Elleina Zeal's POV
"Elle, nagdala ako ng breakfast for you" sabi ni Clench habang inaabot ang lunch box.
"Salamat, Clench" ngumiti ako sa kaniya at kinuha iyon.
"Kumusta naman ang araw mo, kahapon?"
Magkasabay kami ngayon papasok sa Laurente.
"Nakakapagod" matipid kong sagot at bumuntong hininga pa.
Nang makarating na kami sa tapat ng room namin ay nagpaalam na siya.
"See you later" ngumiti siya at nag-wave ng kamay sa akin.
Pagpasok ko sa room ay nakabilog ang mga babae kong kaklase pati si Carme, Ali, Arah, at Sharina ay nandon sa bilog may pinaguusapan, pinagchi-chismisan rather.
Nang 'di sinasadyang lumingon si Carme sa likod ay nakita ako. Nagmadali siyang hilahin ako para makasama sa bilog, halos magkapalit ang mga mukha namin sa sobrang lapit.
"Sabi ng Senior natin ay mag-iingat daw tayo sa The Big Three" sabi ni Arah na seryosong-seryoso.
Ano bang pinaguusapan nitong mga 'to at kailangan pa ganitong posisyon?
"The Big Three?" Tanong ni Ali ng nakakunot ang noo.
"Sila ang malulupit na teacher ng GenSci, strikto at talagang 'di makakalampas ang walang natutunan" mahinang paliwanag ni Arah.
"Ang rinig ko pa talagang nang-gigisa sila yari ka kapag tinawag ka at 'di nakasagot" mahahalata ang takot kay Sharina.
So, teacher pala ang pinaguusapan nila? Hahaha mga chismosa pero ewan ko bakit kasama pa ko sa bilog na 'to? Chismosa din ako? Hahaha ugh.
"Si Ma'am Rafon, organic chem teacher ay talagang manginginig ka sa kaniya kapag tinawag na ang pangalan mo" patuloy ni Arah.
Gusto kong matawa dahil halos magbulungan nalang sila tapos sobrang labi ng mga mukha na magkadikit na ang pisngi.
"Nakakatakot pala sila" nangilabot pang sabi ni Carme.
"Ma'am Katharina, napakagandang babae at mabait pero malupit ang exams niya. Ang hirap hirap!" kwento nanaman ni Sharina.
"Ma'am Danita, nasa kaniya lahat ng nakakatakot para sa isang teacher at sinisugurado niya na magiisip ka talaga sa subject niya" seryosong sabi ni Arah.
"Iyon naman pala, eh, edi masaya dahil matututo tayo" 'di ko na napigilan sumingit.
Nagtinginan lahat sa akin. Nag-peace sign lang ako.
Pagkatapos namin magchismisan ay nagsimula na ang klase. Botany ang subject, si Ma'am Katharina ang Professor.
"Draw the microscope, label the parts and functions" nakangiting sabi ni Ma'am Katharina.
Woah! Malupit nga.
Namamangha ko siyang tiningnan. Sigurado akong may edad na siya pero napakaganda pa rin niya. Kinuha namin ang microscope at tinitigan muna iyon.
"Start now! Mamaya ay may recitation tayo" ang pagkakangiti kay Ma'am Katharina ay naroon pa rin.
Nagmadali naman kami sa aming ginagawa. Marunong ako mag-drawing dahil kapag GenSci ka, Major in GenSci ka and Minor in Arts as well.
Nagsimula kong i-drawing ang microscope. Simula sa ocular eyepiece hanggang marating ko ang stage at base ng microscope. Maya maya pa ay tapos na ko. Nakangiti kong tinitigan ang drawing ko.
Pwede na!
"Tapos ka na agad?" Nakangusong sabi ni Carme.
"Oo bebs" ngumiti ako sa kaniya.
"Ang bilis mo idrawing mo ko!" Hinawakan niya pa ang braso ko.
"Akin na idrawing ko mukha mo" tatawa-tawa kong biro sa kaniya.
"Microscope hindi mukha ko!" tumaas ang kilay niya. Nagmamaldita nanaman.
"Ayaw ko nga! Tinatamad na ko" ngumisi ako sa kaniya.
"Ano ba yan. Ang hirap kaya tingnan mo 'di pantay sa gitna ang drawing ko" tinaas niya pa ang drawing niya.
Sinilip ko ang drawing niya at natawa ako nang halos mapunit ang papel sa diin ng pagkaka-drawing niya at wala sa gitna ang microscope.
"Kaya mo na 'yan haha" natatawa kong sabi sa kaniya. Sumimangot siya at nag-drawing na ulit.
"Ms. Suarez, tapos ka na ba?" Hindi ko napansin ang paglapit ni Ma'am Katharina.
"Di pa po, parts and functions pa po"
"Subukan nga kita" ngumisi siya sa akin. "What is the meaning and purpose of microscope?"
"Micro means small and scope means to see that's why, the purpose of microscope is to see very small things that can't see by our naked eye" mabilis kong sagot sa kaniya.
Tumango siya sa akin pero nagtanong ulit.
"Can you name the three major parts of microscope?"
"Mechanical, illuminating and magnifying parts. Mechanical serves as framework, Illuminating produce light entering the microscope and magnifying parts enlarge the objects"
"Hmm" tumango lang siya pero may ngiti sa kaniyang mga labi.
At saka siya tumalikod at tumingin sa iba namin kaklase.
"Ang galing mo, Bebs!" Tumatalon-talon pa si Carme.
"Paturo ako ah!" Namamangha namang sabi ni Ali.
Pagkatapos no'n ay nilagyan ko na ng parts ang microscope.
Hmmm? Draw tube, eyepice, stage, stage clip, revolving nosepiece, objectives, condenser etc.
Iniisip ko iyan habang nakatingin sa drawing ko.
Nang matapos ang klase ay pumasok naman ako sa last subject na Gen. Psych.
"Hi, Elle!" Bati ni Kean.
Dahil siguro nagkausap na kami kagabi kaya bumalik na siya sa dati.
May paghalik ah, Kean? Saan niya nga ba ako hinalikan? Baka sa pisngi lang naman 'ata? Wala lang iyon! Dahil kung sa labi ay siya ang first kiss ko!
Napatitig ako sa kaniya sa naisip ko pero agad ko rin pinalis. Siguro naman ay sa noo o pisngi lang naman. Hihi.
"Hello, Kean" nakangiti kong bati sa kaniya.
Tiningnan ko si Flair, diretso lang siyang nakatingin sa unahan. Himala at 'di siya nangaasar. Nakatitig lang ako sa kaniya pero nang magbalik ako ng tingin kay Kean ay nakatingin pa rin pala siya sa akin.
"Ano nangyari sa kamay mo?" Tanong ni Kean.
Tiningnan ko ang kamay ko.
Psh! Namumula pala ito 'di ko napansin!
Malamang ay dahil sa pagsuntok ko ito kay Bloody.
"Wala 'to" ngumiti lang ako sa kaniya.
Dumating na mana si Adona the great kaya 'di na kami nakapagusap.
"Get one whole sheet of paper and write what you've learned yesterday. Walang magbubukas ng notebook"
Kumuha ako ng papel at nagsimula ng magsulat, pumikit para alalahanin kung ano ba ang inaral namin kahapon. Nakita ko si Kean at Flair na panay na ang sulat nila.
Erik Erickson Psychosocial Development Theory!
Iyon ang inaral namin naisip ko na rin.
Nang matapos ang klase kaniya-kaniyang paalam na kami at umuwi na.
Habang tinatahak ko ang daan pauwi nakita ko humito ang kotse ni Flair kaya nagpabagal ako ng takbo ng kotse. Lumabas siya ng kotse at matamlay na naglakad palapit sa isang bahay.
Baka bahay niya yan? Malapit lang pala sa may sa amin.
Pinanood ko pa siya para na siyang matutumba, napahawak siya sa pader ng papasukan niyang bahay pero nagulat ako nang sumuka siya sa gilid.
What is happening to you, Flair?
Nagmadali akong bumaba at inalalayan siya. Parang titirik na ang mga mata niya no'ng tumingin sa akin.
Sobrang init niya!
Tiningnan niya lang ako ng may nagtatakang tingin at saka siya hinimatay at natumba sa akin.
Ang bigat mo, huh!
Nakabukas na pala ang gate kaya pinasok ko siya sa bahay.
Nako! Mamaya 'di niya 'to bahay? Patay ako!
"Tao po!" Nakailang ulit ako ng tawag pero walang sumasagot.
Pilit kong kinausap si Flair.
"Bahay mo ba ito? Nasaan ang susi?"
Tumango lang siya at may dinukot sa bulsa, ibinigay niya ang susi. Nagmadali akong kinuha iyon at binuksan ang bahay.
Nang makapasok kami ay may nakita akong note.
Dear hijo,
Nagkaro'n ng emergency sa bahay kaya umuwi muna ako ng probinsya. Pasensya ka na 'di kita hinintay.
Manang Cora
Sino iyon? Baka kasambahay? So wala siyang kasama dito?
"Saan ang kwarto mo?"
Tinuro niya lang. Inakyat ko sya sa kwarto niya at inihiga.
Kawawa naman siya. Wala siyang kasama dito? Ang laki ng bahay pero mag-isa lang siya? Nasaan ba ang mga magulang mo?
Kinapa ko ang noo niya.
Psh! Sobrang init mo!
Naghanap ako ng towel at binasa iyon. Idinampi-dampi ko sa buong mukha niya.
"Please stay here" mahina niyang sabi.
"Ahm? Pagiisipan ko"
"Mommy" ngumiti siya pero nakapikit pa din.
Baka akala niya ako ang mommy niya? Hahaha baliw siya.
Iiwan ko na sana siya at uuwi pero no'ng akmang tatalikod na ako ay hinawakan niya ako sa pulsuhan.
"Don't leave me"
Tinitigan ko siya. Nakakaawa naman.
Mahigpit na pinagbabawal ang manood sa taong humihingi ng tulong dapat sinuman ay iyong tulungan.
Pumasok sa isip ko ang sinumpaan kong tungkulin sa organisasyon. Kinuha ko ang cellphone at tumawag kay kuya Zeke.
"Kuya, I'm not going home"
"At bakit, aber?" Tanong niya sa kabilang linya.
"May group study kami sa bahay ni Carme"
"Sunduin nalang kita mamaya"
"Hindi na, bestfriend bonding na din"
"Okay, take care" ibinaba ko na ang tawag at saka tumawag kay Carme at sinabi kong kapag tumawag si Kuya ay sabihin na nandoon ako sa kanila.
'Di ko pwedeng sabihin nasa bahay ako ng lalaki mamaya kung ano isipin niya.
Nakapikit kong hinubad ang uniform ni Flair at pinunasan ang kaniyang katawan ng bimpo. Naghanap ako ng sando niya sa closet at nakapikit ko pa ring isinuot iyon sa kaniya.
"Kung 'di lang dahil sa organisasyon at sa awa ay iniwan na kita" pabulong ko.
Tinitigan kong muli ang mukha niya.
"Pogi ka pala, eh, 'no?... kapag tulog hahaha" natatawa kong kausap sa kaniya habang natutulog.
Nagutom ako kaya bumaba ako at naghanap ng makakain namin. Nagsaing at nagluto lang ng itlog. Makabubuti ito sa kaniya kaysa ham o kung anong preservatives na food ang kainin niya. Nagluto rin ako ng lugaw at umakyat na.
"Flair?" Tinapik ko ang pisngi niya. "Kumain ka na at uminom ng gamot" nagmulat siya ng mata at ngumiti sa akin.
"Thank you, mommy" nagulat ako sa sinabi niya.
Mukha ba akong nanay niya? ugh.
Binalewala ko nalang iyon, pinaupo ko siya at sinubuan. Gulat ako sa bawat subo niya dahil magana siya at bawat subo ay tumitingin at ngumingiti sa akin.
Maya maya pa ay nakatulog na siya. Tinitigan ko ulit siya at sinapo ang noo. Kahit papano ay 'di na katulad kanina medyo okay na siya.
Nakatulugan ko na ang tumitig sa mukha niyang natutulog.
Sana tulog ka nalang palagi para pogi ka sa paningin ko.
Javen Flair's POV
Nagmulat ako ng mata dahil sa liwanag na tumatama sa aking mukha. Babangon na sana ako ng may maramdamang tao sa gilid ng kama ko, nakayuko at natutulog.
"What the? What are you doing here?!" Napasigaw ako ng marealize kung sino ang nasa tabi ko.
Umangat ang ulo niya at pupungay-pungay ang matang tumingin sa akin.
"Uwi na ko, bye" tumayo na siya at tumalikod.
Hahayaan ko sana siya pero naalala ko ang nangyari kahapon.
Akala ko si mommy siya? Tingin ko ay si mommy. Sobrang miss ko na si mommy. Nalungkot ako sa naisip.
"Sandali, Zeal!" Lumingon siya "Salamat" ngumiti siya sa akin at tumango.
Lumapit siya muli at sinapo ang noo ko.
"Magaling ka na pero inumin mo pa rin ang gamot na iniwan ko sa side table mo"
Nangilid ang luha ko nang sabihin niya iyon. Naalala ko si mommy sa kaniya.
Sa tuwing may sakit ako, mahina at may nararamdaman kahit kailan hindi niya 'ko pinababayaan. Sa lungkot ko ay nayakap ko siya.
"Salamat" bulong ko sa kaniya pero inilayo niya 'ko sa kaniya.
"Si Zeal 'to hindi ako ang mommy mo. Okay ka na ba talaga?"
"Alam ko" tatawa-tawa kong sabi sa kaniya. "Thank you, Over Melanin" pangiinis ko sa kaniya.
"Welcome, impaktong Flair" gumuhit ang ngisi sa labi niya at saka siya tumalikod at naglakad palayo.
Sinundan ko siya at sinabing ihahatid na pero tumanggi siya at nagpaalam na pero sinamahan ko pa din pababa. 'Di ko napansin na nakangiti ko na palang tinatahak ang daan pabalik sa loob ng bahay.
"Laki ng ngiti, ah?"
Napatingin ako sa taong nagsalita.
"Daddy?"
"Binata ka na ngang talaga may girlfriend ka na" sabi niya sa nangaasar na tono.
"She's not my girlfriend"
"She's not your girlfriend but I can see that one day you'll marry her" nakangiti niyang aniya saka tumalikod sa akin. "I'm going back to the office. Make sure that you take your medicine para 'di magalit ang future girlfriend mo" pangaasar niya pa sa akin bago tuluyang umalis.
Himala pinansin niya ko, ilang taon ko itong hinintay. Pinanood ko nalang ang paglakad niya papalayo.
SHEMAY! No wayyy!! Ang Over Melanin na iyon? Pero pa'no kung tama si dad? Shut! In your dreams dad!
She's not your girlfriend but I can see that one day you'll marry her
She's not your girlfriend but I can see that one day you'll marry her
She's not your girlfriend but I can see that one day you'll marry her
Nagpaulit-ulit iyon sa tainga ko.
I will marry her? Unbelievable! Mamamatay muna ako bago ko siya pakasalan! Shut!
Talaga ba, Jave?