنادي..😂😂عزمنا شوية من الجيران بس
ميسم..ايه من نعرفو اصلا
مها..اني لقيت بنات معاي في الجامعة ليبيات جوهم يهبل وقعدو يحكو قالو خاطرنا في عرس ليبي قداش لينا في الغربة الصراحة عزمتهم فرحو 😂😂
ميسم..حي ع الجو 😂😂 معناها هي نوضو خلي نزيدو من الحجات هيا
ناضو كلهم طلعو وابدو يشرو وفرحانين
اما تيم ف دار صحاب ليبيين وفرحانين معاه وجوه مليح معاهم ونسي الماضي كله وابدي يبني في حياته وفي مستقبله
كان تيم هو واصحابه في السوق وميسم هي وخواتها وامها في السوق كانو اي حاجة يشوفوها تعجبهم ياخدوها شافت ميسم فيلو عجبها
هنادي..بلكي مش مفكرة فيه؟؟
ميسم..اني قلت نلبس قفطان ابيض عادي وخلاص
مياس..مصح وجهك
مها..وانتِ شن ناقصك باش ماتلبسيشي
ميسم..مش هكي بس حسيت ان اهني مافي حد علاش ابنلبسه
ميار..حمارة انتِ تي هدا الفيلو البنات يستنو امتى يلبسوه وانتِ ماتبيشي تي البنات يستنو امتى يلبسو الفيلو اكتر من ان يستنو العريس المهم تلبس حلم حياتها كل بنت حلمها الفيلو هدا👰خشي هيا عندهم فيلوات تهبل 😍😍
هنادي..هيا خشي 😄
خشت ميسم وقعدت تشوف في فيلوات لين عجبها واحد وقالت هوا وبس واجراته وابدت تاخدله في الحاجات وهما يمشو في المول وتيم يمشو في المول ويتقابلو مع بعض
ميسم..😍😍حي ميار تيم😍😍
ميار..هههههه صدفة والا متفقين
ميسم..صدفة والله
تيم..😍😍
طبعا تيم مباش يكلمها ع خاطر معاه صحابه ومايبيهمش يعرفوها
مياس..غريبة ماكلمكش
ميسم..ممكن لانة صحابه معاه
مياس..اي صح
وكملو شري وروحو
وجي يوم الحمام مشت ميسم هي وخواتها ودارو حمام بخاري و مساج وكل ماتحتاجه العروسه داراته ميسم
ميار..اني بالندير اللي بالديره ميسم
ميسم..😂😂حسد
ميار..اني قاعدة عروسة😂😂
مياس..مفرخ قاعدين 😂😂
ميسم..ع اساس انتِ مش حديري توا
مياس..وعلاش لا حندير طبعا الجو مش طبيعي يجنن😍😍
مها..اي يقتل😍😍
كانت امهم نايضة من الصبح من قبل مايمشو دارت هيا ومياس الرشدة باش بعدين تبدا الام متريحة حتى هيا وعادي كان عطلو
جو البنات وكل اللي عازمينهم ومنهم اتراك وكانو معجبين بالماكلة وفرحانين بالجو
وكانو صحبات مها هما وامهاتهم جايين تعرفو ع هنادي وابدو يفرقو ويديرو معاهم وكأنهم بنات العرس
روحت ميسم بلبسة البودري جابوهالها مياس وميار وكانت بالبودري طالعة قمر نزلت ميسم في الشارع ويصورو فيها خواتها وفرحانين بيها خشت ميسم لي حوشهم لقاته معبي والبنات يفرقو
مها..احلى صحاب والله نردهولكم في الفرح ياربي
ملاك..ولو احني لي بعض حبي 😉 طبعا هدي ماما وهدم خواتي
مها..تشرفت بمعرفتكم شرفتونا 😍😍
وكانو صحباتها كلهم جايين ومعاهم عيلتهم وكانو فرحانين الكل فرحان تغدو رشدة وجو حلو وتاني يوم الحفلة مشت ميسم للكوافير ودارت شعرها وميك اب كان خفيف وحلوة طلعت 😍😍
.
.
.
في ليبيا مشت هناء للكوافير وكملت وطلعت رفعوها للصالة وكان الجو حلو بكل في العرس جي وقت قرب موعد طيارت هناء ناضت وطلعت تغمرت امها لانة بنتها الوحيدة خلاص بالتسافر والله اعلم امتى تروحلها كان وداع بينهم يقطع القلب💔 طلعت هناء هيا وخوها للمطار
هناء..دير بالك ع ماما وخليها في عيونك رد بالك تزعلها بالله عليك
احمد..ماتخافيش امي في عيوني 😣
هناء..ودير بالك ع روحك حتى انت😉
احمد..حاضر ☺
هناء..😘😘
احمد..هناء ميسم حتى هي اليوم حفلتها صح والا يكدبو
هناء..للأسف صح هي مش من نصيبك وخيي الله غالب كل واحد يلقا نصيبه 💔
احمد وهو في قلبه غصة..ربي يهنيها💔
هناء..يارب ويهنيك انت وتشوفلنا بنوتة😍😉 تجي تساعد ماما وتحبك وتحبها
احمد..ااااه ان شاءالله💔
احمد..هي وصلنا هي انزلي
نزلت هناء وهي بالفيلو كان الكل يشوفلها
وكان في واحد واقف واول ماشافها جاها طول
طبعا انس 😍😍 روح وقعد يستنى فيها في المطار
احمد..اوووو انس 😃
هناء طبعا ماتشوفش زين لانة الكاب اللي لابساته مغطي عليها الرؤية بس من داخلها قريب اطير من الفرحة 😍😍😍
احمد..هدي اختي امانة في رقبتك لو تصيرلها حاجة او تزعلها حتشوف شي مايعجبك اهو قتلك مش كانا ولد خالتي خلاص👌
انس..ماتخافش هناء في الحفظ والصون وحنحطها في عيوني ومش حنزعلها 😍😘
احمد نزلت دمعة من عينه تغمرها ..ردي بالك من روحك ومش كانك في الغربة خلاص اني خوك وين ماتمشي اني معاك وحنجوك اني وامي نزوروك مش حنخلوك بروحك
هناء..😢ربي يحفظك ويخليك ليا يا سندي😍
احمد..هي مع السلامة ربي يحميكم 😣 طمنوني اول ماتوصلو
انس..بإذن الله هي مع السلامة
مشي احمد وهو متلخطة عليه اخته طلعت اخته من الحوش واعرة اما الجرح التاني حبيبته اليوم انزفت لي شخص غيره هي اختارت غيره خلاص 😔💔💔
انس..واخيرا وليتي حلالي ومرتي😍😍
هناء..☺هههههـ ايه
ركبو للطيارة واتجهو لي تركيا لي اسطنبول كانت وقتها ميسم كيف بالتخش لي القاعة حطولها اغنية
.
.
.
يا حلم فستانى يا طرحة غفيانى <3
اجي اليوم ت تصحوا وتودعوا الخزانة :(
بخاطرك يا غرفتي :(
يا مرايتى ويا فرشتى :(
يلى كنتوا عز رفاقى  بليلى وبوحدتي :(
.
.
.
.
خشت ميسم هيا وتيم فرحانين رقصو مع بعض وكان الجو حلو بكل والمعازيم كانو مش هلبا قصو التورطة وحطو العشي وتعشو ميسم وتيم مع بعض وصورو وطلعو طلع تيم وميسم قعدت تسلم ع خواتها وامها وهي فرحانة بكل مكانش عندها شعور الخوف او اي شي غير الفرحة اللي مالية عيونها وفجأة يخش انس
ميسم..😍😍😍هنااااء
هناء..ميسممم😍😍😍
تغمرو بعض طول وطبعا مها المصوراتية في العرس هههههههـ سلمت ميسم عليها وبعدين جت قدام خوها وقفو قدام بعض
ميسم..انس😞
انس قامها وابدي يدور بيها
ميسم..هههههههههـ😂😍😍اننس هههههه خلاص يامهبول هههههههه
انس نزلها..ربي يحفظك ويهنيك واني راهو مانتمنالك الا الخير بس لاني خايف عليك درت هكي وربي يهنيك معاه يارب😍😘طالعة قمر يابنت ربي يحفظك 😢
ميسم..ويحفظك ياخوي الكبير😍😍ياسندي ربي يخليك ليا ياتاج راسي 😘😘
انس..ويحفظك لينا اميرتنا هي خلاص تيم يراجي فيك
ميسم تلفتت للبنات لقتهم يشبحولها وفرحانين وتلفتت قدامها ولوحت الباقة وجت في يد ملاك صاحبت مها وابدت ترقص بيها
ملاك..😍😍روروروروي زعمك من هوا اللي حظه حلو ابياخد ملاك😍😍
مها..قولي تعيس الحظ😂😂
طلعت ميسم مع تيم ومشو لي حوشهم هيا وياه خششها تيم وكانو الاثنين متحشمين من بعض
تيم..ءء تبي تبدلي اهو الدار 😁
ميسم..تيم خيرك هكي ادور في مكانك شن في وترتني
تيم..شي بس مش عارف متوتر 😂
ميسم..😂😂 غر وين الدار نبي نبدل
تيم..تعالي هي
رفعها للدار وعجبتها حلوة وبسيطة
ميسم..😍😍حلاها الدار
تيم..ههههـ المهم عجباتك
ميسم..اكيد😍
تيم..نخليك براحتك تبدلي
ميسم..☺تمام
بدلت ميسم وجي تيم بدل وصلو مع بعض وتمت الليلة هدي بحلوها ومرها
ومشو ليالي وايام وقعدو ميار ومياس شهر في تركيا
ميار..حبيبي
عامر..همم
ميار..ابتخطم عليا ميسم ابنمشي معاها باهي ؟
عامر ناض من نومه..وين على خير ؟؟
ميار..قالت ابتشري شوية حجات
عامر..وانتِ شن ابتشري
ميار..باش احني قريب بالنروحو
عامر..امم
ميار..ايه ف قلت نشري لي عمتي وخواتك حجات عجبوني هلبا
عامر..باه علاش ابتطلعي مع ميسم هي نطلعو اني وياك
ميار..ماه اني معاد بالنشوفهم نبي نقضي وقت معاهم باهي برا معانا
عامر..بنات شن بالندير معاكم
ميار..ابيرفعنا راجلها
عامر..مداما هكي تمام 😊
ميار..هي نوض هحاااضر
عامر لبس ولبست ميار وطلعو
ميار..ايوا اهو احني لوطة هي انزلو
ميسم..هي نازلين
نزلو العرسان ومشو مع بعض شرو حجات ليهم
وميار كانت شارية ليها بس تشري لي امالي راجلها
ميار..حي شن رايك في هدا عيوني؟
عامر..تي قصير هدا ابتلبه قمر؟
ميار..عادي يعني شن فيه
عامر..لالا
ميار..تي مش ضروري تلبسه تحطه ع جنب في بتاتها
عامر..شوفيلها حاجة اطول
ميار..احح باه قعدت تشوف ميار وماخشلها شي راسها
عامر..تو معقولة من هدم كلهم ماعجبك كان هدا
ميار..ايه😁
عامر..الصبر ياربي خوديه هي
تغمراته ميار..حبيبي 😍😍
عامر..ههههه هيا كم رقمها
ميار..زيني اصلا
عامر..هي
خدوه القفطان وطلعو
ميار..الو ميسم تي وين مشيتو
ميسم..في الكافي حني هي كان كملتو احني لوطة اني دخت وجيت للكافي
ميار..خيرك؟؟
ميسم..ولا شي دوخة بس
ميار..انباه وقت نكمل ننزلو
ميسم..اوك
عامر..خيرها
ميار..مش عارفة قالت داخت
عامر..بلكي حامل😉
ميار..زعما😉😂
عامر..خيرك تضحكي
ميار..مش متوقعة ميسم تبدا ام 😂
عامر..مهبولة عادي شن فيها وعقبالينا 😉😂
ميار..يارب
عامر..هي شن مزال
ميار..مزال اختك نسرين و اختك سيرين بس
عامر..باه هي
وقعدو يشوفو وخدولهم قفاطين وحجات موصيين ميار عليها وخدو حجات لي ام عامر وبوه وكانت ميار فرحانة ونزلو لقو ميسم وتيم مروحين
عامر..بلكي اختك زادت تعبت كلميها
ميار..باهي 😕 ..ايوا ميسم وينك
تيم..اني تيم يا ميار ميسم رفعتها للعيادة
ميار..خيرهاا؟؟
تيم..نش عارف اهو كيف دخلتها خلي نخشلها وبعدين نكلمك
ميار..تيم استنى اما عيادة الو تيم
طوط طوط طوط
عامر..شن في
ميار..مانعرفش شكلها زادت مرضت سكر عليا قالي تو نكلمك خلي نخش نشوفها
عامر..باهي هي نوضي نروحو ياعمري عادي تنشغليش عليها اكيد تعبت من المشي والدوران والشمس
ميار..ممكن😰
عامر..هيا ياقلبي نوضي
ناضت ميار وروحت هيا وعامر للحوش قعمزو يدردشو وتوتي ميار في الشنطة وكلمت ميار مع المغرب ميسم
ميار..ايوا ها كيف حالك ووين انتِ
ميسم..الحمدلله اني في الحوش كيف وصلت
ميار..خيرك شن في؟؟
ميسم..حامل😍😍 بالتولي خالة مرة تانية😂😂
ميار..جدياااات😍😍 روروروري الف الف الف مبروك ياعمري
ميسم..الله يبارك فيك عقباليك حبيبتي
ميار..امين ياااارب
ميسم..اي شن جو
ميار..الحمدلله نوتي في الشنطة
ميسم..شن خلاص؟؟
ميار..ايه
ميسم..باهي توصلو بالسلامة😞
ميار..الله يسلمك😢
ميسم..اسمعي توا جي تيم بعدين نهدرزو
ميار..اوك حبيبتي
ميسم..بايات 😍😘
سكرو من بعض
ميار..ميسم طلعت حامل صح😍😍
عامر..مبارك الف مبروك ياعمري
ميار..الله يبارك فيك حياتي
عامر..وهي شنو حني مزال؟؟ تبيش بيبي؟؟
ميار..اني نبيش؟؟
عامر..نعرفش
ميار..اكيد نبي بس ربي قاعد مارزقناش شن بالندير☺
عامر..ربي يرزقنا بي بيبي يشبهلك ياروحي
ميار..ويحمل صفاتك ياقلبي
.
.
.
تيم..ميسمم ميسسم
ميسم..اهو جيت حبيبي هدا شنوو
تيم..كل شي خاطرك فيه جبتهولك😘😘
ميسم..ياعمري 😍😍
تيم..هههههه
حس تيم بدوخه ومعاد شبح قدامه فجأة بعدين شبح وكانه حاجة جت قدام عيونه
ميسم..حبيبي خيرك شن في استنى فعمز اهني خيرك؟؟
تيم..لا شي بس حسيت راسي يدور
ميسم..فيك حاجة ليك هلبا هكي هي نوض نمشو تعاين
تيم..لالا بسيطة ياروحي تشغليش بالك
ميسم وهي مش مطمنة ..امباه 😕
تيم..هيا حطيلي ناكل جيعان
ميسم..حاااضر
حطتله ميسم العشي وابدو يتعشو مع بعض وتيم مرة مرة يحس بألم وصداع وهو متحمل بس ميسم حاسة بيه مش طبيعي حطت ميسم الشوكة وناضت لبست عبايتها ووشاحها وجت وقفت جنبه
تيم..وين؟
ميسم..هيا نوض للمستشفى
تيم..هني روحك ياروحي الدكتورة قتلك ماتعبيش روحك ااااه راسي
ميسم..حبيبي خيرك هكي نوض معادش تعاند هيا نوض انت ليك ايام مش طبيعي هيا
تيم..اااه حاضر باهي
ناض تيم لبس وطلعو مشو للمستشفى دار تحاليل وروحو تاني يوم مشي تيم للمستشفى وجاب تحاليله ورفعهم لي دكتوره و #يتبع 😉✨
.
.
انـ شاءالله تكون نالت اعجابكم ياربي😍😍 تفـاعلكـم للأسف ضعيف هلبا😁✋ #حـنـو😍😘