قصة فراق ( روايات ليبية )

حلقة 14 🔥

#قصة_فراقـ💔
.
.
.
الحلقة 14🔖
.
.
.
محمد..لالا اني عاجبتني بنية ونبيك تخطبيهالي ☺😁
غالية..من هيا وكيف عرفتها وهكي طول نمشو نخطبوها ماتعرفش عليها شي بكل
محمد..تي لا نعرف عليها كل شي
غالية..علاقة؟؟
محمد..لالالا
غالية..امالا كيف هي
تولين تشرب في القهوة وتشبحلهم وساكتة 💔
محمد..اخر مرة مشيت فيها لي تركيا
غالية..تقولش تركية 😳😳
محمد😂😂..لالا غر خليني نكمل
غالية..هي كمل
محمد..في الملاهي مشيت اني وصحابي المهم ركبت في لعبة وهي راكبة جنبي وووالخ حكالهم كل شي ✨
غالية..اممم نشوفها قبل كاناااا عجبتني نوافق وكانا ماعجبتنيش لا
محمد..عجباتك او لا يا يما اني نبيها خلاص
غالية..تو نشوفو ☺امتى تبي نمشولهم
محمد..حتى الخميس كويس
غالية..باهي تو نكلم وحدة من خواتك المتزوجات ونمشو
تولين..اني نقدرش نمشي ره
محمد شافلها..علاش!😕
تولين..هنو عازمتني
محمد..باهي مش مشكلة نرفعوك ليها ونمشو
تولين..باه
مشت تولين ركبت وقالت لي هناء صاحبتها انها بالتجيها الخميس
وفاتو ايام جي الخميس ومشو اهل محمد خواته المتزوجات 2 وامه
مها خشتلهم وكانت مش مدايرة ولا حاجة في وجهها وطالقة شعرها ولابسة لبسة حلوة😍 ومطلعة روحها واول ماخشت الابتسامة فارقتش وجهها والراحة باينة في عيونها وهديكا ام محمد عجبتها لين خلاص هيا وخواته وروحو
محمد..ها شنو😉
غالية..لا طلع عندك ذوق😍
مرام..وين طحت فيهم يا حمو
محمد وهو متشحم شوية..في تركيا شفتها ونكلم فيها لاكن كلام عادي يعني زي الاصدقاء بس وهكي وخلاص ههههه☺
منال..اي مشاءالله عليها هيا و خواتها وامها تحسهم عيلة طيبة وكويسين بكل
غالية..اي مشاءالله عليهم الصراحة اول مرة تعجبني كنة هكي قبل خوتك بالسيف غر لانهم يبو بعض بس😒 احلى كنة توا بالنجيبها 😍😍
مرام..😂😂توا طلعو مش قنينين ياام 😂😂
غالية..مها صغيرة وقنينة مشاءالله عليها 😘
محمد..احم احم صقع عليكم بس حتى اني محمد ره 😉😂
منال..غر بالشوية علينا بس
غالية..اني بيني وبينكم قبل نبيله هناء صاحبة تولين وقلت كانا عجبتني مها خلاص مها وكانا ماعجبتنيش معناها هناء
محمد..واني مش عاجبني غير مها 😁
غالية..اي باهي اهو عجبتنا حتى احني ههههههه 😍
خشو للحوش واتصلت تولين بي خوها التاني فادي المتزوج
تولين..ايوا فادي
فادي..ها شنو
تولين..اني في حوش صاحبتي تعالى روح بيا
فادي..كيف وصلت للحوش اني بعدين قولي لي محمد
تولين..خارج التغطية ..تكدب..
فادي..تو نشوفهولك
تولين..باهي 😑
هناء..شنو
تولين..قال بيشوفلي محمد
هناء..خلاص توتو عادي مش نصيبي هوا 😔
تولين..انتي حمارة تستسلمي ع حبك بسهولة 😠
هناء..اي حب اين حب ترا قولي 😕فيش حب هو حب من طرف واحد وبس
تولين..اااه💔
هناء..بابا بيسافر ونبي نسافر معاه مانقدرش نحضر عرسه سامحيني💔
تولين..عادي عادي 😔امتى مسافرة
هناء..الاسبوع الجاي ومش معروف امتى نروح 👌
تغمرتها تولين وبكو مع بعض لانهم بيفترقو لي ايام ومش معروف لي امتى 💔💔
روحت تولين جاها فادي
فادي..محمد لقيته ساهر مع صحابه
تولين..اهاا
فادي..خيرا عيونك حمر
تولين..شي هنو بتسافر ومش معروف امتى تولي😢
فادي..عادي تو تروح وتتلاقو
تولين..صاحبتي الوحيدة هدي 😔
فادي..خلاص اسكتي ماتزعليش روحك
وقفلها ع محل وخدالها حجات وركب
فادي..هدم شكاليط و شيبس ومشروب اسهري بيهم الليلة ع فيلم😉
تولين..😍😍😍انت احلى خو 👏👏
فادي..هههههههـ ☺☺
تولين..شن في تشبح هكي
فادي..في مووضوع
تولين..شنو
فادي..عيد ميلاد مرتي بعد غدوا كيف يصير؟😉
تولين..ساهلة احجز في بيت النخيل
فادي..شنو هدا
تولين..اني تو نديرلك دعوة ع صفحتهم في الفيس وشوف بعيونك 👀
فادي..تم😉
روحت تولين للحوش
غالية..كان مشيتي معانا وشفتيها تهبل
تولين..باهي مبروك عليه😒
غالية..خيرك العفو مش فرحانة بكل
تولين..علاش بنفرح واني كنت نبيله صاحبتي هناء ويومها انتي قلتي ابتاخديله هناء شن غير رأيك؟؟؟
غالية..ماغير رأيي شي غير ان عجبتي البنت وعجبتني العيلة
تولين..وخيرها هناء و عيلتها
غالية..ماعندي مانقول فيهم لاكن يابنتي خوك يبيها والصراحة وله في الزين والاسلوب وكل شي هدي اللي خطبناها لي خوك قاعدة احسن ☺☺
تولين..ساحرتكم هدي😠
غالية..نهار ابيض شن فيها فيش نصيب عادي تو يجيها نصيبها البنت فيش غير خوك؟؟
تولين..تي باهي باهي 😠
خش محمد..شن في شن في خيرا اصواتكم طالعة خيرك انتي معلية صوتك احترمي نفسك 😡
تولين..محترمتها نفسي واحني نتكلمو اني وامي انت ماليكش علاقة
وركبت طول
غالية..ربي يهديك يا بنتي
محمد..خيرها هدي نركبلها نعطيها طريحة باش تفيق ع عقلها والا شنو 😠😠
غالية..لا ياوليدي بالله عليك لا قعمز اهني تو نحكيلك
وحكتله غالية
محمد..وشن فيها يعني خلاص فيش نصيب ونصيبها تو يجيها وربي يهنيها علاش العراك والدوشة هدي 😠
غالية..وين نندري عليها يا وليدي بلكي حرقتها صاحبتها معليشي خليها تو تهدا
محمد..باهي اني راكب لي داري
غالية..سلملي عليها😉
محمد..من😳
غالية..شن يعني راكب لي دارك مستاحشها؟؟ راكب باش تكلم مها 😂😉
محمد..اهااااا😂😍😍حاضر يوصل اميمتي هي تصبحي على خير نوضي ارقدي حتى انتي
غالية..نستنى بوك قال اليوم مروح من السفر
محمد..باهي امالا هي ماشي
ركب محمد وكلم مها
مها..اهلااا😍😍
محمد..اهلا بيك😍
مها..شن جو
محمد..الحمدلله وانتِ
مها..الحممدلله😍😍كيف حال امك ؟
محمد..الحمدلله تشكر فيك وتعاود
مها..تبي الحق حتى ني حبيتها امك تهبل😍😍ربي يحفظهالك ياربي😘😘
محمد..ويحفظكم ليا ياربي☺☺
.
.
.
احمد..ها ميسو شن جو
ميسم..الحمدلله
احمد..هي مزال عرسنا تي خلاص عييت نستنى امتى تبدي معاي
ميسم..ههههه مزال خيرك مستعجل
احمد..وليت شيباني يابنت 😂😂
ميسم..😂😂😂😂
وقعدو يهدرزو
.
.
.
امجد..ها ميورتي شن جو
اميرة..الحمدلله
امجد..شن دايرة
اميرة..شي مكسدة يا امجد
امجد..خيرك مضايقة حسيتك
اميرة..ممكن تخليني بروحي
امجد..شن في 😳
اميرة..مافيش شي بس نبي نرقد 😪
امجد..اوك اوك هي سلام💔
اميرة..سلام
سكرت اميرة ورقدت طول وامجد طلع للجنان انتاعهم قعمز ويدخن
سكرت ميسم من احمد وابترقد شمت دخان طبست من روشنها لقاته امجد نزلتله وخلت ولدها راقد
ميسم..شن ادير 😕
امجد..شي قاعد😠
ميسم..خيرك
امجد..اميرة
ميسم..خيرها
امجد..ليها فترة متغيرة عليا مش فاهم خيرها ونقوللها خيرك تقولي ابنرقد
ميسم..معليشي عادي حتى هي مخنوقة عاد تجري تشري في حجاتها وتطلع الصبح تروح امخر مش ساهل العرس وتلقاها مضايقة من جيهة انها ابتطلع من حوشهم ومن جيهة انها بتسافر مرة وحدة يعني عادي ماتضايقش روحك😁😁
امجد..زعما هكي؟؟
ميسم..ايه هكي☺نوض ارقد ونحي هدا من فمك مش كويس ليك
امجد لوحه وناض خدي ميا وركب لي داره
اما ميسم قعد مقعمزة وتشبح للسمي
ميسم..تيم حبيبي ستاحشتك نحس في روحي واني نكلم في احمد كأني نخون فيك😢😢نحبك وقد ماحاولت نحبه بس ماقدرتش😔انت اللي في قلبي واحمد توا تعودت عليه وبس وربي يقدرني نفرحه زي ما يحاول يفرحني اني وولدنا
نزلت منها دمعة مسحتها ومشت ركبت لقت ولدها نايض وواقف في سريره ويلعب
ميسم..شن ادير شن نوضك😮
تيم..😍☺☺ممامما
ميسم..ياروح الماما انت😍😍اممموووااه حلاه هوا ولد مامته😍😍
ورقدو✨
.
.
.
.
وبعد شهر جي عرس امجد و اميرة ❤
.
روحو انس و هناء❤
.

امجد خش بي اميرة لي حوشه هو وياها قامها في غمره
امجد..نورتي حوشك يا اميرتي😍😍
اميرة..😍😍منور بي ناسه
خش بيها قعد يدور بيها
امجد..انتِ حلم حياتي يا حياتي واخيرا حب حياتي توا حلالي وليا ني بسسس يا ناااس 😍😍
.
.
.
وتم العرس وكل واحد لهي في حياته ومشو الايام وجي عرس مها ومحمد ومعاهم ميسم واحمد
انقرت فاتحتهم في نفس اليوم
ميسم..مهوو قرو الفاتحة ياعمري الف مبروك عليك ياقلبي😍😍وخيتي الصغنونة ولت عروسة
مها..والف مبروك ليك ياروحي 😍😍
تغمرو بعضهم وفرحو لي بعض
يوم الحفلة كانت ميسم تبيش تخش تبي تطلع لي حوشها طول بس امها اصرت عليها واخواتها انهم يخشو مع بعض وكانت ميسم خاشة بي فيلو لانة احمد كان يبيش تنقصها ولا حاجة وكانت هي تبيش كلام الناس بس في النهاية خشت هيا واختها والكل يشبحلهم قمرين خاشين 😍😍
مها..متوترة
ميسم..احرف منك اني تقول اول مرة
مها..من قال نخشو مع بعض ههههه
ميسم..اسكتي مانبيش نضحك هلبا ياحمارة😁
مها..كيف خشيتي باش تبيش
ميسم..امك وخواتك لعبوهالي خلوني نجي وخششوني معاك
مها..ههههههه احسن فوتيهم مادوريهمش خلي يموتو بحسدهم😉
ميسم..ايه في قولتك😍❤
وقعدو مقعمزين وتصور فيهم المصورة وبعدين طلعت ميسم احمد يبيش يخش طلعتله وسلمت عليهم وسلمت ع ولدها
ميسم..ماما نبي نروح بيه
هنادي..تروحي بي عينك خليه وتعاليله بعد اسبوع ع الاقل كانا خلاك بوك
ميسم..تي باهي باه تو نوريكم لعبتوها عليا انتم
هنادي..ههههههه😉😉هيا سقدي روحك بري زينة يابنتي فضيتولي الحوش😢
ميسم..تبيني نولي
هنادي..امشي خير مانطلق عليك الكعب امشي😠
ميسم..ههههههههههه باهي هي مع السلامة
طلعت ميسم هيا واحمد وكانت في السيارة متوترة شوية
احمد..كيف حالك😍يامرتي
ميسم..الحمدلله وانت
احمد..الحمدلله ريتي في النهاية جيتي ليا اني ههههههه
ميسم قلبها داير دربوكة وهو يطق وخايفة ومتوترة وهلبا حجات..ههههه
.
.
.
.
محمد خش مع مها ورقصو مع بعض وقصو التورطة وصورو وهيجو هلبا وبعدين طلعت مها وروحت حتى هيا ✨
.
.
.
بالسلامة يا حوش الهل✋.. يا فرحي وعزي الاول👏❤
.
.
.
وفاتو ايام وليالي وكل منهم عايش حياة
احمد..😡😡
ميسم..😳😳
#يتبع
.
.
.
.
ان شاءالله تكون نالت اعجابكم ☺#حنو