Elleina Zeal's POV
"May kasalanan ka ba, Ms. Suarez? Pinapatawag ka daw ni Mr. Baider" sabi ni Prof. Katharina. "Lumabas ka na bilisan mo"
Mabilis akong lumabas. Bakit naman kaya?
"Ahm, excuse me?"
May kumalabit sa akin habang naglalakad sa hallway. Nilingon ko siya.
"Ah sorry. Akala ko kakilala ko" tinitigan niya 'ko nang mabuti.
Pinagmasdan ko ang kabuuan ng isang lalaki. Mukhang may kaya, sa tingin ko ay nasa 40+ na ang edad niya.
"Ah okay po, una na po ako" at saka ko siya tinalikuran.
Nang makarating ako sa office ni Mr. Baider ay ngiti agad ang ibinungad niya sa akin.
"Apo" masigla niyang bati.
"Lolo, bakit niyo po ako pinatawag?"
"Iimbitahin kita sa aking kaarawan bukas" inabot niya ang isang imbitasyon.
Simple lang iyon at halatang piniling maging gano'n.
"Darating po ako"
"Nako! Salamat apo ko!"
Iyon lang at pinabalik niya na ako sa klase ko.
"Bakit ka pinatawag?" usisa ni Carme.
"Wala lang. May tinanong lang"
"Ano?" Mukhang 'di ako titigilan nito ng pangungulit.
"Wala 'yon"
Nakasimangot siyang umupo sa tabi ko.
KINABUKASAN.
Nagmadali akong maghanda ng susuotin ko mamaya. Naghahanap ako sa closet ko, 'di ko alam kung bakit nae-excite ako.
"Andiyan si Kean!" Masayang sabi ni Kuya Zen.
Tiningnan ko siya para bang may pangaasar sa mukha niya habang nakangisi. At for the first time ay inaasar niya ko.
"I like him for you" nakangiti kong sinulyapan si Kuya Zen. Sa tono niya ay may awtoridad pa din pero mababatid ang pagkagusto kay Kean.
"Kuya naman!" Pilit kong tinatago ang kilig.
Nagmadali akong lumabas at bago ako humarap kay Kean ay nag-inhale, exhale muna ako.
Todo pagpipigil ko sa kilig na nararamdaman. Nang magpakita ako sa kaniya ay awtomatikong lumaki ang ngiti sa labi niya.
"Hi, beautiful" nakangiti niyang bati.
"Hello" sa isip ko ay gusto kong dugtungan iyon ng 'handsome'
Ayiiiieeeee! My gosh! Tumatalon ang puso ko! KEAAAAANNN!!
"I bring you dessert" nakangiti niyang sabi pilit ding itinatago ang ngiti.
"Ang tamis naman!" Narinig kong biro ni kuya Zen.
Nagugulat ko siyang tiningnan.
'Di naman halata 'no? Na botong-boto siya kay Kean. Yiiee!
Himala ang inaasal ni kuya Zen dahil hindi ito ang normal niyang ugali.
"Leche flan ito. Ako nagluto nito" malaki pa rin ang ngiti ni Kean habang may inaabot na lalagyan.
"Talaga?" Lumapit ako at binuksan iyon. Sa sobrang tuwa ko ay sinawsaw ko ang hintuturo ko at tinikman iyon.
"Hey! Matu-turn off si Kean!" Saway ni Kuya Zen.
Nahihiya ko namang nilingon si Kean na ngayon ay nakatitig sa akin at poging-pogi ang pagkakangiti.
Dug.dug.dug.
Ang pogi!
Sigaw ko sa isip ko.
"Una na rin ako, hinatid ko lang 'yan. Bye, beautiful. See you around"
That endearment! 'Beautiful' ugh! I think hihimatayin ako sa kilig!
Tango lang ang naisagot ko dahil sa pagpipigil na ngumiti. Hinatid ko siya sa may gate.
"Thank you.." nahihirapan kong ituloy ang sasabihin. "Thank you, handsome" mabilis kong sabi at nagmadaling talikuran siya.
Pagkapasok ko ng bahay ay bumungad ang malaking ngiti ni Kuya Zen.
"You're beautiful, huh?" Pangaasar ni kuya Zen.
Nagmadali ko siyang iniwan at pumunta sa kwarto.
At do'n ko na nilabas ang impit na kilig na tinatago ko.
KEANNNNN!!!!!
Nakangiti akong naghanda para sa party mamaya.
Birthday ni Mr. Baider.
Bumili ako ng neck tie, isang simpleng black na may pagka-silky ang tela niya. Sana magustuhan ito ni Mr. Baider.
Nagsuot ako ng simpleng damit. Fitted-white dress, kahit sinasabi ko na 'di ko ito gusto ay nakikita ko nalang ang sarili kong suot ito. Nagmake-up ako ng kunting-kunti at inayos ang straight kong buhok.
Tiningnan ko ang kabuuan ko sa salamin. Maganda naman kahit papa'no. Gusto kong makita ako ni Kean sa ganitong hitsura.
Paglabas ko ng kwarto ay samu't saring asar nanaman ang inabot ko sa mga kuya ko.
Lumabas ako ng bahay at sinilip ko kung makikita ko si Kean. Lingon ako nang lingon.
"Hinahanap mo ba ko? Ms. Beautiful" napatalon ako nang lumabas si Kean sa likod ko na 'di ko namalayan.
"Ah hihi" nanlaki ang mga mata niya nang makita ang hitsura ko.
Sabi ko na nga ba!
"You're really beautiful!" Namamangha niyang tiningnan ang kabuuan ko.
"Hihi, salamat. Sige alis na ko" tinalikuran ko siya dahil kinikilig nanaman ako sa sinasabi niya.
"Ayaw mo bang magpahatid sa Mr. Handsome mo?" Nakangiting habol niya sa akin.
"Hindi na" impit ang kilig kong sabi sa kaniya.
"Ahm. Sige, pero ingat ka doon huh? Intayin kitang makauwi" nakangiti niya pa ring sabi. "Ingat ka palagi"
"Hmm"
Kulang nalang I love you! Ahhhhh!!
Iyon lang at 'di na nawala ang ngiti sa labi ko hanggang makarating ako sa bahay ni Mr. Baider.
Ang inaasahan ko ay maraming tao, magandang dekorasyon at maingay na bahay pero iba ang dinatnan ko, tahimik na bahay at walang tao maliban sa pamilya, kasambahay at iba pang taga-silbi.
"Hija? Ikaw pala ang bisita ni Daddy" tiningnan ko ang lalaking nasa harapan ko. Siya iyong nakita ko sa hallway no'ng isang araw.
So, anak pala siya ni Mr. Baider?
"Opo, bakit po walang tao?" Nagtataka kong tanong.
"Ganito talaga mag-celebrate ang pamilya namin" malungkot niyang sabi bagamat may ngiti sa labi. "Ako nga pala si Laurex"
"Dad? What is she doing here!?" Napatingin ako kay Diamond na ngayon ay mataas na mataas ang isang kilay.
"Diamond anak! Bisita siya ng lolo mo"
"Okay. Whatever" iyon lang at tumalikod na si Diamond.
"Welcome to our house, hija" yumakap sa akin ang babaeng sa tingin ko ay kaedaran din ni Laurex.
"I'm Tassiana. I'm his wife" baling niya kay Laurex.
"Nice to meet you po"
"Apo!" Nilingon ko ang masiglang boses na iyon at nakita ko si Mr. Baider na pababa ng hagdan.
"Mr. Baider? Happy Birthday po!"
"Salamat apo dumating ka" ginaya niya ako sa isang mahabang lamesa na punong-puno ng iba't ibang pagkain.
Ang laki ng bahay sobrang laki!
Nagagandahang chandelier at malagintong mga kagamitan. Maraming katulong at body guard. Napakaganda ng kanilang mansyon halatang sobrang yaman.
"Duh! Let's eat" mataray na sabi ni Diamond.
Nilagyan ako ng pagkain ni Tassiana.
"Kumain ka ng marami!" Nakangiti niyang sabi.
Sa kalagitnaan ng pagkain ay sumusulyap sa akin si Laurex na animong nagtataka.
"Ahm. Pwede po ba magtanong?" 'Di ko matigilan ang katahimikan.
"Ano iyon, apo?" Nakangiting sabi ni Mr. Baider.
"Bakit po hindi bongga at walang bisita ang birthday mo po? Kung okay lang po hihi"
"Ah kasi.." bumuntong hininga siya. "Bawal kami mag-celebrate ng 'di nareresulba ang isang kaso"
Huh? Anong klaseng? Kaso?
Nagtataka akong tumingin sa kanilang lahat.
"Kailangan muna naming mahanap ang nawawalang ahm--ano" 'di alam ni Laurex kung itutuloy iyon. "Ilang taon ka na, Elle?"
"19 po. Bakit po?" Nagtataka ko siyang tiningnan.
"As if she's the long lost daughter of tito Laurenz. Of course, she's not dad!" mataray na sabi ni Diamond at umirap pa.
Nawawalang anak ni Laurenz? Iyong isa pang anak ni Mr. Baider?
Parang bigla ay naguluhan ako sa mga sinasabi nila. Wala akong ideya sa pinaguusapan.
"Don't mind her, hija. I just can't believe that you really looks like my oldest brother, Laurenz" nakangiting sabi ni Laurex.
"Ah ganoon po ba? Hihi okay lang po"
"Kaya siguro malapit ang loob saiyo ni dad dahil kamukha ka ni Laurenz" nakangiting sabi ni Tassiana.
Ngiti lang ang sagot ko.
Nang matapos ang akala kong party pero dinner lang pala para sa birthday ni Mr. Baider. Lumapit ako sa kaniya.
"Lolo, I have a gift for you" lumapad ang ngiti niya sa labi. Inabot ko ang nakabalot kong regalo, necktie.
"Salamat, apo" niyakap niya ako. Nang tingnan ko siya ay may mga patak na siya ng luha sa pisngi.
"Bakit po?"
"I can feel my granddaughter to you" nakangiti niyang sabi habang pilit pinapalis ang luha.
"Nako. Mr. Baider. Don't cry. You should be happy it's your birthday!"
"Salamat apo"
Nang matapos ang gabing iyon ay nagsimula na kong magtanong kung ano nga ba ang nangyari sa apo ni Mr. Baider at do'n sa Laurenz na panganay niyang anak?
Siguro naman ay nagkataon lang na kamukha ko ang Laurenz na iyon dahil kahit saan banda ko tingnan ay anak ako ni Mel at Zecka, ng mom and dad ko. At kahit kailan 'di ko pinagisipan na ampon ako or what dahil sobrang pagmamahal ang ibinibigay nila pati ng tatlo kong kuya.
Nakatulugan ko ang isiping iyon ng 'di nasasagot ang tanong ko.
Sana kung nasaan man ang apo ni Mr. Baider o ang panganay niyang anak na si Laurenz ay maging maayos na sila.