قصة فراق ( روايات ليبية )

حلقة 16 🔥

#قصة_فراقـ💔
.
.
.
الحلقة 16🔖
.
.
.

بكت اميرة لييين طيبت خاطرها💔 وبعدين امجد معاد سمع صوتها جي لقاها خاشة للحمام(حشاكم) استناها لين طلعت قام اليارغان
امجد..تعالي ❤
جت اميرة وخشت تحت اليارغان وخش معاها امجد وضمها لي صدره وقعد يلعب بي شعرها
امجد..خيرك حبيبتي علاش هكي تبكي شن في مريضة؟ تحسي بي حاجة؟ مضايقة مني؟ كشخت عليك بكري ع خاطر اني مضغوط من القراية وانتِ معاد سكتي سامحيني ياعمري اسف بس انتِ عارفة كيف جو القراية هني فيش بصارة سامحيني ياقلبي❤
اميرة شبحتله..مضايقة مش عارفة خيرني ومستاحشة ماما وبابا وريان
امجد..وطه؟
اميرة..طه ماه ديما يجينا
امجد..واني مليتي مني معناها ههههههه
اميرة..هههههههه لالا نمل من دنيا كلها ومانملش منك ☺
امجد حضنها..نحبها الفصعونة هدي ياربي 😍😍
اميرة..ههههههههه
امجد حط يده ع بطنها..نبي بيبي ني
اميرة..امجد عااد قلنا لين نكملو نقدرش قراية وحمل وتعب 😣 اني هكي ومش متحملة هلبا
امجد..هههههههـ باهي بااااه
اميرة..صقع
امجد..صوت مطر💦💦
اميرة..حلو الجو 😍
امجد..نمشي نسكر البلاكونة وندخل حجاتي خير ماينبلو
اميرة..باه
مشي امجد سكر الرواشن والبلاكونة اللي كان يقرا فيها ودخل حجاته وصب قهوة ليه ولي اميرة وجاب فيلم وطفا الضي
اميرة..ييي جي في وقته😍😍
خدت مق القهوة اميرة وفتح الفيلم امجد وجي قعمز جنبها وجت اميرة في حضنه وابدو يتفرجو
(جو رومنسي قلبي تفترش واني نكتب😢💔)
.
.
.
.
ميسم..تيييم تعاالى خلي اختك لا شعرها صغيرة وخيتك هكي درتلها😠
أرين..😭😭😭
تيم..😭😭😭
ميسم..شنوو هدا نضتولي الزوز تبكو😳
خش احمد..خيركم خيركم
ميسم..ناضو الزوز يتباكو
شدهم احمد في غمره
احمد..خيركم هكي درتو شطانة لي ماما
تيم..مس اني هيا
أرين..😔😭😭
تيم..😜
احمد..تو من اللي ناشب هي
تيم..مس اني
ميسم خدت تيم
ميسم..عيييب عادش تكدب
تيم..باه😊
ميسم..ومعاد تضرب اختك
تيم..حاضل(حاضر)
ميسم خلاص ابتضحك وشادة روحها..ومعاد دير شطانة
تيم ربع يديه..باه😑
ميسم..برا بوسها هي
تيم..وسن تاني؟
ميسم..بس
مشي تيم باسها ومشي يلعب بي العابه
احمد..الولد هدا نكتة 😂😂
ميسم..😂😂😂معاد قدرت اني خلاص
.
.
.
مها..حبيبي
محمد..عيوني
مها..نبي نمشي لي حوشكم خواتك جايين
محمد..باهي وتي روحك
لبست مها وطلعت هيا ومحمد مشو لي حوش اهله
مها..السلام عليكم☺
الكل..وعليكم السلام
تولين..هنو تعالي نركبو فوق 😑
هناء..هي😒
مشو ركبو ومابوش يسلمو عليها
ومها شبحتهم واضايقت من حركتهم بس فاتت
مها..كيف حالك عميمة
غالية..الحمدلله نورتي يابنيتي
مها..منور بناسه☺
غالية..معليشي يابنيتي ماتاخديش عليها تولين
مها..عادي 😏
منال..كيف حالك☺
مها..الحمدلله كيف حالك انتِ والصغار
منال..مع بوهم تفكيت من دوشتهم ههههه الحمدلله
مها..ههههههه
مرام..شن جو مهو شن اخبارك
مها..الحمدلله بخير كيف حالك انتِ
مرام..مية مية هههههههه
مها..ههههههه شنو حتى انتِ الصغار عند بوهم
مرام..يس 😂😂 نطرناهم اليوم نبو نرتاحو
غالية..قلتو لي مرت فادي ومرت عبد الهادي
مها..كلمتني بكري مرت فادي قتلها بالنجي هني قتلي كانا فادي فاضي تو يحطني عندكم
غالية..باهي مرام كلمي مرت عبد الهادي تو يقول خيركم ماقلتولهاش
مرام..حاااضر
مها..ابنركب فوق بنواسي روحي اني باهي
منال..خشي دار محمد تلقيها جنب دار تولين
مها..تمام☺
.
.
.
هناء..هدي مرت محمد💔
تولين..ايه مبردها😒
هناء..اممم انتِ علاش تكرهيها
تولين..ببساطة لانها خدت اللي تحبيه اللي ديما تحكيلي عليه اللي تموتي فيه هي ببساطة جت خداته وانتِ ساكتيلها
هناء..فوتي😏اني بنكلم بابا يجيني
تولين..عينك اقعدي تعشي
هناء..مخاطريش نشوف وجهها مرت خوك هدي
مها حطت يدها ع فمها لانها سمعت اللي قالوه كله ومافهمتش علاش يكرهوها هكي 😕
خشت مها لي دار محمد واست روحها تفرجت عليها وبعدين وهي نازلة تلاقت معاهم في نفس الوقت
هما شبحولها وقعدو واقفين
اما مها ف شبحتلهم من فوق لي لوطة ومشت نزلت وبالشوية عليها اما هناء ف نزلت وهي تخبط تخبيط هيا وتولين شبحتلهم مها وتضحك عليهم
مها..مفرخ😂
خشت مها لي الصالون وقعمزت معاهم  وتهدرز وتضحك وفايته تولين ومش شايلتها من ارضها😂😂
وجو الباقي يهدرزو ويضحكو مع بعض ومها مرة مرة تسمع في كلام من تولين بس تفوت فيها ومش مكبرتلها راسها بكل
.
.
.
حميدة..ايوا ميسم صباح الخير
ميسم..اهلين خويلة كيف حالك صباح الورد
حميدة..الحمدلله بخير كيف حالك انتِ والصغار هههههههـ نسمع في اصواتهم لاعندي
ميسم..حالة بيهبلوني
حميدة..هههههههه عادي عادي قتلك هدي حوش سلفي عازمينا اليوم
ميسم..اهاا باهي عندهم حاجة هما؟
حميدة..لالا هكي وخلاص غدي راهو
ميسم..اليوم؟
حميدة..ايه مقالكش احمد
ميسم..يعطيه الصحة والله ماقالي
حميدة..امالا هي بسرعة ديري حاجتك ووتي روحك
ميسم..حاضر هي مع السلامة
مشت ميسم طول دوشت لي صغارها وبدلتلهم ع السريع ومشت خشت هيا للدار دوشت وطلعت دارت شعرها ودارت الميك اب ولبست بدلتها وكانت متوترة شوية لانة اول مرة تمشيلهم من لما تزوجت مشت مرة وحدة بس وماقعدتش عندهم والمرة هدي غير ✨
خش احمد
احمد..شن مافيش غدي؟
ميسم..مشاءالله عليك
احمد..وين وين هدا كله😍😍
ميسم..اي اي خودني باللسان
احمد..غر شن في
ميسم..علاش قتليش ان مرت عمك عازمتنا؟
احمد ضرب ع جبهته..حييييي نسسسيت بككل
ميسم..غر هي خش اغسل وبدل اهو حوايجك واتيات هيا بسرعة 😑
احمد..باهي حاضر
خش احمد بدل وميسم نزلت الصغار لي حميدة وركبت تاني بالتنزل حجاتها
نزلت صاكو الصغار وبعدين ركبت لبست الكعب تبعها والعباية ودارت البارفان تبعها 😍😘
احمد..هيا
ميسم..هي استنى
جت ميسم قابلاته وواستله رقبت السورية
احمد..😍😍نفوتوهم ونقعدو اهني
حميدة..يا احممد يا مييييسم هيااااا
ميسم..ههههههه هيا هيييي يا خويييلة نااازلين
احمد..ااح الصبر هيا وديري حاجة ع وجهك
ميسم..فيشي شي اني وجهي
احمد..وهدا👈💋 ياتلبسي خمار يا انحيه اني بطريقتي 😉
ميسم..اففف اهو ابنلبسه هي 😒
احمد..هيا سقدي روحك
سكر احمد الرواشن وكل شي وطلع هوا وميسم وركبو السيارة ركبت حميدة من القدام وميسم والصغار من الخلف وقعدو يهدرزو ويضحكو لعند ماوصلو وخشو للحوش
ميسم & حميدة..السلام عليكم☺
.
.
عيلة عم احمد طبعا هما عيلة كلها بنات 2 اولاد فقط البنات شيماء مواليد 98& سناء مواليد 95 & عايدة مواليد 89 & أنوار مواليد 93 & حور مواليد 2000 & إسراء مواليد 91
وكل وحدة منهم بشخصية وحتعرفو شخصياتهم اما الاولاد أيمن مواليد 87 & سعيد مواليد 84
الاب سراج والام فاتن
.
.
.
الكل..وعليكم السلام😁😁
خشو ميسم و حميدة ووراهم احمد شاد تيم وميسم شادة أرين
سناء توشوش لي اسراء..شوفي شوفي كيف شاد ولدها 😒
اسراء عفست على رجلها ومرستهالها وفنصت فيها
سناء..يابلووة رجلي 😠
اسراء تتكلم من بين سنونها..باش تتعلمي تسكري فمك مرة تانية ..ههههه اهلين مرت عمي تفضلو خشو اهلا اهلا بي كنتنا مانشوفوكش لين نعزموك
ميسم..والله كل واحد ولاهي في حاله شن بالديري هي☺
اسراء..معليشي عادي انستينا ياحنة☺
ميسم..الله يآنسك
طلعت عايدة من المطبخ..اهلا اهلا واخيرا ريناكم ههههههه كيف حالك شن اخبارك
ميسم..الحمدلله ☺
عايدة..احمد خيرك واقف خش للصالون اهو بوي وخوي ومعاهم راجلي داخل شكلهم مايندروش عليك
احمد..هي هي غر بنعطيها الولد
عايدة..هاته ☺
خداته عايدة ومشي خش احمد سلم وقعمز يهدرزو
وابدو يوتو في الغدي
ميسم..خويلة شدي ارين خلي بالنشد تيم اني مباش يقعمزلي
فاتن..ياحوور تعالي يا بنتي
حور..نعم ماما
فاتن..تعالي خودي ارين لعبيها ☺
حور..حااضر هاتيها هي
ميسم..☺هي تعالى ماما اهني عييب
شداته ميسم وحطاته في حجرها وهو في عيطة وحدة
حميدة..خيره شن يبي
ميسم..يبي احمد
حميدة..باه اطلقيه خليه يمشيله عادي مش برانية
ميسم..بلكي يفركس والا يطيح حاجة خليه تو يسكت
عطاته ميسم شيشته ورقداته وحطاته
وحطو الغدي وابدو يتغدو وسناء تشبح لي ميسم قريب تنقز عليها اما ميسم مش مركزة فيها من كثرتهم 😂😂
وبعد كملو الغدي غسلو المواعين وحطو الشاهي والقهوة والكيكة وقعمزو يهدرزو البنات بروحهم وفاتن وحميدة بروحهم
سناء..حقا سمعنا ان صارت بينك وبين احمد مشاكل ووصلتو للطلاق ؟!😈
ميسم انصدمت من اللي سمعاته..😳😨نعم!
شيماء..هههههه نكتة بايخة اي شن جوك يا ميسم شن دايرة
ميسم..لا غر لحضة انتِ من قالك هكي اني واحمد مصارش بيننا الا كل الخير والحمدلله بالدليل عندنا بنوتة عسل😍والحمدلله واللي قالك هكي غالط😉
سناء سكتت ومعاد تكلمت
اسراء..شن متخرجة؟
ميسم..اي متخرجة مذيعة وخدمت فترة وسيبت
وخطر عليها ميسم علاش سيبت وقتها وخطر عليها ايام تركيا وتيم وكل شي قوت روحها وفاتت وقعدت تهدرز معاهم💔
لعند ما قاللهم احمد هيا وروحو
ركبو للحوش
احمد..شن جوك حسيتك انسجمتي معاهم
ميسم..ايه
احمد..كويس
ميسم..ابنسئلك شن قصة سناء؟
احمد..خيرها ضايقاتك وله
ميسم..ايه
احمد..هدي بوها كان يبيني ناخدها ومن صغار كانو يقولو احمد و سناء وهدا سبب فرقتنا ع بعض ومعاد حد مشي لي حد من لما اني قلت مانبيش ونبي وحدة تانية
ميسم..اممم بس خواتها كلهم كويسين معاي الا هيا دورا دورا تلقح😒
احمد..فوتيها مادوريهاش
ميسم..هوا هدا
احمد..رقدو الصغار
ميسم..اي حطيتهم في دارهم
احمد..هي نرقدو حتى احني 😊
ميسم..☺هي ياروحي
.
.
.
.
محمد..خيرك حبيبتي
مها..نبي نسئلك سؤال
محمد..اسئلي
مها..اني صراحة نحبه حوش بوك بس بديت معاد نبي نمشي ع خاطر اختك تولين
محمد..وين السؤال
مها..السؤال ان علاش اختك تولين ماتحبنيش ومعاها هناء صاحبتها 😔
محمد..انتِ هدا علاش زعلانة؟
مها..مش زعلانة بس مضايقة
محمد..يا ستي تولين ع خاطر كانت تبي هناء ليا و هناء حتى هي تبي وتحبني لهدا السبب هما هكي فوتيهم عادي خليك انتِ احسن منهم الله غالب شن بالديري هي
مها..قصدك هما هدا علاش😠تاخد عينها مش تاخدك هدي هناء😡
محمد..ههههههه حبيبتي الشرع حلل اربعة عادي😉😂
مها..اي اي هدا فاش فالحين غير الشرع حلل اربعة بسسسس اني هما نساوينك الاربعة 😡فيش حد غيري بكككل والا نقتلك وبعدها نقتل روحي
محمد..حي حي غر بالشوية والله نبصر وحق ربي هي يا مجرمة هههههههه
مها..ها ها ها 😒😒 مبررردك معاد تجيبها السيرة هدي
محمد..معاد تشبحيلي هكي
مها..حول امشي باش الشرع حلل اربعة برا هي
محمد..هههههههه يا مهبولة نبصر عليك اني
مها..بارد انت ياسر والله مانتحمل انك تكون مع غيري بكل عارفة هدا الشي ربي محلله بس في نفس الوقت اني شن منقصة عليك 😔قولي غلطط في حاجة نصلحها عادي بس تقوليش نبي ناخد عليك اني نحبك ونتحملش انك تكون مع غيري😔 تو انت تتحمل تتحمل ان اني نكون مع شخص غيرك
محمد..نقتلك😡
مها..اهااااا ريييت
محمد..باه خلاص اسف معاد نجيبلك السيرة هدي بكل وانتِ اصلا هيا اللي نحبها ونحبش غيرك بكل انتِ وبسسس اني ليك انتِ وانتِ ليا اني بسس😍😘
مها..😍😍نحبك
محمد..نموت فيها الفصعونة اني
مها..باه خليني نقرا
محمد..باه حاضر اني ابنطلع ابنمشي للقهوة مع الاولاد
مها..باه تعطلش
محمد..حاضر
.
.
.
.
ميسم..حبيبي
احمد..نعم
ميسم..كساد طلعنا
احمد..والله ما رايق يا ميسم فوتي
ميسم..اففف باه
مشت ميسم للدار ونكتت الدولاب وابدت تضم فيه وناضت بنتها أرين
ميسم..اوف ارين وقتك توا😣
ناضت ميسم رضعتها وغيرتلها وحطتها ع السرير انتاعها تلعب
تيم جي لي امه ويحك في عيونه
تيم..ماما زيعان
ميسم..تيم حبيبي توا كيف وكلتك اني
تيم..انلا اهئ اهئ زيعااان😭😭 (جيعان)😂
ميسم..اوف باه
ناضت قاماته في غمرها ومشت بيه للمطبخ ودارتله ماكلته وكلاته وبعدين غسلتله يديه وفمه
تيم..نمسي لي بابا☺
ميسم..وقت قالها قعدت سارحة وتذكرت تيم كيف قاللها ردي بالك تخليه ينساني احكيله عليا ديما خنقتها العبرة بس شدت روحها ومشت لي الدار كملت شن ادير
تيم..بابا
احمد..ها يا بابا
تيم..هي
احمد..وين
تيم خدي مفاتيح السيارة..هيااا يارة(سيارة) هيا
احمد..😊باه قول لي ماما هيا
تيم..باه مشي لي دار لي امه شدها من يدها..هيااا نوض
ميسم..وين
تيم..يااارة هيا
ميسم..لالا بابا قال لا
تيم..انلا لا بابا قال اي
ميسم..باه برا انت و ارين اني نبيش
تيم..نلا لا تبي
ميسم..لالا نبيش اني
تيم..باه
مشي تيم يجري لي بوه
احمد..ها شن قتلك
تيم..ماما ماما ادول نبيس (ماما تقول نبيش)
احمد..تعالى نمشولها هي
شده ومشو لي ميسم
احمد..حقا يا ماما ادولي نبيس؟
ميسم..ماخاطريش برا انت والصغار😒
احمد..تو من كان يقول نبي نطلع
ميسم..كان خاطري لاكن توا بطلت
احمد..خيرك نكدتي هكي
ميسم..ماخيرنيش يا احمد برو كان ابتطلعو
احمد..اااه الصبر باه لبسيها
لبست ميسم ارين وطلع هوا وياهم دهور بيهم وخدي بيزا وحجات معاها وروح عطي لي امه اللي جاب منه ومشي ركب 
احمد فتح الباب..ميسومتي☺
ميسم..ها في الدار اني
احمد جاها حط ارين لانها راقدة وحط تيم حتى هو راقد وعطاها البيزا والمشروب
ميسم..شن هدا
احمد..ليك انتِ ماتغديتيش
ميسم..اممم مش خاطري
احمد..خلاص عاد مش قصدي اني بكري
ميسم..باه
احمد..ابتقعدي هكي
ميسم..😶
احمد..اسف والله مانقصد نكشخ عليك بكري بس جوي من الخدمة
ميسم..باهي😊
احمد..نجيها الضحكة السمحة هدي😍😍
ميسم..هههههـ☺
.
.
.
.
.
محمد..مهو وينك
مها..اني هني
محمد..ستاحشتك
مها..ههههه حتى اني ياروحي
محمد..شن ديري
مها..كيف كملت كل شي نخش ندوش ونحط نتغدو باهي
محمد..اوك هي نستنى فيك😉
خشت مها ادوش بينما محمد خش حتى هو لي الحمام التاني حشاكم ودار عليه المي وبدل حوايجه وصلى وقعمز فتح الاب توب سمع فون يتصل
محمد..حبيبتي فونك يتصل
مها..رد
خدي محمد الفون لقاه رقم رد عليه
الولد..ها حبيبتي باش قتيلي تو نعاودلك وينك
محمد..😡😡نعم نعم من انتتتت
الولد..اوووه شكلك زوجها
محمد..قلنا منو انتتت
الولد..اني حبيبها
محمد لوح الفون ع طول يده وكسره وقعد يكسر في كل شي قدامه
طلعت مها وهي لابسه روب الحمام
مها..خييييرك شننن فييي
محمد..يا خاااااينة 😡💔
مها تقول من صب عليها ميا سخونة تجمدت في مكانها
محمد..اي خاااينة
مها..شن تقووول انت شن خاااينة هدي اني والله مانحب غيرك شن فييي😱
محمد..واللي كلمني توا ع فوونك منو هدااا اااه قووولي 😠😡
مها..من هوا والله مانعرفه الله من هدااا 😭
محمد..معقووولة بعد حبي ليك هكي اديري فيا يا خسارة وخلاص 😡💔
قربت مها لي محمد..اكيد في حد يبي يفرق بيننا اني مستحيل نخونك مستحيل لو نبي نخونك راهو ماقبلتش نتزوجك من الاصل 😰
دفها محمد وجت ع بطنها حصلتها ضربة قوية ع بطنها ويتكلم وهوا متلفت
محمد..مدلعك مامخلي مامدايرلك كل شي تبيه يجي لعندك مافيش حاجة منقصها عليك وتوا تجي اديري فيا هككي؟؟ 😡
مها..ءءء م م محممد😢
تلفت محمد..انتِ خاينة ومعاد تناديل... مممهاااا شننن هدااا دممم😨
نزللها محمد وهو يرعش..مها حبيبتي تسيبينيش خليك فايقة معاي لعند مانرفعك
مها تشوفله..اني ماخنتكش مع حد وماعمريش قمت عيني في غيرك ولا تجرأت لانة في قلبي انت وبسس 💔
وفقدت مها الوعي✨
محمد..ياربي شن درت اني
قامها محمد وطلع يجري بيها رفعها للمستشفى دخلوها للطوارئ
وقعد محمد يستنى وخايف وقلبه يدق بسرعة ومش عارف شن يدير وشن اللي داره بعد ساعة طلع الدكتور
محمد..طمني
الدكتور..للأسف فقدنا الجنين اما المدام حالتها كويسة يعوضك ربي
محمد..المهم مها
الدكتور..اطمن حالتها كويسة بكل
محمد..الحمدلله
دخلو مها لي غرفة ومركبيلها التغدية وكانت راقدة
محمد خش عليها وجي جنبها
محمد..سامحيني يا ملاكي اني غبي اللي شكيت فيك😣
ناضت مها
محمد..حمدلله ع سلامتك حبيبتي
شبحتله مها وكانت تعرف ان البيبي نزل
مها..اطلع برا مانبيش نشوفك بكل😢
محمد..لكن
مها..قتلك اطلع براااا😭💔
طلع محمد وقعد قدام الغرفة كلم امها وامه
وخش عليها ..امي وامك جايين ياريت ماتقوليش اللي صار بيننا لانة اللي يصير يقعد بيننا ومافيش لزمة حد يعرف ☝
مها..هزت راسها ..اطلع
طلع محمد ونزل جاب حجات وحطهم وقعمز قدام الدار
اما مها فقعدت تبكي ع راجلها اللي شاك فيها وع البيبي اللي راح 💔
جت ام مها
هنادي..بنيتي الحمدلله ع سلامتك
مها..الله يسلمك😢
هنادي..عادي ربي يعوض خير
جت ام محمد غالية..بنيتي خيرك العفو الحمدلله ع سلامتك
مها..الله يسلمك عميمة☺
هنادي..كيف صار هكي
مها..ادكرت خنقتها العبرة..ءء هو اني كيف طالعة من الدوش
وخش محمد وخايف انها تقول اللي صار وسمع كلمت كيف طالعة من الدوش
شبحتله مها وكملت كلامها..كيف طلعت من الدوش و #يتبع☺😂
.
.
.
.
ان شاءالله يارب تكون نالت اعجابكم وفكرو شن بتقول مها لي امها و عزوزتها😉😁 #حنو