قصة فراق ( روايات ليبية )

حلقة 9 🔥

الحلقة #التاسعة
منـ رواية #قصة_فراقـ💔
.
.
.
#لاااااااااااايككك
.
.
.
#كوووووووومنت
.
.
.
#منشن
.
.
.
كملت هناء وطلعت لقت انس يتكلم في الفون
انس..هي تو شوية ونكلمك باهي وماتعبيش روحك
سمعاته هناء في الاول تحسابه راجل بعدين وقت قال ماتعبيش روحك نصدمت قعدت واقفة تشبحله لعند مالف
انس..قاعدة واقفة انتِ تي بري بدلي
هناء..صار ماتعبيش روحك خايف عليها ااه واني اللي منكتة الحوش كله وقاعدة ع لحم بطني مشيت انت كليت وشبعت روحك واني ننحرق في ستين داهية وللله وتوا تكلم فيها ابصر من هيا تقوللها ماتعبيش روححك خيرك هكي انت ماتحسش ماعندكش قلللب😣😠😠
انس..اس اس لميتي علينا الاتراك اسكتي من هيا اللي نكلم فيها ميسم اللي نكلم فيها بلكي تحسابي نخون فيك اني عمري مانديرها ره 😠وكانك مش مصدقة ها شوفي هدا رقمها وله وهيا توا قدامي بدلي
مشت هناء بدلت وهي متعفلقة ومابتش تدوي معاه ولا حرف خطمو ع مطعم
هناء..مانبيش ناكل اني😏😠😠
انس..مافي حد طلب رأيك 😒
طلب انس كل شي عجبه في المنيو ولابين مايجهز الطلب خدي عصير ليه ولي هناء
هناء..تؤ اوووف
انس..معاد تقولي اووف
هناء..باه شن تبي هي قتلك مانبي شي
انس..ولدي يبي انتِ شن دخلك
هناء..ولدك مقالش يبي😏
انس..اني نعرف 😒
جابو الطلب في الاول هناء دارت روحها ماتبيش تاكل بس خلاص بطنها جاعت وع خاطر البيبي اللي في بطنها لازم تاكل كلت لين شبعت وانس داير روحه ياكل ويشوفلها مركز فيها وفي تفاصيلها
انس..اسف
هناء..تعودت😏
انس..والله اسف بس ضغط الخدمة وهكي وروحت جيعان بكل نبي ناكل مالقيتش شي ف تعفلقت
هناء..اني قداش بالندير حاجة بعدين نسيت اني يعني عادي كنت تفهمت الموضوع وخديت حاجة من برا لينا وكلينا ومصارش هدا كله بس انت كانك ماعيطش ماتبردش 😏😏😔😔
انس..الله غالب اني هكي مانتحملش ومن اي حاجة بسيطة نتعفلق شن بالندير هي تحمليني
هناء. وحتى اني متحملاتك 😁
انس..سامحتيني؟؟😍
هناء..ايه😘
انس..باه هي كملي ابنمشو لي ميسم
هناء..حاضر
كلت هناء لين شبعت وطلعت هيا وانس وانس في الطريق قاللها ع الخبر اول ماوصلت طول تغمرو بعض
هناء..الله غالب حبيبتي💔😣
ميسم..😞هدي حكمة ربي
انس..وينه ؟
ميسم..داخل في الدار
خشله انس وقعمز هدرز معاه ودارو عشي وتعشو وروحو
تيم..حبيبتي
ميسم..ها ياروحي
تيم..سامحيني ع اللي درته الايام اللي فاتو
ميسم..عادي مسامحاتك اني انت معذور واني مش لايمة عليك الله غالب
تيم..نحبك
ميسم..حتى اني نحبك
تيم..تعالي جنبي خيرك بعيدة عليا خايفة مني؟؟
ميسم..لالا بس قلت بلكي تبي ترتاح
تيم..اني نرتاح امتى تكوني جنبي 😌
ميسم..😍😍حبيبي
جت ميسم جنبه وقعدو يهدرزو وغيرو جوهم شوية
تيم..بطنك ابدت تكبر ههههه
ميسم..ههههه ايه
تيم..💔😣
ميسم..حبيبي الله غالب وولدنا او بنتنا مستحيل يصيرلهم شي وحيعيشو احسن عيشة بإذن الله لو ولد بنسميه تيم💔
تيم..ولو بنت نبيك تسميها أرينـ ☺
ميسم..حاضر حتجي بنوتتنا وحنسموها مع بعض بإذن الله
تيم..ان شاءالله ان شاءالله😣
رقدو ميسم وتيم ناضت ميسم دارت الفطور وطلعت ع البلاكونة ورتبت الجو وكانت بلاكونتهم اطل ع البحر فـ كان الجو حلو
نوضت تيم
تيم..كيف ابنتحرك
ميسم..جبتلك كروسة وتقدر تتحرك بيها بروحك
تيم شبحلها وشبح للكروسة
ميسم..حبيبي خلاص تقبل الموضوع 💔
تيم..💔حاضر ركباته ميسم فيها وساوة روحه وعلماته كيف يمشي بيها مشي بيها للبلاكونة وقعمزو وقعدو ياكلو ونسمة البحر والناس اللي هدا ماشي لي عمله وفي فرحان وفي زعلان وفي زهقان وفي اللي مش عارف روحه شن يبي وفي اللي مرتاح 😌
فطرو وكملو خش تيم بروحه فتح TV وقدامه ميسم ادير في الغدي مشالها وقعد يتفرج عليها ومبتسم
ميسم..اليوم درتلك كل شيء تحبه☺
تيم..😍جيعان هيا مزال
ميسم..قريب يطيب ياروحي
تيم..عطيني نقرضلك السلاطة اني
ميسم..لالا ياروحي تعبش روحك اهو تو نديرها اني
تيم..عطيني
ميسم..باهي حاضر هي
عطاته ميسم وهوا قعد يدير فيها
وميسم تشبحله صوراته فيديو وصورت هيا وياه وكانو يضحكو وجوهم مليح 😍
تغدو وشبعو خش تيم رقد وميسم غسلت المواعين وخشت رقدت جنبه
ومشت ايامهم عادية وميسم كل خوفها ان وقت تنوضه ماينوض بس للأسف جي اليوم المشؤم هدا
في الليل
تيم..حبيبتي تعالي جنبي مستاحشك
ميسم..هي هي حبيبي جاته ميسم وقعمزت جنبه
تيم..نحبك يا ميسو هلللللبة وردي بالك تنسي نحبك اني هلللللبة ولو متت ماتنسينيش ديمة ادعيلي وديمة صدقي عليا حبيبتي وديمة احكي للبيبي عليا خليه وكأنه يعرفني باهي؟ ردي بالك تنسيني اكيد انتِ صغيرة اكيد احمد لما يسمع بيا حيجي هني وحيخطبك وافقي ميسمو حبيبتي وافقي عليه وردي بالك ترفضي ماتحرميش بنتنا او ولدنا من شعور فقدان الاب اني واتق ومتأكد ان احمد حيحطه في عيونه البيبي وحيعتبره بنته او ولده وممكن يربيه خير مني حتى اني باهي حبيبتي ردي بالك تخلي البيبي يعيش اللي عشته 💔😔
ميسم كانو دموعها زي المطر ينزلو..حبيبي مش قادرة اني من توا مش متحملة 😭😭😭
تيم..الله غالب هدي حكمة ربي حبيبتي😔😔
ميسم..ربي يشفيك ياربي يارب تصير معجزة وتخليك عايش جنبنا 🙌😔
تيم..يارب💔نبيكم تدفنوني جنب امي في بلادي
ميسم..بعيد الشر عليك 😞😞حبيبي خلاص اسكت معاد تتكلم هكي
تيم..اني حاس بروحي والله وربي يخفف عليا يارب ادعيلي ديمة ديمة اختمي القرآن وادعيلي خلي ولدنا او بنتنا تختم القرآن ديمة علميهم ع الصح من اول مايبدو يعرفو ماتضربيهمش ع حاجة عادية او تافهة ماتوجعيهمش
ميسم..اااه💔 ياقلبي حاضر 😣😣
تيم..اني تعبت نبي نرقدو
ميسم..حاضر
مسحلها تيم دموعها ورقدها في حضنه
لعند جي الصبح ناضت ميسم وحست بي ايد تيم رزينة عليها ناضت نوضاته قامت يده لقتها مرخية شافت النبض مالقتش في نبض
ميسم حطت يديها ع وجهها ..لااااااااا تييييييم (اني بروحي بدموعي #حنو) لالالا تييييييم ارجوك لاااا😭😭😭حبيبي نوض حنوتي الفطور اني نووض ياعمري نوووض نوووض بالله عليك لاااا اهئ اهئ اهئ ااااااه يااااربي لالا 😭😭 خدت ميسم الفون واتصلت بي امجد
امجد..ايوا ميسو 😃
ميسم..😭😭😭تييييم خلاااص يا امجد تيم مااات😭😭
امجد..كييييف هي جاي جاي
محمد..شن في من صبح ربي طالع تجري
امجد..ميسم ميسم راجلها مات
محمد..لا اله الا الله الدنيا والدوام لله ربي يرحمه ويغفرله ويجعل مثواه الجنة
.
.
ميسم..اهئ اهئ اهئ ااااه يا تيم😭😭كنت نحلم نروح اني وياك واولادنا لي ليبيا بس للأسف حتروح بي تابوت لي ليبيا ااااه يا امي ااااه😭😭 ااااه ياقلبي ااه مش قادرة نتحمل
مها..ميسم كوني في روحك خلاص خلاص معاد تبكي
ميسم..مش قااادرة ناااار اهني ناااار😭😭😭
مها..الله غالب الله غالب
ميسم..نبي نروح معاه
مها..هبلتي انتِ؟؟ خيرك اصلا بالتروحي وين ابتمشي هما اصلا حيسلموه لي احمد وجماعته حيدفنوه زي ماهوا وصا وخلاص الله غالب هكي ربي رايد ارضي بحكمة ربي والبكي هدا مش حينفعك
مها..ميار تتصل بيك ردي عليها هاك
ميسم..نعم😭😭
ميار..ميسم حبيبببتي عظم الله اجرك مالقيتش كيف نجيك سامحيني والله مالقيت حجز الا بعد ايام
ميسم مسحت دموعها..ولا يهمك كأنك جيتي😢
ميار..كيف حالك توا
ميسم..كيف بيكون حالي يا ميار اهئ اهئ حبيبي راجلي مشي خلاص مات الغالي يا ميار😔😭
ميار..خلاص ماديريش في روحك هكي ارضي بحكمة ربي ومعاد تبكي
ميسم..مانقدرش اني راضية بس مانقدرش مانبكيش تي هدا نصي التاني 😭😭
لوحت الفون لي مها وقعدت تبكي ع كل ذكرة بينهم ان كانت حلوة او لا كانت تذكر في كل شي بينهم وتبكي حطت يدها ع بطنها وخافت حتى هو يريح منها ناضت حطت كل شي تبيه وقعمزت تاكل
مها..شن اديري؟؟ تاكلي😍
ميسم..مانبيش حتى اللي في بطني يريح مني هدي قطعة من تيم وامانة لازم نعتني بيها
كلت ميسم كل شي وكانت تاكل ومش فايقة ع روحها كلت لين شبعت وخشت بكت لين رقدت وصلوه لي احمد انس وامجد واحمد وجماعته رفعوه دفنوه وقعدو انس وامجد شوية وطلعت طيارتهم وولو روحو وصلو الفجر لي الحوش فاتوو تلاتة ايام بعدين وميسم ع هالحال تبكي وتنوض تاكل ع خاطر البيبي فقط وتولي للدار معاد تطلع الا لما تجوع
محمد..مش حل هدا لازم تطلع وتغير جو وترضى بحكمة ربي
مها..كل يوم نفس الروتين تنوض تصلي تقعمز تدعي وتبكي بعدين تنوض تقرا قرآن بعدين توقف تمشي تحط كل شي تاكل لين تشبع وتولي للدار تقرا في قرآن وتبكي لعند ماترقد هدا حالها💔💔ميسم مش ميسم الاولى بكل
محمد..ااااه يابنتي
خشلها محمد
سكرت ميسم القرآن مسحت دموعها قعمز بوها قدامها
ميسم..تبي حاجة بابا😔
محمد..ايه نبي
ميسم..قولي شن تبي واني نديرلك😞
محمد..نبي الوجه الحلو هدا يبتسم 😊ونبي العيون هدم معاد ينزلو دمعة😢 ونبي بنتي الحلوة تولي الحلوة زي قبل بالزبط😍 ونبي بنوتي الحلوة تهتم بروحها☺ وبالبيبي 👶تطلع تغير جو تشري حوايج 👢👚👗👠👡👜تمشي تقرا كورسات تتعلم📚 ماتوقفش ع حاجة تخدم الخدمة اللي تعبت عليها سنين وايام وليالي 📺
ميسم..بس كل هدا خلاص مانقدرش نديره 💔
محمد..بنتي الدنيا ماتوقف ع حد يوم ليك ويوم عليك استفدتي حاجة بي بكاك هدا؟؟ انتِ راك تعذبي فيه خلاص يابنتي عذبتي روحك وعذبتي اللي في بطنك واللي في قبره😣😔💔حرام عليك هكي
ميسم..مش قادرة يا بابا مش قادرة نتحمل فراقه😭😔😔
محمد..الله غالب يا بنتي هدي حكمة ربي بالتعارضي ربي انتِ؟؟؟؟
ميسم..لا
محمد..خلاص معناها هدا امتحان من ربك لازم تكوني قوية وتطلعي وتغيري جوك ماقتلكش انسيه اني بس غيري جوك اذكري دكرياتكم الحلوة اللي بينكم وابتسمي☺ مش تبكي😢 معاد تبكي
ميسم..حاضر
محمد..اطلعي هدرزي معانا امك مستاحشاتك خوتك استاحشوك واستاحشو تهدريزك معاهم الكل فقدك
ميسم..باهي 💔
غيرت ميسم حوايجها وطلعتلهم قعمزت جنبهم بس ماتكلمتش قعمزت شوية وبعدين ولت خشت للدار خدت صورة تيم حطتها في حظنها ورقدت بس المرة هدي بدون ماتبكي شدت بكيتها وحاولت تسيطر ع روحها ورقدت
فاتو ايام وليالي وشهورة
احمد..يا يما اني نبيها
حميدة..بنت اختي ع العين وع الراس بس يا وليدي انت عزري نبي ناخدلك بنية شن تاخد ارملة وبي عيلها شن ناقصك انت
احمد..ماكنتش نحساب تفكيرك هكي سطحي
حميدة..بنية اختي مانودلها سو ياوليدي ونتمناها كنتي لاكن
احمد..تبي والا ماتبيش اني حنتزوجها
حميدة..اااه ربي يهديك دير اللي تعرفه صح
احمد..اي هكي ام صح يا يما اني نحبها وهي مع الوقت ح تتعود عليا وحتحبني والولد اللي في بطنها اعتبريه ولدي يا ستي هي واني حنربيه زي ولدي بالزبط ☺
حميدة..ربي يرضى عليك ياولدي ويكافيك
احمد..رضيتي عليا
حميدة..امالا شنو لاكن انت ابتتزوجها وابتقعد بعيد عليا😔
احمد..ابنرفعك معاي ونعيشك احلى عيشة واللي تبيه انتِ ع العين و ع الراس بس وافقي
حميدة..من قال اني ابنلقا زي بنت اختي؟ طبعا لا واللي بالديره باهي ياوليدي
احمد..☺ادعي انها توافق يا يمي
حميدة..ان شاءالله
احمد..هي اني ماشي ابنحجز تذكرة
حميدة..واني خلي نوتي حجاتنا هي
احمد..ماتعليش روحك اني تو نجي نساعدك
حميدة..باهي
مشي احمد حجز ليه ولي امه وخدي حوايج وعبايات وشاربات لي امه ومشي روح
احمد وهو يدخل في الشكاير في يده..يمااا
حميدة..هي هنو تو نتلاقو
هناء..باهي ياماما😍😍
انس..خيرها
هناء..بيجو هني هههههههه
انس..اهاا باهي يوصلو بالسلامة☺
انس كان فاهم سبب جيتهم بس دار روحه عبيط وسكت
هناء..كلمك احمد؟؟
انس..لالا
هناء..تو يكلمك
.
.
احمد..ترا قيسيهم
حميدة..لا واضح يجو عليا صحيت سلم وليدي
احمد..غر قيسيهم
حميدة..باه حاضر
مشت حميدة وابدت تقيس واحمد فرحان لانه شاف الفرحة اللي في عيون امه وهدا وين ارتاح
حميدة..امتى ابنمشو
احمد..الاحد
حميدة..اممم مزال يومين بس
احمد..ايه
حميدة..خلي نقول لي خالاتك
احمد..اي فكرتيني نقول لي انس يحجزلنا في فندق
حميدة..به
احمد.ايوا انس ها شنو الجو شن الامور تمام؟؟ اي قتلك بالنجي اني وامي اي اي يفضل عليك قتلك احجزلي في فندق بعدين اني تو نعطيك الفلوس
انس..تي عيب ياراجل مش بيننا تعالو بس
احمد..كتر خيرك
انس..امتى
احمد..يوم الاحد ان شاءالله
انس..بإذن الله توصلو بالسلامة
احمد..هي مع السلامة
انس..سلام
.
.
.
مشي انس لي حوشهم وقال لي امه الكل جت في راسه علاش احمد جاي بس الكل سكت
ميسم..باهي شن تشبحولي
انس..يعني معروفه علاش جاي
ميسم..😏يصير خير
محمد..خلوها براحتها
ناضت ميسم وبطنها قدامها وهي حامل بولد بي تيم مشت ميسم للدار وقعمزت تقرا في قرآن وتفكر فيه
ميسم..يارب هون عليه يارب تبته عند السؤال يارب ترحمه وتغفرله ع كل شي يارب هو تعذب في الدنيا هلبا ياربي ياااارب برد عليه ياااربي 😢😢
رقدت ميسم بعدين جتها مها
مها..ميسو هي نوضي
ميسم..شنو
مها..ابنطلعو هيا
ميسم..وين
مها..لي مدينة الملاهي هيا مافيش لا ره
طلعت مها حوايج ميسم وحددتلها حوايجها ونوضتها
مها..نوضي وانتي وليتي زي الكورة هههههههه
ميسم..مبردك
مها..تي هيا وقت نوضي البسي خلي نطلع اني مانلبس
ناضت ميسم خشت للحمام غسلت اطرافها ودارت عليها المي وصلت ولبست اما مها دارت نفس الشي وطلعو مشو كلهم
هناء..حبيبي تعالى نركبو في هدي هيااا
انس..اسكتي تو يسمعوك امي وبوي
هناء..تي بعاد علينا تي هيا
انس..الصبر باهي هي
تشبح فيهم ميسم مقعمزة ع الكرسي وتاكل في حلوة صوف وتذكر ايام كانت تجي هيا وتيم كانت تلعب لين تعيا هي وياه ويروحو حست بدمعة سخونة نزلت ع خدها مسحتها وناضت تتمشى وتتفرج ع الناس اللي يلعب واللي يتفرج واللي شاد ايد حبيبته ويلعبو مع بعض واللي صحبات جايين مع بعض يلعبو وهللللبة ناس
هنادي..شن اديري
ميسم..شي نتفرج
هنادي..اممم
ميسم..ماما علاش الا اني مش معاي تيم
هنادي..من قال تيم مش معاك تيم معاك بس هو يشبح فيك وانتِ لا الله غالب بنيتي هدا نصيبكم
ميسم..ااااا💔 الله يرحمه ويغفرله ويجعل مثواه الجنة
هنادي..يارب هي تعالي نقعمزو هنايا حسا رجليا بكل
ميسم..هي
قعمزو مع بعض وقعدو يتفرجو ع مها وانس وهناء وامجد
ركبو في لعبة الجسر
طبعا هناء وانس ماركبوش ركبو امجد ومها
امجد..مانيش راكب جنبك ره
مها..لالا بالله عليك تعالى😢
امجد..لالا😂😂
ركب امجد في الخلف ومها ركبت القدام جي ولد ركب جنبها وقت شفاته مها قريب ماتت فيه
مها..اوييييلي ع جمال الاتراك 😍😍😍
وكانت مها تتكلم بصوت يسمعها فيه وهي تحسابه تركي يعني مش حيفهمها 😂😂😂
هو..نعم؟!!
مها..😳😳ءءءء
هو..ليبية؟؟
مها في عقلها..النهار المبارك ياحشمتك يا مها شن بالتقولي طلع عربي ان شاءالله مش ليبي بس ..هههه😁ايه ليبية وانت حضرتك من وين
هو..واني ليبي😂😂
مها..كداب
هو..😕كداب عينك
مها..اه توا عرفت انك ليبي حق 😁
هو..من وين انتِ
مها..Tripoli وانت
هو..طلعنا من نفس المنطقة😉
مها..#يتبع😉✨
.
.
.
انـ شاءالله تنال اعجابكم ياربي😍😍👏 #حنو