قصة فراق ( روايات ليبية )

حلقة 23 🔥

#قصة_فراقـ💔
.
.
.
.
.
الحلقة 23🔖
.
.
.
.
ركبت غالية بدلت ودارت صاكوها ونزلت
نزلت مها هيا وتيم وسلمت عليها
مها..كيف حالك عميمة والله فرحت لانك قلتي باهي وبتمشي معانا☺
غالية..حالي باهي ترا خلي بنركب
ركبت غالية ومها قعدت واقفة مصدومة منها.. خيرها هدي😐
محمد..مها خيرك قاعدة واقفة هي اركبي وقت
مها..ءء هي باه
ركبت مها ورا محمد وحطت تيم جنبها محمد لاحظ مها ان عيونها معبيات دموع ومافهمش خيرها وشن قالتلها امه فات الموضوع وقال تو نسئلها بعدين ومرة مرة يشبحلها يلقاها تتفرج من الروشن وساكتة ولا كلمة 😯
تيم..حويلة حويلة
مها..ها
تيم..نبي اميا
مها..باه حاضر
صبتله مها في طاسة وشرباته
غالية..ولد ميسم هدا وله
مها وبدون نية تتكلم..ايه ياعميمة ولد ميسم😒
غالية..وخيره ديما عندكم انتم
مها..يـ..
محمد قطع عليها..باش امه مدايرة حادث ف طبيعي يعني الصغار بياخدوهم خواتها من بيعتني بيهم
غالية..وشن مافيش غير مها
مها..يا عميمة اني الوحيدة اللي فاضية الباقيين عندهم صغار البنية عند امي واني عندي تيم
غالية..ونشطي روحك ياحنة وديري صغار زيهم لي امتى بتقعدو هكي😕
مها شبحت لي محمد وولت تشبح لي تيم
تيم..حويلة لاس تبكي
مها..لالا نبكيس اني يا حويلة اشبح شن خش في عيني
تيم..عمو حويلة تبكي ره
غالية..شن قتلك اني ماقتلك شي علاش البكي هدا دلاع 😒
محمد..خلاص يام فوتيه الموضوع اني مزال مانبيش صغار وسكريه الموضوع
مها مسحت دموعها وقعدت تشبح من الروشن وخلاص
محمد يشوفلها من المراية غمزلها😉
مها ابتسمتله☺
وتشبح لي عزوزتها ومش فاهمة شن اللي غيرها عليها هكي ممكن لانهم قاعدين ماجابوش صغار لكن مش منها ولا من محمد ربي قاعد مارزقهمش
وصلو للبحر خشو للشاليه وحطو فيه الحجات وقعدت مها ترتب في المكان واطلع في الشاهي وكل اللي جاباته لانهم بيقعدو 3 ايام
غالية..لاش هدا كله جايبتيه يناري ع وليدي فلستو بيه😏
مها تلفتت لي غالية وكان في يدها الموس لانها كانت تقطع في اللحم وهي حامقة معاد قدرت..عمتي قوليلي شن صاير علاش تعاملي فيا هكي ؟
غالية..لانك انتِ السبب في مشية بنتي تولين بنيتي كانت مونستني فجأة نطرتيها ياريتني خديتله هناء
مها..😳نعم؟
خش عليهم محمد..ياام شن في خيركم
غالية..تعالى مرتك شادتلي الموس وتهدد فيا
مها شبحت للموس وشبحت لي محمد كان يشوفلها ومصدوم 😳
مها..سامحوني فيها بس امك تكدب
غالية..هيييي بعد العمر هدا كله اطلعيني كداابة؟ هدا ما نراجي منك
مها..والله كنت نقطع في اللحم وانتِ كنتي تلقحي عليا وتلفتتلك لاني معاد قدرت نصبر اكتر من هكي خيرك تتبلي عليا شن درتلك اني 😭
خدت مها وشاحها وطلعت مشت خدت كرسي قدام البحر وكانت الدنيا شمس ومافيش حد برا كلهم في الشاليهات قعمزت وقعدت تبكي
محمد..خيرك يام معاها شن دارتلك البنت
غالية..جاي معاها؟ ومكدب امك وله باهي باهي تو نتصل ببوك يجي يروح بيا معاد قاعدتهالكم اهني
محمد..يااام بوي مساافر خيرك هكي شن صاير كنتي تحبيها شن في قوليلي شن دارتلك واني نتصرف معاها اما هكي تتبلي لا
غالية..باه باه اني نتبلى باه
خشت للدار وقربعتها
تيم..😭😭نبي حويلة عمو حويلة تبكي
شده محمد ومشي هوا وياه لي مها لقاها مقعمزة وتبكي خدي كرسي وقعمز جنبها وتيم يلعب بالميا
حط يده ع راسها..خلاص حبيبتي
مها..والله كله كدب والله مادرتلها حاجة غير ان حمقت منها وكيف تغيرت عليا هكي والله معتبرتها زي امي اكتر وحدة من كناينها تعزم فيها اكتر وحدة تحن عليها اني ديمة نهدي فيها تي نعامل فيها احسن حتى من امي في الاخير تجي تتبلى عليا شن درتلها اني قتلها علاش اديريلي هكي قتلي لانك انتي سبب سفرت بنتي باه شن دخلي اني؟ السبب صاحبت بنتها مش اني😭😭
محمد..خلاص ياعمري معاد تبكي اني جايبكم تغيرو جوكم مش تقعدي تبكي خلاص فوتيها امسحيها في وجهي معاد تعدلي عليها مرا كبيرة هدي يعني ماتعدليش ع كلامها
مها..بس كلامها حار والله حار
محمد..عارف بس حاولي هكي
مها..حاضر ع خاطرك بس☺
محمد..شطورة هي نخشو شمس
قام محمد تيم وخشو طيبت مها الغدي وتغدو مع بعض وهديكا غالية مش مسيبتها بكل تلقح 24س ومها مدايرة ودن طرشة ومش معدلة عليها ودايرة جوها هيا وراجلها وولد اختها وعايشة اللحضة وفاتتها بالطويل
مها..حبي هيا نتمشو ع البحر
محمد..باه هي امي راقدة
مها..ايه وتيم رقد
محمد..هيا تعالي
طلعو يتمشو ع البحر وجوهم حلوو
محمد..حبيبتي اسف ع كل كلمة قالتها امي وزعلاتك
مها..عادي ياروحي ماعدلتش اني
محمد..سلمهالي ياربي العاقلة☺
مها..☺☺
روحو امخر شوية خشو للدار لقو تيم قاعد راقد بدلو ورقدو حتى هما وهكي لعند تالت يوم مشي محمد نزل هوا وتيم وامه وخلا مها راقدة
محمد..هي تعالى انلبسلك هي
لبسله محمد شورت وتيشرت وخداله منشف وحجاته كلهم ولبس حتى محمد نفس تيم وشده في غمره وكيف بيطلعو
غالية..خلي بنمشي معاكم مانبيش نقعد مع مرتك هدي😒قاعدة لعند توا راقدة تزوجت وصار حوش حق😏
محمد زمطها وسكت ومشي هوا وياهم للبحر قعمزت غالية ع الكرسي والميا تجي ع رجليها مرة مرة وخش محمد هوا وتيم في غمره ويعوم هوا وياه
تيم..😂ههههههه اقعه يا عمو
محمد..لالا ههههههههه
قعد يعوم فيه ويغطس فيه ودار بيه جو
مها ناضت لقت جنبها فاضي عرفتهم نزلو مشت دوشت وبدلت وجت بتبخ بارفانها لقت ورقة صغيرة مكتوب فيها
(حبيبتي احني نزلنا للبحر لما تنوضي الحقينا)
ابتسمت مها ومشت خدت حجاتها وخدت ماكلة باش ياكلوها لوطة ونزلت
شبح محمد مها جاية طلع باش امه ماتكلمهاش قعمز وخلا تيم يلعب في التراب
مها..صباح الخير☺
غالية..صباح الظهر😒
مها..خدتني نومة امس سهرنا ماه
غالية..كلنا نسهرو وانوضو بكري
مها..اني غير☺
غالية..شن فيك الزايد اوو
مها..حاجة زي هكي😉
محمد..هي مافطرتش اني وياسر تقول ضراير من امتى انتم هكي
مها..اهو تو نحطه الفطور حاضر
دارتلهم الفطور وحطتلهم غالية خدت كرسي وقدماته
محمد..يام تعالي كولي
غالية..صحة 😕
قعمزت مها وفطرو مع بعضهم وماعدلوش عليها لين جت هيا بروحها قعمزت وتشبح كانت جيعانة مها فهمتها خدت ساندويتش ودارتهولها زي ماتحبه هيا وحطاته قدامها وصبتلها شاهي وصبتلها عصير وحطاته قدامها وخدت تيم وقعدت تلعب فيه
محمد..يما حرام عليك معاد تعامليها هكي
غالية..مادخلكش كول واسكت
محمد..الحمدلله اني
محمد كان حاير بين امه ومرته ومش قادر يتكلم لانة 2 يحبهم و2يخاف عليهم يزعلو منه قعد بينهم
اتصل فون مها وكان رقم شافه محمد لقاه رقم
محمد..الو
ناهد..السلام عليكم هدا فون مها
محمد..ايه هي لحضة بس تو اناديلك عليها
مشي محمد لي مها لقاها مقعمزة..حبيبتي فونك
مها..منو
محمد..رقم رديت لقيتها بنت
مها..اه به الو السلام عليكم
ناهد..وعليكم السلام كيف حالك يا مها
مها..الحمدلله منو
ناهد..نسيتيني ياكلبة
مها..لحضة لحضة ماتقوليش ناهد
ناهد..بالزبط😘 استاحشتك يافرخة وينك
مها..والله الحياة الزوجية خدتنا ههههههه
ناهد..زعما حتى اني هكي؟
مها..شن قصدك
ناهد..ياحنة متصلة بنعزمك ع عرسي 3 ايام وضروووووي تجي مافيش اي نقاش
مها..ههههههههه ياحنة قبل كنت عادي بس توا كان محمد قال الاوكي تلقيني من غدوا عندك
ناهد..مادخليش في عرسك اسبوع بطوله بايتة
مها..ان شاءالله خير وخلاص هههههه
ناهد..اوك توا طبعا مدايرتلك بطاقة ره وحتى عزوزتك معزومة مشيتلك مافتح حد روحت
مها..والله في البحر اني اليوم مروحة ليا 3 ايام
ناهد..اي مشيت عطيت البطاقة لي امك وعزمتها طبعا حتى هيا
مها..سلمها ياربي
غالية..هدا شن يقولوله مرتك شدت النقال معاد طلقاته 😕
محمد..تكلم في صاحبتها يام
غالية..اي اي زيد ارقد على وذانك
محمد قال بشوية..يارب صبرني
جت مها
محمد..من؟
مها..صاحبتي ناهد تعزم على عرسها
محمد..اهاا باهي مبارك عليها
مها..معزومة حتى انتِ يا عمتي
غالية..يصير خير😏 في اما صالة
مها..واللهي ماسئلتها تو ناخد البطاقة هي جت في حوشي لقتني مهناش عطتها لي ماما
غالية..😏
محمد..باهي كويس
مها شبحت عزوزتها لاهية في الفون
مها..حمودي
محمد..عيوني
مها..تبيني نبات 😁
محمد..مش وقته نهدرزو في الحوش
مها..اوك
غالية..تباتي وراجلك لمن مخليتيه😒
مها..العفو كيف سمعتني هدي 😳..بس ياعمتي هدي صاحبتي وهي باتت عندي اسبوع في عرسي
غالية..عجب😏
محمد..هي خلاص نوضو نروحو
غالية..هي
مشت غالية تجري للسيارة وركبت في الكرسي القدامي وخلت مها حاصلة
محمد..تو نساعدك اني هي
ضمو الحجات وخدو كل شي وقامت مها تيم لانه راقد وركبو السيارة
غالية..خيرك عطلت
محمد..شن بنخلي مها بروحها ضمينا مع بعض وجيت
غالية..ساحراتك هالبنت
وع ركبت مها
محمد..ساحرتني يام بجمالها ورقتها وفعلها وحركاتها وكل شيها وشبح لي مها من المراية لقاها تضحك وخدودها حمر ☺ومتحشمة
غمزلها😉 وحرك السيارة ومشو
غالية..الله غالب عليك ياوليدي😒
مها كانت تضحك في سرها وفرحانة بمحمد
روحو للحوش دوشو ورقدو
.
.
.
.
ميسم..ااااه
احمد..حبيبتي خيرك
ميسم..طبست ظهري وجعني 😞😢
احمد..خلاص ميسم قعمزي ارتاحي حني جينا اهني باش نرتاحو مش باش تتحركي
ميسم..ماه من بي وتي الغدي
احمد..ناخدو من برا حني بنغيرو جو مش باش تتعبي
ميسم..تمام😘
.
.
.
.
مها ناضت بكري دارت الفطور وبعدها خشت دوشت وبدلت
مها..حمودي حميدا هي نوض حبيبي
محمد..ساعة قداش😪
مها..ساعة 7 هي نوض باش تمشي لي خدمتك
محمد..هي
ناض محمد دوش ولبس وتكم روحه وجي لقي مها ادير لي تيم في شيشته وعطتهاله وولا رقد وجت قعمزت جنب محمد ويفطرو
مها..علاش الشياكة هدي كلها😒
محمد..هههههه عندي مقابلة مع حبيبتي التانية
عفست مها ع رجله
محمد..اييي يامتوحشة
مها شبحتله وولت تاكل..😏😒
محمد..شن الشبحات هدم جدد
مها..تو باش بتقابل حبيبتك التانية برا هي شن تراجي
وقامت من قدامه الماكلة
محمد..استني بناكل
مها..سادك😒
محمد..تو نمشي لي حبيبتي نفطرو برا اني وياها
مها..ياسر محمد😔
قرب محمد وحضنها..نبصر عليك حبوبتي😘
مها..بارد
محمد..هي عطلت اني يامهبولة
مها..باه دير بالك ع روحك
محمد..اوك
ضمت مها المواعين وبدت اطيب في الغدي وتوتي في روحها باش تمشي لي صاحبتها
روح محمد لقي الغدي واتي ولقي مها ادير في الميك اب
محمد..بيبتي
مها..عيوني غداك واتي
محمد..امتى تبي نرفعك
مها..مزال قاعدة نوتي في روحي انت تغدا وارقد شوية وبعدين اني انوضك وقت نكمل
محمد..باهي☺
بدل حوايجه محمد وطلع لقي غداه ع الطاولة تغدا وبعدين خش
محمد..علاش ماتبيش تاكلي
مها..كليت قبلك لانك عطلت
محمد..باه ضحتين هي اني بنرقد وبعدين نوضيني وكان شرين الفون ماتنوضينيش تاعب
مها..حاضر
قعد محمد يشبحلها وناعس لين رقد ومها كملت ودارت شعرها تسريحة وكملت ولبست وطلعت عبايتها وسندل تبعها
مها..محمد حميدا حبيبي هي نوض
محمد..ها شن منو 😳
مها..ههههههه بلا برادة عاد كيف من هدي
محمد..ماه تغيرتي
مها..مش وقت برادتك يا بارد هيا نوض صلي ووصلني
محمد..باهي 😊
ناض محمد خطف منها بوسه من خدها ومشي للحمام (حشاكم) وبعدين طلع صلى وبدل ورفعها
محمد..هو شن عندهم اليوم
مها..حفلة توديع العزوبية
محمد..اهااا باه امتى نجيك
مها..تو نقولك
محمد..قلنا امتى نجيك يعني عطيني توقيت
مها..باهي خيرك تعالى ساعة 10
محمد..اوك 😉
.
.
.
ميسم..حبيبي عطيني نكلم امي ومها نسئل على تيم و أرين
احمد..حاضر هي ياروحي
كلمتهم ميسم
ميسم..توا ارتحت
احمد..😚
ميسم..حبيبي تسيبنيش بكل ياعمري
احمد..شن الكلام هدا هي اسكتي
ميسم..باه
وقعدو يهدرزو وبعدين طلعو يتمشو وفرحانين وجوهم حلو كانت تغيرة جو وتغيرت نفسيتها ميسم✨
.
.
.
نادر..حتى اني نحبك❤
مياس..نااادر
نادر..😳😳 ح ح حبيبتي
مياس..ولا كلمة حول تقربش مني بكل
نادر..خليني نفهمك بس
مياس..قتتتتتلك ولا كلللللمة😡
نادر..😡ماتعليش صووووتك
مياس..بنعليه اي بنعليه بكشي مش عاجبك
نادر ضربها كف
مياس حطت يدها على مكان الكف شبحتله بخيبة..😨 #يتبع
.
.
.
سناء..ها شن تبي قتلك مافيش فلوس شن فكرك فيا انت باش معاد تتصل😡
وليد..يا اما تعطيني الفلوس يا اما تجيني اهني ليلة مع بعضنا😉 يا اما نقول لي بوك وانتِ تعرفيني مانقصرش😉
سناء انصدمت..ءءء انت شن تقوول
وليد..ومع هدا نبي ضعفهم الفلوس
سناء..تي من وين بنلقاهم
وليد..زي ماقتلك هي تشاوو هههههههععع
سناء قعدت تبكي ..#يتبع
.
.
.
.
ان شاءالله تكون نالت اعجابكم #حنو❤💋