100 Ways 13
පසුදිනද එලඹුනා...chun mei දිනය පුරා ඇඟිලි ගනිමින් සිටියේ jia er මුණ ගැසීමට කාලය එලඹෙන තුරුයි...
සවස් යාමය එලඹෙත්ම ඇය නිම්නය වෙත පිටත් වූවා....නමුත් ඈ ඇගේ වාද්‍ය භාණ්ඩය නම් රැගෙන ගියේ නැහැ....
මඳක් සීතල සන්ද්‍යාවක්...ඇය නිම්නයට පැමිණෙන විටත් jia er පැමිණ ඈ එනතුරු බලා සිටියා...
ඔබ පැමිණියා එසේ නම්...මා සිතුවේ නොඒවි කියායි...jia er පැවසුවා...
සමාවන්න...නමුත් මා දුන් පොරොන්දු කඩ කරන අයෙක් නොවේ..chun mei පැවසුවා...
කොහිද ඔබේ වාද්‍ය භාණ්ඩය...
එය මා තබා ආවා...
හේතුව කුමක්ද...
මා අද පැමිණියේ පුහුණුවීමට නොවේනෙ....මගේ සේනාධිපතිතුමා මුණගැසීමටනෙ..ඉතින් කුමටද එය ගෙන එන්නේ....ඇය දඟකාර ලෙස පැවසුවා...
ඔබේ සේනාධිපතිතුමා ?
ඔව්...ඔබ මගේ සේනාධිපතිතුමා නොවේද...chun mei පැවසූ ආකාරයට jia er ට සිනා පහල වූවා...
එසේයි එසේයි...ඔබේ තමයි....පැමිණෙන්න...කතා කිරීමට බොහෝ දේ තිබෙනවා....jia er ඇගේ අතින් අල්ලාගෙන එහි තිබූ විශාල චෙරි ගසක් යටට ගොස් අසුන් ගත්තා...
ගස ලා රෝස පැහැ මලින් බරවීතිබුනා...
ඉතින්...පවසන්න...chun mei පැවසුවා...
කුමක්ද....?
ඔබ කෙදින සිටද මා වෙත සෙනෙහස දැක්වූයේ...chun mei නොඉවසිල්ලෙන් විමසුවා...
ම්ම්................එය දැනගැනීමට අවශ්‍යමද ...jia er විමසුවා...
එසේයි.......
ඔබ හා මා මෙහි මුණ ගැසුනු පලමු දිනයේ සිටයි........jia er පැවසුවා...
නමුත් එතරම් කල්....ඔබ එය සිතේ තබාගෙන සිටියාද...chun mei පුදුමයෙන් විමසුවා....
මා ඔබට පවසා ඇති...සෙබලුන් තරුණියකට සෙනෙහස දැක්වීමට බිය බව....jia er පැවසුවා.....
ඔව්...මතකයි....
නමුත් ඔබ එදා කී දේ නිසා මට බොහෝ සතුටු දැනුනා...නමුත් ඔබ මා වැන්නෙකුගේ සෙනෙහස ලැබීමට කැමති වේවිදැයි සැකයෙනුයි මා සිටියේ......jia er පැවසුවා...
එසේ සිතුවෙ ඇයි...ඔබ දුටුවානම් වාද්‍ය අංශයේ ඔබ ගැන කතා කරන අයුරු....ඔබට කෙතරම් තරුණියන් පිරිසක් ඇලුම් කරනවාදැයි දැකගත හැකියි...chun mei පැවසුවා...
නමුත් මා සිත්ගත්තේ එම අංශයේම සිටි මුරණ්ඩුම තරුණිය නොවේද...jia er විමසුවා...
Chun mei ගේ මුහුණ ලැජ්ජාවෙන් රත් පැහැ ගැන්වුනා.......
ඔබ අද වාද්‍ය භාණ්ඩය ගෙනාවෙ නැහැනේ...ඒ අඩුව මා පිරවිය යුතුයි....හදිසියේම එසේ පැවසූ jia er එක්වරම chun mei ගේ උකුල මත හිස තබාගෙන බිම වැතිරුනා...
සේනාධිපතිතුමනි...ඇයි මේ...chun mei කලබලයෙන් මෙන් විමසුවා....
ඔබ වෙනදා වාද්‍ය භාණ්ඩය මෙසේ තබාගෙන සිටිනවා නොවේද...jia er සිනාසුනා...
ඔබ වාද්‍ය භාණ්ඩයක් නොවේනෙ ඉතින්.....chun mei පැවසුවා.....
ඔව්...ඔබ පවසන පරිදි.......මා ඔබේ සේනාධිපතිතුමා.............jia er පැවසුවා....
එසේ තමයි...chun mei තම ඇඟිලිතුඩු ඔහුගේ හිසකෙස් අතර ගෙන ගියා....
අවසන් වරට යමෙක් මගෙ හිස අතගෑවේ වසර 10ට පමණ පෙරයි...jia er දෑස පියාගෙන පැවසුවා...
කවුරුන්ද ඒ....
මගේ මෑණියන්...මා ඇගේ උකුල මත හිස තබාගෙන සිටීමට පුරුදු වී සිටියා...ඇයත් ඔබ ලෙසම මගේ හිස අතගෑවා.....jia er පැවසුවා........
ඇය අහිමිවිමෙන් පසු මා තනි වූවා...එතැන් සිට මා කිසිම සෙනෙහසක් පසුපස හඹා ගියේ නැහැ...නමුත් ඔබ ලඟ මා නතර වූවා...jia er ඇගේ මුහුණ අල්ලමින් පැවසුවා...
ඔබ පිටතට පෙන්වන තරම් දරදඬු නොවේ.....නොපෙනේද...හැසිරීම කුඩා දරුවෙකු වගේ...සුරතල් වීමටමයි පැමිණෙන්නේ...chun mei පැවසුවා....
එසේ ද සිතන්නෙ..මා ඔබ හිතන තරමට සුරතලෙකු නොවේ...බලා සිටින්න...දැනගත හැකිවේවි...මා දරුණු මෘගයෙක්...jia er පැවසුවා......
මා බොහෝ බියට පත්වූවා එසේනම්...chun mei පැවසුවේ ඔහුගේ නාසය මිරිකමින්...
සේනාධිපතිවරයකුගේ නාසය මිරිකීමට තරම් ඔබ නිර්භීත වූයේ කෙසේද...ඔබට මරණ දඬුවම ලබා දෙනවා...jia er පැවසුවා...
එසේද....chun mei මෙවර ඔහුගේ කනක් මිරිකුවා.....
ආ..ඔබ විශාල වරදක් සිදුකලේ....jia er ඇගේ උකුලෙන් හිස එසවූවා...
ඔබට දඬුවම් කරනවා...
ඊට පෙර මා අල්ලාගත යුතුයිනේ...chun mei නැගිට දිවගියා...
නොහැකි බවද සිතුවේ.....නැගීසිටි jia er ඈ පසුපස හඹාගියා....
Chun mei ට වැඩිදුර යාමට හැකිවූයේ නැහැ...
Jia er පැමිණ ඈව වැලඳගෙන අල්ලාගත්තා...
ඔබට එසේ පහසුවෙන් මා හැර යා නොහැකියි chun mei....jia er ඇගේ කනට කොට පැවසුවා....
ඔබ මා අල්ලගත්තා එසේනම්...එය නොවේ...බලන්න...හිරු බැස යන ආකාරය....chun mei ඈත අහස දෙස බලමින් පැවසුවා.........
හ්ම්.....ඉතා සුන්දරයි...ආ...ඔබට දීමට යමක් තිබෙනවා...jia er පැවසුවා...
කුමක්ද ඒ...........chun mei විමසුවා.....
Jia er ඔහුගේ කමිසය තුලින් දිගැටි පාර්සලයක් පිටතට ගත්තා...
මෙය ඔබ සඳහායි......jia er එය ඇයට ලබා දුන්නා...
Chun mei එය විවර කොට බැලුවා......
මෙය....ඔබ කෙසේද මෙය මිලදීගත්තේ...ඇය පුදුමයෙන් විමසුවා....
ඒ තුල වූයේ jia er මිලට ගත් ඒ හිස් පලදනාවයි....
මා දුටුවා...ඔබ එය ඉතා ආසාවෙන් තබාගෙන සිටි අයුරු...මා ඉතින් මිලදීගත්තා...jia er පැවසුවා...
ඔබට කෘතඥ වෙනවා....සේනාධිපතිතුමනි...මෙය ඉතා අලංකාරයි...එදින මා එයට බොහෝ ආසා කලා...ඔබ එය මා වෙනුවෙන් ලබාදුන්නා...chun mei බොහෝ සතුටින් පැවසුවා....
එය නොවේ...ඔබ තව කෙතරම් කල් මට සේනාධිපතිතුමා යනුවෙන් අමතනවාද...jia er විමසුවා...
එසේ නොවේනම් මා කුමක්ද පැවසිය යුත්තේ...chun mei විමසුවා.....
ඔබට නොහැකිද...මට jia er ලෙස අමතන්න...ඔහු විමසුවා...
නමුත්...මා කෙසේද..එසේ ඔබතුමා වැන්නෙකුට..........
ඇති...මමයි ඔබට පවසන්නේ...එසේ අමතන්න..නැතිනම් මට දුරස් බවක් හැඟෙනවා...jia er පැවසුවා......
එහෙමයි සේනාධිපතිතුමනි...chun mei පැවසුවා...
නැවතත් පැවසුවා...jia er ඈ දෙස රවාබැලුවා..
එහෙමයි jia er.....ඇය සෙමින් ඔහුගේ නමින් ආමන්ත්‍රණය කරන විට jia er ගේ මුවෙහි තිබුනේ සුන්දර සිනාවක්....
බොහෝ සවස් වෙලා...හිරු අවරට යාමට ඉතා ආසන්නයි....
ඔබ යායුතුයි නේද...jia er chun mei දෙස බලමින් විමසුවා...
එසේයි...ඇය දුකින් මෙන් පැවසුවා.....
ඔබ දුකින්ද chun mei...ඇගේ වෙනස වැටහුනු jia er විමසුවා.......
ඔබව දමා යාමට අකමැතියි මා...chun meiගේ හඬේ සුරතල් බවක් ගැබ්වීතිබුනා...
අපි නැවත හමුවෙනවනෙ ඉතින්...jia er ඇගේ මුහුණ බැලුවා..ඈ තොල සපාගෙන ඔහු දෙස බලා සිටියා...
Jia erට දැනුනේ දැඩි නොසන්සුන් බවක්...
ඔය ලෙස බලන්න එපා chun mei...මගේ සිතෙහි පාලනය ගිලිහීයනවා...jia er සිතුවා..
ඔබ කුමක්ද කල්පනා කරන්නේ...ඇය දෑස් විශාල කොටගෙන ඔහුගෙන් විමසන විට තමාගෙ පාලනය ගිලිහී යන බව ඔහුට වැටහී ගියා....
ඔබ කුමක්වත් පවසන්නෙ නැහැනෙ...මා යන්නම්...අමනාපයෙන් මෙන් ඈ නැවත හැරුනා.......
තම සිතෙහි පාලනය අන්තයටම සිඳී ගිය jia er එක්වරම ඇගේ අතින් අල්ලා තමා වෙත ඇදගත්තා....
Jia er ඔබ...................
Chun mei යමක් පවසන්නට උත්සාහ කලා...
නමුත් ඇගේ වචන අවහිර කරමින් jia erගේ දෙතොල් ඇගේ දෙතොලතර රැඳුනා...
Jia er ගේ දෑත ඇගේ ඉණවටා තදින් බැඳී තිබුනේ යදමක් ලෙසිනුයි......
Jia er ගේ පපුව මත රැඳී තිබූ chun mei ගේ දෑත් සෙමෙන් ඔහුගේ ගෙලවටා බැඳුනා...
Chun mei ගේ මුලු ගතම අමුතු උණුසුමකින් වෙලී යද්දී හිරු ද ලැජ්ජාවෙන් මෙන් කඳු මුදුන් අතර සැඟවී ගියේ තම අවසන් රශ්මි ධාරාවෙන් මේ ආදරණීය යුවල නහවමිනුයි..........
ඔන්න...1st kiss එක දුන්නෝ...කොහොමහරි ඒකට ගැලපෙන photo එකකුත් ඔන්න masha හොයාගත්තා...හිතෙන දේ කියාගෙනම යන්නකෝ...🌷