قصة فراق ( روايات ليبية )

حلقة 18 🔥

#قصة_فراقـ💔
.
.
.
.
الحلقة 18🔖
.
.
.
.
.
فاتن..ان شاءالله بطولة عمره☺
ميسم..سلمك امين يارب هي امالا مانعطلش عليك وبالله عليك قوليلهم
فاتن..حاضر بإذن الله
.
.
.
.
احمد..ايوا هي وتي روحك 5 دقايق نلقاك واتية مش واتية نمشي ونخليك
ميسم..تي باهي هي
سكرت منه لبست ع السريع ونزلت لي خالتها
ميسم..خويلة عادي نخلي عندك ارونة
حميدة..عاادي هاتيها اني مكسدة وين ماشية
ميسم..نبي ناخد حجات العيد ميلاد
حميدة..باهي هاتيها هي
عطتها ميسم بنتها وشرين عليها احمد
احمد..هي اطلعي
طلعت ميسم وقعدت تكلم في خواتها عزمتهم وكلمت خالاتها
ميسم..احمد نعزمو عماتك
احمد..اعزمي
ميسم..عنديش رقمهم
احمد..خودي الفون انتاعي عندي ارقامهم غر هي ننزلو توا وصلنا
ونزلو خدو كل شي يبوه وقعدو من محل لي محل وخدت ميسم لبسة لي تيم ولبسة لي ارين وحجزت في تورطة كانت كبيرة وعليها صورة تيم وبعدين روحو خدت ميسم فون احمد واتصلت بي عماته 2 وعزمت حتى بناتهم واولادهم كانت ميسم فرحانة هلبا
وبدت تزين في الجنان هيا وحميدة واحمد شاد ارين
طق الباب فتح احمد لقاه بو ميسم وامها وتيم
محمد..السلام عليكم كيف الحال
الكل..الحمدلله
محمد..هدا ولدكم ها
احمد..ههههه شن دار شطانة؟
محمد..لالا مشاءالله عليه عاقل
احمد..خشو باه
محمد..لا والله خلاص كنا في البحر وهدي مرواحتنا
ميسم..نتصل بيكم خارج تغطية بكري بالنقولك اني غدوا مدايرة عيد ميلاد تيم باش تجي انت وماما
محمد..ان شاءالله
كبهت ميسم لي امها ودارتلها باي وسكرت الباب لقت احمد مقعمز ويشبحلها وحامق 😡
ميسم ماعدلتش لانة قدام امه كملو تزيين وركبو خشت حميدة لي حوشها وميسم ركبت لي حوشها
ميسم..حبيبي خيرك
احمد ماردش عليها
ميسم..حميدا خيرك توا كنت مافيك شي
احمد..ماخيرنيش
ميسم..تي خيرك هكي شن درت اني شن في
احمد..لا والله مادرتي شي وانتي بي لبستك هدي طالعتلي برا ولا زيادة ادير باي لي امها وعادي ولا كأن عندها راجل وراها تي هدي لبسة تطلعي بيها؟
كانت ميسم لابسة شورت بس مش قصير هلبا باهي لعند الركبة وتيشرت ودايرة شعرها فوق
ميسم..مش قصدي اني
احمد..قصدك والا مش قصدك تو خلاص بنرقد اني 😏
رقد احمد وخلا ميسم مقعمزة بدلت ميسم ولبست روبها ورقدت ولدها في داره وبنتها في السرير جنبها وقامت اليارغان وخشت وتغطت ورقدت حتى هيا ناضت ع اذان الفجر لقت احمد مش جنبها سمعت صوت الميا في الحمام عرفاته يدوش خدت حوايجها ومشت دوشت في الحمام التاني وطلعت لبست وصلت الفجر وقعدت مقعمزة ترضع في بنتها طلع احمد لابس شورت ومش لابس شي من فوق سرح شعره ويشبح لي ميسم اللي لاهية في بنتها ومابتش تشوفله كان الهدوء مسيطر عليهم✋
صلى احمد حتى هو الفجر واتكى ع السرير رضعت ميسم بنتها وخشت للحمام سيقاته ورتباته وطلعت للمطبخ كان خاطرها في قهوة وجاعت دارت فطور وقهوة🍳☕🍹🍴🍱🌹
وحطاته في البلاكونة انتاعهم ومشت للدار لقت احمد فاتح الفون
ميسم..تعالى افطر
احمد شبحلها ومباش يرد مشي وراها وقعمز شرب قهوته وفطرو مع بعض
احمد..ناقصة حاجة؟
ميسم وبدون ماتشوفله..لا
احمد..تمام
ناض احمد ومشي يتفرج بحكم ان جمعة قعد مقعمز وخلاص ضمت ميسم الحوش وحددت عربية احمد وعلقتها ونوضت بنتها وغسلتلها وبدلتلها ورقدت ع طول جت بتنوض تيم
احمد..خليه راقد مزال الوقت
ميسم..مرات مانفضالاش بعدين
احمد..ياودي خليه مرتاح مزال الوقت
ميسم..باه
مشت ميسم قعدت تفكر شن بدير من ماكلة ماعرفتش ولقت روحها ابتتعب هلبا جت وقفت قدام TV
احمد..حولي
ميسم..انلا
احمد..ميسم مش رايقلك حولي
ميسم..انلا
جت اغنية قعدت ميسم ترقص وتمشي يمين ويسار وتقدمله
احمد..😒حولي قلنا
جت ميسم تغمراته..خلاص عاد
احمد..انتِ شطانة
ميسم..انييي
احمد..ايه انتِ امالا اني
ميسم..باه اسفة
احمد دار يده ع خده..هكي نرضا اني
ميسم جاية بتبوسه خواها احمد وباسها 💋
ميسم..بارد
احمد..هكي البوسة صح ههههههه
ميسم..باه
احمد..باه شن تبي توا
ميسم..نبي نقولك اني ناسية حاجة وخايفة تتكنطى
احمد..شنو
ميسم..نسيت ماوصيتش ع ماكلة لانة اني حنتعب هلبا كانا اني بنطيب
احمد..تو هدي حاجة تنتسى؟
ميسم..شن بندير هي نسيت
احمد..اففف توا كيف يصير
ميسم..مش عارفة لحضة فوني يتصل منو زعما توا
مياس..ايوا صباح الفل
ميسم..صباح الورد شن جو
مياس..تمام شن نايضة؟
ميسم..ايه
مياس..بنقولك بنكلمك امس ونسيت العشي عليا اني ره وتم الكلام مافيش نقاش
ميسم فرحت..😍😍جدياات؟
مياس..ايه😂
ميسم..احسن اخت تعرفي نسيت اني ماوصيتش ومعاد عرفت كيف ندير بروحي
مياس..ميسو انتي مش بروحك انتي عندك 3 خوات وكل وحدة مننا دايرتلك حاجة ره غر اني ضروري نقولك باش ماتصرفيش ع الفاضي
ميسم..اوك تي احسن خوات
مياس..😂😂هههههههههـ تمام هي توا بايات وراي هلبا حجات
ميسم..اوك
سكرت ميسم وتغمرت احمد
احمد..غر شن في ههههههه
ميسم..مياس طلعت مدايرة العشي هدية
احمد..مشاءالله الله يبارك اهو خلاص معناها
ميسم..والله يهبلو خواتي
احمد..ههههههه ربي يحفظكم لي بعض ياقلبي
ميسم..يارب
احمد..معناها توا ماعندك شي
ميسم..توا خلي نبخر الحوش
بخرت ميسم الحوش وكملت ونشفت الدروج وطلعت كملت باقي الزينة هيا واحمد وع طلعة امه خدت كرسي وقعمزت جابت ميسم قهوة وقعمزو يشربو وبعدين ناضو احمد مشي للجمعة
ميسم..تعالى نبخرك هههههه
بخرت ميسم احمد
احمد باسها ع جبينها..ربي يحفظك ليا يامرتي
ميسم..يارب ويخليك ليا
احمد..يارب☺
مشي احمد يصلي الجمعة وابدو ميسم وحميدة يوتو في الحجات جو خوات ميسم وامها وقعدو يهدرزو وجوهم حلو تغدو مع بعض وبعدين ركبو خواتها بدلو حوايجهم
احمد..حبيبتي فضيلي الحوش نبي نخش ندوش ونبدل وننزل
ميسم..حاضر هي يا اخواتي العزيزات احمد يبي يركب فضولي الحوش
نزلو خواتها لي حوش خالتهم ركب احمد ولقي ميسم دارتله قهوته ووتتله حوايجه طلع لبس حوايجه ودار شعره بالجل ولبساته ميسم ساعته ولبس دبلته وبختله ميسم البارفان انتاعه
ميسم..هدي قهوتك☺
احمد..شكرا ☺
نزل باسها ع خدها..تو نجي وتبي اي حاجة كلميني
ميسم..لما تجي حتى كان قالولك تخش لا ماتخشش😠
احمد..ههههههه حاااضر
سقدت ميسم احمد وركبو كملو خواتها شن كانو يديرو
جت مياس والعشي معاها
مياس..طلعت روحي واني نستنى
ميسم..ههههههه سلم خالته ياربي 😍
ميار..واني اهو جبتله الحلو كله مافيش سلم خويلته؟😂
ميسم..😂😂سلمهم
مها..واني جيت وجبتله معاي
ميسم..ايه حق انتِ شن جبتي
مها..هيا الهدية لي تيم بسسس
ميسم..😒اني امه
مياس..😂😂
ميسم..😂😂تي هي قولي يا فرخة
مها..يا مدام لو سمحتي😒
ميار..😂😂😂😂تي هيا
مها..جبتله معاي تذكرة سفر😍
ميسم..😍😍😍ارفعيني معاه ولدي يمشيش بروحه
البنات..😂😂😂😂
مها..عينك بما ان عندناش بيبي ف ابنمشي اني ومحمد وتيم😍 لي ديزني لاند
ميار..اووووووه😍😍😍نبي اني خالته
مياس..واني خالته
ميسم..صكفمك انتِ وياها اني امه الولد يمشيش من غير امه
مها..😂😂محمد مش مقعمز ع كاصة روما😒انتِ وياها كل وحدة وعندها راجلها هكي كبررره😂
مياس..مافيه تمرة😒 من سفرة شهر العسل لعند ماجيتكم في تركيا ولعند توا معاد طلعت من ليبيا😒
ميسم..😂😂يخي باهي احني مشينا للعمرة
ميار..واني 😭نبي نسااافر اللي عندي مرة مليح ومرة نكد😒نبي زي محمد اني قوليله يولي صاحبه الهم يغيره شوية
مها..قل اعود برب الفلق😂😂😂خميسة خميسة ع حميدا✋✋
كملو ونزلو لقت ميسم العيلة كلها عماته و خالاتها و مرت عمه
سلمت عليهم كلهم وطلعو للجنان عطوهم العصير والشيكولاتة وميسم مرة مرة تسمع في تلقيحات من بنت عمه سناء وخواتها يغطو عليها 👌
سناء..ميسم حبيبتي نبي نركب لي حوشك نواسي روحي
حميدة..اهو خشي هني في داري
ميسم..ايه اقربلك هه😉
خشت سناء وهي متكنطية ساوت روحها وطلعت لقت ميسم في المطبخ بروحها خشتلها
سناء..كيف حالك انتِ وحمودي
ميسم وهي توتي في السفرة..الحمدلله😒
سناء..يناري عليه شكله صرف هلبا
ميسم..ولده وابيصرف عليه
سناء..لا وانتِ الصادقة ولد تيم مش ولد احمد هدا😉
ميسم..الاب اللي يربي مش اللي يجيب😉 صح بوه وماننكرش بس حتى احمد بوه اللي رباه وماخلاش حاجة تنقصه😉 وبوه الله يرحمه ويوسع عليه
سناء..هههههاااي
جت ميسم قدامها وقربت منها..فوتينا من الألغاز واحكي اللي عندك عارفاتك ره😉
سناء..بنقولك ان احمد مهما درتي حيكون ليا والزمان بيننا
ميسم..ههههههههاااااي لو تموتي عمرك ماحتكوني مرت احمد😉 تعرفي علاش لاني من الصغر لعند توا احمد يموت فيا☺يؤبر قلبي حبيبي مش مخلي حاجة تنقصني واهو الحمدلله عندنا بنوتة وولد زي العسل ومزال التالت في الطريق😉
سناء انصدمت وقت قتلها التالت في الطريق وميسم طلعت منها هكي وخلاص
طلعت سناء وهيا حامقة ومشت قعمزت وتهز في رجلها فرقت ميسم عليهم الحلويات ووصلت في سناء..تفضلي حبيبتي☺
سناء..😠😒
ميسم..هدي اعصابك مش هكي تنحل الامور ره😈
سناء..حولي مانبيش😠
ميسم..عفوا ياذووق😌😒
مشت ميسم قعمزت وقعدو يهدرزو وكانت لمة حلوة بينهم ميسم دارتها لانة عيد ميلاد ولدها وتاني شي العيلة ماجوهاش في حوشها بكل
قصو التورطة وكلو وبعدين تعشو وكملو وكل واحد روح لي حوشها
مها..😉😉
ميسم..😢😢 #يتبع
.
.
.
ان شاءالله تكون نالت اعجاب الكل ياربي😍😘😘#حنو