قصة فراق ( روايات ليبية )

حلقة 26 🔥

#قصة_فراقـ💔
.
.
.
.
الحلقة 26 🔖
.
.
.
.
امجد..حبيبتي
اميرة..ااممجد اااه اااه بطني شكلي بنجيب يا امجد ااااااااااه
امجد جاها يجري قامها لبسها عبايتها ووشاحها ونزل بيها يجري ركبها في السيارة
اميرة..الصاكو ااااااه
ركب تاني امجد وخدي الصاكو وركب ومشي يجري بيها للعيادة دخلوها حالة ولادة وقعد يستنى فيها وعلى نار✨
.
.
.
.
صبرية..يا كمال شوف اختك قربت ولادتها ترا كلمها والا كلم راجلها
كمال..ماتردش على فونها تو نكلم امجد
كمال..ايوا امجد شن الجو شن الاخبار
امجد..تمام الحمدلله
كمال..خيرا صوتك هكي
امجد..لا شي غر كيف خششو توا اميرة بتولد
كمال..قول والله
امجد..والله اهو ليهم قريب ساعة
دورا امجد سمع صوت بيبي
امجد..صوت بيبي صوت بيبي 😍
كمال..خليني ع الخط
امجد..باه باه
طلعت الممرضة
امجد طبعا يكلم فيها بالانجليزي واني بنكتبلكم بالعربي
امجد..كيف حالها وشن صار قوليلي
الممرضة..الف مبروك جاك توم
امجد..ت ت توووووم 😳😍
الممرضة..ايه توم
وكانت هي شادة واحد والممرضة التانية واحد
امجد..وين اميرة
الممرضة..الحمدلله ع سلامتها حالها كويس وشوية ونطلعوها
وشد امجد البيبيات وقعد يشوفلهم وفرحان بعدين خدوهم وحطوهم في الحضانة خدي امجد فونه
امجد ودموعه وهو يبكي..الو فارس
كمال..شن في قولي شن صار ماسمعتش زين
امجد..فارس وليت اب لي توم😍 بنت وولد
كمال..قول والله
امجد..والله
كمال..اليوم او غدوا تلقانا عندك والف مبروك
امجد..الله يبارك فيك فارس توا بيطلعو اميرة تو نكلمك
كمال..ماشي
سكر منه ومشي لي امه
كمال..يما قولي مبروك وليتي حنينة لي توم😍
صبرية..روروروروروروروروروري
اخت اميرة..وليت خالة لي توم روروروروروروروري
نزلو بنات عمهم يجرو وعرفو انقلب الحوش زغاريط وفرحة مشي فارس حجز في الطيارة ليه ولي بوه وامه واخته وروح رقدو وتاني يوم مشو في الظهر ✨
امجد..ها يام كيف حالك
هنادي..الحمدلله كيف حالك انت ياوليدي وكيف حال اميرة قربت عاد
امجد ضحك..جابت امس يا يما😍
هنادي..روروروروري باهي مبروووك يا وليدي مبرووك هدا النهار المبارك شن جابت
امجد..جابت توامة بنت وولد
هنادي..روروروروورورورووروروري توامة😻😻الف الف مبروك يتربو في عزكم يا وليدي تو نقول لي بوك نجوكم ضروري نمشيلكم
امجد..ايه تعالو اهو حتى امالي اميرة قريب يوصلو
هنادي..باهي باهي ياوليدي خلي نكلم بوك هي وكلم خواتك انت
امجد..ان شاءالله
فاقت اميرة ع صوت امجد
اميرة..امجد ااه
امجد..حبيبتي الحمدلله ع سلامتك ياعمري
اميرة..بنتي وين بنتي
امجد..تؤ تؤ تقوليش بنتي بس وولدي؟
اميرة..قصدك بنت مش ولد؟
امجد..بنت وولد
اميرة..لحضة لحضة ماسمعتش شن تقول
امجد..تذكري وقت تقوليلي رحت زي البرميل هههههههههه
اميرة..اس اهو توا ولا جسمي
امجد..تي غر نكملك اي انتِ وقتها كنتِ حامل بتووم ياروحي
اميرة..بجدد
امجد..جد الجد هههههه بنوتة وولد
اميرة..😍😍نبي نشووفهم
امجد..تو يجيبوهم ياروحي خلي نكلم خواتي
اميرة..كلمت امي؟
امجد..ايه قالو مبروك عليها ومانقدروش نجوها
اميرة..الله 😔
امجد..عادي حبيبتي
اميرة..تمنيتها معاي ماما
امجد..عادي عادي
اميرة..نبي نرتاح اني
امجد..ارتاحي حبيبتي تو نطلع نكلمهم برا
اميرة..اوك
امجد..ايوا ميسومتي
ميسم..توا ميسومتك يا معففن قداش ليك معاد كلمتني ااه قوول
امجد..والله قراية بالله
ميسم..اي اي قراية اي تي باهي باهي خداتك مننا هالاميرة هدي
امجد..حرام عليك والله الا قراية وانتِ عارفة القراية اهني كيف
ميسم..نبصر عليك المهم شن جو
امجد..جوي مليح بكل
ميسم..شن السر
امجد..وليتي عمة لي تووم
ميسم عيطت..ااااا قووول والله
امجد..هههههههه والله
ميسم..شن جاك
امجد..بنت وولد
ميسم..ييي مشاءالله ياعيوني ربي يحفظهملك ويطلعو من حاملين كتاب الله يارب مش يطلعو زيك صايعين 😂😂
امجد..باااه باااه يا ميسم باااه
ميسم..هدا كلام الحق هههههه
امجد..تقدري تجي ؟
ميسم..والله ماعارفة يا امجد فلوس فيش هلبا واني كيف طالعة من حادث كبير
امجد..جدياات امتى وكيف وخيرا ماحد قالي
ميسم..مابوش يشغلوكم اهو طلعت منها
امجد..تي كيف هكي
ميسم.. (وحكلته)
امجد..لا حول ولا قوة الا بالله تي من ولد الحرام هدا
ميسم..لعند توا مش معروف
امجد..الحمدلله جاتك هكي خير من حاجة تانية
ميسم..الحمدلله
امجد..اي قتلك بتجي ره مالياش علاقة
ميسم..تي شن نجي تحساب روحك في زنقتنا والا شنو راك في امريكااا
امجد..عارف يا هبلة عندي كيف نجيبك اني غر وتي روحك
ميسم..ونخلي احممد يفتحلك ربي والله نجي للحوش نلقى وحدة تانية تنفعني امريكا بعدين😒
شبحلها احمد وقعد يضحك قرصاته هيا وفنصت فيه
احمد..ايييي
امجد..خيره
ميسم..ماخيرااش
امجد..عطيتيهاله ماهوو نعرفها قرصتك اني
ميسم..مادرت شي اني
امجد..مسمومة تي باهي باهي غر حاولي تجي
ميسم..ان شاءالله ومبروك عليك مرة تانية
امجد..يبارك فيك خلي نكلم خواتك هي
ميسم..الله مش مصدقة اني اول وحدة
امجد..ايه
ميسم..ميرسي يارب بجد
امجد..اهي بدت تخرط خوديلك سنكرس خيرلك😒 هي تشاو
سكر وهي قعدت تضحك 😂
احمد..هكي ياباردة قرصتك زي السم
ميسم..ماه انت عجباتك وقت قلت نجي نلقى وحدة تانية
احمد..ههههههه نضحك عليك بس والله مافي منها دوة هدي تي انتِ اميرتي وفيش غيرك
ميسم قرصاته مرة تانية..لا بلكي في😒
احمد..تي ياسر يا شريرة
ميسم..😊وافتخر
.
.
.
ميار..مليت مليت اني ومن مشاكل خواتك تي مش مخلييني في حالي شن هدا شن هداا
عامر..هدم خواتي ماعندي مابنديرلهم
ميار..اوك خواتك فهمنا امك ع العين وع الراس نتحملها ونسكت بس خواتك مش مجبورة نتحملهم اني 😭😭
عامر..الله غالب هما اليوم جو ومشو روحو خلاص يا منعاش لي مرة تانية
ميار..استقبلهم انت المرة التانية😢😒 والله اني نحب جو البنات ونحبهم كنت بس بدو توا يلقحو في اي حاجة اخر شي اختك قمر قتلي خوي عامر بناخدوله بنت عمي انتِ مانبوكش من الاول شن الكلام هدا قولي
عامر..حبيبتي خلاص عاد انتِ تعرفيني نحبك انتِ وانتِ بس مرتي امسحي دميعاتك مانبيهمش ينزلو تاني واني ليك انتِ وبسس
ميار..بالله عليك ماتسيبني والله نحبك
عامر..نموت فيك اني
ترررن
ميار وهي تمسح في دموعها..هدا امجد 😢
عامر..ردي عليه
ميار..بصوتي هدا
عامر..فيش شي صوتك ردي
ردت ميار وهي باين من صوتها كانت تبكي
امجد..ميوورتي
ميار..امجدد
امجد..كيف حالك شن اخبارك هكي معاد تسألي ع خوك
ميار..والله الصغار والخدمة واخدة وقتي
امجد..باهي باهي شن اخبارك
ميار..الحمدلله
امجد..ميورة خيرا صوتك كأنك كنتي تبكي
ميار..ءء لالا مزكومة بس
امجد..عمار دايرلك حاجة
ميار..لا مش هو
امجد..امالا منو
ميار شبحت لي عمار انتاع نوض
ناض عمار وقعمز مع صغاره يلعب فيهم
امجد..الو
ميار..اه معاك غر كان عمار جنبي قتلك مش هو
امجد..امالا منو مزعل وخيتي
ميار..خواته مليت منهم يا امجد عييت اني مش محترميني بكل 😢 ياخدو ويلقحولي في الكلام وقالولي بناخدو لي عمار بنت عمه انتِ مانبوكش من الاول 😭😭
امجد..له له له علاش هدا كله انتِ مش ملوحتيلهم خلاص ميورة معاد تبكي مايستاهلوش دميعاتك ياسري معاد تبكي
ميار..حارة والله حارة وقت تلقى روحك في مكان مش مرغوب فيه 😔
امجد..الله غالب قعمزي في حوشك ومعاد ادوريهم امه بس بريلها وحتى كان كلماتك ماتعدليش هدي امه وزي امك فاهمة
ميار..حاضر
امجد..نسيتيني علاش متصل يا هبلة
ميار..اي حق شن خطر عليك
امجد..وليتي عميمة لي تووم 😍
ميار..قول والله
امجد..والله خيركم مافيش حد مصدقني
ميار..هههههههههه ماه مش متوقعين امجد الصايع اللي يروح في نصاص الليالي يولي بابا ولا لي تووووم
امجد..والله ماتتحشمو هي باهي اني طلعتوني صايع
ميار..ندكرك في الماضي الجميل لما تروح امخر واني نكون ساهرة نفتحلك في الباب😂😂
امجد..ايام بالله راحت هههههههه توا وليت بابا لي حمودي و راما 😂😂
ميار..هههههههه سميتهم محمد وراما؟
امجد..الولد ايه محمد بس البنت طلعلي اسمها هكي
ميار..سميهم مالك وملاك
امجد..لالا الولد بنسميه على بوي
ميار..باهي والبنت
امجد..هونا امها تو تسميها
ميار..ايه مبروك عليك ياوخيي وان شاءالله من حاملين كتاب الله ومايطلعوش زيك 😂
امجد..اياح 😒
ميار..ههههههههه
امجد..تي باهي به نبي نديرلهم حفلة ف نبيك حتى انتِ حاضرة
ميار..قصدك عندك غادي
امجد..بالزبط
ميار..تي ياسر ياسر راك مش اهني انت بعييييييد
امجد..اي شن فيها تعالو مالياش علاقة كان تعزوني حتجوني هي تشاوات خلي نكلم الباقي☺
سكر منهم وميار اتفكر
ميار..الغبي هدا تي امريكا مش مكان اقرب امريكاا
عمار..كلمتيه☺
ميار..ايه غيرلي جوي المعفن ولا بابا لي توم
عمار..مشاءالله الله يبارك يتربو في عزه ان شاءالله
ميار..قال ضروري نجو عنده مداير حفلة وقال لو ماتجوش حيزعل مننا
عمار..يصير خير انظم اموري قبل 😉
ميار..يعني موافق مبدئياً
عمار..مداما امجد بيخليك تضحكي وتفرحي علاش لا ههههههه
ميار..خلاني نفضفضله ووهداني وفرحني بجد الاخ مايتعوض😍
عمار..هدا علاش اني نقولك خواتي مانقدرش نديرلهم شي لانهم حتى هما يزعلو ويكلموني ويفضفضولي فهمتيني
ميار..ايه فهمتك حتى اني نبيكش ادير شي بس كنت نبي نحكيلك😊
عمار..المهم نحبك
ميار..نموت فيك اني
عمار..نبو بيبي
ميار..ههههههههااي باش مانقدرش نركب الطيارة برا امشي مانبيش مزال عندي زوز يالله نقدرهم
عمار..مهبولة وحق ربي
ميار..نمشو نوصلو غادي عادي فيش مشكلة
عمار..تبي تقعدي غادي ياهبلة
ميار..هههههههه
عمار..تعالي جاي تعالي
ناضت ميار تجري مشت جنب الصغار وتضحك
آيات..حيلت ماما
عمار..شي ماخيرهاش ماما رقد خوك
آيات..اي ننى
عمار..باه هي نني حتى انتِ
آيات..نلالا نبي نني معاكم اني
ميار..حاااضر حبيبتي هي تعالي ☺
عمار..لالالا شن تنني معانا هدي
ميار..ههههههه خيرك
عمار..هي يا بابا تعالي نني في دارك
آيات..هئه نبي ماما نني زنبها
ميار..😜😜
عمار..هيا اياات هي قدامي لي دارك
آيات..باه😒
مشت آيات لي دارها خش وراها عمار غطاها وباسها وطلع وحطت ميار ولدهافي سريره وبدلت هي حوايجها وطلعت دارت بوشار وفتحت فيلم وجي عمار جنبها وحطها ع صدره وقعدو يتفرجو💗
.
.
.
.
.
عند مياس
كلمها امجد وعزمها وبعدها كلمتها ميسم
ميسم..ها ميوس شن جو
مياس تنهدت..الحمدلله😞 شن اخبارك انتِ
ميسم..تحاوليش ادرقي قالي نادر على كل شي😠 كيف ماتتصليش وتقوليلي
مياس..شن بنقولك ان راجلي يخون فيا
ميسم..ااه ياوخيتي ع حظنا
مياس..الله غالب
ميسم..باه كيف يصير
مياس..هو باعتك باش نتصالحو صح
ميسم..هو قالي قوليلها تحنن قلبها عليا
مياس..مانبيش وماتفتحيش الموضوع هدا بكل معاي لين ما جوي يرتاح ويصفى وقتها نتكلم معاه😌🙋
ميسم..بس هكي الراجل حيضيع من يدك
مياس..هو ضايع ضايع 💔
ميسم..سامحيه يا مياس الله غالب كلنا نغلطو ونسامحو فيش حد معصوم على الغلط
مياس..بس ماكنتش متوقعة يا ميسم ان ان نادر يخووني😭
خش نادر ولقاها عاطية بالظهر وتتكلم ويسمع فيها شن تقول
ميسم..حبيبتي تكونيش ضعيفة ومن حني باش مانسامحوش اعطيه فرصة تانية يبينلك علاش دار هكي
نادر كان قابض يده ويشوفلها بعدين تكلم والعبرة خانقاته..م م مياس💔
تلفتت مياس ولقت عيونه حمر حالته متبهدلة بس الكلمة اللي نطق بيها خلتها تتجمد في مكانها كأن من صب عليها اميا سخونة وقعدت تشوفله
نادر..مياس اني اني تزوجت 💔
مياس طاح منها لفون وحطت يدها ع فمها وتشوفله ووسعو عيونها قعمزت ع السرير وتحاول تستوعب الكلمة اللي قالها
ميسم..هيييييي😱😳
سكرت ميسم وقعدت مصدومة من اللي سمعاته
نادر..اني اسف بس كان الموضوع غصبا عني
وقعمز نادر زي الطفل الصغير وقعد يبكي
مياس قعدت تشوفله ومصدومة فيه شن اللي قاعد يصير كيف هكي في لحضة 😨😳😱
نرجعو شوية الاحداث
.
.
.
بعد كلم نادر ميسم خش عليه رقم انتظار وكان رقم شموخ
نادر..شن قتلك اني؟؟😡
عارف..اني خو شموخ يا استادي
نادر شد فرينو ودرس ع يمين..انتت منووو
عارف..زي ماسمعت بنقولك كلمتين وحطهم في راسك يا اما توا تجي تقرا فاتحتك على شموخ او صغارك معاد تشوف حتى اثر منهم😡
نادر..شننن تقول انت اني عندي عيلة واني فهمت شموخ الشي هدا باعتاتك تهدد فيا تي انت راجل انت
عارف..لا نشهد بالله انك راجل ادير ماتبي فيها وتسيبها وتقولي راجل انت بصمت علينا عار وانت لازم تصلحه الشيخ عندنا توااا تجيي وتقرا فاتحتك عليها
وسكر في وجهه
نادر..بصمة عار شنو اللي يقول فيه هدا اني مادرتلها شي ولا عمري لمست حتى يدها يعني هيا كانت تلعب ع الحبلين
مشالهم نادر وكان يبي يفهمهم ويمشي مكانش في باله انه حيروح بي مرا معاه
نادر..اسمعني ياخوي اني اختك حتى يدها مالمستها ومرا وحدة بس شفتها انت كيف تقولي هكي😠
عارف..انت واحد كداب درت عملتك وجاي توا تقول مش اني😡
طلع عارف السلاح تخش قدامي والا نفرغه فيك
نادر بيقوله فرغه وريحني بس صغاره لمن بيخليهم⁉
خش معاه نادر وقرو الفاتحة ركبت معاه في السيارة
نادر..مانبيش نشبح خليقتك شهرين تلاتة وتروحي لي اماليك اديري عملتك وبعدها تحشيها في راسي ناقصك اني😡
شموخ..المهم وليت مرتك واني مادرتش اي شي اني كدبت وهكي عرفت نجيبك كنت نبي نفهك حاجة وحدة ان اللعب معاي مش ساهل يا بيبي😉
نادر..😳😳 ..ايوا علي شقتك فاضية؟ ايه نبيها اي عندي المفتاح تم تم
طلع نادر وحطها في الشقة
شموخ..وااو يا حبيبي صح شقة لكن تهبل
نادر..انطمري اهني كل شي فيه وشفرتي ها
كسرها قدامها 💥 ..حنجيك يوم في السبوع باش نجيبلك ماكلة بس وبعد شهر حتكوني عند اماليك باش تكوني في الصورة هي تشاو
طلع وسكر عليها بالمفتاح والقفل وروح
.
.
.
.
نادر..هدا اللي صار😔
مياس..اططلع مانبيييش نشوف وجهك اطلللع هدا كله بسببك بسبب مراهقتك الزايدة اطططلع😭😭😭😭 حتخلي الناس تحكي عليا حتخليني مضحكة قدام الناس اني اني مياس بنت محمد الـ المهندسة الشاطرة في حياتها وفي عملها يصير فيها هكي😡 المرة هدي مش حتشدني حول وكانك ع الصغار خليهم عندك باش تعرف معنى المسؤلية 😡
خدت مفتاح سبارتها وومشت لي حوش بوها خشت لقت بوها مقعمز في الجنان يسقي في الورد
محمد لو اللي في يده وجاها يجري..مياااس بنتييي😨😳
مياس ارتمت في حضنه..اهئ اهئ اهئ يا بابا ااااه يا بوي اااه
محمد..خيرك شن في شن صاير
مياس..معاد نبيه اني وجعني هلبا يا بابا وجعني هلبا عييت اني عييت معاد نقدر نتحمل
خدي محمد كرسي وقعمزها فيه وصبلها اميا وشربها وهو يرعش  ع بنته
مياس..خاني وسكتت ضربني كف وسكتت ع خاطر الصغار مانبيش العيلة تتشتت بس انه يتزوج عليا لاااا لااا بيشمت فيا الناس هدي لا يا بابا ترضاها انت ترضاها😭😭؟؟
محمد حضنها وقعد يمسح عليها لين هدت ورقدت في حضنه💔
خداها وركبها لي دارها ورقدها وغطاها وطلع ونزل يجري خدي سيارته ومشي لي حوش بنته لقي الحوش مفتوح خش لقي الدنيا كلها مرش مكسر ويسمع في الصغار يبكو خش وسط الحوش لقي نادر مقعمز وحط راسه بين يديه ويبكي زي العيل الصغير
محمد..نادر😨 !!
نادر..سامحوني والله هي غلطة وتحاسبت بيها😔 دمرت حياتي بيدي
محمد سمع صوت الصغار يبكو خش لقي محمد حاضن شدى وشهد وادم ويسكت فيهم وهو يبي من يسكته💔✋
واول ماشبحوه طول جو وكعبشو فيه وقعدو يبكو
محمد..محمد ولدي برا هاك المفتاح اركبو في السيارة واني تو نجيكم
مشو الصغار وركبو في سيارة جدهم وطلع محمد لقي نادر نفس الوضعية
محمد..توا مش وقت كلام خلي يهدا الوضع ونهدرزو غدوا نبيك تجي فاهم😠
نادر..ان شاءالله 😞 عمي خليلي محمد مانبيشي يمشي
محمد..ان شاءالله
مشي محمد ركب السيارة..حميدا بوك يبيك تقعد قال عندك امتحان😁
محمد.. #يتبع
.
.
.
.
ان شاءالله تكون نالت اعجاب الكل ونوروني بي لايكاتكم وكومنتاتكم😁تفاااااااعلو😍 #حنو